2006 年 9 月 18 日 星期一 【晴】

返學前走o左去配番隻con....昨天第一日返學就唔見o左一邊con(灰)好彩仲有以前個D即棄con啫,如果唔係,都唔知點算.....同咁又冇o左成$390啦....一隻con咋,令到我窮上加窮(泣)

哩2日返學都好hea,同開始好討厭哩個timetable,因2日都係整日上lecture,同放學D時間,一係撞中學放學,一係撞放工時,搞到搭車迫到死~~最慘架係,成個地庫SmarTone都係收唔到,仲要日日都係個度上堂,咁個電話即時廢o左(怒)不過今日上business law架lecture都幾得意,個lecturer好搞笑的哦,令到個上堂氣氛好開心咁!! break時我地去o左M記食野(本來係想食基杜山架,但買晒哦)上多堂"香港營商環境"就放學~~

哩2日都冇搵工啦...因忙住做其他的東西,同再沒有回覆哦~~唉...冇多架啦!!遲下又要努力找part-time,如果唔係窮死~~

頂.....(係哦,我近日好炆啦)ARASHI...點解你地去開台灣唔來香港呢??你地都唔錫我架(泣)

雙子座
18/09-24/09

總運勢：＊＊＊
愛情：＊＊＊
財運：＊＊＊
健康：＊＊＊

搵錢大計可如期進行──如果你願意勤力一點的話；心散的本周，力保不失已經很厲害。很想愛一個人，卻不懂得面對，不想接受一個人，卻又不懂得拒絕，你，究竟在搞甚麼？！

>>September 19, 2006 at 1:53:14 PM GMT+8

2006 年 9 月 17 日 星期日 【晴】

開學啦...我等o左好耐架開學,終於都到啦^_^點解咁想開學,就因為窮......返o左學個人唔到去shopping,就唔會想買野(但其實個心都仲好想買條牛仔褲哦>_<")

第一日返學,大家都好一如以往咁,遲到....係我都遲到~~不過william最勁,為返工賺錢,學都唔返(快D返呀william,唔好掛住賺錢呀!!) 第一日都真係得個坐字....同今日整日都係上lecture....所以得個"坐"字~~但最誇張架係一入到G01....係FULL o左架(顛)好彩都仲有位比我坐^_^但我諗哩D日子都最多維持2星期到啫,因到時就會好多"自動流失"架啦~~

另外,今日覺得OU好似細o左,但哩個係假象,其實係大o左至真,因地庫個層裝修變多o左好多room出來...但點解我會說是細o左....因人多o左好多,感覺比我地上年多好多(顛)唉....OU已經好細架啦,仲要擠咁多人係到.....行都冇得行!!

返o左成日學,都仲未覺得自己是year 2 架學生,仲好有year 1架感覺~~

放學---->返工...本來唔洗返架,但近日搬o左公司架關係,所以要多返一日去整頓一下,但等van仔,都等o左我半小時去(妖)返到工去....見到個個都係到執拾....之後去幫thomas配匙...點知,配唔岩,thomas又半黑面叫我拎返去同佢講,搞到我由公司上上落落o左5~6次,配匙個個人都覺得我煩(頂...頂...)之後快快整埋D野都7:00收工(妖)

今日晚上,開始我變得"生人勿近"....唔好野我!!

P.S.今日搭地鐵時,見到有個女仔,拎住一個車厘子LV袋....點知一眼睇到,佢個車厘子花 & LV花都係倒轉o左架....唔係假得咁浮誇呀~~咁鍾意咪努力儲錢買個真架啦!!

王小mo:不是舊愛嗎???ohno是新歡.......好彩我咁多年都係只愛名叫:二宮和也的小伙子(大心)

>>September 18, 2006 at 2:28:45 PM GMT+8

2006 年 9 月 16 日 星期六 【晴】

今日返o左去堔圳半日遊,就係做o左以下的事.......



之後就返屋企...hea....

今天的搵工指數----->8%,因報紙擋打來說可能編到我.....事但啦,有工返就可以架啦~~錢錢錢.....

王小mo:都真係幾有感以發啦.....還記得我們的認識是生田斗真(你的舊愛).....

>>September 17, 2006 at 3:42:40 PM GMT+8

2006 年 9 月 15 日 星期五 【晴】

公司終於搬上o左一層1808啦~~今日返去就係執野.....不過我同thomas一返到去第一個反應都係,下....唔知坐邊度點執野呀?_?最後,我地就走o左去留下大家樂食個早餐先,哈哈~~對,老細同員工都係一齊咁hea~~之後返去,首先就係做清潔(緊係我做啦~~)接住係紙箱群中,尋找番thomas架紙箱.....找到3箱之後,我問:係咪齊啦?_?點知thomas佢講:唔係呀,total架有5箱......下.......(汗)所以今日都做o左半日苦工,好彩thomas佢都好好,知D箱好重有幫手~~

放工...出o左去荃灣,同靚媽食個飯,突然有電話來,係善萍打來說,佢朋友個邊的part time,想見見我先,所以我就啦啦聲過o左去葵芳.....去到,真係得個"見下先"...唉...都去到葵芳啦,最後都係個度周圍行,又睇下請唔請人....唉....又係留電話多(灰)不過今日收到個電話,是做"客戶服務"說遲下會有interview,希望佢又係說真的啦~~

今日搵工指數---->7%.....努力....努力....

