2006 年 7 月 10 日 星期一 【綿綿細雨】

近日係到睇漫畫"死亡筆記"....哇~~意外地好睇,同個作者都幾利害咁架劇情都諗到~~最後,真的要特別鳴謝kasu借我睇哦^_^

唉....係我窮架時候,想換電話.....因為而家哩部電話同我新增o左好多功能,比新機仲要多,例如：D掣唔係好按到、义唔到電、自動cut線、個鏡頭有D白內障,等徵狀~~

仲有2日就要resit啦.....好緊張又擔心....唉....但又冇得溫,好冇助....

哎呀.....世界杯後遺症....瞓唔著>_<"返工呆呆下,又比個網激死>m<"所以就----->

>>July 11, 2006 at 1:12:07 PM GMT+8

2006 年 7 月 9 日 星期日 【綿綿細雨】

oh~~my god....一早打返去OU問可唔可以申請提早考oral,佢話冇得申請哩樣野,係要個日一早去到由個考官決定有冇位比你提早!!唉.....好煩啦~~到時都唔知會點?_?

晏晝係屋企留下配con & 剪下頭髮&焗油....咁就用o左半日啦!!

YEAH~~意大利.......法國VS意大利,踢到11X分鐘施丹.....竟然用佢架招牌頭,走去頂意大利架馬達拉斯心口,唉....施丹佢竟然用紅牌架方式來結束自己架足球生涯,可惜、可惜~~最後兩隊要射十二碼決勝.....不過今場波,上半場兩隊都想佔優勢,但到了下半場,法國隊,可能有點心急,所以多o左好多黃牌同施丹架紅牌......同巴夫斯好似冇咩火咁,但相反意大利架保方,佢就好有火啦~~同佢都好勁,成屆世界杯,只係失2球,仲要有一球係烏龍波~~

意大利,哈哈~~用$10@10倍.....再減回之前輸的(因為巴西)有$30淨,一個lunch^_^不過今日著到好hea帶埋眼鏡(對.....又係屋企留下個間馬會)咁落街收$$時,又比人check身份証,第3次了(好彩換o左張靚架身份証啫^_^)仲要今次個個人唔同上2次個個人,咩我唔似夠18嗎、我反老還童了嗎?_?算吧....我係咪要高興呢(汗)

世界杯完了......真的有點失落感,因世界杯娛樂了我整整一個月,同今屆世界杯是亞叔(林尚義)最後一次講波啦......我覺得今屆世界杯亞叔架名句：踢得好就唔洗咁遲先入波啦!!

亞叔你係得架^_^



>>July 10, 2006 at 1:05:13 PM GMT+8

2006 年 7 月 8 日 星期六 【綿綿細雨】

唉...成晚都瞓唔好,一早就眼光光~~

今日又要去上"人口"架traning course.....又係坐係度有$$收,不過要坐埋晒D小朋友枱&凳~~今次終於知道自己要係邊區度做,就係.....大窩口,不過個center係青衣,點解要咁遠架?_?但好好彩要做個區都唔難做,都係D簡單野^_^

唉....但另一個問題又出現啦>_<"就係resit oral個日,唔係我放假個日,所以要同學校申請早考,呀....好煩呀(惱)

今晚,世界杯冠軍就會誕生啦,意大利VS法國,唔知係邊隊呢?_?

>>July 9, 2006 at 11:59:13 AM GMT+8

2006 年 7 月 7 日 星期五 【綿綿細雨】

痛醒。。。好痛,救命呀>_<"

一早,成個人都"軟奶奶"咁,冇黎精神~~同都唔知點解公司個網,次次我上親都好鬼死慢,咁就呆o左係部電腦成半日.....(汗)

之後去o左攞番張"智能身份証",OH....本來以為自己影得好樣衰,點知.....都幾好哦(大心)同睇番以前個張,哇....都只不過係3年前啫,自己好似整o左容咁,成個樣都唔同,怪唔知得攞住張舊証時,D人覺得個個唔係我啦^_^"

金牛雙子座 (May19-24)

優點 有衝勁，多才多藝

缺點 : 欠缺恒心，衝動

性格 : 活力充沛 金牛雙子的人充滿活力，對四周的事物都充滿好奇心，喜歡追尋刺激，什麼也要去碰去試，可是耐性毅力又不夠，往往變成周身刀沒張利。有人說金牛雙子的人沒什麼性格，因為他很多時沒有自己的立場，有時為了討好人或不敢罪人，別人說什麼都接受，卻不按著自己的心意而為。

