2006 年 10 月 28 日 星期六 【晴】

又返西頁賣爐啦~~哇....今日差D搭唔到小巴入西貢,因多人到排長龍....好彩只有我自己一個,單叮位好快就可以上車啦~~

哩兩日都好hea咁賣爐...可能係開始唔鍾意哩份工啦...但又好矛盾,哩2日同西貢架街坊開始熟,所以有D唔捨得,因西貢架街坊都真係好好人哦~~昨天請o左我食印尼甜品,今日又請我食蛋撻,同我又覺得個個都好好傾....好開心~~加上西貢環境又好,唔會比人有緊張架感覺,個個都笑容滿臉,同西貢架人都好熱情哦,外國人都好nice哦~~所以我愛上了西貢哩個地方了(大心)

今日睇o左西貢街坊,影佢自已屋企D相,哇......勁大,佢個後花園有成條街咁長,對海景~~真的希望第時我有錢都可以擁有一間好似佢咁靚、咁舒服架屋哦......

assignment終於昨晚完成啦...但應該仲有修改架地方~~

自從alex借o左隻mario kart比我打之後....日日機不離手,打個不停,因太好玩了(汗)

P.S.明天 is a holiday^_^

donald:唉...你諗下如果將全架delifance唔要個D包...比第三世界架人食,有多幸福呢~~所以說真係好浪費哦~~

>>October 29, 2006 at 4:01:26 PM GMT+8

2006 年 10 月 27 日 星期五 【晴】

又係返西貢...點知返到去就聽到有惡號...就係上個星期開個3張單,其中2張都有事~~一張就係講安裝費架問題...好彩個客,同返公司D人講係唔關我事,所以我都冇事,之後第二張,又係安裝問題,就係師傅遲遲都唔去人地個度...搞到個個人等o左半日,先有得裝,亦都好好彩哩個客又係好好人,雖然佢好怒氣,但對我架態度都好有禮貌~~

不過對賣電磁爐哩份工,有D做得唔開心,因間公司架management好似有D問題咁,亦可能我唔鍾意間公司架運作,所以....算吧~~打算唔做,都要等出埋糧,就唔做架啦,轉其他工~~

D錢終於開始返來啦,開始冇咁窮啦~~

>>October 28, 2006 at 2:07:21 PM GMT+8

2006 年 10 月 26 日 星期四 【晴】

返尖沙咀....一早就要與外星人對話,即ms wong,一名保險District Director,事情如下:

時間:我搭入公司門口約30秒,地點:公司門口,人物: 我&名外星人ms wong

外星人:你帶野返黎食呀?? (我呆一呆,因我只係帶一個麵包)
我:哦...早餐黎....
外星人:你應該食埋先返黎呀嘛,我真係要教育一下,你地D年青人,咁樣出到去冇人請你架,你應該係一返到黎公司,就開始做野架啦,同帶野食返黎,一來會整污穢地方,二來唔可能一路食野一路做野架嘛~~
我一路都只係答:唔‧‧‧哦‧‧‧(由於中學生比訓導主任鬧一樣)
其實我心諗,請我個個又唔係你,係thomas之嘛,佢都未話我~~同我都只係帶一個包啫,又唔係帶麵or飯~~

好彩公司同事& thomas都安慰我,說佢無聊~~因佢今日用了一個早上來叫人執leaflet...同話我哩個part-time~~但其實十一月尾就係保險closing,個個都好緊張追數時,個外星人就係度亂話人,咁D人點會做到數比你呢...外星人~~

放工,先去o左紅磡觀音廟拜神,只係心血來潮想去拜下,因好耐冇去過啦~~之後返o左OU做business law,一來要等埋八婆一齊shopping & check下我做架Econ assignment,二來電腦先生架restart情況冇改善,只有惡化>m<"交晒assignment就要拎去整架啦~~點知走架時候,撞到細輝、albert同alex一齊行落旺角,去到旺角,又撞到成年冇見架亞don,同以前一樣冇變,係我心目中佢係一個好可愛架小朋友,做細佬的話,都係一個好細佬~~

之後係朗豪坊行....係muji同b+ab o左買衫...k2睇中o左件褸,$489有D貴,唔捨得買,同又想買袋,又係未捨得買,唉......要換季,破產啦~~dinner,又係delifance...食o左個好難食架沙律>m<"好掛住,以前delifance架沙律呀~~同整包個個人,睇o左錯係百吉包,但其實我係要軟包,最後個百吉包,一手比個個人掉o左垃圾桶到啦,好浪費!!

