2006 年 7 月 20 日 星期四 【酷熱】

統計員生涯...第6日

放假後返去center...一睇ACE竟然攞過我地D問卷去check...仲要比佢話埋晒,係佢錯唔係我地錯架野,無奈(T_T)之後仲要見到set o左我地一日要交8份code 好o左架問卷,真的好似保險跑數架感覺>m<"所以今日我係center到code到成4點幾先出去.....之後又要去大窩口邨到做訪問,今日都唔係好多人係屋企,可能係星期五啦,仲要我飯都冇食,都只係做o左8份,仲要有好多都未complete到>_<"最後返到center都成十點,返到屋企又係要成十一點到.......

今日做o左2家好特別架屋企,一家係我六點幾去到,個亞伯就同我講:咩咁夜來架,六點幾咋哦(汗)之後個亞伯又好串咁答我野,仲要好多野都唔知,complete唔到(妖)之後另一家就係得個亞伯係到,佢勁同我係到講故仔,但我心想不如你快快答晒我D問題,我可以快D走.....

哩份工都真的做到人顛,好鬼多冤氣........

P.S. MR.6280 moblie同佢都仲未熟落,好多野都仲未整好~~

>>July 21, 2006 at 3:32:27 PM GMT+8

2006 年 7 月 19 日 星期三 【酷熱】

統計員生涯....day off 1天

今日day off,但都要返尖沙咀,所以都要一早起身,但昨天好努力咁比自己瞓八個鐘....但都有D眼瞓>_<"返到公司,多謝各界同事關心,包括:占士、kasu、珍妮花~~由其珍妮花說:有假放都仲去玩,返屋企瞓啦,成隻熊貓咁啦(希望海洋公園收我啦)對...如果唔係冇時間去玩架啦~~

放工,同o左aemi食lunch....oh~~我地都好耐冇見啦,但大家都冇咩點變都係咁上下^_^之後,去o左書展,比o左$20入場,但行o左唔夠15分鐘就走啦,因趕時間去第2度,同我入去都係續訂書平D,加上今日唔去到下次day off個書展都完o左啦~~接住去o左銅鑼灣,比野聰聰,同行o左trendy land,大鑊!!要破產,我鍾意架公仔都出o左好多新野哦(顛了)最後一站沙田,入到沙田join埋亞哥同靚媽,先去換電話,賣o左之前個部(正確係賣o左亞哥個部z880i,因佢個部比我個部死,我就比o左我個部z880i佢)咁就用一個心動價$610換o左nokia 6280(正)之後同靚媽去o左睇"helen tha baby fox"都係一般好睇,但都有感動位,喊o左少少~~

今日架行程都比平時忙了!!明天又要再返"人口"啦.....快要顛了!!同攰到個人都炆炆地>m<"



>>July 20, 2006 at 5:52:43 PM GMT+8

2006 年 7 月 18 日 星期二 【酷熱】

統計員生涯....第5日

一早好似死屍咁搭車尖沙咀....一返到去....kasu就係度問我咩事冇黎精神,緊係啦...哩幾日,日日做到冇停手,咩人都死呀>_<"係公司咩都唔想做,只係想坐係度呆.....都真係坐o左係公司到半呆~~之後又係時候,又要返青衣center.....返到去,又係咩都唔想做,但仲有20份問卷要我譯碼啦,最後好hea咁譯o左2份...同又做o左一個電話訪問~~4點幾又要出去大窩口邨.....又係好hea咁做,同今日食飯,終於食o左一個鐘,之後又要再去做訪問.....最後好hea咁又complete o左10份~~但今日真係冇帶腦咁去錯o左第2家到做訪問,仲要complete埋,死....希望冇咩事啦,因為係唔可以架>_<"之後返到center,發現大鑊,我仲有成20幾份都仲未譯碼,唉....打交义同寫 0 同 9 都寫到死>_<"最後點數,我總共要做74家,但我5日都complete o左35家了,都一半了,太好啦,咁到時就可以好hea ^_^

明天"人口" day off 一天,yeah!! 但都要返尖沙咀啦....不過都好過返"人口"....同都plan好晒去邊玩啦,仲密過"人口"架預約^_^"

P.S. MR mobile 又多o左一個功能啦,就係有D關節炎.....有2次開蓋架時候,都開唔晒(顛)

