2006 年 2 月 14 日 星期二 【晴】

雙失情人節

>>February 14, 2006 at 11:27:43 PM GMT+8

2006 年 2 月 10 日 星期五 【晴】

尋晚我真係無覺好訓呀=.=
本來我十點幾就走左去訓既~
不過一路訓一路聽969~
大概十二點到啦~呀哥就番左黎啦~
佢番到黎就傾電話睇VCD~
我訓覺時有光係訓唔著架~
點知佢偏偏開著個電視~
D光刺住我對睇~匿入被度又辛苦喎=.=
我訓覺既時候嘈都係訓唔著~
我又唔係話唔比佢傾電話~
只係可唔可以細聲小小呢?
忍左佢大概個零鐘~真係忍唔到~
我向佢投訴~佢電視唔睇電話照傾~
算點姐?
今朝勁無精神~連發白日夢既精力都無~
好想訓好想訓呀~依家訓唔著喎又~
放學無去到留堂~同肥寶走佬~
係OK買左廿蚊野換到個加菲11番黎~
好得意喎~不過唔夠MIFFY得意哦~
之後問佢拎左隻7-11新年摩天使~

......完

>>February 10, 2006 at 10:17:57 PM GMT+8

2006 年 2 月 8 日 星期三 【晴】

回覆冇名字既留言:=.=poshan=.=見到呢兩個字即刻估到係妳啦~又話唔識我喎~不過原諒妳啦~見妳病都上黎睇我個diary咋~下次留言大大隻字打POSHAN出黎啦~係呢度除左我無人識妳架啦~不過妳又好似講得YIM重左d喎~如果留言就算係煩我既話~咁妳睇下幾多人黎煩我??多心啦妳~~~但係萬估唔到妳都男朋友囉=.=網上戀定真人戀呀~~add左妳啦~不過無諗住鬧妳喎~~~徙氣呀~傾下偈就算啦~不過我依家唔多上MSN架~所以妳悶既時候唔知陪唔陪妳架喎~得閒多D上黎留言啦~我會多D上妳個diay架啦~放心~係咁先~!!!!!!!!!!!!!!!!!!!!

開始打番日記~今日由頭睇番~
原自己已經連續十一篇既日記心情係平淡~
連續十八篇既日記天氣係晴~
以前打日記係呢方面都係好細心~
會選出最適合自己當天既心情同天氣~
但係自從我打番日記之後~呢D野變得唔重要啦~
天氣唔變~心情唔變~變既只係內容~
不過心情可以係我既日記中察覺~
不過天氣呢家野~真係無乜所謂啦~N日之後又曖番囉~

今日無番學呀~原因有二~
其一~我唔知醒呀~但係我知道今日要開學~
所以尋晚專登就早D訓架啦~但係唔知做乜~
我今日都仲係唔知醒喎~~所以唔番~
原因二~本來如果我趕D既話~我番到學校~
最多都只係遲到一兩堂到既~不過呢因為呢~
我成個假期D功課全部都無做過喎~
所以就得寸進尺~唔番學留番係屋企做晒D功課~
本來我諗住今日人人都要番學~
自己留係屋企度都係悶架啦~諗住自己唔會打機架啦~
點知=.=無人陪我我都係照打機
~呀蚊呀介紹~yahoo麻雀館~成個下午係度打麻雀~
打到五點幾先開始做功課~不過做左少少又開始打機啦~
所以到依家我都仲係十做晒D功課呀=.=

今日都係做左大食怪~食左兩個杯面&其他好多野~

今日都係到此為止啦~唔係我聽日就真係食功留架啦~

>>February 8, 2006 at 9:18:30 PM GMT+8

2006 年 2 月 7 日 星期二 【晴】

回覆vanessa既留言:妳係唔係黎紫華呀?如果係既我就真係幾開心下啦~估唔到小學既同學都黎捧我個日記^^不過如果我估錯既話~咁我真係唔知妳係邊個啦=.=
↑↑↑二零零六年二月六日↑↑↑

