2006 年 11 月 7 日 星期二 【晴】

哈哈~~而家係PC lab.到hea.....不過都唔係真係好hea,係度傾下assignment的....但好似都冇咩結果咁....下星期又要交assignment啦~~都唔知點解OU架timetable咁趕架...同好似返o左成2個月學都冇放過假咁,可能我自己返o左2份part-time啦,但12月就會有改善架啦....因12月27日就係exam架開始(想死)所以都係時候要比自己溫下書、休息下、hea下...今年時間過等比上年快好多,真係時間不留人....

放學....去o左睇notebook~~但我鍾意個部都仲未出.....sony c13 粉紅色...好似好靚咁~~近日,發現...原來自己都幾多粉紅色架野...NDS、Columbia水樽、筆袋、散紙包...都係~~但我都係最鍾意藍綠色^_^

P.S. 由於成日一班人一齊食飯,都有錢多,所以Group 6基金已經成立了....現在有:$20

>>November 8, 2006 at 3:56:21 PM GMT+8

2006 年 11 月 6 日 星期一 【晴】

點解升o左yr.2之後,日日返學都會遲到>m<"今日返學都係半用心聽書....同好乖咁冇走到營商lecture....但成2個鐘都係睇漫畫,吹水...咩野都冇做~~

assignment纏身,唉.....點解做極都做唔完>_<"

P.S.部電腦決定咩都唔整啦....因而家整又唔係,唔整又唔係~~亦都可能會變做notebook.....唉....希望佢冇咁快死啦~~多謝各方好友關心我部電腦架情況,我只係希望佢冇咁快死~~係都得我交晒assingment先.....

灰灰的天都要撐起 誰可善待你　由自己的嘴巴　和自己講一聲　要爭氣

>>November 7, 2006 at 1:39:27 PM GMT+8

2006 年 11 月 5 日 星期日 【晴】

唉.....今日勁多bad news....

1)返到學校就聽到Econ下星期六要mid term exam.....
2)下星期要交營商assignment...但我一D都未做,仲要我部電腦壞壞地...
3)又發現自己唔記得帶條RAM出去配....
4)部電腦昨晚又同我自動restart.....
5)還有其他的問題......

我的悲觀又番來啦....突然感到好無助...發現當我有事的時候(不論什麼事)要找一個人同我一齊解決D問題,好似好難咁~~感覺永遠好似要自己一個人背起晒所有責任,"一腳踢",例如:今次電腦問題,雖然問o左好多個人架意見,但我都仲未找到一個最好的意見~~加上我部野只係用o左2年,唔想咁快又要換~~同時,電腦對我來說係"外星人產品",我係完全唔識入面架所有野,只係識用~~點樣可以解決個問題???咩機先係好???....所有問題我都唔識~~

>>November 6, 2006 at 12:03:22 PM GMT+8

2006 年 11 月 4 日 星期六 【晴】

西貢....西貢...太free了~~今日返到去又係食食食....先又係食自己整架野食....又食o左"生菜墨魚肉"...好味^_^之後隔離個亞姐,又請我食"糖蔥餅"..哈哈~~因佢係賣"糖蔥餅"的~~

6:45pm就放工....出o左旺角買NANA 16,等o左好耐啦(大心)又買o左新出漫畫 LIAR GAME,好似幾好睇咁、又買o左4本小說&1本畫冊....不過以上架書,對我來說用around半個月到就睇晒架啦~~之後終於買o左一路都想買個件K2褸...hehe~~由屋企人贊助!!

返到屋企....再同電腦先生搏鬥~~先係要插返好淨下來個條RAM....但....都冇反應(灰)但多謝抄藤...因佢話可能RAM個個位塵....最後我亦都清理好~~咁就開得番部機了...YEAH~~好彩唔係燒底板啫,復活了!! 不過要買返條512 RAM先得....

龍:哈哈~~我地緣慳一面了,有緣的話一定會再撞到的^_^

>>November 5, 2006 at 3:48:53 PM GMT+8

2006 年 11 月 3 日 星期五 【晴】

返西貢....今日全日都好似係到不停食野咁~~先係,食o左自己用電磁爐煮架雞翼,之後又食o左個包...接住,隔離鋪架亞姐又請我食燒賣&糖蔥餅~~

放工,同o左亞爸&靚媽行鑽石山....

返到屋企手多多,走去整電腦入面D RAM....其中一條同我自焚(驚)搞度燶o左~~又好臭>_<"最後機都開唔到(灰).....咁就一整晚都冇用電腦了......

>>November 5, 2006 at 3:26:55 PM GMT+8

2006 年 11 月 2 日 星期四 【晴】

出了一整日街好攰.....一早專登遲到返學,因今天返去都只不過係為了seminar點名,之後就去o左唱K,都只係唱o左一震食o左個lunc,就走人啦....要返工(灰)

放工,約o左王小mo先行o左一震朗豪坊,去o左muji & ans等....dinner走o左去油麻地食車仔麵,但我同王小mo都發覺個麵底好似細o左咁,同以前讀YMCA個時差好遠哦(驚)...食飽飽去o左久違了的電影中心到睇日文版--->"地海傳說"開頭個15分鐘唔知係咪自己飯氣功心,係咁"釣魚"....其實睇完成套戲架感想係:覺得自己好似冇睇第一、二集咁,就走去睇第三集,咩都唔明,好零碎,同好多野都交代得唔好....好似個男主角同個女主角講:點解我會殺死父王??係啦...我都想知點解,成套野都冇交代到~~同畫功都只係一般,所有角色都係有一雙"蘿白腳"(汗) 不過整套戲係教人,要珍惜生命!!

