2006 年 9 月 8 日 星期五 【微雨】

一早8:00am起身,昨晚瞓得唔好,因個冷氣凍開到30度都好似入o左雪櫃咁,我地兩個要開晒厚被,自己好似冬天去o左台灣咁(瘋)係酒店食個早餐,眼瞓度唔知自己食o左D咩,咁就要出發開始今日架行程啦~~

第1站,係中正紀念堂,旅遊巴路經,倒扁靜坐區,其實都冇咩野呀,好平靜~~去到行個90級樓梯,行到腳仔軟又熱,同又落完雨,個地又好滑,我地行到好似亞婆行路咁,就係為o左睇一睇蔣介石像....

第2站,忠烈祠睇士兵交更~~佢地都好操得好齊哦,不過亦都好慘啦,咁熱架天氣流晒汗,都冇得郁,要企到直直咁守門口,一企仲要企成個鐘,不過我返來香港時睇到同我影相個個士兵佢竟然有張相係望鏡頭,怪唔知得我睇架時候,突然有個員工走過去同佢講了幾句吧,因可能佢唔專心哦~~

第3站,真珠推廣中心,都係得個睇字,係唔會去買架,因一個字"貴",之後就去o左lunch@鐵木真,食BBQ+火鍋,都只係一般好食~~

第4站,京華城shopping mall,入面好似apm咁,所以冇咩野買到,食o左個可麗餅,哇....好大食到好飽~~

第5站,全世界最高架台北101大廈,又係shopping mall,似朗豪坊+海港城,好多名牌買,所以都冇買野~~

第6站,鳥龍茶推廣中心,可能自己都幾鍾意飲茶,所以買o左少少,好飲!!

第7站,士林夜市,哇...好多間食野架啦,但間間都係食差唔多架野,所以是但咁入o左間食o左個度架台式天婦羅、臭豆腐、蝦卷~~係食野個度,隔離鋪有個靚仔,但影唔可佢相哦^_^"之後去返車到,竟然導遊、領隊、司機,都遲到要我地係到罰企十分鐘~~

接著返酒店,但我地緊係冇咁乖唔再出去啦,我地又去o左西門町睇漫畫同其他野啦~~同玩o左夾公仔機,好玩~~我玩都夾中o左6粒士多啤梨哦~~之後有D攰就返酒店.....

P.S.哩幾日我地都好似自由行,因導遊帶我地到一個地方,我地就聽o左幾句走o左,就自己去行啦~~同哩2日都比人認錯係日本人(汗)我似嗎?_?係日本又係台又係~~不過台灣都真係好多日本人去旅遊~~

>>September 12, 2006 at 2:16:20 PM GMT+8

2006 年 9 月 7 日 星期四 【綿綿細雨】

台北之旅,今日正式出發...同行架有白色破舊converse、901 levis、kitty o急、大lesportsac旅行袋 & 旅遊蛙.....

12:00p.m.飛機起飛

今次搭長榮航空,個半鐘機,話咁快就到,係機上好急咁食o左個飛機餐,唔係咁好食,都係上次JAL好食好多^_^

一落機,先去o左個冇人去架小人國,入到去睇明白晒點解冇人去,因真係冇野睇不過小人國D野好咁"蛙蛙"影相哦,夠細!!我同穎琳都覺得個度似鬼屋多D,因個度D展品係有D特別效果,但我地次次都比個D效嚇到>m<"之後我地出發去o左九份,搭o左成個幾鐘車好攰....至從日本自由行之後,發現自己唔係咁鍾意搭旅遊巴>_<"去九份,買o左辣魚仔(真係好辣)又食o左魚丸、牛肉麵,之後去o左7-11買野飲~~接著就回一樂園飯店,好近西門町哦~~住2316...入到去,呀...個房係冇窗&浴缸(是酒店嗎?_?)之後我地放抵野,就出o左去夜遊,去到西門町好有旺角feel啦....買D野都好似哦,我地半迷路咁去o左誠品書店,買o左本幾米書"又寂寞又美麗"又行o左去漫畫店,但收工了(灰)所以去o左食蚵仔煎、魯肉飯(我而家先知魯肉飯,即係香港架肉燥飯哦)又飲o左草莓雪芭(好飲^_^)之後又行o左一震,返酒店前買o左台式烤香腸同串燒雞返去~~

P.S.旅程導遊Jerry,台灣的是Paul(佢都係香港人)同今日係九份starbucks到同個度架店長閒聊o左好耐,哈哈~~佢好勁啦,可以知道晒日本,香港架starbucks有咩買~~

