2006 年 10 月 13 日 星期五 【晴】

十月十三日　天晴

作為一個信徒~我發覺自己祈禱既次數少之又少~
係唔係我信主~只係在於表面呢~而唔係係內心呢?

自己果種漫不經心~得過且過既心態好似又出番黎啦=.=
好多時明知唔夠時間去儲物櫃拎書~但係都唔將書帶番屋企~
甚至堅持一貫遲番既態度~就好似唔想放多一分鐘入學校度~
所以呢幾日~除左中英數之外~所有第一二堂要用既書幾乎都無~
今朝咁啦~上電腦~係我既記憶之中~計埋今日~我淨係帶左一次書~
其餘既日子都係無帶書去上堂~呢一科既功課更係一份都無做過~
有時真係覺得自己好過份~吳太咁好人~但係我就唔做佢D功課~
記得中一既時候又係比佢教~果時我又係欠佢功課最多既人~
好多時就算明知唔岩但係都會身不由已咁去做~交給主啦~
之後果堂又係無帶書~不過呢個呀SIR上堂好似唔使用書咁~

唔帶書都算啦~功課方面都非常之差呀~
今日就因為無做數學功課比MISS鍾話左一輪~
佢話唔計今次~都唔知欠左佢幾多次功課~
仲話入為一個基督徒應該做好自己既本份~
唉~我都知衰架啦~但係我真係無心機呀~
完全搵唔番開學初既果份衝勁~好無心機呀

無心機~無心機~咁樣就到左LUNCH~
今次又食到兩個無既笑哈合章啦~
到現時為止已經有七個唔同款既章~正呀~
章入面既英文句子全部都好岩老師睇架~
最鍾意其中既一句: I am bored!
哇~呢句拎比老師睇一定勁正啦~

放學無得即刻番屋企呀~要去聽關於毒品禍害既講座~
成個講座都好悶呀~好想快D走~不過...講野個姑娘都幾睇得~
因為呢個講座攪到我無得去今次既祈禱會呀...
番到屋企又係玩唔到墨香~但係~
今日終於都向上帝禱告啦~開心呀^^

>>October 13, 2006 at 11:15:03 PM GMT+8

2006 年 10 月 12 日 星期四 【晴】

十月十二日　天晴

沖唔沖涼好呢??

今日好攰~攰到我唔想沖涼~
唔知做乜墨香又玩唔到啦~
全部功課又未做喎~
依家已經係夜晚十點二十二分啦~
平時應該係精神爽利既時間~
依家只有昏昏欲睡既感覺~
好攰~好攰呀~好想快D到星期五夜晚~
咁就可以玩得夜D之餘~
又可以睡得耐D舒服D~

終於都為自己訂左一個~
唔知可以堅持到幾耐既時間表啦~
係度略略介紹下先啦:

1要番學既日子唔受時間表所規限
2特別節日唔受時間表規限(特別節日為:呀旺生日,中秋節,其他有待加上)
3星期一至五又唔使番學既日子,朝早六點半食早餐,七點半跑步,下午打籃球OR羽毛球(冬天時間)
4如果為夏天,第3改為下午游水
5星期六,朝早六點半食早餐,七點半跑步,十一點打羽毛球,三點番教會
6星期日,七點半跑步,下午為自由時間,
*以上係我既運動時間表

唔知效果會點~希望可以令我既時間唔好集中咁多係打機上面啦~

今日~算係第一次正式回歸圖書館助理員既職位~
感覺陌生左唔少呀~雖然所有野都係變過~
變既只係管理員既面孔~今年多左好多新人呀~
今日就同呀MO當值~比佢搶左我最鍾意既位~
就係借還書手續果個=.=悶到抽筋~同光浩係度吹水~
死發發比劉美瑩罰~話遲D去圖書搵我~點知
五點鐘到打電話比我話佢番到屋企~
唔通真係咁岩係我地落去買野既時候佢就走左上去搵我?
之後呀MO話有個FD搵我=.=十成係發發啦@.@
係圖書館借左本雜誌-國家地理雜誌~
我完全比佢封面上既果隻猩猩吸引住~
諗都唔諗就拎左本雜誌去影印~完全無諗過~
隻猩猩係黑色既~而圖書館就得點白影印~
結果印出黎張野完全係黑色既~除左隻眼之外~
無奈之下唯有借左佢番屋企啦~幅影印本~
諗住聽朝釘係壁報板上面比同學欣賞~YA

