2006 年 9 月 28 日 星期四 【晴】

哎呀...今日真係好X炆....因為冇電腦用,搞度咩都做唔到~~同今日我顛度係公司,不停同人地講:你知唔知外星人會成日係度睇住地球人架生活架,佢地隨時會捉地球人去做研究架!!其實成個故事係話ms wong用閉路電視,睇住我地做咩,仲要係有收音個隻,所以我講得好大聲,因我估佢睇番條片架時候,唔會咁白痴係度認自己係外星人吧,呵呵~~激死佢,因咁樣佢又唔可以話我,如果佢話我,即佢認自己係外星人吧(奸)

放工...同抄藤行尖沙咀.....去o左食和民,哇....相中的吞拿魚壽司飯,等o左勁耐,之後就周圍行,哎呀....睇中o左件x-large架褸,但都係等遲下先啦,因我最想都係買褲先哦~~最後行去citysuper到買o左支starbucks架strawberries & creme....飲落去,好似"士多啤梨牛奶糖"咁(甜)不過唔知點解個個見到支野,都話D色好核突,是嗎??我一點都不覺得!!


之後返o左OU到上半堂"香港營商"oh~~好慘哦!!成班只有vincent佢一個人返o左咋,最後坐坐下都只係有5個人返(悲)
最後都唔係上堂了,係吹水了~~


晚上去o左嬤嬤家到提早做節(都真係提早o左好多哦)見到好耐冇見架堂妹"曉瑩",佢得一歲多DD咋~~佢好勁哦,可以講度好多架單字,同佢學野架速度好快,因我做一次,佢就可以即時做一次(醒)同意外地聽我話^_^不過小朋友哩樣野對我來說,都係玩下好啦,太長時間,我會冇耐性(T_T)



P.S.量個血壓.....我係低血壓人仕.....不過一早估度,因我比一般人怕凍,捐血比一般人慢等....我諗唔會有事,因都咁多年啦~~

>>September 29, 2006 at 3:21:30 PM GMT+8

2006 年 9 月 27 日 星期三 【晴】

返工...oh~~今日撞正meeting....好彩今日都著得o左高跟鞋,因今日個顛傻ms wong,竟然係開晒咪咁係度講:有同事架衣著唔整齊,我今日唔話你,但唔知幾時會話你架啦~~之後我同thomas研究係邊個....都係唔知架,因我地睇今日個個都好整齊,都係恤衫 & 西褲or裙....我諗佢唔會係講我呀嘛,我已經唔係著牛仔褲 & converse架啦哦(=_=)不過點都好,都避o左一劫,好彩~~

之後返學去了.....上account tutorial....都係覺得以前學個個method好D啫,唉...不過算啦...都係跟佢,費事到時又話啦~~ break...去o左OU club到食tea....又去上business law tutorial,終於發現個個都係聽唔明個lecture架,不過今日上完個tutorial之後,明o左少少...都真係少少咋~~

放學,會合埋八婆就先返屋企.....接住又係去游水...原來,泳池開到十月咋....咁游埋個十月就冇得去游架啦~~

亞kwan:係哦~~隻柴犬女惡飛起哦!!

今日帶o左心愛架"旅遊蛙"返公司& OU~~






>>September 29, 2006 at 2:28:57 PM GMT+8

2006 年 9 月 26 日 星期二 【晴】

今天返學...本來都唔係好攰...但唔知係咪用心聽書會特別攰....由其上完business law lecture >_<"但到今日為至,我都係唔明econ想做咩,真係要心用去諗諗,唉...都真係死得啦,business law & economics聽極都唔明~~都唔知點算好啦(泣)

昨晚都終於真係account上o左身啦(想起YMCA的日子,我都係account上身的)不過懶啦,只係做過下就算了~~

P.S.今日break時同亞kwan去o左睇狗狗....好耐冇睇過,所以隻隻都好得意哦,路人甲:你家中個隻細佬係咩呢?? 咪係真係我細佬囉,我已經當了佢係人架啦,哈哈~~

我最想去架地方:

