2007 年 4 月 18 日 星期三 【晴】

四月十八日　星期三　天晴有涼風

無乜特別事發生...
中西史同分...奇績...
比左個勁舞AC籮柚...
無其他事可以打出黎啦...

>>May 7, 2007 at 10:44:55 PM GMT+8

2007 年 4 月 17 日 星期二 【晴】

四月十七　星期二　陰

急不及待既想講既野：
今日係第七日~番到屋企為小苗影相~
見到佢仲係未發芽...果一劇超無奈~
個盒明明寫住七日就會見到D芽~
我等到今日終於都七日啦...都仲係見唔到...
跟住我挖開D泥拎粒種子出黎...原來發緊芽啦-,-
然後超驚咁放番粒種子落個窿度再埋番佢...

今朝番學又係淨D遲到...本來預計七點十一出門口...
點知遇到一D阻滯...到我清理完阻滯後已經八點一啦...
之後用我超罕有既步速行番學校...如果無腳傷既話行得仲快...
不過好好彩...只係差最後十幾秒就遲到...提一提...我個鐘係超準的~
早完會就上PE堂...玩手球-,-悶到嘔...我就寧願玩羽毛球啦...
上完堂成件衫濕晒...其實未上堂之前已經濕晒...只係上完堂仲未乾-,-
上BIO激親發發既一件事...因為我無溫過書BIO都高分過佢...
不過又係抵佢既...好耐之前我已經同佢講左叫佢D字寫靚D...
補習時佢都有因為D字樣衰而比易拎扣分既經驗...好心測驗就寫靚D啦...
派中史既時候...發發又係度話我...話我分卷得九分都仲咁開心...
仲話上次POMAN唔高分都淨D喊...點解我仲可以若無其事...
上英文堂佢又話我點解咁既成績仲可以同輝傾墨香傾得咁開心...
仲話做人做到我咁真係好...乜野都唔使愁...
唉...我有好多野收埋唔講姐...唔代表我唔愁既發發...
不過我都唔知點解自己對成績咁唔上心...
成個測驗D溫習堂除左考中史果日有睇左少少中史之外...
其餘既時間都係係度大覺訓...測完驗就走人...
其實幾唔鍾意咁樣既自己架...都唔知發發羡慕我D乜-,-

今日番教會處理關於遲下開小組既事...名單上面有...

係教會睇左關於約拿英文卡通...易拎要我地以英文寫個故事大剛出黎...

>>May 7, 2007 at 10:45:06 PM GMT+8

2007 年 4 月 16 日 星期一 【晴】

二零零七年四月十六日　星期一　天晴

覺唔覺今既日記同平時有咩唔同-,-
就係多左日期啦....其實我唔想係日記上有日期出現~
不過次次同親呀旺去跑步都比佢鬧我個日記好亂...
果次同呀彥去跑佢又係度鬧我個日記好亂...
朗朗睇完我個日記又話唔知係邊度睇起又話好似好耐無打咁...
總之就係咁比人鬧啦...乜日記無日期真係咁難睇加咁亂架咩??
不過我自己鍾意個日記唔顯示日期多D..但係絢眾要求-,-唉...

測驗週過去啦...測完驗第二日就即刻要番學啦-,-
又要面對另一場既挑戰...好艱辛呀......
測完驗發發就上左我屋企打機...我玩墨香佢玩WIN9...
之後佢話好悶叫我陪佢玩WIN9...兩個人都唔識玩...
玩左兩鋪都係要靠十二碼分勝負...之後發發又係度鬧我...
話我連打機都無乜表情...一D都唔在意個勝負...
好似對乜都唔係咁上心咁...上次睇波又係乜表情都無...
其實我想講比佢聽...我對好多野都好在意架...
只係唔會表露出黎...上次睇波其實我內心都好緊張...
有入波既時候塊臉都會崩緊左少少.......
同發發玩WIN9我都好想入波...只係我既反應比正常人細...

七點鐘又去跑步...跑步好似變左我生命一樣...
初初應呀旺既要求...先陪佢跑步減肥...
(其實以我既體型跑步根本就係徙我時間~)
不過向友情出發...先至陪佢去跑...慢慢地...
我知道佢既恆心同努力...令我都染上一份跑步既樂趣...
如果隔左兩三日都唔去跑一次步既話...會好唔慣...
而且跑完步除左可以強身健體外...仲可以消磨時間..
費時我又用D時間去打機啦~又傷身又傷心...

番到屋企....一ON MSN就收到呀敏既一段奇怪訊息...
佢同我講 對唔住...我想問佢乜事呀-,-佢OFF左...