回覆冇名字既留言:唔唔~我自我介紹先~你唔識我~可以叫我呀草~下次可以用黎代替留言中既喂字~答番你d問題先~其實係上一次既回覆留言中我已經答左你~我果d日記已經溶晒~所以我先係網上打日記~所以你話想睇我真係幫唔到你呀~唔好意思呀!不過~如果你真係覺得無聊既~你都可以自己開個日記黎打架喎~記低自己每日所發生既事~無聊既時候可以睇番~如果驚比人睇既~咁咪唔好比個網址人地囉~如果咁你都仲覺無聊既~呢個[email protected]係我既MSN~你ADD我陪下你囉~橫掂我都係無聊仔一個~果個都係我既e-mail~你都可以發貓貓比我架~到你真係寫日記既時候~我地咪交流下日記心得囉^^
↑↑↑二零零六二月六日↑↑↑

今日又真係好早起身啦~不過就無睇到蝙蝠亂飛~
而係坐係到呆~呆到十二點睇九五至尊~
之後呀蚊就打電話黎啦~同佢傾左陣~呀媽要打電話~
之後我就自己睇電視自己打機~不過仲係無諗過去做功課~
下午呀蚊又打電話黎啦~同佢一齊打麻雀~
好開心呀~因為我係咁贏喎~然後同佢玩象棋~
頂囉~連輸兩鋪~象棋我真係唔識捉喎~輸係應該既
本來話諗住同呀蚊玩完就做功課既~
但係越玩越有癮~越夜越唔想做功課~
所以~到現時為止~假期功課除左果日番去做左果DD之外~
就真係一D都係掂過啦~一諗到聽既既果堆功留~
我既心情就不其然地緊張起黎~怕怕哦~~
不過點都好啦~假期應該愛黎休息~唔係愛黎做功課~
所以我雖然係無做到功課~但係保持左自己既原則~yeah~~~~~
好啦~今日唔打咁多啦~要去訓教~聽日要受訓啦~!

>>February 7, 2006 at 10:13:13 PM GMT+8

2006 年 2 月 6 日 星期一 【晴】

回覆Vanessa既留言:=.=唔好咁好野喎~係度爆我個名出黎=.=你想食閉門根呀?(呢句講笑姐~唔好介意)~你係邊個??
↑↑↑二零零六年二月六日↑↑↑

回覆冇名字既留言:wor~~~好勁~原來我個日記已經網上有售架啦??哈哈~其實係咁既~因為我既鄉語同廣東話係有少少相似既地方架~所以學起上黎係比較易D架~但係識講唔代表精~始終唔係土生土長~講起上黎係有少少(或多多)鄉音既~
↑↑↑二零零六二月六日↑↑↑

今日特別D~其他野我唔想多記~
其實有個咁既呀哥~真係好幸福架^^
↑小時候↑

有個小朋友~他用身上僅存的十分錢~
到熱餅店買了一個熱餅~
老闆看見他的打扮~看不起他~
但是他又想賺小朋友的十分錢~
於是他就收了小朋友的錢~
並把那塊熱得非常的熱餅扔到小朋友的手上~
他的目的就是想小朋友因熱而將熱餅掉到地上~
不過~小朋友並沒有這樣做~他捧著熱餅~
走到後巷~老闆很奇怪~
他跟了過去~就在此時~他發現到~
小朋友把那塊熱餅拿給另一位小朋友吃~
而他的手~卻燙得非常傷~
你們說~老闆會怎做呢??

昨天聽既歌~搵唔到曲~淨係得歌詞咋~


SOMETHING

Something in the way she moves
Attracts me like no other lover
Something in the way she woos me
I don't want to leave her now
You know I believe and how

Somewhere in her smile she knows
That I don't need no other lover
Something in her style that shows me
I don't want to leave her now
You know I believe and how

You're asking me will my love grow
I don't know, I don't know
You stick around and it may show
I don't know, I don't know

Something in the way she knows
And all I have to do is think of her
Something in the things she shows me
I don't want to leave her now
You know I believe and how



CAN'T TAKE MY EYES OFF YOU

You're just too good to be true.
Can't take my eyes off you.
You'd be like heaven to touch.
I wanna hold you so much.
At long last love has arrived.
And I thank God I'm alive.
You're just too good to be true.
Can't take my eyes off you.