番到黎手機收到個短訊~提醒我第N期既悵單到左啦
要拿拿聲去交左佢啦~我望一望個銀碼~一百三十五蚊=.=
鬼咩~我邊有傾電話傾到咁貴呀~月費既兩倍都唔止==
查一查~我只係發送左八個訊息~傾左二百二十幾分鐘~
同基本分鐘既五百五十分鐘仲有一大段距離~
計計埋埋都無一百蚊啦~昆我水既佢都=.=
諗住打電話去問一問~先發覺我無佢電話~
上網查一查~先知道原來我用緊既唔係3G服務~
而係2G服務~而網上查悵單要3G用戶先有權享用~
依家攪到我兩頭唔到岸~唔知交定唔交好啦~

部電腦越黎越廢啦~都唔知係唔係上得「網」多攪到依家廢廢地~
行得勁慢~仲時時輕機添~都唔知發生左D乜事~
今個月又洗左次機啦~當然洗左機後所以資料都會無晒啦~
又要由頭下載番晒D野真係好麻煩呀...好麻煩~
係網上下載左「快快樂樂學倉頡」~悶悶地既時候可以去練下~
好讓自己D倉頡唔好生疏呀嘛~不過見到個紀錄保持者~
每分鐘八十九字既紀錄~真係有D感到吃驚=.=
比起我既每分鐘六十九字仲要多出二十個字~
真係倉頡神手呀~希望有朝一日可以破到由佢創下既紀錄啦~
不過~我打字既速度又進步左啦~呢次既六十九字~
打跛左之前既六十七字~每分鐘快左兩個字呀~
咁睇黎~「快快樂樂學倉頡」呢個軟件真係好有用架~
可以好有效率提升自己既打字速度~強~

>>October 12, 2006 at 11:00:48 PM GMT+8

2006 年 10 月 11 日 星期三 【晴】

十月十一日　天晴!?

愛上笑哈哈金屬章~今日又多左兩個啦~

劉美塋~唔知個名係唔係咁打啦~
中一中二開始聽人講~佢唔係一位好老師~
今年咁岩比佢教~比我既印象真係好差囉~
上堂既時候成日講埋D白痴野~又係度扮鬼佬講中文~
有時港國兩語一齊講~而且~佢出左我功留=.=
不過有時一個人有幾衰~唔係單憑我既三文兩語就可以判斷到~
真係要同佢想處過既~要會真真正正咁樣感受得到~
有兩次關於美術既功課無交到啦~唔係咁想交佢D功課~

今日又係一個多功課做既日子~全部都係多文字功課=.=
肯定做到我手軟都似呀...又有少少唔想做既感覺~
心情好與壞~在乎先生既關懷~麻麻地好啦今日~

有件開心事呀~之前訂左 尚輝 既日記~今日(定前幾日?)終於都批左啦~
好高興呀~佢既日記~就好似一本連載小說一樣~
每日睇都會有唔同既驚喜~唔同既體會~可能佢真係用個心去打日記啦~
我就唔係啦~打黎打去都係一D無聊鎖碎既野~根本可有可無~
......總知要係度多謝尚輝啦......

仲有件開心事呀~今日去午間樂聚做職員~「呀妹」居然係度???
超HAPPY~玩遊戲既時候勁想行埋去同佢猜包剪泵~
但係無奈我當時輸到一枝飲管都無淨~行埋去都無用~唉~
不過佢好得意~詩曼又係~你 / 妳又係~我都係~

番到屋~入到房(唔知幾耐無入過去啦~因我呢排瞓廳~)
驚見電視頂上有枝NDS瑩幕輕觸筆同本NDS架構書@.@
唔通佢買左NDS?佢番黎既時候~問佢佢答係~
哇~超型呀~NDS雙瑩幕~NDS~GBA雙玩~電腦連線~
遙距控制電腦~等等既功能~正呀~
問佢點解會買~原來係NDS出左隻全新寵物小精靈遊戲=.=
唉~精靈迷不愧為精靈迷~

生大舊叉燒...........

