2006 年 12 月 17 日 星期日 【颳風】

今日係study week的開始...但心情好似仲未準備好咁.....要收拾心情啦~~

晏晝...要返工....竟然thomas擔心我會溫唔切書....其實自己都有D擔心,希望可以on plan咁去溫啦~~同一定要夜晚先可以溫書的~~

是日晚餐....又係打邊爐...唔知仲要打多幾多日呢?_?

>>December 18, 2006 at 1:30:14 PM GMT+8

2006 年 12 月 16 日 星期六 【乍雨乍晴】

起身,就要準備返大陸買機票啦~~同行有靚媽、八婆、亞蛋.....around 1:30齊人...出發...去到羅湖,估唔到咁快就搵到個間買機票架鋪頭,仲要勁近,只係係過關大樓裡面....入到去一問...1月6日去西安的機票,只係淨返最後5張~~哇....勁好彩,如果我地多一個人 or 只係得返4個坐都死~~最後買晒來回程機票total:$1550....都ok哦~~

之後,我地係商業城飲茶,再去搭深圳地鐵(第一次搭咋)去o左老街站,即東門....一出去地面,哇....勁多人...仲要比星期六、日架旺角多人~~所以我地都只係行o左一個圈就走啦...

今晚架晚餐又係打邊爐....一個星期打o左2次半...因有一次係吉野家到打架~~希望之後唔會再打啦>_<"

P.S.study week 明天就開始了,係時候要同MR.電腦分開下啦,如果唔係....就溫唔切書啦,仲要收拾心情,專心去溫書!!

>>December 18, 2006 at 7:15:59 AM GMT+8

2006 年 12 月 15 日 星期五 【乍雨乍晴】

今日比昨天還要凍好多....

又係一早返工.....幫james~~放工,同o左公公去飲茶~~見到佢都好精神(安心)之後同o左靚媽行o左一震太子,就回家了~~

唔知點解,近日都唔洗做assignment架啦,但左整整右整整之後,都要成2點先去瞓,我真的有咁多野做、咁忙嗎??對....這幾天,都是忙著幫屋企人做事和公司的事.....公司的事也算吧~~但點解什麼事都倚賴我呢??仲要最討厭,求人個位人士,沒有半點感激,還要罵幫佢個個人....頂!!

P.S.談判可以說得上成功了嗎??只可說是去得到了,不過...我的心真係有點不安,因好像叛逆了屋企人的感覺,是一個很差的感覺....但又想去,又不想有這種感覺....因我明白他們的擔心,自己亦很擔心....矛盾到自己都不知所惜~~
算吧!!我決定放棄了,因我心灰意冷了....想起自己好像被玩弄的感覺(很差)雖然暖包的關懷,很窩心,但我都要變得堅強,不要在被動搖,加油
家寶:對...我都覺得今年個sme1過得好快.....因為超忙,所以過得特別快!!

>>December 16, 2006 at 3:16:27 PM GMT+8

2006 年 12 月 14 日 星期四 【乍雨乍晴】

細輝生日快樂....

哇...今日凍o左好多,早上先要返工....放工,同group 6 隊友一齊去o左濕地公園....第一次去咋,加上人生第一次搭西鐵,比預期中快....同人生第2次搭輕鐵~~係濕地公園好多野影,好彩thomas借o左相機比我,如果唔係我都影唔到咁多靚相^_^

P.S.談判上未有成果.....












>>December 16, 2006 at 12:41:50 PM GMT+8

2006 年 12 月 13 日 星期三 【乍雨乍晴】

估唔到今日咁凍架....所以著少o左衫...凍死!!

今日係sem.1架最後一日返學啦....所以D堂都好hea咁上完~~同收到econ & b law架assignment,econ架都真係靠donald佢啦...如果唔係我點會有滿分,不過b law架assignment,就真係好驚喜啦...竟然有53分,估都估唔到....希望考試都係咁啦~~

放學group 6去o左食tea,之後我就會合王均均,對...今日又係LW 2架發顛大日子,我地轉移o左地點,去o左尖沙咀,around 7點,LW 2人齊,不過今日仲有特別嘉賓sylvia....哇~~超過成年,冇見啦!!我地先係吉野家食個飯....點知....唉....意外就發生啦~~就係我不慎,張部相機跌o左落地下,爆o左個mon.......大家都覺得我異常地冷靜,其實我心已經涼了一節>m<"因相機已經過o左保養,仲要係sony...所以整返一定好貴架啦(灰)最後我地係星光大道行下、食下海風....發下顛,咁又完o左我地個聚會啦~~

P.S.晚上...同亞爸係到吵大鑊,就係為o左個西安旅行....因係自由行,佢就唔比我去,妖...上次去日本自由行,佢又係咁,今次去西安,又唔比~~我都知佢擔心係岩,因大陸係好危險,但咁其實世界每一個角落都有危險架啦!! 唉....搞度而家好煩~~好想考完試去relax一下,同每次架旅行我都好期待架,絕對係有planning...唔係玩玩下!! 呀......救命呀....好多野都煩呀(泣)










