2006 年 5 月 22 日 星期一 【雨】

昨夜4點幾瞓,攬住索克天王瞓(証明disneyland架喜悅都仲未完架^_^")但今早7點到比一隻有四隻腳架細佬,一踩就驚醒啦~~返工.......冇咩野做,同個人好眼瞓.......準時收工,回家,又要趕住打返昨天的日記,哈哈~~好長呢^_^"

夜晚,同o左group 6架同學仔一齊食飯,有抄藤、成成、亞kwan、森苗、william同donald......OH~~竟然收度禮物哦,多謝^_^之後我地去o左cafe到玩,今次去個間cafe D野都幾好食,唔太差,同D位都ok~~不過唔記得o左個名啦,哈哈^_^"我地又玩大富翁、七級豬,哈哈~~七級豬,先係成成輸o左.....呵呵~~佢要被罰錫亞kwan哦,hehe~~之後又到donald輸,走o左去同其他人影相!!玩到十點到就走啦~~

ky:哇......哇.....十個驚訝!!不過多謝你哦~~請多多支持^_^

donald:咦.....係咩?_?哈哈~~我都唔記得o左囉^_^"

<-----對.....豬咀的是之前有的了,佢地係識郁架~~

>>May 23, 2006 at 3:58:33 PM GMT+8

2006 年 5 月 21 日 星期日 【雨】

終於到o左進入奇妙世界架日子啦(大心^_^)雖然係落雨,但好彩都唔係好大,仲記得自己細個時第一次去disnayland(日本) 時都係落雨,都唔知點解,第一次去都會落雨?_?

我、八婆同王小mo一齊向奇妙出發,一坐上架disnayland車就係咁影相啦......影度落車都仲影緊^_^"一落車第一時間唔係影相,係比蚊咬>m<"之後係個大門口度又影下相(即刻覺得自己好似去o左旅行咁)又去到個噴水池到影下,先正式入去場,咁就差唔多用o左半個鐘先入場,哈哈!!

入度去係咁影,又係咁同D公仔影,哈哈~~我地幾個都好好彩好多時影親D公仔都好龍精虎猛,由其跳跳虎同donald duck,都個好似痴o左線咁,同又比donald duck同大鼻牙錫錫,都係錫佢地個膠嘴同鼻,哈哈~~影到咁上下,就去o左"明日世界"到玩,先去玩"飛越太空山"初初仲以為會好驚,話晒都叫做過山車,點知......一玩就一D驚都冇,只係識係度笑,又走o左去玩2次"巴斯光連星際歷險"哈哈~~超好玩,係咁用死光搶射索克天王(大家看我已經合傻o左啦^_^")接住我地又去o左玩"太空飛碟"個game好似小飛象咁,但佢架升高低係自己control架勁搞笑^0^~~

玩完"明日世界"就向住"幻想世界"進發啦,去到我地先去玩"咖啡杯,哈哈,佢地兩個比我係咁轉到頭暈(其實自己都暈架,不過係咁先好玩架嘛)之後懷住一個期待架心情去睇巡遊,點知.....因天雨關係佢地著晒雨褸坐o左係架車度,仲要得兩架(灰爆)哩樣可算是,我今天最失望的事,算吧~~我地就走o左去睇"米奇金獎音樂劇",勁好睇同個劇又有貝兒~~睇完又玩o左"小熊維尼歷險之旅",哇.....好靚同好得意哦~~玩完啦啦聲去睇"米奇幻想曲",哩個真係勁x1000好睇,一來佢係3D,同佢一路睇時會有apple pie同香檳架味,同個劇情比水淋又會有水落,一個字"正"..........之後又趕住去睇最後一場架"獅子王慶典"哩個都好睇.....好多大型架花車出現~~

玩到咁上下,我地都好似玩到唔記得o左食野^_^"最後我地張今日架兩餐濃縮成一餐,係"皇室宴會廳"到食,個度好靚哦~~dinsnayland D餐最平$45,都食得飽,不過唔知係咪我地肚餓呢,食o左好似冇食咁?_?最後我地都趁得煙花時架空閒去買下野~~哇.....終於到放煙花啦~~好靚哦,靚得感動起來,因真的要好多謝,八婆&王小mo陪我玩o左一整日哦,仲要睇住我哩個大朋友,同比o左一個咁快樂架回憶(泣)不過放晒所有煙花之後,因落雨天,所以"睡公城堡"仲有好多煙係度加上佢D燈光,搞到好似著o左火咁,哈哈~~

正當我地想走架時候,點知.......打雷 & 落超大雨!!變到最後係滯留.........不過我地都係選擇行出去搭上回程的車~~之後我地係青衣kfc到再食野(好似食o左好多野咁)就回家了.......

