2006 年 6 月 20 日 星期二 【晴】

哇....3點架英格蘭VS瑞典....好彩冇等到瞓著啦,因太好睇啦!!

一開場2分鐘,奧雲只係傳o左一次波就要比人抬返去啦,你在幹嗎(怒)之後就換入o左,最唔討我好架高治入來啦~~上半場,最落力架係祖高爾啦(我冇偏心架)佢有好多掂波架機會啦,同又有二次試射架機會~~其中一次仲要係遠射入死角,打開了1:0(COLE Joe你都真係好勁、好可愛、好得意,真的是球場上的二宮和也啦^_^)下半場,一開波冇幾耐,到瑞典入波啦,變成1:1,不過之後又比返祖高爾架靚傳比謝拉特,一頂入網,2:1~~但冇幾耐又比瑞典追回,最後2:2平~~都好英格蘭唔洗對德國^_^

睇完哩場....5點,即瞓,之後就9點幾起來,準備去dinseyland,係呀,又去呀,岩岩好一個月去一次^_^不過今次係有亞kwan & ricky!! Ricky佢仲係到話我,都第2次架啦,但仲好似好開心咁,哈哈~~我係小朋友嘛,一入到dinseyland就會好開心架啦,咩煩惱都唔記得架啦~~仲要特別鳴謝大佬佢啦(見到佢黑o左好多哦,哩個係做dinseyland架後果)如果唔係佢,我唔會由"雙重驚喜"變"三重驚喜"啦!!因今次入去係free架~~所以我仲有一次入去dinseyland架機會,不過,唔入啦,因要6月28日前啦~~

今次架好天,仲要係好曬~~一入到去,我地唔係同公仔影想先啦,係玩o左野先同睇show先~~
之後同下pooh pooh影相,今日架pooh pooh好似食錯藥咁啦,係咁扭pat pat同打佢個肚腩仔,好得意哦,所以我就同佢係度玩扭pat pat^_^同o左大鼻鋼牙影,哎呀....鋼牙嬲啦~~因佢比工作人員話佢周圍採花啦,最後仲要比工作人員收o左佢支花,最後竟然係我氹番佢啦~~接住,又同o左隻食錯藥架donald duck影相,哈哈~~我仲係度玩佢同佢講:donald你甩鞋帶啦!!之後佢就係度指住我,佢仲要整起佢個肚腩仔扮綁鞋帶,好可愛哦~~又有同布魯圖、高飛、愛麗絲影相~~見到白雪公主、灰姑娘同睡公主,係冇影到架,因.....算吧,又唔係貝兒>_<"全日最錫我架係跳跳虎啦,佢真的錫了我呀,仲要影得好靚啦,SO SWEET(大心)

玩game,我地都係只差2個game冇玩啦,其他都玩晒,今次我好勁哦,玩pooh pooh個個影到相,同space mountain都V得到手,但唔知個鏡頭係邊啦~~同又睇o左一個好好睇架巡遊(正)
終於,同o左city hall架靚仔亞hong影o左張相,一半為亞mo影,一半是為....自己啦,哈哈~~但原來佢係ricky架朋友來的啦(汗)

今次入dinseyland,只係買o左個水壺比翹瑩,自己咩都冇買,連係入面都冇食到野,但都有收穫,就係3張fastpass、2個襟章、一套貼子,全部都係dinseyland員工比的啦^_^睇埋煙花就走,等埋大佬收工去旺角食飯,即我架全日架第一餐~~去旺角前,佢仲車o左我去睇dinseyland酒店到睇,靚架~~最後搭順風車回家!!



>




>>June 22, 2006 at 8:49:00 AM GMT+8

2006 年 6 月 19 日 星期一 【晴】

真的夏天來臨了,一早七點幾架陽光曬醒了我.....所以最後都只係瞓o左4個鐘咋>_<"

返工...雖然thomas佢去o左旅行--->北海道,真羨慕,哎呀....我都想快快去旅行哦~~今日都半hea咁做野!!哎呀...又比kasu蝦我啦>_<"其實係玩的啦^_^其他同事又係到叫我做小妹妺,又係咁請我食野,哈哈~~其實我七老八十啦^_^

放工,去o左沙田陪王小mo去申請"特區",哇.....洗唔洗咁多人,我地去到個時,仲要下午架籌只得番10個,好彩都攞到~~最後我地係入境處到坐了2個小時先可以走得....接住我地又去o左西田買整蛋糕的東西,因我去亞哥個度,用"電飯煲焗蛋糕"都幾好食哦^_^好快就食晒囉~~

好....今晚靜心等候....英格蘭VS瑞典....