>>October 11, 2006 at 11:13:26 PM GMT+8

2006 年 10 月 10 日 星期二 【晴】

感恩既雙十節　天晴

台灣既國慶~倒扁既日子~
今日對我黎講其實無乜特別既意義~
我平常既交功課~平常既落飯堂~
平常既抄呢樣抄果樣~平常既擔心收到功留紙~
一個平常得唔可以再平常既日子~我卻存著感恩~
回望台灣倒扁~到依家已經個幾月~無論邊一方都好似無作出讓步~
我主觀D講~呀扁點會放棄呢個位呢?
呀扁既貪腐的確帶比台灣民眾好多既不便~
試問一個咁樣既「國家」領導人何有顔目再企係度?
諷刺既係~一個造作、造悵的人仲會有支持者~
係度想大聲咁問句~你地係唔係KAI架?
不過我今日既主題唔係呀扁~而係點解我要為雙十節感恩~
一個咁KAI既地方由一個咁KAI既人去領導~
每日都有倒扁人同挻扁人發生衝突等等既KAI事~
我生活係度~只係擔心有無機打~食飯既機夠唔夠~
用晒D錢點樣係呀媽度抽水~抽完水又會點用~
究竟佢仲有無鍾意我~點解唔同我講野呀~等等~
生活係一個咁既樣環境之中~事實上的確幸福好多~

黎SIR無番到學(工)呀~令到我地無得上體育堂~
本來開開心心既一個鐘咁樣就要浪費係飯堂入面~
其實用呢一個鐘黎溫書既話呢就唔會徙左既~
只係方小朗同奸佬賢係度嗌大架~我又眼訓到死~
又吵又眼訓又吵又眼訓~攪到我都無心情去溫書啦~
抱住「默書咋嘛~零分咪零分囉」既心態係飯堂訓著左~

生物堂唐SIR係度講魚蛋~話魚蛋之所以魚蛋味~
都係因為整魚蛋既魚肉入面有魚既尿素所致~
哇~好核突呀~你咁講我以後去七仔咪變得好無意義囉?
依家就越黎越發覺唐SIR似足晒張SIR~
兩個都係勁鍾意講講下書就講一D課外語~
張SIR:你講講下朱元樟點解又會講左戴安娜架?關佢咩事呢?
唐SIR:你講講下細胞組織點解又會講魚蛋既?仲要話有尿素~好驚囉!
但係~唐SIR講既絕對有趣過張SIR好多囉~起碼唐SIR唔會攪爛GAG~

好記得之前OK便利有MIFFY既小飾物架~之後就有咖啡貓同麥兜貼紙~
依家又有新野出啦~但係我唔知係乜野黎~只係覺得子得意~
真係唔知點解~對呢D小飾物情有獨鍾~好想儲齊佢地呀~
之前MIFFY同咖啡貓儲唔齊都已經好傷心架啦~仲大出血添~
呢次希望大出血得黎又可以得嘗所願~咁就最好不過啦~

放學開會~關於下個禮拜晨禱會既事情~
仲有聽日午間樂聚既事情~聽日仲要去幫手~
希望可以藉著主既大能將呢個節目攪到好好睇睇~
今日又見到詩曼啦~真係好鬼死得意呀佢~
秋紅又係=.=某時候好得意~好似慢慢明白點解翊揚會比人叫做o靚昆啦~
今日係輪到我帶禱啦~好緊張呀~緊張~

放學之後~又去到OK啦~當然係因為我想儲OK今期既飾物啦~
買左D野係度食~見到又兩個堅樂既女仔係度食魚蛋~

呀草:記唔記得唐SIR今朝話~魚之所以有陣味係因為佢地既尿素呀~
發發:記得,魚蛋呀嘛~

果兩個女既其中一個即時打左個突~勁好笑~
另外個女仔就望左我地一眼~然後繼續食佢既尿素魚蛋~

番到屋企~搭升降機既時候又係一段奇人奇語~事情經過如下~
「我番到屋企~入升降機既時候~有個呀婆拖住個孫(真係拖~個細路好慘)入去~
有少少想打個呀婆~咁老唔使出聲都有人讓條路比佢啦~驚死搭唔切咁~
佢住一樓既~門都未閂就叫人借借(呀婆係唔係想出去呀?)
最斃就係佢用大陸話叫人借借~佢都傻傻地既~我聽得明就話姐~
人地聽唔明既咪當佢傻架囉~之後有人係度話個呀婆~

呀伯A:呀婆~人多地方窄~點借比你呀~你想出等門開左人地自然會走開比你出架啦~
呀伯B:(我唔記得佢地講過D乜啦)
呀伯A:唔好讀書啦~踩單車好過~搵得仲多錢~
呀伯B:係呀~
呀伯A:正所謂「讀書做事尋死路~行街睇戲有前途」...