Pardon the way that I stare.
There's nothing else to compare.
The sight of you leaves me weak.
There are no words left to speak.
But if you feel like I feel.
Please let me know that it's real.
You're just too good to be true.
Can't take my eyes off you.

I love you baby, and if it's quite all right,
I need you baby to warm the lonely night.
I love you baby.
Trust in me when I say:
Oh pretty baby, don't bring me down, I pray.
Oh pretty baby, now that I found you. Stay.

And let me love you, baby. Let me love you ...

I love you baby, and if it's quite allright,
I need you baby to warm the lonely night.
I love you baby.
Trust in me when I say:
Oh pretty baby, don't bring me down, I pray.
Oh pretty baby, now that I found you. Stay.

Oh pretty baby. Trust in me when I say: Oh pretty baby ...


WHO'S SORRY NOW

Who’s sorry now, who’s sorry now
Whose heart is achin’ for breakin’ each vow
Who’s sad and blue, who’s cryin’ too
Just like I cried over you

Right to the end just like a friend
I tried to warn you somehow
You had your way, now you must pay
I’m glad that you’re sorry now

Right to the end just like a friend
I tried to warn you somehow
You had your way, now you must pay
I’m glad that you’re sorry now




HURTING EACH OTHER

No one in this world ever had a love as sweet as my love,
For nowhere in the world could there be a boy
As true as you love.
All my love I give gladly to you,
All your love you give gladly to me.
Tell me why then, oh why should it be that.

We go on hurting each other.
We go on hurting each other.
Making each other cry,
Hurting each other without ever knowing why.

Closer than the leaves on a sweepin' willow, baby, we are,
Closer, dear, are we than the simple letters "A" and "B" are.
All my life I could love only you,
All your life you could love only me.
Tell me why then, oh why should it be that.

Can't we stop hurting each other.
Gotta stop hurting each other making each other cry.
Breaking each other's heart.
Tearing each other apart.

>>February 6, 2006 at 10:01:32 PM GMT+8

2006 年 2 月 5 日 星期日 【晴】

回覆冇名字既留言:咦??你點知我會問你係邊個既??好開心呀~第一次有唔識既人留言比我~不過睇你個電郵都知係假架啦~所以係呢度回覆你既留言啦~好~首先~應你要求我唔問你係邊個~但係可唔可以問下你係邊度搵到我個日記架呢??仲有呀~點解對我小學D日記咁有興趣哦??而且你又知我小學時寫日記既?不過~你想睇我小學果D恐怕又困難囉~因為D簿比D茶淋到不似簿型~所以我先至係網上打日記~不過好多謝你支持^^
↑↑↑二零零六年二月五日↑↑↑

哇卡卡~尋晚終於第一次聽零六既森美小移啦~
好攪野呀佢地~諗諗下呢~同星空奇遇鐵達尼一樣~
我有成好幾個月無聽到~麥SIR個節目就係因為要番學~
第二朝要早番~所以唔聽~森美個呢就係因為~
我要睇電視~睇完又眼訓又唔記得左森美個節目喎~
尋晚睇完鋼練~諗住去訓既時候~見到呀哥部MP3~
於是就記得森美個節目啦~咁就入房聽~一路訓一路聽~
點知細佬日抖去打機既時候嗌大架~仲有係由網吧嗌到番屋企=.=
然後四細佬就話唔想同三細佬孖鋪(佢地不嬲孖鋪既)
於是就話要同我同房=.=但係我孖鋪訓唔著~
就叫佢訓呀哥張床(張床有兩格~我訓上格)
但係我聽緊森美~唔想訓著~於是就一路聽一路睇vcd~
流氓師表~雖然舊左d~不過好笑既幾舊我都會睇~
睇睇下~終於到笑談廣東話啦>.<勁野呀~
成個森美我最鍾意既環節除左四個只能活一個
同埋幻想劇之外~就係笑談廣東話啦~
好記得~我第一次知道笑談廣東話呢個野既時候~
係係呀權屋企~呀權係呀標既同學~當時打完波就上佢屋企~
齊齊做功課~但係佢又鍾意一路做功課一路打機~
咁岩果日佢係WINMX搵到笑談廣東話~就係~你讀屎片架~
我x~笑到我飛筆仆地咁~佢地兩個都笑到卡卡聲~
之後我咪上網搵資料囉~搵到呀~
逄星期六~晚上十一點至凌晨一點~
而我尋晚聽既就係~超咩超~唔順超?過兩招呀~~
我又x啦~呢個都笑到我哈哈聲咁~因為細佬係度~
所以同佢一齊聽~笑到佢傻左咁滯~
仲有個打電話整人既~問題好似係問人今日(即係尋晚)邊個生日~
有兩段對話~對比之下會發覺好好笑~