>>December 14, 2006 at 3:57:05 PM GMT+8

2006 年 12 月 12 日 星期二 【晴】

william生日快樂...HAPPY B-DAY~~

今日一早返去上econ...哇...冇人返~~之後營商又冇上....等到4點,上埋個b law....6點放學~~

不過今日係william生日,所以我地又去o左「老地方」9:00pm 打邊爐,哈哈~~我地又係好似上次咁,勁食肥牛...又係食到飽飽走人,今次victor仲要買埋蛋糕,好味^_^

Group 6 全家福(好似都唔係好齊人咁)


>>December 13, 2006 at 5:36:47 PM GMT+8

2006 年 12 月 11 日 星期一 【晴】

今日返學真係好啦...一早有抄藤同我返學...順便寄埋包裹...好貴,寄o左成百幾蚊>_<"同唔該晒抄藤,幫我整電腦呀^_^放學有森曲一齊搭地鐵...好似好耐冇人同我一齊搭地鐵返學、放學啦~~

唔知係咪交晒assignment & present晒呢??整個返學..好似hea o左好多咁...但最多都係hea埋今個星期...因下星期都真係要溫書等考試啦,唉.....

好想行街.....但好怕睇中野,又買唔到....因好窮哦~~

說笑也好、什麼事都好,每個人都有一條底線.....請不要觸及我的底線
原來我冇自己想像中這麼堅強....由12月6日起,每次見到你,我都會變得好軟弱,每一件與你有關的事,都在我腦海重複很多次,我已然控制不到了
王小mo:哈哈~~記得...不過有緣先整比你食啦~~

donald:茶葉蛋...我諗都真係要等成年哦,因好快就可2007年啦哦~~

>>December 12, 2006 at 11:00:04 AM GMT+8

2006 年 12 月 10 日 星期日 【晴】

返埋今個星期學...又到study week啦....咁又半年啦~~真係一年比一年快過....

今日張昨晚整架蛋糕請大家食....多謝大家比面,不過自己食o左2個...都覺得只係一般,仲有好多努力架空間...加油、加油.....

放學...又係返工架時候....不過之前做好晒D野...所以今日都冇咩特別野做~~

杜比:哈哈~~其實只係一般好食.....下次有機會整個大架比你食^_^

有些事好讓我苦心扮聾,因我不希望看見別人不快樂,什麼事都好,我只想簡簡單單地面對....
怎樣了,你唔開心嗎??為什麼唔開心呀??我很想關心一下你,但我知道你最想關心你的人,並不是我,而是你的女朋友,我要謝謝你關心我、在意我的唔開心~~可惜,怕這只是朋友上的關心....我很傻,因想太多了~~

>>December 11, 2006 at 4:43:34 PM GMT+8

2006 年 12 月 9 日 星期六 【晴】

今日先去o左尖沙咀sonyshop到買隻$100 mouse,粉紅色架,好靚襯埋一set ^_^之後就去o左沙田亞哥屋企,哈哈~~而家係亞哥屋企到用note book上網^0^~~同亞哥買o左PS3哦....好正,係咁打....畫面好靚,不過部野幾大部,同好貴.....>///<

之後一家人&mable...一齊去o左工展會~~雖然都知冇咩野睇架啦,但一家人去都ok呀....行下試食下咁~~仲係入面食o左燒和菓子&食完一定會肚痛架乳酪雪糕(因我對奶敏感,但都好想食)

晚上又係度整蛋糕,哩幾日,日日都整蛋糕....不過今次整來係請OU架朋友仔食,希望大家係有讚冇彈啦...如果唔係我會好傷心架...因一心去整>_<"

alex:多謝你架留言哦...^_^只不過近日比較灰,所以先胡亂說話.....亦都多謝你讚個蛋糕,哈哈~~其實只不過用小畫家,令到佢得意o左~~

<---PS3....又愛又恨.....
<---燒和菓子..好味~~
<----我 D cake....

>>December 10, 2006 at 5:10:10 PM GMT+8

2006 年 12 月 8 日 星期五 【晴】

由今日開始,逢星期六返尖沙咀唔再係幫thomas手....以係幫james手了~~其實都冇咩關係,因今日都見到thomas,都幫佢做o左D野,但今日係公司都唔係做o左好多野,只係整o左個表,咁就夠鐘走人~~

放工,去o左搵聰聰....同佢食下飯--->係佢鋪頭到hea--->行下街...咁又半day

今個sem.架assignment & present 都終於做好晒了....一切都完了....現在只有等....EXAM(怕)....每次exam前後我都好怕、好驚.....整個人都會變得好冇信心....其實都經歷過無數次架exam,但哩個exam焦慮症都是改不掉....

P.S.如果唔係王小mo留言,都唔發現我個日記都好耐冇人留言,証明我人緣多麼的差~~

王小mo:緊係型啦...成成哦,哈哈~~當日有好多人都著到要去鞠躬咁架樣,哈哈......

>>December 9, 2006 at 11:21:44 AM GMT+8