P.S.本來今日都係perfect day,但竟然臨收工時發現唔見o左條toilet key,唉....最主要係用kuromi的匙套(灰)雖然唔係D咩值錢野,但都......算吧!!

Alex:oh~~welcome to my diary^_^大家都要小心身體哦~~

你不是好情人

我知 你想走 因愛得我未夠
明知 你覺得玩厭時候
萬樣借口 曾聽你 說我姊妹過分賣力
便是愛盡頭 這種愛 沒法接受
我知 沒了電 因你一向善變
明顯 我信得到愛情後便大過天
誰知你 懶去檢點
我像賣藝 賣盡我笑臉
原諒也徒然 我太犯賤
你未道別便愛多天
痛恨你這情人非好情人
你閒來出手勾引 如今教我驚震
被你熱吻是狂賣性感
夢中情人極好品
我誤信我靠真心改變緣份
我也真太笨 (就是被狂吻) 無能為力也苦吻(情人同樣變心)
已經 沒眼淚 戀愛非錯便對
明知 與你相戀多長命
亦未會娶 曾聽說 你那顆心愛定事業
現在有著誰其實當玩具
偶爾玩累 再遇玩具便會想追
我讓我得到卻未到
令我更相信漫遊花都無芳草 我哭泣喝著醋

>>November 3, 2006 at 5:43:30 PM GMT+8

2006 年 11 月 1 日 星期三 【晴】

天氣轉涼架先兆...就係鼻敏感....昨天攝親搞度有D發燒,周身骨痛、頭重重、食o左藥眼睛好攰......要增強抵抗力,打倒病魔!!

食o左藥...今日好番D啦~~但今日係好忙架一day~~

先又係返尖沙咀......接住好趕忙咁返學...飯都未食>_<"最後都係事但咁食o左個三文治同粉果就當一餐~~放學...同o左smile & tammy去o左biotherm...唉..又洗錢啦,仲諗住買褸...算吧,為有無了期壓後~~

P.S.世界上冇醜架女仔,只有懶架女仔(出至"肥田囍事")對~~只要女仔用心去打扮一下,就什麼人都可以變靚~~

>>November 2, 2006 at 2:48:11 PM GMT+8

2006 年 10 月 31 日 星期二 【晴】

好大風呀.....今日勁大風哦....都幾舒服,岩岩過o左架10月係一百年來最熱....真的好想問下,香港上空的大氣層係咪穿o左,定變得好薄啦~~香港人快快想個辦法令香港的四季變番正常可以嗎?_?在這樣下去,好快香港就唔會在有四季架啦~~

天氣變....鼻子先生.....又敏感起來啦,搞到個頭都好唔舒服>m<"

上Econ...唉....遲到,好彩今堂都係講下assignment 1架答案~~ 十一點幾,就去食飯....好早哦~~冇咩胃口,因岩岩起身就食飯~~接住又係"營商"...上o左半堂,走o左去睇佢地成班人打波....唉,上"營商"一係呆呆下,一係嘈住晒~~其實走營商堂好似有D罪惡感>_<"

睇完打波,又返去上business law.....又係好hea架大學生活~~

又係時候準備做"營商"架assignment啦,唉....點解D assignment好似做極都做唔完咁架~~好鬼死--->忙!!

是我不喜歡解釋、太自我、太任性、做事都不喜歡與人交代、不喜歡被束縛、我行我素.....証明我是我,雙子座~~

>>November 1, 2006 at 2:25:27 PM GMT+8

2006 年 10 月 30 日 星期一 【晴】

今日好好好‧‧‧忙架一日~~

早上諗住去銀行,點知間間銀行都多人到爆,最終都係要放棄....返學上o左account 同 business law,咁就走"營商"堂....都唔知今日返學來做咩,交assignment吧~~但我心中有數今次business law架assignment唔會高分得去邊架啦,合格就算吧!!

走堂就係先去旺角拎返威馬D野,又要幫亞哥買野,又返o左尖沙咀找thomas....因八婆的assignment要找人來訪問....但最後thomas佢唔得閒,所以轉了另一個做訪問,順利完成~~就同八婆去o左食野,之後就回家了~~

不行了......我好累啦.....身心疲累了(泣)....經歷了一整個月,返學+趕assignment+返2份part-time....等的折磨.....宣佈:我撐唔住啦,係時候要減一份part-time或找一份比較舒服的part-time來做,因我不是一個堅強的人~~

P.S.當被動從來沒有遇上主動,又點樣作出行動呢?_?

>>October 31, 2006 at 1:23:39 PM GMT+8

2006 年 10 月 29 日 星期日 【晴】

今日is a holiday.....^3^~~

先出o左去荃灣比工咭,等出糧....接住去o左葵芳同靚媽&亞哥一齊食"和民"...我請客~~又買o左衫比靚媽~~之後同亞哥去o左旺角買相機的東西,哇....好貴,成幾千蚊哦~~下一站搭巴士出尖沙咀.....去o左"菠蘿包"到玩(即space museum,對...其實我好鍾意去museu到玩,因可以玩足半天,又學到野^_^)係space museum到睇o左套野"哈勃太空望遠鏡"內容好深,因我都唔係好明佢講咩,只係覺得係個"菠蘿包"頂到睇星星好靚^_^"同發現係銀河系到有一粒星,叫做"香港星"..

Dinner,就一家人&姑姐一齊去o左食Fat Angelo's好耐有食啦....個度D野食好好味,但好"滯"同今餐係亞哥請客^_^加上,從亞哥搬o左&我又返多份工之後,好耐有一家人一齊食飯啦~~

P.S.為什麼黑人好像天生就有一種快樂元素,亦好像天生就明白到知足常樂的道理~~










>>October 31, 2006 at 1:59:47 PM GMT+8