A:你好~我地係森美移動打電話黎架~你知唔知今日邊個生日呀?
B:下?今日~咪我老公囉!(呢位小姐笑得好開心)
A:有無攪錯呀~今日係香港注明演員張兆輝既生日呀!
B:哦~係咩?(仲係笑得好開心)
A你知唔知今日邊個生日呀!!(又問既?)
B:張兆輝呀嘛~~(仲係笑得好開心既點解?)
A有無攪錯呀~(又攪錯??)今日係人日(初七人日呀)~人人都生日呀嘛~happybrithday~~(=.=)
PS:括號內係我自己加上去既~↑呢個係第一段

A:你好~我地係森美移動打電話黎架~你知唔知今日係邊個生日呀?
B:今日人日呀~人人都生日啦~(好野)
A:有無攪錯呀~今日係香港注名演員張兆輝既生日呀~你知唔知今日係邊個生日呀?
B:都話今日人日~人人都生日囉(佩服)
A:有無攪錯呀~今日係日本注名音樂家xxx既生日呀(唔記得叫乜名~用xxx代替啦)~你知唔知今日係邊個生日呀?
B:今日人日呀~人人都生日呀(勁唔耐煩囉)
A:有無攪錯呀~今日係
o都......................................(佢未講完就比人cut線)
PS:↑呢個係第二段~兩段一對比~就會發覺原來笑爆肚>.<

之後又做量產型~呢個唔解釋~用知係乜就自己去聽下啦~
不過因為量產型超時~所以最尾個幻想劇無得做=.=
不知不覺就到左一點啦~森美移動結束~換來新聞一則~
之後我就去訓啦~但係細佬就打機~夜啦~仲打機~

朝頭早九點幾就起身啦~知唔知點解咁早起??
其實星期日十點之前我一定起身架~
因為有我最鍾意睇既~踼出我天地呀~重播左一次~
依家又重播~但係我就係鍾意睇~吹我x咩?
睇完又打機啦~我打機我打機我又打機~打完就出街打~
因為我答應左細佬話陪佢去網吧玩HEAT PROJECT~
仲有~因為我有八百點GASH點數~所以佢要我買野比佢~
不過呢~因為我仲係兵仔一個~仲唔可以送野比佢地~
所以全場我都係度升lv~要升到伍長先可以送野呀~
不過我今日玩左三粒鐘~最後終於做到伍長啦~
諗住送野比佢~但係無奈我夠鐘比人''趕''左出去~
下次先囉唯有~跟住就同佢去飛髮~但係我怕等~
所以我就走先啦~掉低佢一個人係髮型屋~

番到屋企又繼續打機~無解囉~我已經上癮囉~
黃昏時~我就匿左入房聽歌仔~呀哥果時買左隻碟~
係英文碟黎架~但係我見佢係英文~所以一直都無聽過~
頭先拎黎聽~d歌~無得頂頂頂頂頂頂頂頂呀呀呀呀呀呀呀~~~~
有時間我放上黎公豬同好呀下~

聽聽下歌有人打電話比我~估下邊個?嚇左我一跳呀
竟然係呀蚊打比我喎~無諗過佢真係會打電話比我~
同佢傾左戀谷既BUG~仲有傾左d太空戰士既秘技等等~
然後我又入房去聽歌仔啦~食完飯又繼續聽~
一共有兩盒~呀哥買左第二盒~第一盒就無買到~
每盒有三隻~我頭先聽既係第四隻~一共十七首~好靚哦>.<
之後瞌左陣~又出黎打機LU~上下日記~咦?又有新人留言啦^^
其實我個日記從來無陌生人留過言架~有幾次以為係唔識既~
原來都係同學黎架~最記得果次......路人甲T.T
所以依家係第一次有唔識既人留言比我喔~好開心喔~
回覆左你啦~好啦~今日既日記都好似打得太多啦~
而且我依家有少少頭痛呀~~左邊耳後有少少痛>.<
唔講咁多住啦~係咁先~沖涼訓教啦~
仲有兩日番學啦~要追功課呀~加油呀呀草~

