2007 年 1 月 6 日 星期六 【晴】

今日8:30就要起身啦....又要準備今日架行程,我地出發前先去食個早餐:雪菜肉絲拉麵,好好味,係即場拉,仲要係$4一大碗,好抵!! 之後搭公車去"兵馬俑",我地要去到火車站轉車,係火車站沿途都有人不停問我地係咪要去兵馬俑,同用不同架手法,令我地搭出租車,不過最誇張架係,當我地搵到個架公車時,竟然有人同我地講:NO BUS....哇....哥仔,你當我瞎架,明明咁大架車係度,都同我講NO BUS~~

搭o左唔知幾耐公車,終於都到o左兵馬俑啦,入去前,我地見到沿途的水池都結o左冰,大家都好興奮,不停係度玩冰(哈哈~~好似前世未見過冰咁^_^")之後去到一號坑,都真係唔敢相信,自己親眼睇度,仲覺得自己仲係睇緊相~~不過真係唔明點解秦始皇要整埋晒咁多公仔陪自己,同要整咁大個墓,仲要所以兵俑都係唔同樣架(可怕)接住我地路經"華清池",就返去旅舍,返到去我地就係旅舍架天花板到留言,好靚畫o左好多野^_^其實旅舍有好多不同地方架人係度住,同職員個個都好nice^_^ 仲有旅舍隻小貓都好可愛哦~~

夜晚,我地去o左食羊肉串,哇....勁好味~~又食o左泡饃,都好食~~不過係叫野食時,我地有D搞笑野,就係炒米,我地以為係炒米粉,但其實係炒飯,哈哈~~仲見到西安ohno(我同八婆都覺得好似ohno^_^")其實最似都係呂方~~

P.S.今日食o左一種小吃"玫瑰鏡糕",好......好.......好.....食哦^_^

<---送給每位上班族







<---似呂方定ohno呢??
<---勁可愛的小貓咪(大心)

>>January 17, 2007 at 1:16:06 PM GMT+8

2007 年 1 月 5 日 星期五 【晴】

好啦...好啦....要同大家離開十日啦.....15號會返架啦~~旅行架日記,會之後補番架啦,大家唔好掛住我呀^_^

大家好呀...而家係西安架"國際青年旅舍"所以都可以上下網^_^今次旅程有5個人(me、八婆、hing、亞蛋、phoenix)今日5:30am,就起o左身準備出門口,揹住個大背囊(真係好大,同好重,我諗都有十幾磅^_^")真係由天黑,車搭到天光)點知...亞hing遲到>m<"等齊人,就出發去深圳,去到深圳,又係去搭45分鐘巴士去機場....去到機場check-in o左,就去o左食個M記"早晨全餐",竟然發現大陸M記有"綠豆批"(嘔)....

上機啦....搭o左2個多鐘架飛機,終於到o左西安啦(西安比我架感覺,好過深圳.....不過都幾凍~~氣溫我諗都只有幾度~~好似我都有帶暖包.....都未會凍死!!)我地又係搭機場巴士去"鐘樓"落車,去找而家我身處架地方"西安鐘樓國際青年旅舍"....放低好沉重架大背囊....就出o左去搵地方買火車飛...去下次架目的地"洛陽"...都真係行o左好耐先去買到....同我竟然要身附重任就係要保管好多重要架東西(有壓力!!)之後我地又搭o左$0.9架巴士去o左"鼓樓"行街食飯,仲買o左D好中國feel架東西~~最後九點幾,我地都返o左去旅舍~~

好啦....今日一切都好順利,都係時候要瞓啦~~如果唔係明天起唔到身哦^_^"

P.S.大家有咩重要野...都可以打比我,電話都會通的,但長途電話費貴呀....如果唔係太重要都唔好打啦,知嘛~~



<----這是送給香港人


>>January 16, 2007 at 3:39:58 PM GMT+8

2007 年 1 月 4 日 星期四 【颳風】

正式宣佈考晒試啦!! 但死得好慘架一次......

被account打沉....打得好沉,沉到冇心情去溫econ.....死啦....死啦....真係點算呀??個腦停唔到係到諗account會係點呀??econ....唔知呀....好煩呀,未考都覺得自己會死哩科啦,因係最冇信心架一科,唉......唔想講野啦,我就黎痴線架啦~~

今日考econ....唉...又係唔知自己答o左D咩,好似亂答一通>_<"都係又係等re-sit啦....呀....真係考得差到好想死呀.....(泣)

放學,去o左同八婆睇NANA2....真係好好睇,真一轉o左人,真係好好多^_^不過奈奈唔同o左人就真係唔係咁好啦~~真係好想套用娜娜的一句同八婆講:要幸福哦!! 之後我地行旺角要買最後的裝備~~

明天就要出發,好緊張!!
P.S.但個心都仲係諗緊re-sit架事...唉...老毛病~~

>>January 5, 2007 at 2:20:52 PM GMT+8

2007 年 1 月 3 日 星期三 【微冷】

七點多起身.....今日要考account.....唉....真係撻Q啦~~有預感60%要re-sit....感覺到自己係亂答一通,仲要好多文字題都唔識>_<"