雙子座.....熱愛自由,所以是愛玩派及有點任性,同時三分鐘熱度及好奇架性格,所以成日比人覺得虎頭蛇尾同周身刀無張利(哩點我少少唔同意,我覺得係要睇下咩事架啫)由於有雙重或多重性格架關係,所以又係比人有飄忽感,但其實雙子座自己本身,都可能唔明點解自己會咁...因性格複雜,有點似鬼上身架感覺,哩一刻係咁,下一刻又是另一個人,其實唔係有病,只係按不同架場合、時間同別人架臉色來改,只不過係轉得快o左D啫~~雙子座架人經常比人話花心....哈哈~~都幾架,當雙子座欣賞一個人的時候,便會定下來的哦~~

雙子座的我....由於比熱愛自由蓋了一大半,所以我先會一個月去2次旅行,仲要已經愛上了自由行哩個玩意,上晒癮咁,亦同時將來自己一定會去外國流浪一次,可能係歐洲or澳洲,去嘗試一路流浪,一路賺錢的working holiday~~但我知有點難度及好多問題.....所以慢慢進行我的流浪計劃~~

P.S.我發覺,越來越喜歡個"流浪袋"......因真係好型~~

>>September 16, 2006 at 2:44:17 PM GMT+8

2006 年 9 月 14 日 星期四 【晴】

今日做o左一日送手信日....

下午去o左銅鑼灣比聰聰手信...仲同佢行o左一震ESPRIT,睇度個好流浪feel架背囊(型)

之後出o左去旺角.....周圍行睇下有冇人請part-time....唉...我都知,只係返星期六下午&星期日係好難架啦~~行o左成個鐘都留o左電話比2間,一間係扭蛋店,一間係時裝....我諗後者會大機會D,希望真係得啦~~

到o左LW2 (前名叫:MEPK)架約會時間啦(從今起我地改o左隊名,因轉了經理人公司,加盟了正西唱片公司、銀牌經理人公司、日皇娛樂有限公司)以上都係亂說的,但用了差不多2年架隊名真的改了!!

先會合王均均,行o左一震街,又睇多次個"流浪袋"....真係好型~~之後行埋朗豪坊,會合埋王小mo,就又走返去ESPRIT到買個"流浪袋"(謝謝穎琳的9折卡)其實個死人袋都幾貴,成$6xx.(窮)但真係好喜歡哦(型,cool~~)好...接住我地去o左食辣米線,好味,好耐冇食過...之後又去o左做指定動作,影貼紙相~~

其實,每次我都好期望LW2架聚會,因次次我地都會好像4個顛婆遊旺角的感覺,係完全冇理會過街上的人,不停係到大笑、喪笑、傻笑,終之咩都笑一餐,同大家都仲好似中學生般,玩著一些白痴遊戲、講一些白痴笑話~~以後架日子...我們也要大笑下去!!

今日搵工架進度係5%~~冇咩進展(灰)

P.S.買o左傳說中架"公仔餅",係近中秋節先有得買架咋,好得意哦!!


>>September 15, 2006 at 5:28:23 PM GMT+8

2006 年 9 月 13 日 星期三 【綿綿細雨】

今日返工返晏....所以冇平時咁眼瞓~~

返去公司做D咩?_?就係不停係度執野~~做咩係咁執野,因公司星期六就會搬,有D人會搬去朗豪坊,又D人會搬上18樓~~好彩我地係搬去18樓,所以都好近.....今日除o左執野之外,我仲要不停係到碎紙,又係因為執開野,就會有D唔要架野出來,咁我就要係咁碎o左去~~

哇...香港有地震???中環架朋友們感覺到嗎???有點可怕哦~~

P.S.正在為儲錢而煩惱,努力多找一份Part Time,加油.....加油....加油~~


與我一起了2年架The Gateway Tower 1,1708,再見啦!!
星期六就會係1808啦(都唔知搬黎做咩?_?)