唔唔~今日都有兩首歌歌送比你地~係電視劇''九五至尊''既主題曲同插曲~係下面

彩構步 (按動可連結收聽)

主唱:江華

萬丈精彩的人生 都因你伴著同行
樂在這空間全無抱怨地 是我遇著你
開心不開心都不信命運繼續行
穿稜的光陰都因我活著更繽紛
過去我也曾遇過幾多不快結局有你有
唯有你在護蔭
萬丈精彩的人生 都因你伴著同行
樂在當中怎能忘記慶幸快樂道別愁雲
我與你既然能欣賞一切直到將來也更珍惜
以後剩下時間會與你去同步過渡下半生
別讓今天的人生 灰灰暗覓覓尋
立下決心一同逃過惡運 困惑亦視如塵
有了你再無愁拋開一切悶與憂給我趣味
在我心中最愛一個唯有是屬你


延續一生都美麗 (按動可連結收聽)

主唱:江華

天真的你 在照片中留低日記
那些繽紛的回味 還描述那年冬天的氣溫
當天憶記 是我常常來欣賞你
你那肌膚的優美 歲月裡漫長於心中佈滿著生氣
仍舊記得 當天我認識的你 仍像這刻
今天故事溫馨中掠來 期待你是未來一個
我願意 看著你 這樣來妒忌 你願意 去為我
未來而捨棄 沒法將世界內時光去暫停
為求將你繼續抱擁直到限期 渴望與你共老
再重遊舊地 這份愛更完美 延續一生都美麗
Be my love
結尾為你留預備 是你簡單一句 我已在心飛跌起

>>February 6, 2006 at 12:40:25 AM GMT+8

2006 年 2 月 5 日 星期日 【晴】

記憶日記:二零零六年一月十六日~

頭先睇日記無啦啦記起~
係果日本來就係考緊試既~
不過因為時間尚早~
所以我就同肥寶去圖書館打左一陣機啦~
不過電腦呢家野~玩開就唔想停架啦嘛~
於是到我地發覺既時候~
我地已經係踏近遲到邊緣咁滯~
所以我地好趕急咁埋單走人~
唔知係唔係因為心急呢~
我地過馬路時見唔到D差佬~
因為驚遲到呀嘛~所以我地做左一個大膽既行為~
就係衝紅燈~就係咁比差佬捉住左~
停低~抄牌~身份證=.=
攪左一輪之後~我地終於番到學校
點知班女仔同我地講=.=
話今日係男仔考先呀=.=
天要亡我~~~~~~~~~~~~~~~~~~~
即係話我地衝唔衝紅燈都係遲到=.=
天呀~抄牌抄得好冤枉呀>..<
然後又同肥寶去圖書館洩憤...
但係好彩~有人同我講~未成年係唔使罰錢架
呢一句就係係果日比到我最大安慰既說話=.=

>>February 5, 2006 at 6:17:50 PM GMT+8

2006 年 2 月 4 日 星期六 【晴】

今日成日除左悶就係訓~本來話諗住去網吧打機~
但係飛完髮之後就唔記得左lu~講番今日飛個髮先~
佢本來就係飛到右前方度有成條頭飛垂落黎咁既~
其實我睇下係幾型下架~當時我想同個獅虎講~
唔該果幾條有得佢呀~但係我萬萬估唔到~
我把口唔夠佢對手快~我都未出聲~果幾條頭髮已經去左地下=.=
不過後尾個髮型又唔錯咁~最後佢問我焦唔焦頭喎~
唔好意思~我從來唔焦頭的~因為我確信~自然就是美~

