2006 年 8 月 29 日 星期二 【晴】

今日一起身就出o左旺角.....行o左信和,哎呀...係個度洗o左D無聊錢,唉...是但啦,都洗o左啦,但月尾好窮>m<"

由於靚媽去o左廣華到探公公(對哦...公公又入了院啦,真希望佢冇咩事快快出院就好啦)所以之後會合埋我一齊行街~~去o左花墟到買花,唔係擺個D啦,係種個D啦!!買o左薰衣草、紫羅蘭,同買o左水種架金魚花諗住係公司種~~咁就行o左半日,返屋企啦~~

MR.二宮和也,點解你係台灣宣傳時,用普通話說自己的名字會變成"阿公蝦野"呢???你不是之前在magomago arashi中學過普通話的嗎???你忘記晒啦~~

>>August 30, 2006 at 3:49:23 PM GMT+8

2006 年 8 月 28 日 星期一 【晴】

好眼瞓.....但都仲要返工....所以今日帶o左眼鏡返工(對...是上次新配的眼鏡) 返到公司,好多人都話唔認得我,哈哈(苦笑)我自己見到都唔係好認得自己,因好耐有帶粗框眼鏡啦~~

放工就返屋企....瞓足半日~~自大阪回來都未試過瞓咁多個鐘啦(心)

P.S.一路都唔記得講,大阪旅行相可以係以下地方睇度: http://phenix522.spaces.live.com/

william:係呀...貝兒係真人扮架,要用佢講英文架(真係唔明小朋友點同佢溝通?_?)仲有白雪公主,不過我冇同佢合照,只係影o左佢相,因白雪公主,好可怕,請小心不安!!



>>August 29, 2006 at 10:59:17 AM GMT+8

2006 年 8 月 27 日 星期日 【綿綿細雨】

今日3個月內第3次去迪士尼,哈哈~~今次又係唔洗錢入去啦,不過又唔係用"雙重"(對...我到今日都仲未用啦^_^")因不停用員工飛~~

今次架迪士尼,有我、八婆、yuki,仲有我從日本帶回來的"旅遊蛙",以後我去邊度旅遊佢都會陪伴我的哦(大心)八婆同我都來了3次了,大家都係3個月去3次(証明我地都傻瓜啦)但yuki佢係第一次去啦^_^我地9點幾就入到迪士尼....一入場,第一時間,就去o左玩"馳車天地",yeah~~冇咩人排隊,都係排o左一震就玩到啦,但哩個game冇想像中咁好玩啦,因又唔比撞前面架車尾(但明明就係咁玩架嘛)同自己只係踏著油門,什麼都不用做,都可以架啦,好適合小朋友去玩~~之後就去了睇"幸會史迪仔",反而哩個比我想像中好玩好多啦,入面係好似睇電視咁,睇個個史迪仔,但係好搞笑啦,佢可以見到咩人係度睇佢,同可以影地相,整度好似真係同史迪仔一齊傾計咁啦^_^其他好多game都有玩啦,因我地好多時都去拎了fast pass,所以玩space mountian同winnie the pooh都唔洗點排隊(正)但今次我地冇睇度"獅子王慶典"因冇時間,不過我地玩o左3次space mountian咁多~~其餘好多好玩架東西都有玩啦^_^

今日真係好多人....由手抱BB到公公婆婆都有,不過最勁都係好多大陸人,佢地真係好過份,先係打尖,我聽度佢同普通話就一些不好聽架話,我都好想用普通話罵佢地,但冇,因佢唔係打我尖~~點知.....我地係明日世界個度食飯,咁佢地2個出o左去買野食,咁我一個霸位先,都已經好多人想坐我地個位架啦,但點知.....有個大陸女人問:有冇人架??
我:有架
大陸女人走開行走o左個轉,就係隔2枱到架位置,係到大罵我
離我張枱約2張枱位,指著我坐架枱大聲說:而家都冇人坐
我(怒):咁人地去o左買野食,緊係冇人坐啦,你都幾搞笑哦~~
接著,大陸女人走去其他位置繼續佢架嘈吵!!
大陸人真係好煩、冇文化......如果今日冇咁多大陸人就一齊都會變得更美好架啦~~

P.S.排隊去睇"幸會史迪仔"時,突然有個女人暈倒~~即時見到香港人好團結好幫手咁,即刻散開讓路比人出去(香港人是危急時候,一定會團結起來的哦)

王小mo:是嗎?_?你咁快就收到啦,同真係yen500係唔夠的(汗)但你寄給我的CD我都仲未收到呢?_?