見到公司留下,HarbourCity港威....有個魯"信"展,原來佢都去過日本留學架,仲因為咁所以先冇o左條長髮~~

>>September 14, 2006 at 3:41:14 PM GMT+8

2006 年 9 月 12 日 星期二 【驟雨】

紅色暴雨 & 3號風球

一點半出到旺角,死仔抄藤又遲到,好彩穎琳都差唔多到~~所以自己先行o左一震muji,買o左個兜裝野~~

成日遲到個位人兄,終於都到啦,行程就係同佢買衫~~之後去o左食沙嗲王,多謝遲到大魔王請客~~

穎琳要返工啦~~接住,我地去o左東涌,哇.....搭地鐵去都要成$7.x 都幾貴架哦~~去到,都真係好多outlet哦,但都冇咩睇中野,好彩~~

哎呀....要儲錢.....儲錢啦~~開學就係我儲錢架時候啦,所以好想快D開學啦~~又想搵多份part time係返星期六半晝 & 星期日架啦....想賺錢...儲錢,為下年的旅行費鋪路(火)
錢錢錢錢錢錢............錢錢錢錢錢錢錢錢錢......(瘋了)

智慧牙...你幹什麼又痛起來呢?_?你已經很不乖地,向內生了!!這樣會令我痛得不知所惜的哦~~

一張好靚架螞蟻相,令到平時好煩擾架螞蟻,頓時可愛起來(相片由梁成成提供)


>>September 13, 2006 at 1:01:42 PM GMT+8

2006 年 9 月 11 日 星期一 【寒冷】

MS yellow(穎琳)....生日快樂哦~~

1號風球哦~~

返工....返到就係派鳳梨酥,哈哈~~同事個個都同我講:岩岩先食完你日本手信,而家咁快就台灣啦~~又晒o左相

放工,行o左一震美麗華,去o左muji......

咁又一日啦~~

好努力打回台灣之旅架日記!!

今次去台北全部費用:$4300,平過日本架:$12000,好多啦,但本來都係喜歡日本多D~~

P.S.今日午睡架時候,森苗打來問我CEF的東東,希望冇答錯佢啦,因我都係半睡半醒咁答佢^_^"

王均均:如果比起日本就......不過都ok啦,好多野都好似旺角咁,冇咩特別,搵日出來食個飯,行個街吧!!

>>September 12, 2006 at 3:18:21 PM GMT+8

2006 年 9 月 10 日 星期日 【微冷】

返來囉...返來囉....今日台北回來啦~~

今日係最後一日~~早上係自由活動時間,所以唔洗咁早起身,8:30am食埋個早餐,去o左寄postcard比SATO~~之後又返o左酒店hea...睇個雪花電視(睇足4日架啦)hea到咁上下要check out~~出o左去西門町行埋最後一次,影下相咁~~最後酒店集合!!

去埋最後一站,鶯歌陶瓷老街,個度全部都係陶瓷鋪頭,最得意架係個度架陶笛,可以用來吹出一首歌的~~

出機場啦~~中國際機場2號,搭6:10pm....坐BR857,63K窗口位~~係機到聽o左KAT-TUN架歌哦(心)

返到屋企都差唔多9:30pm到~~

下次1月想去北京...行一行,我地架萬里長城、天安門睇升旗、故宮、頤和園等地方啦~~

王均均:今天回來啦,哈哈~~係咪好掛住我呢,今個星期六日,ARASHI會去台北開演唱會哦~~

>>September 12, 2006 at 3:07:57 PM GMT+8

2006 年 9 月 9 日 星期六 【雨】

今日全日都落雨~~

一早又係咁早起身,食完早餐,去o左睇靈芝推廣,又係好貴個D野~~

第1站,故宮博物館~~好多人,同我地又甩o左冇跟導遊行,所以好快就行下,買下野啦~~不過個度係出名睇貔貅、東坡肉、玉白菜~~全部都好係細細件,同可能我唔識欣賞,所以冇咩特別靚~~

之後食lunch...食台灣風情小吃@點水樓,都係ok啦~~

第2站,雙溪金公園,哇....由於落好大雨關係,所以個入口變o左水浸公園,所以冇入到去啦~~就直接去貔貅推廣,係個度有得玩測名,都講得幾準,話我是讀書命,但會好辛苦D~~同話我個人太好,另外又我五行缺水(不嬲架啦,冇錢呀嘛)同叫我用紅色,吓....好似誇o左D哦~~我不嬲都係綠色人~~

第3站,好....終於去北投架spa + 溫泉,去到發現有得溫泉,如果去浸spa就要著泳衣,但我同穎琳,就怕拎濕淋淋架野,所以我地決定o左浸溫泉(正)個到冇咩人,我地2個浸晒2個池^_^

第4站,買手信時候又到啦,因今日都可以話係最後一日架行程啦~~去o左買鳳梨酥等手信,之後大約5點到就返到酒店~~

食o左碗亞宗麵線,好好味~~之後我地又去行街,今次搭o左捷運去台北車站行書局街(真名:重慶南路一段)oh~~D錢就係哩度洗晒係書身上(窮),搭返捷運去西門站~~即係西門町,食鴨扁肉,都幾好味,但油多o左少少~~今餐係我地最貴架一餐(約hk$50),之後行o左去買鴨舌、ARASHI CD,最後around 9點返到酒店執野!!

明天最後一日啦....話咁快又要返香港啦,台北好似深圳x旺角feel,以冇咩特別似去o左外國,同西門町好多人都識廣東話(驚)

>>September 12, 2006 at 2:39:29 PM GMT+8