好....繼續business law

Winter slogan: Be a GIRL~~

>>October 27, 2006 at 4:30:34 PM GMT+8

2006 年 10 月 25 日 星期三 【晴】

返工....返學....今日係tutorial day.....不過都係呆呆下咁上,好彩都仲跟得上,同上營商tutorial,瞓o左半堂....平時上堂都唔會瞓架~~但比business law搞到咩精神都冇晒>m<"

放學,抄藤、william、smile、亞kwan一齊去尖沙咀行街~~最後都只係smile佢有收穫~~走架時候,路經尖沙咀馬會....搞錯....人生第6次比馬會查身份証啦,我都過o左幾年18歲啦~~咩我比人感覺好細個咩??

繼續business law....開始討厭佢,但下個sem都仲要讀,唉......(灰)

P.S.今日check o左抽唔中工商銀行.....都好,可以拎番$3100去做其他野,起碼個感覺冇咁窮~~

王小mo:真的不用太擔心哦~~我如此努力,都是為了來年的"東京之旅",再次見二宮~~所以要明白先苦後甜的道理,亦都是一陣子的事吧了~~

>>October 26, 2006 at 1:51:38 PM GMT+8

2006 年 10 月 24 日 星期二 【晴】

唉....比電腦先生玩死>_<"佢差唔多每半個鐘同我restart一次~~最後,就開o左個蓋黎用先冇事...哎呀...我唔想佢有事呀,因我怕冇晒入面D野,又冇時間backup晒,不過重要架野都backup o左架啦,但都係怕拎去整完之後,又要裝番D software...對我哩個電腦白痴來說一係件好困難的事>m<"同而家又要趕做assignment哦~~所以暫時都係開住個蓋頂住先,希望佢唔會死啦!!

昨晚與時間比賽,因電腦先生架毛病...好彩around 2點到成功做起o左Econ,都係仲要執下~~但又要開始做business law assignment啦.....嗚嗚...點解2份野都同一日交架(泣)仲要今日變番做四眼妹咁返學.....好曳咁走營商堂,哈哈~~即而家我係PC lab.....走堂都係為o左assignment....2個鐘break....又係傾business law assignment~~哎呀....business law assignment令到我頭都爆啦,又唔明....搞度好冇心機去做>_<"真係希望快快交晒D assignment就去玩啦~~十一月好想去玩呀!!

好.....今晚要同business law搏鬥.....加油,加油,加油~~

我是一個做什麼是都冇自信的人...很難答出有自信的答案....亦可能我想多了~~若是真的,我亦感高興~~

多謝火柴人(龍)教我如何add多隻狗係個日記到~~好得意哦...可以用mouse玩的^_^

>>October 25, 2006 at 1:13:56 PM GMT+8

2006 年 10 月 23 日 星期一 【晴】

TODAY IS A LECTURE......又係遲到....不過好彩次次返到去都係岩岩先開始講正題啫~~上account.....一路都冇聽過佢講....只係靠自己以前學過來補救,不過今日睇佢D lecture notes發現佢講架野都冇點無聊(可能我學過,才會咁覺得~~)之後上business law.....終於,我覺得佢冇講咁多冷笑話的一堂啦~~真係實實在在係講書!!

break去o左我地架飯堂--->KFC.....食完tea就又要返去上勁無聊架"營商"....老實就都不是真係咁無聊,只不過係用中文教,所以個個都冇心機去聽書,所以今日個個都係做assignment...因趕住下星期要交2份....(灰)但"營商"最後一個鐘,用o左來做計分的堂課...所以個個都即刻變得認真起來,亂作一番,因根本都冇人聽過書,同哩科都冇exam,更加唔會去聽書(走)

回到家附近,見到我小六時的班主任,已經唔認得我了.....佢一D都冇變,感覺同以前一樣,變的只有是我,再不是一名小學生....是一名大學生了~~

哈哈~~近日多得亞lo,我就多o左個稱號,"呼錢架財女",不過真係要"呼錢"哦...因好窮啦,好耐未試過個戶口只有3位數字,好冇安全感>m<"

好。。。今晚要同Econ搏鬥....只許成功....