不過今日除左呢件事之外~就真係唸唔到仲有咩可以記啦~
所以就唔打咁多啦~仲有~今日我有三首歌送比你地架~
其實之前都post過上黎!~不過當時淨係得歌詞~依家既有埋LINK比你地~

在晴朗的天空下 (按動可連結收聽)
主唱:麥潤壽

將開眼中 一扉暖暖的窗 驅走這赤地裡的荒涼
從大地頭上 初昇的朝陽 照出一個永遠方向
懂得愛心 知道怎麼分享 不枉愛過活過這一場
誰亦是同樣 奔波於驕陽 人潮從來沒有築牆
一早決心 將我愛笑的心 感染這世上愛哭的人
曾立下宏願 可不可都能 唱出真正壯闊聲音
關心眼光 彷似最美的燈 終於會照亮遠方的人
如未盡全力 怎麼可消沉 能抬頭凡事也可能

人和人年和月都太類似 無論怎麼都只活一次
晴朗的天空中找到生息的真義 人才能無悔舊時
在人潮和圍牆下只要願意 憑著一雙手(主恩典)總是可以
晴朗的天空中 跨過彼此的疆界 連潮流亦會轉移

PS:呢一首歌係我極既一首歌黎架~除左因為我係麥sir既fans之外~
呢首歌既旅律同歌詞都係吸引我既地方之一~麥sir唱既版本中~
有一段歌中言~果段說話都係吸引我既地方黎架

十年 (按動可連結收聽)
主唱:劉德華

曾經爸爸給我望遠鏡 他帶我到這段路上
去望望地球是那個樣 幻想就像西瓜波兒脹
如果可以出天上看 想見到每人快樂健康
年青的風不愛屏與障
它帶我去反叛浪蕩
我造造夢兒 又說說謊
日子慢慢ㄧ點ㄧ點點流放
狂想總教這心頭癢
當我有翅膀 會盡力闖
我每ㄧ個十年 許多難忘的片段
當轉眼 回頭望ㄧ遍 已經很遠
記那ㄧ個十年 彷彿無時不見面
今天你人兒但不見 記憶仍是 (和) 暖
如今心中長了望遠鏡 拉近四野 真象幻象
我踏實路前面每吋方 便ㄧ步ㄧ步攀上
人生可當首歌謠唱 總唱到醉人美麗地方

PS:初初聽呢首歌既時候~覺得呢首歌好怪架~因為無啦啦有個西瓜出現~
但係聽多兩聽~呢首歌靚既唔係佢既曲~雖然佢既曲都好聽~
呢首歌靚既正正就係我覺得怪既詞~好有回憶FEEL~

擺渡的歲月 (按動可連結收聽)
主唱:周華健

在操場內 玩耍中比賽 在試場內
挑戰著未來 在世途上 但願飛出天際
在旅途上 偏偏盼望回來 在鐘樓下
伴著知己憾慨 在教堂外 多麼渴望戀愛
誰人在說 誰人在笑 曾在喧嘩嘻戲中是誰
誰人在叫 誰人在跳 誰讓光輝的記憶放在這裡
渡海輪上 萬家燈火裡 多少個的你或我 曾在這光景陶醉
路已難辨 舊居都改建 但那懷念 開枝散葉蔓延
物會磨滅 事不可改變 逝去年代 清晰往事可見
決定離去 決定回去 不改變的往事永不會道別誰
哪日離去 哪日回去 一生最好歲月也深種在這裡
甚麼時候 萬家燈光裡 多少個的你或我 仍為這光景陶醉

PS:呢首歌都好聽~但係呢個音質麻麻~有好多雜音咁~
愛呀>.<

>>February 4, 2006 at 10:27:23 PM GMT+8

2006 年 2 月 3 日 星期五 【晴】

又一個星期五啦~上個星期五係度悶~
咁又過左一個禮拜啦~仲有四日~又要番學啦^^
好想快d番去呀>.<~~不過=.=d功課......
算啦~功課喎~哈哈哈~

今朝超早起呀~十點未到就甩符彈左起身啦~
前日就十一點未到~再前日就十二點未到~
好似越來越早咁呀~嘻^^其實係我呢幾日越來越早訓咋~
尋晚就十二點幾~前晚就兩點幾~再前晚就四點幾~
不過~原來遲訓都有好處架~就係會訓得好lum~
但係會發惡夢~唔記得詳情~總知好恐怖=.=