今年是最多大同我講"生日快樂"的一年,因係disnayland入面,個個睇度都會講的^_^同hong kong disnayland都唔係人地講度咁差啫,都好好玩呀,仲要我玩到唔捨得走^_^"真的要再去多次~~

disneyland公仔語句(即佢地每次換人所說的話)
跳跳虎:佢要搵pooh pooh呀,兩分鐘後會返黎
米奇&米妮:佢地要去補補妝,轉頭返黎
pooh pooh:要get some honey
donald duck:要打電話比女朋友

<----哩張影度好有harry potter feel
<----你估下哩張野係咩?_?係一個渠蓋,都有micky樣-----><----要離開今天嗎?_?但今天是我生日哦~~


<---pooh pooh,你咁瘦,係咪disneyland冇比蜜糖你,唔好唔開心啦(都唔明點解係pooh pooh冇望鏡頭)


<---哩個3歲的妹妹都係同我一樣係生日哦,佢都係鍾意巴斯架^_^<----真想帶晒佢地回家
<---哩3個傻婆,玩遊戲時都唔望鏡頭,你睇其他人,幾輕鬆<---有字架&彩虹
<---戰利品,超愛索克天王公仔<---又是522尾的<----disneyland給我的雙重驚喜~~

>>May 25, 2006 at 3:05:09 PM GMT+8

2006 年 5 月 20 日 星期六 【雨】

整天都下著大雨......呀!!天呀....請你今日落晒去,明天唔好落雨就可以架啦,求求你!!

同靚媽去o左荃灣.......今天都真係荃灣一日遊,行o左好多地方!!

今年還未食生日蛋糕,真的要快快去食........

明天,向奇妙出發^_^

再多一點點,我就。。。

donald:哈哈~~係啦,都路經2次,緣慳一面!!

>>May 21, 2006 at 10:46:37 AM GMT+8

2006 年 5 月 19 日 星期五 【晴】

返工......一返到去就收到thomas架禮物囉^_^同今日冇咩野做,所以準時走人~~放工返到屋企留下架welcome到為屋企入貨, 一行就買o左4百幾蚊野啦~~

晚上,去o左九龍灣到食飯,提早慶祝~~食o左"別府",因有八折^_^"之後又行o左一震IKEA.....返屋企!!

<< 戀人未滿 >>

穎琳:對呀.....真係行得好哦,係....叻女哦!!不過你上次就真係驚人D.....10分鐘到就買o左野啦~~

<----thomas送的哦,是今年第3份禮物~~<----"迪迪尼"飛,是亞哥請的,排行NO.4

今日食的東東~~



屋企人 & mabel..................



>>May 20, 2006 at 4:16:36 PM GMT+8

2006 年 5 月 18 日 星期四 【晴】

八婆生日快樂哦.....哩世人都同你講o左21次生日快樂了,希望會講到老啦^_^

我、抄藤、穎琳同亞kwan一齊去o左apm到睇"達文西密碼"........2個幾鐘架戲,搞度廁所都唔敢去!!不過好彩間戲院D位好大,坐得好舒適,但個戲院都係好鬼死凍,係入面捱足2個幾鐘架凍>_<"

之後我地去o左食飯,其實都唔係食飯架啦,係下午茶架啦^_^"食到飽飽,亞kwan走先,咁我地就行amp啦~~今次學穎琳咁講,差唔多間間鋪都入過晒咁^_^"

<----今年第2份生日禮物哦,啪啪散紙包 I LIKE IT^0^~~多謝晒哦,大笨蛋,hehe........

<--------SWAROVSKI抽獎劵,係522尾架^_^ 咁係咪會中獎架,哈哈~~

>>May 19, 2006 at 11:32:52 AM GMT+8

2006 年 5 月 17 日 星期三 【微冷】

所有颱風都已經除下了,今天的天氣真好,因好清涼^_^

返工.....今日覺得公司的同事個個都對我好好呀,可能我係公司來說係最細個個啦^_^同個個都講得笑(係熟個D)

放工......回家.......哩排成日都喉嚨痛,都唔知咩事?_?都冇食熱氣野架啦,又有飲涼茶架啦,都係咁痛,仲要一早起身時係最痛的,搞度講野都唔會大聲(扮斯文^_^")

發現家中,只有靚媽記得(因佢十月懷胎咁生我,點會唔記得呢)其他屋企人.....因為 忙,所以 忘......都習慣,哩幾年都是平平淡淡地..........