>>June 22, 2006 at 8:18:43 AM GMT+8

2006 年 6 月 18 日 星期日 【綿綿細雨】

晚上突然下起大雨來了.....真討厭下雨天.....好似令整個世界都變得很霉、很灰.......

巴西VS澳洲.....巴西贏,但沒有預期中贏咁多啦,只係2:0...所以令到成場都唔係咁好睇,同覺得巴西好似都未盡全力架感覺~~

happy birthday to hing

晚上,又去o左我上次生日的個間cafe(哈哈~~我到而家都係唔記得個間野叫咩名的啦^_^")去cafe之前,等埋成成一齊上去點知約8:00,但竟然係我同成成最早到囉>_<"之後就係穎琳同森苗....接住其他人都開始到啦~~個間cafe D野食都真係幾好食^_^我地今次玩o左好多野哦^_^同又有亞lo、smile同成成架IQ題.....玩到"襟棉枱"亞陳伯william,慢到嘔~~之後就轉玩"3級豬"哈哈~~本來係7級的,我們縮短來玩啦,最後係smile佢輸o左,要同隔離枱玩小朋友玩個D釣魚~~玩到差唔多十二點就回家啦~~



好想說句:你去死吧!!個日記又冇啦啦壞o左(怒)

>>June 22, 2006 at 8:29:36 AM GMT+8

2006 年 6 月 17 日 星期六 【晴】

昨天發了2個古怪的夢了,第一個是夢見ohno佢啦,竟然我係夢到是識ohno佢啦~~點解唔係nino呀?_?如果係nino咁個夢就是完美啦^_^第二個是我突然哭了......還要是哭得很利害啦~~

今日終於睇晒"Deep Love"...係一套好寫實架日劇啦~~

日本VS克羅地亞.....結果0：0,唉.....日本呀...日本呀....我諗你都係冇咩緣入16強啦....唉.....灰晒~~

全日都呆呆的,腦袋一片空白.........腦部停頓!!

>>June 18, 2006 at 3:41:39 PM GMT+8

2006 年 6 月 16 日 星期五 【晴】

二宮和也.....(大叫)HAPPY BIRTHDAY哦~~23才啦^_^

今日係公司好hea咁.....咪都冇做咁,只係玩樂下咁,就放工....

放工,就去o左換証啦^_^哇....尖沙咀個個換証中心係冇人去架~~但好搞笑,唔知係咪舊証張相唔似我呢?_?登記處個個人,望o左我張舊証好耐,先安排我入去啦~~同我發現我唔識分左右係好煩啦,因打手指紋架時候,佢會先叫你左先到右,但我就一路都係諗：即係邊隻呢?_?最後約半個鐘就走得啦(好快哦!!)好野.....唔洗再用舊個張啦,不過覺得新個張都係影得一般啦~~

去o左銅鑼灣,搵聰聰,比返"王子變青瓜"佢~~之後就係佢個度一路傾一路大笑,好似嚇親路人咁哦,哈哈^_^

哎呀....我架中文名,今日終於比公司同事kasu知道o左啦,本來除o左thomas佢知之外,係冇人知架>_<"仲諗住公司係唯一 一個地方冇人知道我中文名架地方,但......呀....請kasu不要說出去哦!!

近日玩了好多個的心理測驗,竟然....總結埋的話,都係講我個人,係某方面,都只會不停係度講自己應該如何,但最後個機會給別人搶走了!!哈哈(苦笑)....真的準~~其實我真的不太想只會講啦,但有太多野都真的沒有一個好強烈架方向給我走埋下去.....所以好多時都只會用講的來增強自己的勇氣來走埋下去,但.....當哩個時候,機會可能,因為我的扭拎,就沒有把握好,算吧~~我都真的要好好勇敢下來.....或有誰會給我一個好好的方向,令我可以走下去呢?_?