呀哥今朝同班工友話去溜冰~連教都唔訓
九點幾就叫醒我問我去唔去~我話驚溜溜下訓著左=.=
當時我真係好眼訓呀嘛~但係比佢嘈醒左~之後就訓極都訓唔著啦~
唔記得佢幾點出發啦~淨係知當時做緊楚留香之蝙蝠亂飛
幾好睇喎套戲~苗哥以前都幾靚仔喎~BOBY後生時成個小呆獸咁~
哈~D男既就易認呀~但係D女既我真係認唔出係邊個=.=
果日(年廿九)同呀旺出去玩~傾到女人問題~
然後~我地三條友仔都同時同意一條定律~就係
~男人未到五十~越老越勁~女人一過十八~越老越皺皮=.=
呢一句~呀銘+呀旺+呀俊既格言~咁都得~

呀哥今朝發脾四~話細佬們打完機無手尾~
順手收左條線入櫃度=.=我仲諗住下午打機架=.=
好彩佢話夜晚要番黎~到時先問佢拎黎玩囉~
然後又係等廁所既時候~屋企人多廁所少~
等廁所基本上係每日必經既一個階段~
以前番學果陣時~全屋最早起身果位就係我~
所以都唔使點去爭廁所~但係依家假期喎~
當然係會訓耐D架啦~代價就係去廁所要排隊~

朝早呀哥出完去~呀媽又跟住出去~好似話去呀邊個度坐~
然後呀爸見呀媽出左去佢又跟住出去~唔使問都知道係去打麻雀啦~
細佬們見機不可失~又出去啦~呢兩個一定係去網吧打機啦~
呢個時候~全間屋就真真正正得番我一個啦>.<太正啦~
我打機~又打機~唔使匿係房打機~可以名正言順咁係大廳度打~~~
下午四點幾~好肚餓呀=.=又覺好熱喎~於是就去沖左個涼啦~
好舒服好舒服^^然後~~~嘻嘻~我就決定祼上身打機~
雖然平時熱果陣時都係咁~但係男仔又真係幾方便下
熱就除衫~女既??除極都有衫打底~就算屋企真係一個人都無呀~
我話d女仔~女人~女性們都未必夠膽唔著衫通屋走啦~~哈~變態=.=

五點十五分~有翼之勇者睇呀>.<好鍾意呀~
睇左一半~呀哥拖左女朋友番黎~入房睇VCD~
我繼續睇我既翼之勇者~無得頂哦~雖然卡通^^

小插曲:沖完涼走左陣~先發覺早上到依家都未食野~
又去ok又買飯飯店~然後又食防腐劑啦=.=
番黎既時候~見到呀媽係樓下打電話~
聽佢講本來係要打比我~叫我落去幫佢拎野既~
不過真係有咁岩就得咁橋~我就係落左去仲要撞到佢喎~
仲有呀~呀媽手中抱左個o靚B呀~好得意呀>.<
我met左佢臉豬登一下~哇~真係好得意呀>.<
好想抱下佢哦~但係呀媽見我番黎又抱左佢走~
我抽住一袋兩袋三袋四袋加埋我自己果袋一共五袋上樓~
雖然唔係話好重~但係兩雙手拎晒野lu
食野時發現左呀媽拎番黎既野當中有花生米~
wor~~~我既至愛呀~我倒左DD(其實好多)落盒飯飯店度~
撈埋之後更野味呀>.<仲要一路飲蛇舌草~好味味味味呀~
插曲完~~~~~~~~~~~

睇完翼勇~呀媽番黎囉~之後細佬又番黎囉~~~然後呀爸都番埋黎~
唉~仲有好多野打架今日~但係佢地依家崔緊我食飯~
所以唔打咁多啦!~要去食食食飯呀~食飯之前送兩首歌仔比你地~
唔使估~又係舊歌黎架~好正~無論旅律同歌詞方面都配合得好好~

呢兩首歌就係~~~~~~~~~~~~~~~~~~

喝彩 (按動可連結收聽)