>>May 7, 2007 at 10:45:16 PM GMT+8

2007 年 4 月 15 日 星期日 【晴】

晴晴晴晴晴晴晴~~~~~~~~~~~~發神經~

9700~仲淨三百人氣就突破一萬架啦.....加油~~~
我係唔會自己狂禁重新整理咁無品架~~~靠你地啦~

無聊既星期日~例牌訓到日上三竿~
專家話人既睡眠分做兩個時期~分別係淺睡期同熟睡期~
係熟睡期既時候~大腦係處於正式休息既睡眠狀態~
有D人訓到成隻豬咁叫極都唔醒果D通常都係係熟睡期~
訓教處於熟睡期既人可以比大腦真真正正咁休息~
令大腦迅速回復狀態~通訓完七八粒鐘個人都可以精神百倍~
當淺睡期既時候~大腦仲係處於緊張狀態~
其本上一D聲音都可以嘈醒處於淺睡期既人~
長期處於淺睡期既人~大腦得唔到充分既休息~
就算比你訓足一個星期~感覺都會好似無訓過一樣~
咁會令到我地無精神...瞌眼訓...有一個簡單測試~
可以測試出究竟自己係位於淺睡期定係位於熟睡期~
如果果一晚你有發夢既話...咁你就一定係位於淺睡期~
~~~~今個禮拜我發左四次夢.....係長期位於淺睡期既人~~~~

>>May 7, 2007 at 10:45:26 PM GMT+8

2007 年 4 月 14 日 星期六 【晴】

朗朗:果頭剷完留言~呢頭又有個新架啦^^好多謝你個留言喎~
不過講到跑步我實我唔夠你黎既~等我練多幾年先啦~到時較量過><
↑零七年四月十四日↑
好天氣~好心情~

打機打到傻左~傻到連教會都唔想番~
好彩發發打電話崔我...唔係真係唔想番呀~
係裕民坊見到個勇士~巴士撞緊埋黎都仲要過馬路-,-
為左避開架巴士一直作斜前跑...叔叔...你停低係度~
比架巴士過左先咪無事~趕住去投胎咩~無謂攞自己條命攪飛-,-
番教會途中...見到秋紅...佢行我前面...又行得慢~
以我既步速一定追到佢...但係以我既性格見到識既人特別係女仔一定唔會埋去打招呼...
於是我就入左七仔諗住等佢走遠D先行番教會...
好啦...到秋紅真係行遠左既時候...就係我行出七仔既時候...
又見到呀MO呀妹同富貴三個人-,-耶穌玩我......
撞到正一正但係唔又想一齊行又唔敢打招呼...
攪到我當見佢地唔到急急腳咁走人...就係就去到教會樓下既時候...
就見到野人德琳=.=今日做咩事...我比平時早左番教會姐...
同德琳打左招呼就上左教會...發發一早就番左去...
玩遊戲既時候比人扯到隻手紅晒...果時要捉住人隻手...
呀冰排第二個位...我排第一個...要捉住佢隻手...-,-好怕羞...
豫疑左好一陣先決定捉住佢隻手...不過...第一次拖住女仔隻手=.=
個心跳得好快呀.......................如果拖住鍾意既人會唔會心臟病發架??
俊木同呀浩又無番黎小組啦...都唔知佢地想點既...
今日係四月既第一次聚會...有生日會呀^^
呀MO~翠瑩同江美儀/鳯(唔記得儀定鳯)都係四月生日的~生日快樂呀^^
送左一隻蕉比呀MO同翠瑩做生日禮物~不過蕉就得兩隻~
所以就送左包餅比美儀/鳯做生日禮物~SORRY呀><
之後同發發~輝~林政良去左來來軒飲珍珠奶荼~重遇最愛既薄荷珍珠^^
跟住就上左呀旺屋企食晚飯啦~GOOD!!!!!!!!!!!!!!!!!

>>May 7, 2007 at 10:45:35 PM GMT+8

2007 年 4 月 13 日 星期五 【晴】

連續第三日放晴啦~今日決鬥中西史~2:0慘敗=.=

番到屋企...今日係第三日~又要餵小苗飲水啦~
不過好似餵得太多=.=D水係底部漏晒出黎...
唉...都三日啦點解仲唔發芽架???

之前去睇既果條木制鱷魚~今日呀媽帶左BB妹去見識~
