2006 年 11 月 17 日 星期五 【晴】

終於到Econ mid term exam....唉...要去到大圍考,乜OU都真係咁多學生架咩?_?唔到去係返學校到考,要山長水遠去到大圍某一間中學個hall到考(誇)不過真係一打開份卷時,個腦都有D空白....好似唔知做緊咩咁...好彩都畫岩o左D圖,不過只差最後一題的price floor...唉...估唔到佢會出,所以一路都冇溫到,不過我又好搞笑咁,畫岩圖,但文字係完全錯晒架....算吧,唔理佢~~不過今次又係要多謝個free sitting & donald....如果唔係,我怕會死o左>_<"

考完,又係要返西貢架日子啦~~不過搭地鐵去到鑽石山時,亞hing突然打來,所以變o左係先同佢去食個 lunch先...之後在搭車入西貢,入到去都成2:00....不過好彩冇人話我啫,hehe~~同今日係西貢做o左D咩,絕對可以答:我係冇sell過電磁爐架!!都用o左半日,講故事比鋪頭老細個女聽...足足講o左3本故事書....最後又玩多一震,好又一DAY啦~~

放工,搭搭下地鐵,聰聰打來,叫我一齊食dinner....我地就去o左尖沙咀,食下飯、行下街咁,十一點幾就回家了~~

P.S.雖然mid term已經完了,又係時候,開始.....B law assignment...仲有....營商perstation....仲有....seminar perstation.....仲有......account assignment.....沒完沒了!!

杜比:oh~~原來我TRANSLATE,搞錯了!!都不是你令到我唔溫書的,其實我都唔係好想溫,因溫o左都好似唔知溫o左D咩,好抽象~~但今天都ok....只希望pass

王均均:好像真的死了....哎呀...都係唔好係我日記到講埋晒D咁架野(驚)

>>November 18, 2006 at 6:01:22 PM GMT+8

2006 年 11 月 16 日 星期四 【晴】

今日又要返學聽人地persent...之後就返工....都唔知點解次次返尖沙咀...自己都好似入o左雪櫃咁,凍到冰o左咁走人....有時凍到我忍唔住要落街行一轉(誇張)

放工...本來諗住約八婆出來叫佢同我溫Econ...點知..最後係變o左係食飯同行街....咩都冇溫~~

死啦....明天就係Econ架mid.term exam啦....雖然只係佔10%,但都係好緊張...好怕自己到時咩都唔識,同溫o左好似都冇溫過咁,都唔知自己溫o左D咩,唉....考試焦慮症,又發作>m<"

P.S.今日聽八婆講,原來早前有一個讀OU social sciences架yr.2學生,係天水圍住所跳樓,仲以為OU冇學生會跳樓~~

>>November 17, 2006 at 3:13:34 PM GMT+8

2006 年 11 月 15 日 星期三 【晴】

今日係重新揀科架日子,由於要返工....所以叫o左donald幫我揀,THANK YOU SO MUCH~~終於可以揀到心水科目--->投資知識

返工around十一點幾到,donald打比我,同我講我地groud 6派出兩隊的藍球隊都羸o左,可以打Round 2(第1隊:william、victor、marco、亞基、"收數",第2隊:亞lo、世輝、亞hing、vincent、donald)
咁就啦啦聲,同thomas講我有事做,所以要早走,去支持下^_^"不過去到時,佢地都打埋Round 2了(灰)但睇其他人打架時候,個個都好認真哦~~同好似OU所有高人都聚集係個球場到,即時我好似變o左小矮人^_^"其實一聽到佢地羸o左都有D開心,因打之前聽佢地個個都冇咩信心咁,點知不但打到入第二圈,仲打埋入八強,好勁哦^_^同見到佢地一整日係度講球賽架事,都証明佢地都打得好開心~~加油、加油哦....希望兩隊都攞到獎啦

今日收到account assingment時,嚇o左一跳.....因佢加少o左分,最後都要下次先可以拎返啦~~上營商堂,整堂都係用來溫Econ....加油加油...仲有2日咋~~

Help Me Plz......Give me a Break......anyone can help me.....Nobody can help me.....Crazy life~~ Relax....