主唱:陳百強

為甚要受苦痛的煎熬　快快走向歡笑的跑
剩一分熱仍是要發光　抓緊美好
春風一吹草再蘇　永遠不見絕路
明日變遷怎麼可知道　何事悲觀信命數
似朝陽正初升　你要自信有光明前路
願知生命誠可貴　能為你鼓舞
路上我願給你輕輕扶　你會使我感到好驕傲
幸福快樂陪著你去找一生美好
將一聲聲歎息　化作生命力
懷著信心解開生死結　雲霧消失朗日吐
以真誠我祝賀你　會踏上那光明前路
願將一腔熱誠給你　常為你鼓舞

PS:要用RealPalyer聽架~唔係聽唔到~

但願人長久 (按動可連結收聽)

主唱:鄧麗君

明月幾時有　把酒問青天
不知天上宮闕　今夕是何年
我欲乘風歸去　唯恐瓊樓玉宇
高處不勝寒　起舞弄清影　
何似在人間

*轉朱閣　低綺戶　照無眠
不應有恨　何事長向別時圓（月時圓）

*人有悲歡離合　月有陰晴圓缺
此事古難全　但願人長久　
千里共嬋娟

>>February 4, 2006 at 2:25:48 PM GMT+8

2006 年 2 月 2 日 星期四 【晴】

今日都可謂大食四方囉~晚飯時雖然唔係話食左好多飯~

但係飲左兩碗湯~一碗飯撈湯~一碟肥牛~兩隻蛋~

仲有一碗生菜~朝早時都好勁下~因為遲起身(十一點幾唔算遲姐=.=)

D早餐比人食晒lu~於是去左OK買個飯飯店黎食~

宮保雞丁^^好味~但係D醬有防腐劑~唔落D飯又難食=.=

仲要一路食一路飲汽水~滯死囉呢次~

下午呀媽番黎~我又狂啃朱古力同埋利是糖~

下午茶係食紅豆沙綠豆沙同芝麻糊~

宵夜係藍罐曲奇一大罐~仲有飯後水果鮮酸橙一個~

食緊呢D野既時候又唔覺有乜野喎~但係依家諗番~

依家打出黎=.=好似好大食咁喎~死啦死啦~

我以前都唔大食既~唔通痴條邊條線~攪到我無飽感??


本來諗住入房打機~但係呀哥訓教覺=.=

好奇怪~佢明明番五點~但係點解佢又可以訓到八點幾先番工?

遲到遲左成三粒鐘喎?都唔知係唔係比人炒左然後呃我地話去番工

其實晚晚出去浦~仲要係浦天光果隻~因住虛脫呀=.=


呀爸去左打牌呀~打到成十二點先番屋企~~~~~~

都唔知今日做心會咁好興致既真係~

真係成家人都鍾意賭架喎~呀爸鍾意打麻雀~

細佬們就鍾意玩啤~仲要係真銀落注果隻~

呀哥就唔知佢鍾意賭心野~可能佢都係唔鍾意賭果隻

而我就唔多鍾意賭啦~其實唔係唔鍾意~

只係因為驚輸晒d錢~所以唔敢賭~

仲有就係成家人都鍾意飲酒~

呀爸鍾意飲米酒(老人家岩呀)

呀媽鍾意飲紅酒(家庭主婦夠妗貴呀下)

細佬呀哥鍾意食啤酒(後生仔多數鍾意飲啤酒架啦)

但係我除左甜酒(汽水)之外就乜酒都唔飲~

唔係驚飲醉~而係怕左果d酒既果陣味~

真係見佢地飲得咁開心~乜真係咁好味咩?我又唔覺~

打到呢度~我發我既嗜好同家人既嗜好唔同~

好懷疑我地究竟係唔係一家人囉~

細細個呀媽就DUM左我比大伯娘湊~

都唔知佢係唔係響茅廁度執我番黎既(呢句講下笑姐~我無咁諗過架^^)

唉~打到呢度~又開始肚餓啦~有無人比d野食我??

如果你地無野食既~我唔介意你地割肉喂草架~快啦~唔好慢吞吞哦~

>>February 3, 2006 at 12:19:38 AM GMT+8