頂~我O晒咀囉~笑到我痴線~本來我住十一樓~
之後我笑到跟住個呀伯出左去十樓~仲以為係十一樓~
然後行番去禁門鐘~禁下鐘再望下~咦?
點解部電腦換左位既?咦咦??點解地下變左地磚既?
咦咦咦???點解至企多左個唔識既人架?
望下個門牌=.=1014?我住1114架喎~糯臭~
正想走既時候~有人黎開門~「唔好意思~我禁錯門鐘」
頂~勁糯囉=.=

>>October 10, 2006 at 11:08:43 PM GMT+8

2006 年 10 月 8 日 星期日 【晴】

十月八號日記　天晴

今日我食鬼上身呀~
杯面~通心粉~月餅~白粥~薄餅~橙汁~可樂......
總知就食左好多好味又唔健康既野落肚啦!~

以前不嬲都話~假期係我最悶既時候~
雖然依家只要係星期六我就唔會咁悶~
因為可以番到去團契~番到主既身邊~
只係~如果果個星期六無聚會既~又或者~
係其他唔係星期六既假期~咁我又會開始好悶架啦

唉~好唔鍾意唔充足但唔充實既假期呀~

受受：

我每日都充滿希望~但無時無刻都感到失望~
我會忽然之間好上進~但又會好一段時間變得好無目標~
我既目標好遠大~但同時又好不切實際~
我做事好有計畫~但時時都會逆計而行甚至亂行~
我自覺係一個活躍分子~但最沉默既又係我~
我聰明~只係我只識運用我愚蠢部分~
我想關心人~但係我口直心快往往先得罪人~
我想愛人~偏偏我既愛又係令我失去既根源~
我想做番朋友~我唔想唔揪唔采~但又唔肯做主動果個
我唔想失去所有~只望擁有部分~

主，引領我？

>>October 9, 2006 at 12:14:19 AM GMT+8

2006 年 10 月 7 日 星期六 【晴】

二零零六年十月七號日記　天晴

呀草~呀草~
越黎越覺得自己有D不知所謂~
做既野好似全部都不切實際~~
生命中只有空想~完全無行動~
就連今日點解要打呢篇日記都唔知~

唉~忘憂~又點會咁易~

今日番教會~唔知做乜余思曼今日無番到黎~
唔怪得今日我地會咁悶啦~
平時佢一定行過黎 「挑豆」我地既~

今日比我既感覺唔係開組呀~反而似係傾偈~
講講下講到我地組個孤兒~想去探佢呀^^

開完組就敬拜啦~今日有生日會~
又有野食啦~食左好多燒賣同旺旺仙貝~
之後去左apm行左個大圈~買左個銀包~好靚喎都~
發發就買左個超大個既袋~都幾好睇呀~
不過~咁大個人第一次幫自己買野咋~

想變飛仔~KO YOU

>>October 8, 2006 at 2:50:19 PM GMT+8

2006 年 10 月 7 日 星期六 【晴】

二零零六年十月六號中秋節日記　清涼

中秋節~一個對於我黎講非常特別~好值得紀念既一個日子~
本來~應該係我地幾個一齊上山頂談風花雪月既~
但係呀標約左呀權~所以唔陪我去~呀超同呀聰又去左踢波~
又唔陪得我地去~得番我同呀旺去~但係呀旺同佢地又好似無野講咁~!
其實我同佢地都係乜無野可以講~所以好悶呀~

悶既同時~又諗番舊年中秋既事~果件事同呢件事~
越諗越唔開心~又悶~於是就叫左發發出黎陪我啦~
講起~佢又真係唔話得既~怕累又陪我行山~
半夜仲陪我出黎~希望你唔好比你家姐閙啦~

講真果句啦~今個中秋真係得悲~過得清~過得悶~過得唔充實~
但係負負之中又比我搵到樣值得開心既事~就係發發啦~

今日做左件好白痴既野呀~就係發e-mail比我既所有既MSN聯絡人~
當然包括倩琼啦~(其實咁做既目的都係因為佢姐)
我祝佢地中秋節快樂~希望會收到回信(特別係佢既回信啦)

上山頂~再上埋山上山~係果度祈禱~求主祝福我!!!!!!!