我誤信靠真心可改變緣份、我真太笨

王均均:各方面都要RELAX....各方面都有問題(/__\)

>>November 16, 2006 at 12:32:04 PM GMT+8

2006 年 11 月 14 日 星期二 【晴】

終於可以準時返學啦.....上Econ....又開始聽唔明...但算吧~~未有心情理,因先要解決星期六的Econ mid.term....仲要去到大圍到考....死未!!所以今日返學除o左上Econ tutorial & B law lecture係專心聽之外,其他時間都係用來溫Econ 同睇下account assignment(我的人生好似只有assignment咁>m<")

一提起assignment.....就真係煩到爆,又炆到爆(怒)先係營商persentation....一諗到個頭都大幾寸....(T_T)再睇埋B law assignment,就想死架感覺!! 所以玩樂要遠離我,專心做assignment & 準備exam(係咪快o左D呢?_?) 同快D sem.break啦,我要放假哦~~

>>November 15, 2006 at 1:40:54 PM GMT+8

2006 年 11 月 13 日 星期一 【晴】

今日九點起o左身....就係為o左sem.2揀科......一搭正9:30 login,揀想讀個科"投資知識"....佢竟然full o左,哇....搞錯!!明明係9:30先開始有得揀,咁點知full o左架~~所以最後要揀"普通話"(咦...)好彩返到學校亞lo同我講,佢問過學校,係個時候太多人上,所以system error.....唉....OU system...都唔係第一次error架啦.....次次揀科,佢都係咁架!!

今日上堂情況係....account lecture溫Econ.....B law lecture"中"眼瞓....走營商lecutre,去o左行旺角....又同tammy去o左上樓賣整甜品材料的地方,買下野,咁就回家啦~~

唉....點解升o左Yr.2之後好似成個生活都勁忙咁架....都冇好好咁休息過...連瞓覺都未試過瞓多過十個鐘 (/_\)但返o左成2個月學,好似都係不停趕assignment的日子~~

>>November 14, 2006 at 12:42:38 PM GMT+8

2006 年 11 月 12 日 星期日 【晴】

返學.....又係遲度~~同成個E con lecture都冇聽書,但都估度佢想講咩的~~lunch留係何文田到食,之後hea...到3點上埋個account lecture,就走人返工....

放學突然收到西貢鋪打來,同我講,有人買爐,最後佢地好好人咁話,單上寫回昨天的日子,咁我就有commision啦(因只有星期六日開的單先會有的哦)太好啦...西貢的街坊~~

返到公司....冇人,好彩thomas佢係度,同今日收到同事的餅卡,對有人結婚哦~~之後突然,亞哥一個電話打來,就打亂晒我今日的planning了>m<"放工,就走o左去沙田到幫佢搞轉團的東西....

整完就,同亞哥的朋友一齊去o左TAPPEN到食飯.....成餐飯,好似去o左"妙手仁心"飯局咁....佢地完全係用醫學術語溝通,我一句都搭不上!!又係間野都撞到亞哥的中學同學,好搞笑地,佢以前見過我的,但竟然唔信我係佢細妹(都慣了成日都發生,別人唔信我們係倆兄妹,因太唔似樣了)之後又去o左食滿記.....就返屋企啦~~

又係時候,同assignment溝通下啦,呀....幾時先會完~~

唉...好想去旅行....今年最想係1月去西安、5月去星馬、8月去日本....發夢啦你,邊有咁多錢!!其實我對上個次去台北同日本都係8月、9月架事~~點解咁快又想去玩架>_<"

>>November 13, 2006 at 4:06:51 PM GMT+8

2006 年 11 月 11 日 星期六 【晴】

昨晚又"攝親"搞度又感冒,鼻敏感,係咁流鼻水>_<"

又係西貢日....一返到去,見到有個亞婆坐o左係鋪頭對面,仲要好似係仆親咁,面都腫了....最後由一班西貢街坊幫亞婆報警,先知道原來亞婆係失蹤人口,佢由屯門入到西貢,因佢有老人痴呆等病~~哩件事,可見西貢街坊係幾好人,仲要係"人間有情"....同係哩件事,我就係到諗:點解有時D人平時對老人家唔好,但一唔見o左佢就要報晒警咁~~平時又唔緊,一有事,又係咁搵~~都唔知咩心態!!