搞到心情不好,即係個腦停o左咩都諗唔到,明天架econ....都係一樣冇信心架一科,睇怕最少都要re-sit 2科架啦>_<"

哎呀....好想大叫呀~~

考完同o左西安隊架眾人一齊傾下,發現其他人都準備都好好架啦,只有我同亞hing好似咩都唔知咁~~算吧...唔好諗咁多,因後天就出發啦~~要帶架野都執好了80%....還有餘下的東西,係仲未買架,明天再算吧^_^"

>>January 4, 2007 at 8:21:54 AM GMT+8

2007 年 1 月 2 日 星期二 【微冷】

還有....還有....2日就考晒試啦...唔知點解好似返學架日子好快過,但考試架日子好似過得咁慢咁架?_?

明天考account.....只希望合格就可了!!還有後天的Econ.....哩個更加只希望合格^_^"

仲有....仲有....3日就出發啦....終於可以去大玩啦^_^

P.S.鐵樹先生要開花了...今次比上次細了....不過唔緊要,係好野就可以架啦~~我諗佢開花架時候,我都不在家了!!所以遲下先在同大家講下鐵樹開花的實況 part2啦^_^

>>January 3, 2007 at 9:03:41 AM GMT+8

2007 年 1 月 1 日 星期一 【微冷】

又進入閉關狀態!!

今日本來想溫下econ,又溫下account,最後都比account迷惑o左,半日都係到計數~~但都只係計o左好少....econ.....哈哈(苦笑)唔知點算~~

仲有4日就出發啦....心情緊張,仲要未執齊野,考埋試先啦^_^"

>>January 2, 2007 at 10:39:24 AM GMT+8

2006 年 12 月 31 日 星期日 【微冷】

HAPPY 2007....亦都要自己恭喜,自己個日記踏入第5年啦~~

十點幾就起o左身~~亞爸車o左去紅磡 & 黃埔,先去o左觀音廟到拜神(其實我有時都會自己去拜下的^_^"請問你是一名亞婆嗎??)因屋企的鐵樹又開花啦(第2次了,上次係5月架事)不過仲未見到花,仲要等一段時間先開!! 希望真係:鐵樹開花、富貴榮華!!之後就去o左黃埔的JSCO到行,好多人.....

又要收拾心情去溫ECON & ACCOUNT啦,加油....加油!!

>>January 1, 2007 at 9:45:03 AM GMT+8

2006 年 12 月 30 日 星期六 【晴】

今日係冇溫書日.....走o左出去搵聰聰~~

之後,係銅鑼灣shopping---->老蘭等過節...好多人,亦都有好多外國人,都係第一次係老蘭過,都真係好氣氛過其他地方,仲要同D外國人一齊玩下咁^_^ 倒完數行o左去SOHO.....返到屋企,勁眼瞓一撻落床就死o左啦~~

07年要最愛自己!!

>>January 1, 2007 at 9:37:55 AM GMT+8

2006 年 12 月 29 日 星期五 【微冷】

與MSN分離o左3日...晚上終於上得返啦~~唔洗好似與世隔絕咩都唔知咁啦^_^但眼見到6封e-mail都check唔到>_<"

今日考B LAW架日子啦.....心情一般緊張,開考啦,一打開試卷,估唔到佢咁樣出....不過我識的不答晒了,要吹的都吹o左下去.....什麼都做齊了,希望合格就可以架啦,唔合格我都唔知點算好了>m<"最後早走o左半個鐘.....

考完就去o左葵芳同靚媽行街,買下旅行的東西,之後等埋亞爸食個2006年最後的大餐"紅樹森",大家都食得好滿足,最後係由冇份一齊食架亞哥比$$,哈哈~~係屈返來的哦^_^

考完B LAW人都輕鬆o左一半,不過仲有account & econ等緊我去考>_<"哩account希望唔好撻Q啦,econ都只係希望合格就可以架啦!!

距離去西安架日子....進入最後階段....餘下6日!!

>>December 30, 2006 at 1:40:53 PM GMT+8

2006 年 12 月 28 日 星期四 【微冷】

仲係上唔到MSN....已經3日冇得用MSN啦....冇o左MSN好似突然與世隔絕咁~~唔通真係要等幾個星期先可以用得返??

今日係最後一日對住B LAW.....明天就係考B LAW架日子啦....心情一如以往左擔心右擔心....真係好多野背,用o左5日去溫,亦都真係好多野都未背入腦>m<"點算呀....天呀!!我只係想合格咋,仲要claim到CEF呀....不過太好了,個腦只係想著B LAW架事,咩事都好似忘記了咁....

唔知係咪考試壓力大呢??發現自己做事能力下降,個心明明想做一樣野架時候,但手就做了另一樣野~~好似個腦同個人唔協調咁>_<"

OH~~仲有2日....我個日記一日都不漏,足足打o左4年了,要快將踏入第5年了^_^

>>December 29, 2006 at 4:54:39 AM GMT+8