>>August 29, 2006 at 11:01:21 AM GMT+8

2006 年 8 月 26 日 星期六 【晴】

今日全日都同靚媽一齊行下街~~

先帶o左細佬去屋企鄰近的pet shop到剪毛....之後去o左荃灣食yuki食開個間米線,今次叫了"小小辣"....都食o左我成半個鐘,靚媽緊係食佢架"大大辣"....成碗都是紅色的(以下有相為証)返o左去接細佬,之後又去o左葵芳....

以上就係今日架行程啦~~

近日好努力咁睇keroro軍曹....要快快睇完吐回我電腦的空間哦>_<"

明天是我3個月內第3次入迪士尼啦(大心)跳跳虎、貝兒、巴斯光年........等埋我一齊玩哦^_^



>>August 27, 2006 at 2:15:05 PM GMT+8

2006 年 8 月 25 日 星期五 【晴】

返工....冇咩人係公司...所以都係努力做野~~

放工,同亞哥係尖沙咀行o左一震,接住去沙田同靚媽食個tea....就再走去會合八婆一齊去睇下返大陸架團....對~~我又計劃去完台灣返大陸,我真的停不了,但都好快樂,因旅行係對我來說是一件很快樂的事,因所有旅行的回憶是一生一世的哦~~多多錢都物有所值^_^

之後同八婆行街....哎呀.....又買o左野洗o左錢.....大鑊要儲錢哦>_<"最後搭巴士回家,由於太攰啦,係巴士到瞓著o左,一醒來,發現自己搭過站>_<"好彩架車最後都會兜番我屋企鄰近........下次都係唔敢搭巴士瞓著啦(但都係控制唔到)

終於收到係大阪寄回自己家的post card啦,真慢= _=

P.S.近日在想下年,我應該去日本的何處呢?_?東京??九州??福岡或其他地方????真係不知度哦~~但我由大阪回來到現在,入到書店看旅遊書,都沒有一刻衝動令我拿起東京旅書來看,是沒有勇氣去看看東京嗎??是討厭東京的繁榮嗎??是怕自己會愛上東京嗎??真的不太知道,但現在我知道,我要用一年時間來令自己想去東京,下年....希望可以在二宮的屋企--->東京相見!!

今日想起有好多笑料:

1)差不多一個月前,做人口普查時,搭小巴回center時
男人係青衣城個站問小巴司機:係咪去青衣(大家請記住,哩位先生已經係青衣城)
司機:咁你去邊呀?_?
男人:青衣囉(再記住佢係係青衣架啦)
司機:青衣邊度......最後哩個男人終於答出,佢最終目的地係邊
整個過程,我都好想笑的,但.....唔可以~~

2)係日本時,我同王小mo見到一名女子著高跟鞋踩單車,突然她的高跟鞋其中一隻跌了在路上,最後她要踩回單車拾回,見到架時候,都真係好想笑出來啦,但又不可以,要忍!!

3)昨天去7仔買野比錢時,係我前面的男人攞出八達通同收銀員說:EPS呀~~之後個男人好快咁說回:不是,是八達通~~又去一事親眼目到,又係當時唔可以即時笑出來的是哦,但真係超好笑~~

>>August 26, 2006 at 3:53:18 PM GMT+8

2006 年 8 月 24 日 星期四 【綿綿細雨】

不知為什麼...今日一起身個喉嚨仔就好唔舒服啦>_<"由昨晚少少咳,變o左今日係咁咳,仲要把聲都沙沙地.....救命,從大阪回來之後,都冇一日好過,先係周身骨痛、牙痛(智慧齒先生)、好似發燒...到今日係咁咳>m<"

晏晝同o左抄藤去奧海城到睇"日本沉沒了",原來奧海城唔係好多人去睇咋哦,下次都可以係哩度睇幾好!!套戲都真的有D似"the day after tomorrow"....不過哩套緊係差少少啦~~開頭都真係有D悶場,差D想瞓(亦有可能係我食o左藥,所以好眼瞓)但之後就冇咩悶場啦.....同電腦特技都ok的哦~~

睇完回家~~

>>August 25, 2006 at 2:37:16 PM GMT+8

2006 年 8 月 23 日 星期三 【寒冷】

一號風球哦,好想打得成8號哦~~

今日冇咁病啦,復工....但返到去都冇野做,只係同同事吹下水....咁就放工了~~

放o左工,先去比返日本的東東pat...之後去o左黃埔等MR.抄藤一齊食飯,一等就等到3點幾....勁肚餓>_<"去o左和民食tea....食到飽飽~~行o左一震,就回家....