希臘 雅典,愛琴海的日落.....我最愛的日落,這個地方由細細個已經好想去了,因給希臘神話迷倒,現在看別人的相片,覺得這個地方好像是一個充滿笑容的城市,沒有半點悲傷~~同時去看看那些"爛柱"我都覺得很快樂~~




西班牙--->巴塞隆納,這個城市是要去看看他們的建築了~~真的太美,別人說我"假藝術"都好,我都一定要去看看這些"假藝術"



>>September 27, 2006 at 3:00:52 PM GMT+8

2006 年 9 月 25 日 星期一 【微冷】

今天又差點起唔到身,次次返12:00個日都一定遲到,太好瞓啦!!

用心上account 好開心哦,有數計,本人都比較喜歡計account哦,今日連上"香港營商"lecture時,都用來做account哦 (路人甲:你的account老毛病又發作啦,是否欠打!!) business law.....都仲係唔知佢想講咩??今年都真係好似森苗所講:今年有D危~~

P.S.本來昨晚想溫書....但都係同D書"神交"...咩都冇做,唉...10月又有好多assignment要交,又要賺錢,點算好,哎呀....冇時間啦(>m<)好plan定今晚做account (心)

我的文具:
kuromi file,靚
從日本買回來的"舒琪筆袋"越睇越似
都係日本買回來的little green men pen(但隻手不是我啦~~)
粉紅色的"人口普查筆" & my schedule~~
我的"流浪袋"...越來越鍾意(心)

>>September 26, 2006 at 1:41:57 PM GMT+8

2006 年 9 月 24 日 星期日 【晴】

今日一早出o左去土瓜灣,同埋亞hing一齊去見"威馬家電"推廣員一職,去到....等個位丘生等o左成15分鐘先有得in~~ in完就返學去了!!點知....都唔知係亞hing黑仔定我黑仔,我地行去搭van仔時,竟然.....遇到個傻婆婆,佢先拉住亞hing係度同佢講:唔好殺個細佬...一世人得一個細佬咋!!之後佢就走埋黎同我講:我八十大壽,林家聲都有黎架,接住佢又走去拉住亞hing又係講"唔好殺個細佬",仲要加多句"only one brother"(爆笑)之後佢又同我講林家聲有去佢個八十大壽,叫我比面佢,咁我就同佢講比面...比面,咁佢就走o左啦~~其實哩個傻婆婆,都真係幾搞笑,又識英文架哦,所以都唔知係笑話定黑仔啦(^_^)

返到OU,都係上少o左一堂,算吧~~不過聽唔明講咩哦,仲係掌握唔到ECON想講咩??要努力(火) break,留係何文田到食,同撞到王均均(都唔係第一次架啦)又溫下書咁,其實都唔係溫,只係討論下咁啦~~之後上o左account三分二堂又要走啦,要去銅鑼灣interview(對....今日係見工day)今次係in做訪問員~~但去到個間公司的半途,威馬打來叫我今個星期六、日上班,oh~~但我in哩個訪問員,又叫我明天上班,但要返學,所以返唔到(>_<")算吧~~威馬賣廚房用的"電池爐",頭3個月有$280@day,返9小時,有一小時食飯,計埋計埋都有成$2xxx成個月,都ok,希望佢真係請我啦,佢都講到好似好實咁~~

哎呀....有多一份工之後,就有另一個問題出現了,唔知點同thomas講我星期六返唔到or要早走,都唔知點算,好煩啦....同又怕自己冇時間溫書~~可能而家好多野都仲未掌握到,所以怕啦,亦希望係咁~~

我的最愛：
繡球花又稱洋繡球、八仙花、紫陽花、雪球花。學名為Hydrangea Macrophylla (Thunb.)Ser。由許多小花聚集在一起，看起來很像中國人拋繡球招親所用的繡球，所以才稱呼它為繡球花。是屬於八仙花科八仙花屬的落葉小灌木，具有短葉柄的寬卵形葉片，長得肥厚又光滑，在葉子邊緣有比較粗的鋸齒。繖房花序頂生，球形，密花，花白色、藍色或粉紅色，幾乎全為無性花，每一朵花有瓣狀萼4～5片;花瓣4～5片，小形，雄蕊在10枚以內，雌蕊極度退化，花柱2～3枚。