>>September 12, 2006 at 1:35:30 PM GMT+8

2006 年 9 月 6 日 星期三 【晴】

返工....又係攞正牌同thomas一齊走(oh~~oh~~)

之後去o左葵芳食飯,就返屋企執埋個o急....接住就花了半日係到砌GUNDAM,幅野其實係thomas架啦,唔知佢點得回來,但又唔想砌,所以變o左我砌啦,哈哈~~即時變o左做keroro軍曹,不過好多細少架組件,所以砌完隻眼好攰哦~~

明天去台灣啦~~同日本之旅都只係差2星期,希望今次好玩啦^_^

P.S.同日記分開4日啦~~



>>September 7, 2006 at 1:41:50 PM GMT+8

2006 年 9 月 5 日 星期二 【酷熱】

返工....哈哈~~今日揸正牌早走,因同thomas一齊走哦^_^

去o左金鐘攞台証....仲有2日就出發啦,好多人都說我去台北一齊去"倒扁",對哦...岩岩好撞晒佢地靜坐架日子,希望唔會太影響個行程啦~~同見到"倒扁"架話,一定會影相的哦~~係垫台証個度,竟然遇到團友,但我諗佢唔認得我啦~~就係因為佢唔認得我,因當叫籌去櫃台時,佢好似怕我會打佢尖咁,見我行得快過佢,佢就啦啦聲走埋去個櫃台到,我心諗:幾日後,知道我係同團架話,都真係佢唔知會點呢?_?

之後就返o左屋企...一"灘"o左係梳化到就一睡不醒啦,都係靚媽叫我食飯我先起身,如果唔係都係"灘"係度架啦.....

晚上熱o左咁多日,終於落雨啦~~希望明天會涼D啦!!

P.S.哈哈....今日搭MTR回家時撞到鄭平....佢岩岩放學去街,之後返到屋企留下又撞到vincent佢,oh~~今日咩日子,撞到咁多人架,好彩個D時候都唔係做緊D咩野^_^"

穎琳:唉....我地為有期望佢地係玩得架啦,如果唔係我地都真係兩個玩手指啦~~

>>September 6, 2006 at 2:47:31 PM GMT+8

2006 年 9 月 4 日 星期一 【晴】

哎呀....哎呀.....一起身....十點幾啦,今日仲約o左穎琳十一點去金鐘開茶會添架!!之後係咁搵個鬧鐘又唔知點解個鐘....係同o左我一齊瞓,所以咩響都聽唔到>_<"

啦啦聲趕出去,最後都係十一點半出到去,但個茶會都係尾聲啦....是但啦,不過今次哩個團得廿幾人,仲要好多都係中年人士去,我同穎琳好似有D怪怪地咁~~

之後本來想去拎個台証,但又唔記得帶本passport咁又冇得拎啦~~所以就出返去旺角到....去o左水道橋食飯,點知撞到YMCA架miss,郭珍妮......哇!!成年冇見,都係一樣咁可愛啦^_^食完返去o左換台幣,唔...又冇o左D錢啦(窮)換完行多一震就返屋企留下交埋CEF form....真係想快D拎到個一萬蚊,幫補下,冇咁窮~~

>>September 5, 2006 at 1:48:37 PM GMT+8

2006 年 9 月 3 日 星期日 【酷熱】

昨晚又發夢...今次發o左個怪夢,雖然夢中架情景,係現實生活中我都有諗過,發夢架迫真度令我有點不安,但喚醒我要係現實生活中,自己其實係想點,唉....好煩惱,有冇人可以幫我做個決定呀~~

今日係屋企"灘"o左半日...都唔知自己做o左D咩~~

晚上,大表姐約我一齊去打邊爐,多謝請客,食到好飽哦(心)

穎琳:都只係執o左D啦,因之後我冇咩時間執啦,所以早D埶o左去先!!

>>September 4, 2006 at 4:09:42 PM GMT+8

2006 年 9 月 2 日 星期六 【酷熱】

今日十二點到就起o左身,冇出到街~~

咁就開始執咁多年來收藏架keroppi東西~~本來諗住係一件好簡單架事,點知....係一件好艱辛架事來的,同本來都諗住好用心去同佢地影下相,都係半途而廢架,因太多同太散啦>_<"執到一頭煙.......昨天係IKEA買個4個大箱,一下子就爆o左,仲要有其中2箱係公仔來,哎呀.....唔夠裝啦>m<"所以等人車出去沙田IKEA到再買多6個中size箱~~又要抬回家(煩)

回到家,又再次進入執keroppi行動,哇....終於係七點幾封好晒,用o左4個大箱+5個中箱(驚)間房多o左好多位出來~~可以落街食飯^_^今日真係攰到爆,好似做o左成個月份量架運動~~

唉...今次哩個執keroppi行動,係一件impossible架事,因我都唔知點解間房可以放得落咁多keroppi架野(驚)同發現執keroppi架野＝我整間房架大執,因keroppi係間房每一個角落都有,所以其他野都一同郁埋,咁就要執足一日!!