點知BB妹驚左條鱷魚~係咁話條鱷魚會咬佢^^
哈哈~細路即係細路~好得意呀...

冠軍蟲草呀姐都話正=.=
呢句野根本就係畫蛇添足多此一舉=.=
又唔係唱得好好喎~成個廣告大打折扣...

>>May 7, 2007 at 10:46:20 PM GMT+8

2007 年 4 月 13 日 星期五 【晴】

六六六好節目...

今日係四月十三日凌晨四十七分

之前曾經刪除左一D日記同一D留言~

一D保留番既留言都係因為我想保留番~

岩先打完日記~一路睇番果D留言一路回憶過去~

過去實在發生左太多太多令我開心~令我難忘~

亦同時存在傷心既事~我發覺自己太易被過去束縳~

諗完再諗~都係決定將所有留言刪除...

原來禁制都要考慮過先落到手...

>>April 13, 2007 at 12:51:57 AM GMT+8

2007 年 4 月 12 日 星期四 【炎熱】

今日既天氣真係無得頂~唔去跑步實在係對唔住自己...
六點半就出發~跑到十一點幾先番屋企~出左一身好舒服既汗呀@@
今日唔再係我同呀旺一齊去跑~而係多左個呀彥...
不過呀彥話晒第一次跑...為左就佢我地要用比平時慢既速度跑...

妳終於都同我講野啦~
不過又係唔夠兩句無野傾...同以前唔同晒...

>>May 7, 2007 at 10:45:53 PM GMT+8

2007 年 4 月 11 日 星期三 【晴】

好好天氣呀^^
今日仲係有咳...想快無事呀><

放學番到黎~諗住去訓覺~跟住發現床頭有個膠袋~
膠袋入面有個木盒~木盒入面有包泥土同一粒種籽...
唔唔...呢樣就係我今年收到唯一既生日禮物啦...
放左係度咁耐...主要係因為我唔識照顧植物同埋唔係咁捨得...
我望住佢係度諗...如果唔種就浪費左呢份禮物...
而且唔種粒種籽遲早都會死...咁會扼殺佢生存既權利...
所以最後我都係忍心地割愛...種左佢...不過好驚佢會死...
始終生物唔同死物...生物死左...一切就只會變成回憶...

由落泥到放種籽~再到澆水~一D都唔敢馬虎...
仲有...我將一樣重要既抉擇放係呢粒種籽上...希望你長大呀...

>>May 7, 2007 at 10:46:09 PM GMT+8

2007 年 4 月 10 日 星期二 【陰】

天氣好似越黎越好呢...前兩日仲落緊我最愛既毛毛雨
舊年既四月...我已經唔著衫訓覺~今年既四月竟然要用棉被...漲晒=.=
天氣轉...心情都靚左超多...但係比起晴天我仲係較鍾意毛毛兩...
由好細個好細個開始...就對兩呀風呀草呀之類既野特別鍾情...發癲=.=
我改親D網名全部都同風兩草有關既...傻瓜...傻瓜...
不過由今日開始可能有排都唔落毛毛兩啦...啦....啦...=.=

尋晚訓訓下覺無啦啦諗起 魯冰花 呢首歌...比日記轉左音樂啦~就係魯冰花^^
呢首歌係陪著我長大既歌曲之一黎架~歌詞好有深度架...細賞^^
之後我又搵左D好細個時聽過又好鍾意既歌仔...

《太陽當空照》
太陽當空照　花兒對我笑
小鳥說　早早早　你為甚為麼揹著小書包

我去上學校　天天不遲到
老師說　好好好　將來要為社會立天勞
(呢首係我讀幼稚園既時候所謂既校歌...直至到我上小學我都仲唱緊架^^)

《香蕉船》
香蕉變出香蕉船
船上面有一排歡笑面
多可愛 多康健
齊齊共唱歌謠聽得見
歌聲笑聲滿世上
快樂雲裡現
滿載遊戲兼歡笑
它帶來溫暖
開心見到香蕉船
齊齊伴住彩虹天際現
彎彎掛於天空上
人人話那彩虹香蕉變
(呢隻係第一次係VCD接觸到既兒歌...歌詞麻麻都係好開心呀^^)

《世上只有媽媽媽好》