繡球花的是一月一日的誕生花，花語是希望；依繡球花的花語是希望這個說法，是因為繡球花的原產在地中海，在地中海一向以在嚴冬開花的常綠樹而聞名於世。寒冬時，乍見粉紅色的花蕾和白色的花朵，似乎在告訴人們春天的腳步近了。因此繡球花的花語就是希望。

在亞洲，繡球花於日本、台灣等地十分普遍，有說法是繡球花的原產地在日本，花語是幸福。繡球花的日本語名字是紫陽花(あじさい)；於每年六月至七月的初夏期間盛開。由於花朵遇到酸鹼值不同的土壤時，會呈現出紅、紫、淡藍等鮮豔的色彩，日本人便將這種現象稱為「七變化」，變化多端的色彩以及鮮豔又大輪的花朵，為典雅收斂的日式庭園帶來繽紛夏意。《萬葉集》等日本古籍中，即可看到許多關於它的詩歌文章。每年從6月初開始，日本各地便會陸續舉辦繡球花祭典，在和煦溫暖的陽光之中，朵朵綻放的繡球花編織成一片五彩繽紛的花絨毯，鮮明的色彩讓人意識到夏天的腳步已經到來。有些祭典會場還有許多小吃、遊戲等攤販，讓活動更添熱鬧氣氛。




>>September 25, 2006 at 12:50:27 PM GMT+8

2006 年 9 月 23 日 星期六 【微冷】

由於公司沒有提供電腦,所以我今日整都係坐在家中,入data....真的希望thomas快快裝個office,咁我就唔洗帶文件回家做了~~

本來今日想溫下書架,但點知....冇時間,唉...點算~~

昨天的游水,真舒服....在水中,什麼煩惱都一掃以空,可以減減壓~~

>>September 24, 2006 at 2:18:36 PM GMT+8

2006 年 9 月 22 日 星期五 【晴】

返工.....返到去hea...hea下咁做野...因公司已經冇晒電腦比我地用,所以我為有拎野回家做(唉...快D有個office出現就好啦~~咁就唔洗拎返屋企做啦~~)同今日公司裝好了閉路電視了....仲要有收音的功效,收音的清晰度...係普通對話都聽得好到(驚)ms wong你係咪變態的哦,要知別人這麼多私事,幹什麼(怒)我知...我終有一日會控制不到,會同ms wong大吵一頓,睇下我幾時爆!!

放工,同o左靚媽行花墟,買o左以下架花,同時亞哥的房給我放滿了花哦(靚)由其我最愛的"繡球花"


晚上,同了八婆去o左游水...好耐有游啦^_^

搵工....今日又有工打來啦,但都又係得個見字,咩都冇做到~~唉...幾時搵到呀,就黎灰到,唔想再搵下去啦~~

死.....欣賞度增加~~但要接受現實的答案!!

王均均:哈哈~~我搬上時,你搬落....搬公司好煩啦,好多野要執,最重要係我地執,老細們都不做的哦!!對...我們都真的到了無視街上的行人,好似只有我們4個人~~

>>September 23, 2006 at 9:58:52 AM GMT+8

2006 年 9 月 21 日 星期四 【晴】

今天心情勁差,因竟然可以四日內唔見2次con,仲要唔見同一隻眼,你話係咪黑仔到咁呀(頂...XZY!@#$%)之後個人係炆到啦啦聲出門口,如果唔係我怕我會失控!!好彩靚媽同細心地找....終於找到了,太好了,唔洗又比多$390出來啦(感動)

又係返工...但可以瞓飽先返,由於比隻con激死我架關係,所以做咩都冇心情,連食飯都冇心情去食~~放工又啦啦聲返學,唉.....都唔知今日返去做咩,只係要返一個鍾同都唔明今天好似比平時,要忙的感覺,但明明咩都好似好閒咁??!!