大家姐:我睇度你26日有工返啦^^....不過我諗食飯都要等我去完日本返來先可以啦,因8月的booking都差不多full,對不起哦^_^"

>>July 19, 2006 at 3:49:24 PM GMT+8

2006 年 7 月 17 日 星期一 【酷熱】

昨天夢到二宮&小山哦^_^哈哈...好得意的夢了,地點係旺角,先係見到小山的到整章魚小丸子(哈哈,佢都唔係大阪人)之後又見到二宮係度拎著ARASHI CD,我叫佢比我睇佢又唔比,係咁玩我,不過比佢玩都抵,hehe.....(大心)

統計員生涯,第4日

今日一早起身就係為o左返去OU到考埋個oral....應該合格同都係個句:希望合格啦>_<"之後就返o左去青衣center....搭車架時候,係度諗:攰到自己都唔知自己係做咩?_?周身都肌肉酸痛,個腦就只得番56k架速度,好似係度"行屍走肉",好討厭而家架生活,一返到屋企除o左見到靚媽唔多個十眼之外,都冇其他野講過,搞度好似唔知點咁>m<"

返到青衣center之後,就係坐係度發呆,咩都未做,亦都唔想做,又係劃格仔,真係劃到手抽根(泣)之後2:45又要出去大窩口邨,又係個句啦,都唔知自己係度做緊咩咁,好似只係識去center同大窩口邨咁(苦)不過今日都幾好彩,全日做o左11個complete....真係數目一日比一日多,但我仲有20份問卷未譯碼(灰)

不過今日都真係好多特別野啦,先係去o左一家,有個老人家係度,佢真係好好好人,同問到佢個婚姻狀況時(問卷中的其中一題)佢可以好清楚咁說出佢太太過生時架年月日(羨慕)同佢提到哩個時候,就傷感起來(感動)另外,又去到一家係巴基斯坦人的,仲要佢地係唔多識廣東話同英文(oh~~my god,咁就煩啦)同好可怕咁做o左一家係個男人一開門係皮帶都未扣好的,仲要係好可怕的感覺,最後係我係企係走廊complete o左(驚)最後,又去o左預約的一家,一入到去.....勁亂,好似去o左個雜物房咁,仲要有一點點的臭味....最後都係忍住咁complete o左去架>m<"

P.S.哈哈(苦笑)......昨日我架電話事件後,MR.mobile又學識o左2個功能係接收唔到信號同開唔到機,只可以打緊急電話,但我的電話架3,6,9,#都不太可按,所以我想我打不到999的了>_<"同今日都有發揮佢架自動cut 線功能~~

>>July 18, 2006 at 4:06:01 PM GMT+8

2006 年 7 月 16 日 星期日 【綿綿細雨】

統計員生涯,第3日

今日十點到就起o左身~~之後食o左少少野,就又要返青衣center啦.....返到去第一樣做架就係譯碼,真係譯到人都顛>_<"一次過譯o左4份,最後係手抽根架~~之後約3點到又要去大窩邨,唉...又係去哩到,又係要做訪問~~但今日都ok好彩,好多人都係屋企可以做到^_^之後約埋成樂&亞維一齊食飯,又係食唔夠一個鐘,又要去做訪問啦,仲要夜晚有好多人都係之前做o左預約,唔可以遲到的,都唔明D人約晒係7~9啦個時間架,所以係咁啦啦聲跑幾轉,最後今日complete o左9份,數目每日都增長中哦^_^不過日日都要OT~~

今日真係覺得香港真係咩人都有,有D家庭真係好好招呼,又請晒你飲野,又勁好禮貌,但今日就遇到個係勁差,問佢叫咩名,佢就同我講淨係叫X先生、小姐,最串架就係,佢同我講佢D仔女叫X小朋友 & X小小朋友(頂)仲要佢地成家人坐係度串我一個統計員(約7個,有D係親戚來食飯,都唔關佢事添)仲要我估到佢有好多答案都係作的啦~~做完訪問,走架時候,想著返對鞋時,佢就關門(呆)我就要係個走廊到著,幾無禮貌呀~~

P.S.今日我架電話從我手中墮下....仲要係跌o左係一個細水氹到...我當時係大叫了出來的,之後成樂佢就同我講:冷靜D你仲著住制服的~~但我係冷靜唔到架,因我仲未有心理準備要換電話的,係都等到"人口"完o左先啦>_<"