>>June 17, 2006 at 2:44:37 PM GMT+8

2006 年 6 月 15 日 星期四 【晴】

YEAH......YEAH.....OH.....英格蘭2:0勝千里達啦(瘋)整場波都睇到我好激動了,仲睇到有點胃痛了>_<"上半場,千里達都係以退為攻架打法,防守都真的幾強,同經常破壞了英格蘭架組織,另一方面,英格蘭攻了好多次門,都不入,林柏特真的欠一點運啦,攻o左咁多次門都唔入~~同上半場,英格蘭差點失手,比千里達到了,個球真的好險(汗)下半場,朗尼同LENNON Aaron出場啦....英格蘭係咁強攻,終於比高治用佢最"屎"架頭,頂入了千里達哩個鐵門^_^之後....就到一路都冇咩運架謝拉特一個靚射,張比數做2:0完場^_^其實千里達都有入球,但越位再先,所以唔計啦~~

其實哩場波我一路都好想罵高治了,都唔知點解成日都睇佢不順眼!!係哩場波佢有好多機會,但都唔知點解佢會射失架,不過同一時間又要多謝佢為英格蘭入波,唉....好矛盾哦~~另外,網上睇波時,好搞笑啦,唔知點解睇睇下時,係度不停重播祖高爾反規個樣3次,佢個樣係好激動咁說"NO",哈哈~~我都幫祖高爾啦,係人地扮死啦(偏心)

這個World Cup網,好多野睇啦：http://fifaworldcup.yahoo.com/06/en/w/
11 COLE Joe
Date of birth: 8 November 1981
Height: 175 cm
Weight: 69 kg
Position: Midfielder
Current Club: Chelsea (ENG)
Int'l Goals: 5 (as of 15-Jun-2006)
Int'l Caps: 34 (as of 15-Jun-2006)
First Int'l Cap: England v. Mexico (25-May-2001)

哎呀.....昨晚三點瞓,八點,比突然胃架唔舒服,整醒啦>m<"冇理佢再瞓,哈哈(苦笑)之後到腸啦.......所以就11點就醒來啦(苦)

每次鼻子先生唔舒服時,眼睛都會一起不舒服起來(因耳鼻喉通的嘛)這個都漸漸習慣了,因鼻敏感~~但現在架感冒菌有點利害了.....不但令我鼻、眼不舒服,近期腸都好似比感冒菌入侵了,好像好多地方都被入侵架感覺,請問感冒菌,你幾時會上埋我個腦呢(路人甲:你是不是想找死!!)

>>June 16, 2006 at 4:01:20 AM GMT+8

2006 年 6 月 14 日 星期三 【晴】

鬧鐘不響.....差點睡過頭啦>_<"一起身,個喉嚨有點痛了.....返到公司,仲要嚴重點,話野"高八度"、頭重重、周身骨痛,好似係度想發燒咁,仲要係公司著o左件厚褸都仲覺得凍凍地咁>m<"是睇波睇度咁嗎?_?但昨天好乖,只看了一場啦,我諗都係涼冷氣啦!!

公司好多同事一眼就睇出我病了(感動)不過除o左thomas佢>_<"

最後,食o左一粒感冒藥&回家瞓o左一震,就情況開始轉好~~要謝謝kasu給我的感冒藥啦>﹏<真的笨蛋才會夏天感冒啦~~

今晚仲要睇英格蘭VS千里達,唔好咁快病啦~~

希望有人疼

>>July 5, 2006 at 11:25:11 AM GMT+8

2006 年 6 月 13 日 星期二 【晴】

等待著......3:00的巴西VS克羅地亞....不過先睇法國VS瑞典.....和波啦~~但哩場個個都踢得不錯,最不爽的就係個"高壓"球証....一場波出o左8張黃牌,仲有係應該比架時候又冇,唔應該架又比~~

終於捱到3:00巴西啦.....哇!!真係冇等錯~~巴西波：腳力足、夠痴腳、傳波靚、唔獨食、組織靚、後防"屎",哈哈~~真的啦,有3次比克羅地亞,差D入到,好險咁解o左圍!!最後以靚仔8號卡卡,上半場入o左靚架一球,贏o左~~睇完都5點了,死啦.......昨天都係瞓o左2個鐘,到而家5點........