P.S.今日真係執野日,去台灣架行李都執o左啦,可以進入最後階段!!

>>September 3, 2006 at 2:52:22 PM GMT+8

2006 年 9 月 1 日 星期五 【酷熱】

今日帶o左"旅遊蛙"(簡稱:蛙蛙)返公司搗亂,哈哈^_^又同佢周圍影相,不過隔o左一震ms wong返o左黎冇得同佢周圍影啦~~同今日發現公司有個同事都係係OU到讀part-time啦!!

放工,去o左沙田同亞哥同mable一齊去行IKEA.....去個度又同"蛙蛙"係咁影相,影到相機冇電先收手^_^"其實去IKEA係去買大紙箱,將咁多年儲下架keroppi架東西,放整齊,大家唔好誤會我唔係將佢打入冷宮,係我多度冇位再放,所以要執下佢!!一共買o左4個大紙箱,大到細佬都入到去瞓~~

近期公仔界,我都真係花心o左,又鍾意keroppi、little green men、kuromi、蛙蛙~~但keroppi係由我幾歲大鍾意到而家,可想我係幾長情^_^little green men,其實係我好鍾意toy stroy哩個故事,所以鍾意佢,kuromi係我架公仔界入面第一個我鍾意架公仔(貝兒,我都鍾意,但我只會覺得佢好靚)而蛙蛙哩...唔....都真係唔知,只係覺得佢呆呆下好可愛,仲要係綠色(路人甲:你好似除o左kuromi唔係綠色之外,其他都係哦!!)哈哈~~咁我喜歡綠色啦^_^"

P.S.昨晚發o左個夢到二宮和也,佢仲要整喊o左我,都忘記o左佢仲咩整喊我啦^_^"因最後佢係有哄番哄我,仲交換o左個msn添,哈哈~~我仲好記得個時我心想:二宮咩你識英文的嗎?_?









上面隻kuromi係新買架,不過唔會帶佢去台灣啦,只會帶"蛙蛙"去啦,因我一個人睇唔晒咁多個小朋友啦,靚媽話:一震走失o左一個,就喊餐死啦(記住唔係D公仔喊,係我喊!!)

>>September 2, 2006 at 4:12:48 PM GMT+8

2006 年 8 月 31 日 星期四 【晴】

9月1日好多人都開o左學架日子....我都仲係summer中~~

不過今日都返o左去學校到整CEF同MTR續student,哎...好煩,比個唔識野架亞姐搞o左我好耐,佢係唔識到咩係MTR form都唔知,所以本來只係蓋個印就走得,都搞o左我成15分鐘~~

之後係朗豪坊到hea....到王均均&王小mo出來~~會合佢地,一齊行o左信和&田園....田園呀,田園,又買了4本小說啦~~真係唔知幾時先會睇得晒我一路咁耐買落架小說(努力)

等埋大家姐,好!! MEPK齊人,返o左YMCA鄰近食好耐冇食架車仔麵,都仲係咁好味(心)之後行埋潮特,就走人啦~~連續3日出旺角,都未厭,可能好耐冇行啦^_^"

P.S.今日死係BIOTHERM手上,應該係不嬲死係佢手上,因轉o左咁多個牌子,係佢先可以夾到皮膚小姐啦,唉....皮膚小姐,佢麻煩架啦,DHC佢都會敏感,更可況平價的呢?_?所以花在皮膚小姐上的錢都不少啦(灰)希望佢生性D啦,唔好有咩問題啦!!

>>September 1, 2006 at 2:55:29 PM GMT+8

2006 年 8 月 30 日 星期三 【晴】

又係返工架日子......

放工....返o左屋企,hea~~約3點幾,抄藤打來叫出去食tea,咁就出o左去旺角食個tea,同行o左一震街,就返屋企啦~~

P.S.台北之旅如冇意外,應該係成o左團架啦~~咁即係仲有約一星期就出發啦哦(咁快架?_?)

>>August 31, 2006 at 1:53:28 PM GMT+8