回到家好努力咁打返之前架日記...終於打晒了,好長哦^_^

P.S.晒旅行相都用了成百幾蚊哦(窮)

>>August 24, 2006 at 3:27:58 PM GMT+8

2006 年 8 月 22 日 星期二 【晴】

十一點幾比個三舅父架長途電話嘈鬼醒o左>_<"差D瞓度電話都唔識聽,一起身周身骨痛,真係痛度叫了出來,痛>///<

之後去o左葵芳度配個眼鏡先,原來發現我帶o左差唔多成年架眼鏡個度數同個散光係唔岩架,真係唔講唔知,仲要帶o左成年先知哦(汗)同又買o左幅黑超,好平啦^_^但靚媽說好似的士佬帶個D咁哦(汗)之後又去o左買對高跟鞋,唔....終於買o左對可以用來見工架鞋啦~~

晚上去o左坑口到食飯,因今日係姨媽生日啦(生日快樂哦^_^)但我係拖住個病病地架,估自己好似有D發燒咁>m<"同成個人仲好周身骨痛,好熱氣咁~~最後捱到回家!!

P.S.真係對不起啦,我就來攰地架啦....所以遊記,要等我精神D先再打回吧,點都好,今次大阪旅行真係好好玩啦,同玩到唔想回家哦^_^"

>>August 23, 2006 at 2:43:30 PM GMT+8

2006 年 8 月 21 日 星期一 【晴】

7:23am係酒店留下搭巴士去機場,10:05am正式同大阪說再見~~日本下年我一定要再來哦!!

約1:00pm(香港時間)回來了....回來了~~

一回來,就約埋穎琳同hing去報台灣團,都真係大都顛>_<"但由於某些事情,所以最後係我同穎琳2個去,9月8日至11日.......台灣,yeah~~

之後就行旺角,離開o左香港約5日到,但竟然忘記了,"走私雞米線"點去了?_?奇怪~~

不過由於我太攰同好多野要執架關係,所以都係簡略咁講下我哩幾日去o左邊啦~~

DAY 1:出發去關西機場,之後返o左酒店放下行李,就出o左行道頓堀,不過十點對日本來說是太夜,所以....好多都close晒~~

DAY 2:一早就出發去o左池田架"杯麵博物館"、大阪港"海遊館"、梅田"HEP FIVE" & "浪花餃子館"、道頓堀"極樂商店街"

DAY 3: SATO & 佢個fd 車我地去o左,大阪城、京都 平安寺、清水寺、小飛俠館、神戶港、MOSAIC

DAY 4 :名古屋、ARASHI CON、心齋橋

DAY 5: 道具街、Johnny's shop、環球影城

DAY 6: 回港

P.S.詳細內容,請等等...會好快打回架啦~~

>>August 24, 2006 at 3:22:25 PM GMT+8

2006 年 8 月 20 日 星期日 【晴】

一早起身....去o左千日前架"道具街"、又路經"吉本笑店",之後去o左我地johnny's shop,oh~~個度買o左成百玩架ARASHI相哦~~大破財>m<"

接住去了環球影城~~先到到了UNIVERSAL WALK,扭扭蛋,之後我地又厚著臉買了一名小朋友飛同一名大人飛,又作戰成功,慳番啦^_^哇....勁多人哦~~遊戲排隊係有分single or 唔係啦,我地排single只不過係分開坐,都要排成半個小時以上,我地玩o左JURASSIC PARK、SNOOPY STUDIOS、JAWS、SPIDER-MAN、SESAME STREET 4-D MOVIE、TOTO & FRIENDS......我地玩o左咁耐見到一個景象,就係日本女仔架特徵:化妝、著裙、染金、曲髮同2寸以上架高跟鞋,但估唔到佢地去玩樂園都要同一個打扮去,佢地著高跟鞋,排成個幾鐘隊都忍到架,真係勁~~熱到個妝都溶都仲要化(顛)

玩完之後我地就返酒店執行李,準備明天返香港啦~~話咁快6日5夜架大阪之旅咁就完啦,好彩我地未試過搭錯車,同唔識日文都真係唔好自由行啦,因日本人一聽到英文就呆晒架啦~~不過今次都真係膽粗粗2個女仔,自由行,仲要2個都係第一次自由行哦~~

>>August 24, 2006 at 3:21:01 PM GMT+8