在事業方面，金牛雙子要有一番成就，怕且真的要大大下苦功。雖然他有才智有衝勁，卻欠缺毅力，就好似龜兔賽跑的兔子一樣，行到中途就坐著偷懶，到最後就被不及他聰明的龜仔爬頭。亦因為他的這種性格，很難在一份工作上呆得太久，轉換工作是家常便飯。如果不改善，很易一事無成。

>>July 8, 2006 at 2:40:12 PM GMT+8

2006 年 7 月 6 日 星期四 【綿綿細雨】

十點要返OU到上一個鐘架EL102F架make up class......一入到去就見到andrew,唉...真係唔係好想再見到佢>m<"其實今次返去上個個make up class都唔知仲咩,咩都冇講過~~好似返去傾下計咁,就....一個鐘,個make up class好廢(大叫)上完個make up class成個人都好沉重,唉....真係擔心下星期架resit會係點>_<"

轉o左smartone....哈哈....勁send SMS....同今日係7月7日哦....NANA日,因日文的七發音是NANA^_^

穎琳:哈哈~~都係啦,仲有我地一整年架鋤弟訓練>///<可想以之,我地成年都幾咁hea(汗)

杜比:唔會留太多啦,反而希望多D人來留言哦~~因整得哩個日記,都係比人睇下我近況同留下言咁啫^_^我一打開第一個時,有少少比佢嚇一嚇.....不過好正!!

>>July 7, 2006 at 7:51:55 AM GMT+8

2006 年 7 月 5 日 星期三 【綿綿細雨】

昨晚,葡萄牙VS法國....冇睇~~但心都係咒緊C.朗!!睇番結果,係施丹架十二碼,1：0羸o左~~

今日又係返工架日子......一早ms wong就用佢把聲,破壞晒公司好寧靜架氣氛,佢真係好鬼嘈,講野又大聲又勞氣!!所以今日全公司架人都冇人講野.....個個都係到自己做野~~

由於下午公司係灣仔搞o左個講座,咁我要去做下guest....其實都只係去坐下~~所以lunch 同o左kasu食飯,路經M記見到"芒果新地"又返來啦(大心)雖然食完飯好飽,但都走o左入去買來食,好味^_^不過都係掛住以前架"藍莓蜜桃芭菲",哩個係勁好食哦,miss you so much*3*~~

之後我地搭船過灣仔.....發現我搭船真係太差勁啦(其實搭多彎路架車都會,搭慣地鐵就係咁架啦>_<")隻船行緊架時候,都冇咩野,唔知係咪,因為掛住講野?_?但....一停船要落船架時候,個人好似仲係浮浮下咁(而家打時都暈暈地,哈哈)不過搭船過海架景靚D^_^

去到目的地,就見到好多人....其實全部都係公司同事,只係好少真係guest啦~~之後接埋穎琳(對哦,佢都來扮guest啦)同今次係thomas佢做MC,但佢係完全冇跟個稿去讀,好多佢都係爆肚的,因佢今日下午先睇第一次份稿(汗)最後,我同穎琳發揮o左平時上堂架表現,去捱過了2個鐘........發白日夢同傾計~~

今日突然有個念頭就係而家哩份工,做多一年,即做埋下年暑假,應該唔做啦......哩份工都差不多做了2年多啦.....同到時都year 3啦,所以哩個念頭都應該會實行!!

去o左換埋最後要換架日圓,因下跌中......不過就變o左個超窮,點捱到月尾>_<"

唉.....我D黑氣都真係好黑,明明昨晚係張個電話拎o左去义電架,點知今早出到公司先知個電話义唔到電,仲要全公司冇人有sonyericsson架义電,頂!!又會黑仔成咁架(怒)最後個電話捱o左一震就宣佈"死亡"...........(灰)

近日架唔開心都真係好炆自己,點解可以咁黑仔?_?其實都真係冇得控制,但總是心有不甘>_<"

杜比:恭喜你!!希望亨利可以做埋神射手添啦~~到時真係架,記得請食飯啦^_^英格蘭之死......算吧,都忘記了!!





>>July 6, 2006 at 11:50:26 AM GMT+8

2006 年 7 月 4 日 星期二 【酷熱】

昨晚...德國VS意大利....睇o左上半場都係走o左去瞓,因為唔係我支持的英格蘭,踢得幾好都係覺得一般~~不過說真的昨天的德國同意大利上半場,兩隊都真係踢得唔太差...真係踢到水準,好似林尚義咁話:今次都真係5 5 波~~睇返結果,係加時,意大利以 0：2羸德國....今晚葡萄牙VS法國,好矛盾,現實的我買了$10葡萄牙,想佢羸,因係20倍,天真的我要咒死C.朗(其實我都買了$10意大利,但只是10倍)

黑仔欣......真係黑仔欣......由6月尾開始到而家都好黑仔>m<"唉....今日收到sunflower電話,話我book個間酒店full o左(頂,咩日子~~)所以又要煩轉另外...又要$$呀>_<"仲要都唔知個間有冇?_?