>>October 24, 2006 at 12:14:06 PM GMT+8

2006 年 10 月 22 日 星期日 【晴】

今日亞lo生日....happy B-day~~

返學....全日都冇心聽書,都唔知自己做過D咩咁....好似整日都係度傾計....lunch..又係一行十幾人,去o左旺角,食好耐冇去過的"芝士屋"...好掛住,個度架焗白汁海鮮飯,好味^_^返到去又繼續上埋最後一堂account.....都係呆呆下咁上完....

放學,返尖沙咀.....返到去thomas唔係度,所以好free...仲有時間諗下Econ assignment點做,差不多八點先走~~不過公司都仲有人未走,就係ms wong手下,"鐵人28、32、46"...是我為佢地亂作的名,因佢地架OT時間,遠超別人,由其"鐵人46",佢只不過係一名"賓賓",但佢除了係屋企外,都要返公司到工作,其實係非法的~~

約o左OU成班九點,一齊去打邊爐,同亞lo慶祝生日~~所以先返去OU會合佢地....之後就一齊行去打邊爐.....打邊爐的過程勁可怕....因我地一枱13人,食o左十多碟肥牛....除o左肥牛我地仲食o左好多丸~~好搞笑...當第一轉肥牛來的時候,我地開心到拍晒掌~~之後一有肥牛來我地就係咁成碟,成碟咁食晒...我地全部人好似餓o左好耐咁~~最後食到勁飽,都只不過係位位$70.....抵!!


死啦...我D大頭蝦又發作啦....今日發現自己唔見o左"第十一隻手指",即隻1G手指仔(為什麼叫作,"第十一隻手指",因佢好用架程度,媲美我十隻手指)好彩最後係屋企找回....但前多日,我又以為自己唔見o左個匙包,又係屋企找回,好彩~~真係好驚唔見o左,兩樣野都有佢架"價值"....唔係錢架價值啦~~

好窮哦......到截止今日,我的戶口只有$702,如何過活,之後仲要用錢,點解我D錢咁快冇晒架,去o左邊呀>_<"快快出糧(泣)仲要人又冇錢....近日皮膚又差o左......等趕完assignment之後,急救下!!

唉...今個星期好多戲想睇,有"妄想"、"地海傳說"哩個一定要睇日本版,因有准一配音...遲下仲有"死亡筆記2"....窮啦~~

哎呀....電腦先生好似有病時,MP3小姐好似又想病啦....今日按倒後的掣時,佢竟然...關掉了(灰)電子朋友們...請你地不要玩我吧~~我沒有時間又沒有錢去救你們哦,我有心冇力啦~~

今日係某雜誌睇到一編說"港女"的文章,所以有感以發:
"港女"哩個詞語,已經出現o左約一年多了,是說一些拜金、野蠻的女生.....但有冇人諗過點會D人會變成咁呢?_?其實現今市場"供過於求",女多男少....同有太多競爭者,昔日有鬼妹、日本妹,近年來,多埋北方佳麗的出現,咁你話呀....女生們係咪要不斷改進,來裝備自己,提升自己的競爭力及自信心,來保障自己呢~~相反,男生們,有冇想過,當有一日,男多女少...你們又會如何去裝備自己呢?_?如特首常說:我地要"居安思危".....所以男生們,請不要只顧批評別人,想想如何裝備自己,反過來要令一眾"港女"欣賞你,來提升自己的競爭力吧....(對~~我都是一名"港女",但我只會拜自己的金)