世上只有媽媽好　有媽的孩子像塊寶
投入媽媽的懷抱　幸福享不了

世上只有媽媽好　沒媽的孩子像根草
離開媽媽的懷抱　幸福哪裏找？
(相信呢首歌好多人都唔會陌生~直至今時今日都仲有人唱緊^^)

《小草》
沒有花香　沒有樹高
我是一棵無人知道的小草
從不寂寞　從不煩惱
你看我的夥伴遍及天涯海角

春風啊春風啊　你把我吹綠
陽光啊陽光啊　你把我照耀
河流啊山川　你哺育了我
大地啊母親　把我緊緊擁抱
(細個時睇過一套連續劇既主題曲~劇名都係叫小草~我叫呀草唔多唔少因為呢首歌架^^)

《小草》
大風起把頭搖一搖　風停了又挺直腰,
大雨來彎著背讓雨澆　雨停了

抬起頭站直腳　不怕風不怕雨,
立志要長高　小草實在是並不小
(呢隻唔記得左係邊度聽過~總知就聽過啦~好有歷史架)

《世界真細小》
人人常歡笑　不要眼淚掉，
時時懷希望　不必心裡跳，
在那人世間　相助共濟　應知人間小得俏
世界真細小小小　小得真奇妙妙妙
實在真係細世界　嬌小而妙俏
又有陽光照　兼有朗月耀
良朋同歡聚　相依相對笑
萬里難隔阻　心裡情長照，應知人間小俏
世界真細小小小　小得真奇妙妙妙
實在真係細世界　嬌小而妙俏
夜裡群星照　反照世事妙
奇妙人間樂　我地樂遙遙
在那人世間　守望相看，應知人間小得俏
世界真細小小小　小得真奇妙妙妙
實在真係細世界　嬌小而妙俏
遙遙人相隔　心裡不相焦
萬里連心路　用愛造長橋
路遙難隔阻　千里共，你我他，應知人間小得俏
世界真細小小小　小得真奇妙妙妙
妙在真係細世界　嬌小玲瓏又妙俏
世界真細小小小　小得真奇妙妙妙
事實真係細世界　嬌小玲瓏又妙俏
地球如此細　紛爭不應當
人類如兄弟　不應分你我
人情同四海　千里亦一家，應該無須分彼我
世界真細小小小　小得真奇妙妙妙
事實真係細世界　應知人間小得俏
(呢首唔使介紹啦~無人唔識掛?呢首歌都係十幾年前既作品黎架啦)

《魯冰花》
我知道　半夜的星星會唱歌
想家的夜晚　它就這樣和我一唱一和
我知道　午後的清風會唱歌
童年的蟬聲　它總是跟風一唱一和
當手中握住繁華　心情卻變得荒蕪
才發現世上　一切都會變卦
當青春剩下日記　烏絲就要變成白髮
不變的只有那首歌　在心中來回的唱　
天上的星星不說話　地上的娃娃想媽媽
天上的眼睛眨呀眨　媽媽的心呀魯冰花
家鄉的茶園開滿花　媽媽的心肝在天涯
夜夜想起媽媽的話　閃閃的淚光魯冰花
啊～　啊～　夜夜想起媽媽的話　
閃閃的淚光 啊～　閃閃的淚光魯冰花
天上的星星不說話　地上的娃娃想媽媽
天上的眼睛眨呀眨　媽媽的心呀魯冰花
家鄉的茶園開滿花　媽媽的心肝在天涯
夜夜想起媽媽的話　閃閃的淚光魯冰花
啊～　啊～　夜夜想起媽媽的話　閃閃的淚光魯冰花
(勁鍾意呢首歌~歌詞旋律都勁鍾意...)

《妹妹坐船頭》
妹妹你坐船頭，哥哥在岸上走，恩恩愛愛縴繩盪悠悠...
妹妹你坐船頭，哥哥在岸上走，恩恩愛愛縴繩盪悠悠...
小妹妹我坐船頭，哥哥你在岸上走...
我倆的情，我倆的愛，在縴繩上盪悠悠...盪悠悠...
你一步一叩首呀，沒有別的祈求...
祇盼拉住我妹妹的手，跟你並肩走...
妹妹你坐船頭，哥哥在岸上走，恩恩愛愛縴繩盪悠悠...
妹妹你坐船頭，哥哥在岸上走，恩恩愛愛縴繩盪悠悠...
小妹妹我坐船頭，哥哥你在岸上走...
我倆的情，我倆的愛，在縴繩上盪悠悠...盪悠悠...
你汗水洒一路呀，淚水在我心裡流...
只盼日頭它落西山溝阿，讓您親個夠！噢... ...
妹妹你坐船頭，哥哥在岸上走，恩恩愛愛縴繩盪悠悠.
(第一次接觸卡啦OK播緊既就係呢首歌=.=果時成日唱~
我唱卡啦OK既時候仲係用緊大張CD片~即係直徑差唔多有三十厘米果種~
你地見過未呀?

>>April 11, 2007 at 1:23:53 PM GMT+8