明天又要早就要考oral呀.....高分呀.....要另到整份合格呀>_<"

>>July 17, 2006 at 4:48:24 PM GMT+8

2006 年 7 月 15 日 星期六 【綿綿細雨】

統計員生涯....第2日

瞓足十個鐘(爽)之後就搭巴士返青衣centre啦....但沿途就食o左芒果新地,哈哈~~又食啦,仲要係當飯食,不過真係好好食^_^早返到去center.....唉...又係譯碼(即paper work)之後差唔多一點多就又係同伙伴成樂一齊出去大窩口邨做訪問(哈哈~~我今日先知佢唔係哩個承諾^_^")可能今日星期日,都可以叫做普通順利啦,比起昨天今日complete架數目係4家,ok啦~~之後checker小削跟o左我去一家,都唔知係佢黑仔,定點?_?本來我做個D都好好人架,但一有佢係度....唔同晒啦,好彩佢都係跟o左我去一家啫,同好多時D人好到係,連我架証件或我都講我係邊個,佢地就開晒門比我入去啦~~

之後六點到約埋成樂同亞維一齊去食大快活(食o左好似都係冇食咁,因太餓啦)食飯都又係唔夠一個鐘又要走去做訪問.....7~9點都真係黃金時間,好多人都係屋企,所以好多都complete到^_^ 8:30會合埋成樂、亞維同迪生,一齊返center......

返到去,哇....都唔係好多人返o左去,個個都好似好搏殺(驚)最後等埋其他人一齊搭巴士回家,所以就差唔多成十一點幾先回到家啦,爆攰同瞓o左十個鐘都好,個人都係好殘咁回家....哩兩日可以說做o左我平時成個月架運動,係咁行樓梯同好多時D人都唔會開冷氣,所以係熱到爆,出晒汗咁>_<"同今日覺得自己好似做上門推銷咁,係咁問人地有冇時間做訪問....搞度D人都唔多想做訪問,但政府野都要做架~~

是對我好就請躲開　求你讓我安靜行過

>>July 16, 2006 at 4:34:30 PM GMT+8

2006 年 7 月 14 日 星期五 【雨】

統計員生涯.....

早上九點返尖沙咀--->十二點走人出發到青衣,先搭地鐵,再轉巴士,下巴士落雨,點知.....勁大風張我心愛架kerokeroppi 傘吹反了,最後攞番條屍返屋企,勁心痛,冇得買返架啦(哭)一點去centre到報到,發現我地個group係男多女少架~~左搞搞右搞搞差唔多三點先真正出去大窩口做訪問,都唔明點解個centre係青衣,所以我地一行16人包o左架小巴去大窩口.....

去到大窩口,唔....我同伙伴承諾(對佢個名真係承諾)都要訪問個D地方都幾好,全部都係屋邨,所以都唔係好難搞^_^不過最慘架就係今日開始做架時候,都5點幾,所以好多人都係煮緊飯,再唔係7-8點就食飯,所以好多人都唔係太想做啦~~今日其實都好叻咁complete o左一份(係好難架事)但仲要過checker個關先可以叫做成功,希望冇咩大問題啦!!最後做到成8點幾先食我架dinner.....同o左我承諾去o左M記....攰死>m<"食完就返centre....返到centre仲有好多paper work要做....最後十點都走唔到,明天仲可能要早D返,如果唔係趕唔切架啦>_<"

今日做足十三個鐘.....正式架飯都係食一餐,就係M記,不過好滿足咁食o左"芒果新地"(大心)唉....明天又要返1~10...真係做死我啦>_<"

靜下來架時候,又係到諗....唔知resit好點呢?_?真係好擔心會XXX啦....到時就死得架啦(瘋)

好激氣呀.....KUROMI係我架,仲咩係要講其他人呢?_?仲有對我咁好咁又點呢?_?最後我都唔會得到我想要架野架啦.....(怒)算吧啦......