今日冇咩野做,所以去o左隔離鋪幫手賣"糖蔥餅"...哇,真係忙到飛起~~最後,佢地請o左我試食香蕉糕、柚皮、芝麻軟糖....收工....今日六點半就走o左啦~~但西貢逢星期日都塞車,次次差唔多塞成半個鐘>m<"

放工....就同靚媽行o左一震葵芳食埋飯,就回家了~~

>>November 12, 2006 at 4:18:35 PM GMT+8

2006 年 11 月 10 日 星期五 【晴】

一早...返OU上Econ make up class....遲半個鐘岩岩好~~返學架路途係咁同donald傾電話,爆笑~~之後返到OU就係咁同亞lo講笑.....爆笑~~咁就笑o左一個上午啦^_^但整個make up class都係冇聽書架>///<

放學,就啦啦聲返o左去西貢...又係賣電磁爐~~返到去都2點幾,今日返到去都冇咩野做過,係咁玩,先係食個lunch M記~~之後隔離鋪又用我地個爐來整o左雞翼來食,好味~~又同鋪頭老細個4歲大架女玩o左半日,又撞到舊同事...哈哈,我忘記了佢係住西貢的哦~~咁就又放工...仲要係7:30走啦~~不過返到屋企都成9:00....

今日同GOOD WAY講o左---->辭職,因返2份part-time都真係好辛苦....但好彩返西貢,D人個個都好好~~所以我都捱o左2個月~~不過我12月,會轉返去尖沙咀office到幫另一個agent手,即我會係尖沙咀office到,幫2個agent手啦,我諗返2份office work都唔會辛苦過賣電磁爐掛~~搵工冇難度,呵呵^0^~~

P.S.近日係咁睇漫畫,而家睇緊"蟲師",但唔敢係夜晚睇,因有D可怕>m<"不過要謝謝alex借給我看哦^_^

王均均:對哦~~LW2的無視精神,繼續下去~~哦....係公司偷懶!!其實我都會係公司到偷懶玩MSN哦^_^"

我喜欢的你绝不放过 坦白说 我就是不服输的小心眼 这一次,请你把他让给我 算了吧你就把他让给我 这些话我该怎么对你说

>>November 11, 2006 at 4:37:08 PM GMT+8

2006 年 11 月 9 日 星期四 【晴】

放工...同靚媽行銅鑼灣,買o左條Tiffany & Co.頸鏈(大心)....但我架opportunity cost係burberry架粉紫色恤衫,好靚哦,都係等下個月先啦>_<"....買o左野,又開始窮啦...家下先月頭點到下個月呀~~

返到屋企...就好悠閒....但明天都要返工哦~~

唉....GOOD WAY,快D出埋D commision比我啦,我好窮呀~~

>>November 10, 2006 at 12:27:38 PM GMT+8

2006 年 11 月 8 日 星期三 【晴】

今日終於著到我對新boot啦^_^

返工...又係meeting....又係搞到咩都做唔到~~好彩今日又係著得唔太差,所以冇比個"外星人"ms wong話~~

返學....走o左半堂營商,去食tea(其實每次星期四架哩一餐,都係我架早餐)

好開心,今日同o左王均均一齊放學,同行o左一震旺角~~之後,王小mo同大家姐都來到旺角,LW2齊人,出發食"味千"....哈哈~~我地幾個表面上著得斯文,但其實嘈到拆o左人地鋪咁,仲要係咁玩....舉高水杯"唔該,加水""最勁係,埋單,係同人地講:唔該,結帳(噴)接著又係指定動作,影貼紙上,oh~~今次都可算是順利完成^_^

P.S.今日見到,好耐冇見架公司同事(係呀...因我做個間係保險公司,所以D人好難成日見)佢竟然係好大反應同我講:你做咩呀,瘦o左咁多.....聽到之後我都唔知比咩反應佢,因我一路都唔覺得自己瘦o左~~最後問番LW2佢地都話我瘦o左....(驚)雖然瘦o左對女仔來說係一件好事,但比人講到我好似有病咁,令我有D擔心,健康問題,因我成日食好多野,零食又係咁食~~難道真係忙到,食o左都唔吸收?_?

>>November 9, 2006 at 3:33:08 PM GMT+8