>>October 7, 2006 at 2:22:41 AM GMT+8

2006 年 10 月 5 日 星期四 【晴】

二零零六年十月五號日記　天晴

今日既天氣好好呀~絕對係舉行陸運會既好日子~
雖然星期二既時候~個天落左場好細既雨~
但係跟住既兩日天父送左好好既天氣比我地~
今到今年既陸運會可以順順利利咁舉行~
途中有同學因傷入院~係度祈求佢早日康服~

今年既運會~我有唔開心~我都有開心~消極心情比較...

唔開心既事黎黎去去都係關於倩琼架啦....
連續兩日~同佢相遇比起係學校相遇仲要多~
明明有好多次機會~好多次大家有可能做番朋友既機會~
只要講一句 你好 或者一句 HELLO 之類既問候說話
持續咁耐既僵局可能就會被打開~只係我始終無講到出口~
我驚~好多野驚~驚佢唔理我咁點呢?會唔會比人笑呢?
之後會唔會有好多人係度討論呢?最終都係輸左啦~
我由得佢白白係我面前走過~由得機會白白溜走~
究竟我係輸係怕瘀?無勇氣?被動?輸係邊呀?

雖然唔開心~但係都表現到因為陸運會而好興奮咁~
直到~我係小賣部見到OUT DATE幫佢束頭髮~
平常人見到應該都無乜野~幫朋友束下頭髮姐~
但係我見到佢地個樣~我又開始亂諗野啦~
佢地咩關系呀?唔通OUT DATE就係佢男朋友?
果剎那~好多根本無可能既野都彷彿會變真~
最辛苦既係我扮到好似若無其事咁係佢身邊行過~
其實我想講~我好介意架!

因為呢件小事~我成個下晝都無晒精神......
好想訓係跑道中間~任由果D參賽者踐踏~
最後令到我笑逐顏開既~係輝既一段墨香史~
同埋我岩岩先係陸運會新認既呀妹~好可愛~

其實覺得打緊日記既自己好大膽呀~
竟然係度打左佢個名出黎~但係唔驚啦~
因為佢根本就唔會上黎我日記睇既~
就算有網址都唔上黎~更何況佢無~
呢個自閉日記~鍾意妳~

誰曾應許

誰曾應許，一生不撇下我；
每段窄路，誰陪我去走過？
誰還領我，於青草恬靜處躺臥，
豐足恩惠比海沙更多﹗

誰曾應許，天天看顧著我；
晝夜眷佑，連頭髮也數過﹗
誰還以愛，驅走心裡懼怕怯懦，
那懼路途捲動著旋渦﹗

因你是我主，我避難所，
我盾牌和詩歌﹗
你是我的高臺，我隨時幫助﹗
來吧﹗用信心，讚頌和高歌，
你永在我心窩﹗
唯你有永生江河，
除你以外不倚靠別個﹗
我究竟算甚麼？神你竟這般顧念我


看顧我既~就係我所相信既主~
我知道袮即使關上我既一道門~
都必定會為我開啟一道窗~
只係我希望既係~我係門外見到藍天~
係窗外所見到既一樣係藍天~

>>October 6, 2006 at 1:27:53 AM GMT+8

2006 年 9 月 30 日 星期六 【雨】

二零零六年九月三十號日記　天陰有雨

中秋又到啦~越接近呢個日子~越令我諗起舊年既事~
雖然距今都山經有一年啦~只係我始終唔可以忘懷~
或者我天生就唔係一個溝通既聖手~又或者~
我天生就唔擅長向別人表達我既心意~天或者
我太過被動啦~凡事要人出聲先~有太多太多既或者啦...
中秋~本應人月兩團圓~但係個月越圓越顯得我空虛寂寞~
算啦...太耐無打日記啦~已經完全忘記晒打日記既心情~

講番今日啦~今日去做義工~派月餅比D獨居既婆婆同公公~係咁啦~好開心啦總知~

岩岩見到果條收埋左既六芒星頸鏈~好傷心呀~唔知幾時先可以真正送出去呢?

>>September 30, 2006 at 10:35:53 PM GMT+8

2006 年 9 月 17 日 星期日 【晴】

九月十七號日記　天晴

唔......
終於知道原來我係唔飲得牛奶既果種人=.=
以前空肚飲既話就會肚痛~依家就算食完野先飲都會肚痛~
飲幾多屙幾多~真係好辛苦呀>,<
永別最愛既高鈣奶T.T

>>September 17, 2006 at 11:16:08 PM GMT+8