>>July 16, 2006 at 2:51:04 AM GMT+8

2006 年 7 月 13 日 星期四 【綿綿細雨】

十一點幾就起身....為咩?_?就係為o左同靚媽一齊去睇"鬼域",因靚媽好like睇鬼戲(汗)同我又想睇>m<"但點知去到apm,最快個場都要等到5:30,同見到好多人都睇"超人" & "加菲貓 2"(哩套我都想睇哦~~)咁就去食食lunch,之後又行下咁......等睇戲~~

"鬼域"對我來說都有D驚>_<"有3個位驚位我都冇睇度,先係亞婆&孫女一齊搭lift、有個人由天跌落黎、行落樓梯時突然出現的東東,都冇睇啦,邊個同我講唔驚架(怒)不過之後都冇咩唔驚位,同都D劇情都幾好睇啦!!其實哩套戲係叫人唔好胡亂放棄或棄掉任何一樣野,同最感人架位係BB個度 & 冇人去拜祭架祖人~~ BB個度都真係叫人唔好隨便咁放棄小生命,先人個度就真係可以反映現今社會好多人都忘記了,要悼念祖先的傳統,其實沒有祖先點會有我地呢?_?同試想想,如果我們的後人這樣對自己是多麼難堪~~

明天開始就係"中期人口普查",亦都我統計員生涯啦~~而黎緊個2星期,我架人生會180度轉變,變得一點時間都沒有,返工會返足十二個鐘冇得停,連返屋企食飯架時間都唔會再有架啦>_<"

<----8月10日上映哦~~但.....飾演 L 是上次NANA入面做真一的傢伙(松山研一)上次已經完全破壞晒我心目中的真一了,請你今次不要再破壞埋我心目中的 L.......還有這傢伙竟然參與過"極道鮮師"、"一公升眼淚"、"不良少年".....那麼他是否識sho, jun, ryo呢?_?不要與arashi member混熟哦~~

>>July 14, 2006 at 3:08:31 PM GMT+8

2006 年 7 月 12 日 星期三 【晴】

一返到公司.....開會....所以要做"遊牧民族".....同坐係電腦前一整個上晝~~

下午,返去OU到resit english,唉....本來都唔係好緊張,但一入到去就真係好緊張>_<"第一次resit好可怕,得44個人...仲要有人係冇去到考,例如坐我隔離個個~~同發現好多resit架都係識架人(真係古怪架現象)不過我諗今次應該合格的,唉....都係唔好咁確定好(悲觀主意者)真的真的....希望合格啦~~仲有oral未考...下星期就係了!!

之後去o左搵亞kwan攞餅模,係時候又要整下cake啦^_^又去o左旺角同王小mo一齊攞機票,唉....旅行費又貴了,因平的酒店冇晒啦,要轉另一間>m<"算吧....攞了機票係手,就好想明天就出發啦(大心)最後就係回家啦....但又要忙著準備去日本的行程,因轉了酒店哦....自由行,其實都幾煩的,所有野一手包辦,少D時間都做唔到~~

冇想像中咁聰明、但亦冇想像中咁愚蠢
冇想像中咁大方、但亦冇想像中咁小氣
冇想像中咁細心、但亦冇想像中咁大意
冇想像中咁老實、但亦冇想像中咁詭惑
冇想像中咁認真、但亦冇想像中咁輕浮
冇想像中咁快樂、但亦冇想像中咁悲傷。。。
咁我係點架人呢?_?連我自己都未必知,因雙子座,太難明啦~~

我會做"幸子"嗎?_?我亦有點想做"幸子",這樣好嗎?_?亦怕我真的做"幸子".....但我都是想做"幸子"多一點.....

抄藤:哎呀....小寶寶.....最後我都加多個"嘔"字啦,哈哈~~

>>July 13, 2006 at 1:57:10 PM GMT+8

2006 年 7 月 11 日 星期二 【晴】

十一點幾.....比鑽牆嘈醒....因屋企有人來整野>_<"

係屋企到hea足一日.......靜心等待明天架english resit~~

明天就係resit架大日子啦....第一次resit好緊張,明天一定唔可以遲到(上次考EL102F遲到了!!)唔好咁難,唉....英文真係冇得溫了,好冇助(泣)

希望老天爺、上帝、如來佛祖、觀音娘娘。。。(省下數百位的神佛)一齊保佑我....resit合格(祈求)

同多謝近日各方好友架慰問及支持.....感激~~只要resit合格架話我就會做番個快樂架小寶寶架啦(嘔)

莊生:哈哈~~你好搞笑了,為什麼唔加"補祝"呢?_?不過真的要補祝你7月10日生日快樂啦^_^快D返黎香港玩呀!!

>>July 12, 2006 at 10:24:40 AM GMT+8