SO*:哈哈...不用謝謝哦,都只係咁岩啫....希望下次係MSN見到你,再詳談啦^_^

>>October 23, 2006 at 5:51:02 PM GMT+8

2006 年 10 月 21 日 星期六 【晴】

返西貢....都真係好遠....花o左差唔多成個鐘車程...不過漸漸同D人熟o左都開始有D野講下....同我企個個地方,都係做街方生意~~行來行去都係西貢人....所以都係打下招呼,吹下水...咁同人打下關係....同好多時,人地都覺得我係"妹妹仔",都唔會對我好差,同今日都開o左2張單,都係鋪頭叫D客星期六日來搵我買,所以都真係好感謝鋪頭的人&西貢的朋友們哦~~哩個世界都真係好講relationship....如果唔係咁我邊得來咁2日3單呀....Relationship哩個字...係由AIA公司的James教我(即我另一份part-time job)佢講:如果一個人冇relationship的話,係咩都會做唔到架~~我亦明白哩個道理!!

今日丘生(即威馬的大人物)來了西貢.....(嚇)好彩當時我係有客啫....不過佢又好搞笑一句野都冇同我講過,只係點下頭就同幫我解答個客的問題,一兩句就走o左啦.....好彩個客最後都係買架啫~~

放工,亞爸車埋姑姐一齊來西貢找我食飯.....就回家了!!

哎呀...哎呀....電腦先生佢又唔會做咩啦...又同我自動restrat部機啦....初初以為佢係過熱,但現在又好似唔係哦...電腦先生,請你不要病哦,你病了,我就慘啦...咩都會冇晒>_<"

P.S.哩兩日都真係好失魂......
1)昨天搭巴士返屋企時,竟然瞓著o左,瞓到巴士都關燈才醒來,好彩我係要總站下車,同司機未走啫,其實我都唔係第一次搭巴士瞓著了,上一次係過o左站,先醒來,亦都好近啫~~
2)今日買買下爐,甩o左隻con.....(驚)好彩冇唔見同冇客係度,所以啦啦聲去o左萬寧到買野帶番隻con~~
3)抄藤同我說六合彩的事.....咁我一心諗住去對,睇下中唔中啦,仲走去找報紙睇結果,點知....靚媽說:你都傻架今日攪,點會今日報紙有呀~~

龍:不用客氣~~我諗有心去睇畫的人...都是喜歡藝術的人^_^

SO*:多謝你的支持哦...我都只是用這個日記來記錄我每天的心情和行蹤,沒什麼特別~~同時我都add o左你係我的msn到了,我的大名叫:Phenix~~

>>October 22, 2006 at 3:24:48 PM GMT+8

2006 年 10 月 20 日 星期五 【晴】

今日.....要上Econ make up class.....好彩有返到去....如果唔係個Econ assignment就企o左係度架啦~~不過都係返去上o左2個鐘度.....就又要入西貢賣電磁爐啦~~

一點多返到西貢....好彩個度D人都好好,都叫D客星期六日買,咁我就有commision收....最終今日都開o左一張單...唔洗食白果!!不過個客都真係好好...其實係上個星期六睇過,都想買架啦,但都很等到我星期六返工先去買,真係好客~~仲有本來今日都仲可以開多張,但唔知邊度做減價,搞度又開唔到住,仲要個客係唔係我個度買都未知(頂)

8點未夠收工.....

哩個世界真係好現實,今日從我leader身上睇到出來,開到單就對你好好,如果開唔到就話你...証明佢個人幾cheap....但點都好,本小姐都唔會理佢咁多,繼續我行我素...佢都傻架!!

P.S.好開心哦...竟然有同道中人哦....都係喜歡睇畫....但我都係"假藝術"吧^_^"

王小mo:是嗎??暫時係我朋友當中只有一個william咋哦~~

>>October 21, 2006 at 4:14:09 PM GMT+8

2006 年 10 月 19 日 星期四 【晴】

早上返工...發現自己好耐冇瞓足十個鐘....所以好眼瞓....

放工...同靚媽去葵芳shopping.....就回家

回家就瞓啦....死啦,仲有成2份assignment要做添架....如果唔係冇時間做架啦,唔可以懶呀>_<"

頂....去屋企留下個間馬會...買六合彩,又比人查身份証....仲要係同一間第4次啦....人生比馬會查o左5次啦.....

P.S.今日唔該晒william,還返business law比我...如果唔係就冇時間做business law啦....因我睇都未睇過~~

>>October 20, 2006 at 2:20:45 PM GMT+8