煩爆啦~~天呀,幾時先再唔黑仔呀?_?唉....由六月尾開始都冇好好咁笑一下...........

>>July 5, 2006 at 11:19:01 AM GMT+8

2006 年 7 月 3 日 星期一 【酷熱】

好眼瞓,連續幾日都冇差唔多2點都唔先身,但今日要返工,要早起身>_<"

放工同o左亞翹行o左一震街,買o左件A|X,係間鋪入面,有一堆好似係菲律賓人,係入面掃貨,仲要咩都唔洗試~~之後行行下,發現周圍都係好多人,所以大家都冇咩心機行啦,就回家了!!

<----中o左KUROMI毒~~近日買o左好多佢架野!!

近日發o左好多個夢.....其中最可怕的是,我發到自己去resit EL102F,仲要係咩都唔識,點算(亂)點解我要resit架一科是冇得讀或背或速讀~~成日都係克制自己架焦慮,想用一個平常心去睇resit,但都係唔得,都真係好驚,什麼都好,我只求resit合格就可以了!!

如果人腦可以好似電腦咁可以隨時按一個掣,張唔想記住架東西delete,會有多好呢?_?

>>July 4, 2006 at 10:48:47 AM GMT+8

2006 年 7 月 2 日 星期日 【晴】

係屋企hea....同用o左好多"腦力"去plan去大阪架行程,搭咩車,日本D路線多到嘔>_<"真係怕到時搭錯車.......

自己總括英格蘭之死：比小人所害,C.朗,真係XX仔(怒)史力加,好應該控制一下佢架EQ~~

>>July 3, 2006 at 3:05:57 PM GMT+8

2006 年 7 月 1 日 星期六 【晴】

睇o左一場喊了的球賽(泣)......英格蘭十人應戰已經踢得好好!!踢到加時,都仲可以保持了不失....最後十二碼,唉....算吧!!下半場,史力加(朗尼)被紅牌出場,見到咁樣都心知不妙啦,史力加今次都真係想食人,真係好心佢唔好成日咁燥啦,真係好似cctv 5個講波佬咁講：不如轉打"欖球"吧!!不過我真係好想臭罵C.朗,留意o左C.朗好多次都係度做是非精,史力加件事如果唔係佢係度搞事,係咁同球証講哩講路,都唔會紅牌,仲要個球証係阿根廷人,同英格蘭有仇,其實我自己覺得都唔洗紅牌咁嚴重(偏心都係咁講)一路睇架時候,覺得cctv 5個講波佬係支持葡萄牙架,次次葡萄牙攻門都勁緊張(怒)每屆英格蘭都係8強止步,一係碧咸紅牌、射失十二碼,哈哈(苦笑)今屆2樣都齊,只不過換o左唔同人~~
英軍、2010年再見吧.........

巴西VS法國,都冇心情睇~~唉.....竟然估唔到巴西都會輸比法國,又輸o左$50(頂)咁今屆都真係冇野好講.....最後4強都冇咩想睇,但我諗都會睇掛?!

起身,如果唔係靚媽叫醒,我諗冇2點都唔洗起身,死啦~~個生理時鐘搞到亂晒,日日都瞓足12小時!!今日亞爸車o左我去紅磡架觀音廟,其實都唔知自己點解咁想去個度?_?有時經過就好想入去,但都係坐車經過,同好多人講哩間觀音廟打仗時,隔離的東西都炸晒,只係哩間廟一點事都沒有,今日終於入到去了,同承心咁拜拜觀音,哈哈~~個度D人覺得我好搞笑,後生細女又買香燭、點香塔、求籤,仲要唔比靚媽幫手,因我想親力親為,所以個度D人都教我點樣拜拜了,上了一堂"中國傳統課"^_^搞咁多野都真係只想全家好.......諗諗下同觀音娘娘講o左咁多野,全家每人一個,如果事但一樣中o左都要還神,不過,真的事但中一樣我都好開心啦^_^到時一定會還神(哈哈~~好似變o左婆仔咁,係度講拜神)

<-----第一張就是"觀音廟",另外的是紅磡路邊
<----近日天色美得如畫,由其我最愛日落,有人說喜歡日落的人比較悲觀,對...我正是!!

>>July 5, 2006 at 11:20:47 AM GMT+8