瞓醒啦,一睇個鐘,哇.....(大叫)3點.....瞓o左十個鐘,又係瞓到背痛,不過瞓咁耐,正(大心)花o左半天去update個 MSN spaces,真係耐有整佢啦~~
大家得閒就去睇下哩個就快發霉架MSN spaces：http://phenix522.spaces.msn.com/

今晚9:00西班牙VS烏克蘭,有又一靚仔托尼斯.....OH~~烏克蘭10個打11個,最後西班牙4:0贏.....22歲、身高18x 架托尼斯,真係好靚仔哦(大心)

Aiba....盲腸炎?!你冇事嘛,希望係ARASHI concert到睇度健健康康架你啦~~

>>June 14, 2006 at 3:02:44 PM GMT+8

2006 年 6 月 12 日 星期一 【暴雨】

失眠.....聽著雷低聲地叫,望著雨水狠狠地灑在地上,這無聊的景象,足足看了一整夜,以陪伴了我一整夜的係一隻好可愛的"細佬"(即MY DOG)最後望著六點的天開始亮先瞓得著.......

八點又要起身,準備返工,但一點睡意都冇~~最後亦早o左返公司,而家返工都好開心哦,因大家都懷著愉快的心情在公司工作,哈哈~~仲係公司玩起MSN啦,好彩冇比thomas捉到啫^_^"同公司真的很凍啦.....應該是我真的要找一個"暖爐"來擋擋風啦~~

放工,同o左八婆行o左一震旺角,食o左一個好"咩"架lunch(哈哈~~王均均,睇到嘛,我冇講個個字啦^_^)之後又行o左去旅行社到攞去大阪&台北的自由行啦!!死啦~~我想我真的瘋了......因原本8月中去大阪,9月中又去台北,一個月去一次旅行,是不是有D浪費呢?_?為了ARASHI哦.....但又未同屋企人說,自己可能9月中去台北哦~~但睇度D package就好想去晒啦,哎呀....個腦快要爆啦>_<"

唔知做咩呢?_?今早,過馬路去時差點比的士撞到,好彩的士沒有好快,若果不是,真的要同大家說byebye啦(泣)之後將一張明明係渣打架票,走o左去恆生到排隊入票,之後個個人同我講唔係佢地銀行,我先醒來,係哦...是渣打的哦!!我依舊地笨&大頭蝦~~

少量陽光的出現心情亦變好了,但都下著驟雨~~真的要謝謝八婆佢架說教啦,我開始看通了少少啦,我要發揮gemini power、enjoy my life、每天都笑著(哈哈~~八婆請給我多一點時間)
p.s.給八婆的歌"一個像夏天一個像秋天" 范瑋琪

若心中都有共鳴,只要說出一個問題及一個答案,所有東西都解決了!!

>>June 13, 2006 at 4:19:51 PM GMT+8

2006 年 6 月 11 日 星期日 【雨】

瞓足十二個鐘,瞓到腰酸背痛......>///<

日本VS澳洲....要睇哦~~唉......竟然.....日本隊你們是點搞的呀?_?短短架6分鐘就輸3球~~當1:1時,已經.......眼濕濕了,我已經變o左半個日本人啦>m<"

ARASHI,你們又想點呀?_?秋天約9月中會去台灣開演唱會,你是否想我大破產呀(怒)算吧~~我都已經計劃去台灣看他們啦,如果有$$的話(路人甲:你這個賣國賊!!又去日本,日本隊輸波又這樣,現在又要去台灣)對了........我已經當了約4年的賣國賊了(走)

陰暗、濕漉漉的下雨天,也使人變得不知所惜及昏暗下來~~陽光快走出來與我同在吧!!

穎琳:哈哈~~我之前係威廉個xanga到都睇到你同我是一樣呀^_^

>>June 12, 2006 at 4:12:54 PM GMT+8