放學行朗豪坊等巴別收工睇戲,去o左食味千,哇...個度D飯多到我只係食o左一半到咋,都已經飽死,但要謝謝巴別請客哦^_^之後我地就去o左睇"穿PRADA的惡魔"..OH~~好好睇哦,可能戲中人我第一時間想起公司的顛婆ms wong....由其劇情中,佢要求所有人都要著得好睇,同個個員工都要聽佢講,最似是女仔都要著高跟鞋返工,哈哈~~完全想起ms wong如何對我說著好D返工,唔好著converses返工,所以今時今日我返工先要著高跟鞋,其實我都係一時時,因著壞腳邊個賠返比我!! 但好似今日冇著,就係公司寸步不離,坐定定係個位到,希望個女魔頭見唔到,咁就冇野好講啦~~

今早比part-time job打來叫我去interview嘈醒....唔...都係唔好咁大期望好啦!!

P.S.今日係thomas的客戶堆中,見到一名客人的名字同王小mo的名是一樣哦....中英寫發都一樣(驚)最後睇埋個出生日期就知不是了~~

當太好的時候,會好到令人很不安、不知所惜、不知如何是好.....亦可以令人變得黑心起來,只因可惜他有愛侶

>>September 22, 2006 at 3:14:04 PM GMT+8

2006 年 9 月 20 日 星期三 【晴】

今日返工....妖...個死人女魔頭ms wong真係好X麻煩......咩都唔比人用!!又成日係公司到哦,都唔知做咩,只係行來行去~~哎呀...冇電腦用架日子,真痛苦哦~~所以今日都係執下D document.....

之後就返學......上o左account tutorial....好似同以前學個D好唔同咁....好似張D簡單野複雜化o左去~~ 到o左一個鐘break,本來又係想食個"基度山",但冇晒~~食o左其他野,亞hing佢就好勁啦,我返學時見到佢,佢先同我講食完lunc,之後又tea......2餐只差一小時咋哦(汗)好....接住去o左買書,唉....舊書又唔捨得賣,但又要買o左成$738.2 @3本新書,都唔知自己做咩~~不過要感謝梁成成幫我拎o左好長時間哦(差不多全都是佢拎了^_^")上埋最後一堂tutorial of business law,今日哩堂business law都唔知做過D咩,淨係,係度自我介紹堂咁,無聊 !!

放學,梁志肥(佢真的肥了好多哦,哈哈~~今日先發現)、抄藤、亞kwan、森苗同穎琳行旺角,先同亞kwan去買相機,之後又去o左朗豪坊....最後就緊係返屋企啦~~

大發現,我的電話係OU地庫,只有廁所先收到,有冇搞錯(怒)

P.S.好野....免入息終於減息啦~~減到7.275釐....請再減下去!!

>>September 21, 2006 at 1:32:48 PM GMT+8

2006 年 9 月 19 日 星期二 【晴】

今日早上,如果唔係thomas打來我諗.....會唔知醒~~之後就啦啦聲出門口....

頂...個電話係成個OU地庫,都收唔到,點搞架~~今日係半lecture day....原來除o左ACCOUNT我讀過下知度佢講咩之外,其他的都唔知講咩,唉....又要買返本書自己睇啦(煩)同今日帶o左本stat書返去,本來諗仲賣架,但....都係唔捨得,可能太新啦,真係好唔捨得....或者可能我真係同佢精神上培養o左感情(亂說)所以今日帶住本stat書一day.....

oh~~真快隻con終於有得拎啦,都只不過係一日架事,屋企留下的眼鏡店真有效率(驚)不過今日都差點又唔見埋另外一隻(汗)

今日搵工指數......8%.....好努力架啦,一早起身都即刻打個電話....同報紙檔...唉...冇多吉少架啦,努力找另外的吧!!

八婆:oh~~太好了,最緊要你鍾意^_^唉....唔好提ARASHI....真係有D後悔唔遲一星期去(灰)算吧~~

>>September 20, 2006 at 1:16:54 PM GMT+8