<----今年第一份生日禮物哦^_^姉さん（佐藤さん）とても、ありがとうございます。不經不覺同佐藤さん認識了2年多了,真的好感謝她一路都當我是妹般照顧..........謝謝你!!

以下3張圖是"電車男"中第3集的片段,我想說日本都真的很慳,同一個路人甲,都出現了3次!!


>>May 18, 2006 at 12:43:34 PM GMT+8

2006 年 5 月 16 日 星期二 【驟雨】

三 號 強 風 信 號 ， 現 正 生 效 。 預 料 本 港 平 均 風 速 每 小 時 41 至 62 公 里 。 在 下 午 1 時 ， 颱 風" 珍 珠 "集 結 在 香 港 之 東 南 約 220 公 里。

整日都下著雨!!打得成八號的機會好似好微,終之下個星期一唔好落雨打風就可以架啦~~

今日九點半到就起o左身,為咩咁早起身?_?就係終於有人來我家,收拾爆炸後架手尾~~找到源頭了,雖然亞爸架伙記講o左係咩事,但我都係聽唔明架^_^"事但啦,整返好就可以架啦!!當佢地係屋企整架時候,我就帶o左細佬去荃灣到打針,哇......去完返到屋企,勁攰,因細佬佢都真係好鬼重>///<之後仲幫電腦進行大清洗!!

唉....唔知係咪哩排個腦好得閒呢?_?又係到諗好多野.......例如:又諗返exam架野,怕自己要resit,又諗去日本架事,又係度諗點解人可以咁笨,全部都唔係我控制範圍之內,所以就係度諗.....遲早諗到頭都爆,由其諗自己要唔要resit (路人甲:你係咪放假放到痴o左線呢?_?無啦啦又係度諗咁多野!!)

<-----my bedroom^_^大執房~~仲要大清潔,連床下底都唔放過!! 最後係.....勁攰x1000 對.....我床D公仔多到係佢地瞓^_^"

>>May 17, 2006 at 9:50:57 AM GMT+8

2006 年 5 月 15 日 星期一 【驟雨】

一號,戒備信號,現在生效,颱風"珍珠"約在香港800公里內,可能影響本港。oh~~今年第一個颱風.....打風都幾好,涼快!!

返工......好多人係公司~~同有個以前又係做part-time的中七生,又返番黎做~~太好啦!!咁係公司又唔洗咁悶啦^_^

IT card架月費單寄來了!!唉.....要比$$啦~~

笨蛋..............笨蛋................笨蛋.................笨蛋............大笨蛋!! 路人甲:你在罵誰?_?

>>May 16, 2006 at 10:08:10 AM GMT+8

2006 年 5 月 14 日 星期日 【微冷】

今日天氣真係好啦,唔熱又唔係好凍,正^_^

早上有我、抄藤、穎琳同亞kwan一齊去o左旺角睇Silent Hill "鬼魅山房"本來以為套戲D鬼好驚.....但點知唔係,係好似打機個D喪屍樣,我覺得D喪屍唔恐怖,係核突!!但我都比個撞野聲嚇親>m<"同睇完之後都仲有好多疑團係個腦到?_?仲有我都唔係好明,點解套戲架中文同個故事有咩關係?_?

之後我地去o左油麻地睇水晶,但係冇幫襯^_^"又去o左食手撕雞米線,好似好耐冇食過啦~~接住行街,行到5點幾就回家了!!

哎呀.....中期人口普查請o左我啦~~工作期:七月十五日至八月一日,$7,808........(可能我會去你屋企到架,哈哈!!)但日本之旅要八月中先可以起行啦......心情矛盾>_<"

生日願望已經想好了,希望會實現........................

>>May 15, 2006 at 12:30:55 PM GMT+8

2006 年 5 月 13 日 星期六 【晴】

母親節.....祝天下所有母親都快樂!!

今日轉涼o左少少.....好舒服^_^但自己都真係作作地病,一起身個喉嚨痛痛地咁,又要再說一次"笨蛋才會夏天感冒",唉........年年都會打哩句野,咁証明我真的是一名大笨蛋>_<"

晏晝出o左去嫲嫲家到食飯,對......係何文田,搭小巴去架時候,有D懷念返學架日子(係唔包括交assignment & exam架日子)同見到OU門口變得好靜~~食完飯,同靚媽去o左行旺角,好耐冇係星期日出街啦,今日架旺角比我想像中少人......幾好行^_^

"女人唔易做"今日大結局啦~~

櫻井嫂:我睇o左字幕版啦,都真係幾高質素哦~~好似有睇戲feel^_^証明香港人係勁架!!

>>May 14, 2006 at 12:01:29 PM GMT+8