2007 年 4 月 29 日 星期日 【晴】

心情依然係差...

今日個小組得我...林政良同呀安三個人...

番到屋企...棵苗仔好似就黎死咁...

本來白色既地方變左做啡色...

仲有D地方發左霉...攪到我超唔開心...

無咩心情再打落去啦...連相都無影到...

呀旺...你明咩事就要去改善...對人唔可以咁架...

繼續讓心情跌到落谷底....

>>April 29, 2007 at 12:44:11 AM GMT+8

2007 年 4 月 27 日 星期五 【晴】

四月二十七日　星期五　天晴......

今日禮拜過得實在係太慢啦...終於都比我捱到星期五...
不過一諗番...聽朝又要番學校練琴...唉...又要早起身...
我既個性又突顯左出黎啦...初初對學琴真係充滿熱誠...
第一期既鍵琴班因為 攪鬼事工 活動先缺席一次...
跟住每一堂都番齊晒...第二期開始...熱誠驟減...
如果聽日都唔番既話...已經缺席四堂啦...唉...點解可以咁樣?

放學後...發發提到聽日佢番唔到教會...
唉...有時對住父母真係可以好無奈...
聽發發講...佢呀媽反對佢番教會...係佢眼中基督可能係邪教啦...
仲話第時死左個仔唔拜去咁點算...生個仔黎做乜果D....
佢呀爸嫌佢呀媽煩...於是又反對發發番教會...
我覺得每個人都有自己既宗教信仰而唔應該逼佢跟自己個信仰囉...
係呀媽又點姐...呀媽就可以逼個仔信埋D牛鬼蛇神?
係呀媽就可以咁樣無理取鬧?個仔係妳生既...但係佢唔係妳...
發發都有自己既宗教自由...呢個係佢生活係香港既特權...
妳做呀媽既有咩理由有咩權利去阻止佢?
唉...總知發發就係慘啦...比個咁萌室既人做左呀媽...
大家都係女人...大家都係呀媽...大家都係信佛...
點解我呀媽同發發呀媽可以差咁遠架呢???
我呀媽又唔會逼我裝香...又唔逼我拜神...又唔逼我燒衣錢...
佢又唔會鬧我番教會...又唔會講第時死左無仔拜佢既說話...
佢亦唔會因為我番教會而向我呀爸發囉嗦~
根本燒香拜佛只係存在係佢自己既世界中...
佢唔會夾硬將自己既宗教放係自己個仔身上...
發發呀媽...妳係唔係都應該比自由妳自己個仔呢???

尋日部腦無啦啦打唔到倉頡...攪到我被逼要用討厭既速成-.-
打得又慢又唔舒服...好憎要一頁一頁咁搵字呀-.-
係度講下點解我咁討厭速成同點解會用倉頡啦...
話說小四既時候...第一次接觸電腦...因為果時岩岩係香港讀書...
果時電腦老師所用既就係倉頡...所以由果時開始就決心要學識倉頡...
就好似破瞉既小雞會當第一眼見到既生物做媽媽一樣...
第一眼既印好重要...我見當時個老師打得好快...覺得倉頡好神...奇...
隨著時間既增加..加上果時我屋企無電腦...電腦堂又唔係學打字...
再加上我只係識少少既拆碼...所以覺得倉頡係永遠無可能學得識...
於是就轉打速成...果時覺得速成就係超級方便...雖然打得超級慢...
但係好多用倉頡唔識打既字..我用速成都可以打到出黎...好有滿足感...
小五既時候...有個女仔MAIL左一封聖誔卡比我...唔唔...
對於一個男仔黎講...收到一封由女仔送出既聖誔電郵...
就好似拿破侖發現新大陸一樣...興奮到極頂...
之後我即刻回覆佢...仲諗好左一段超過五十字既感受同祝福語...
記得小學時...每日放學後都可以留係電腦室用電腦一個小時
呢個制度好似話係方便一D屋企無電腦既學生...令佢地可以玩下...
我用速成...而且用盡左果一個小時...我都未將果篇五十字既文章打出黎...
有D字我唔識拆碼...有D字直情唔識打...有D字排左係十幾頁之後...
記得果時我極閔...實在忍受唔到呢種打字既速度同速成既麻煩程度...
果次係電腦室無奈地番屋企...係路上發晢呢世都唔再用速成...
果次之後直至到上中學都未試過打過一隻中文字...除非電腦堂老師要求...
直至到中一...終於都有電腦啦...雖然只係問學校借既數碼橋...
但係對於一直渴望有一部電腦既我黎講...簡直就係恩賜呀...
有左數碼橋...就即刻安裝由小學開始...同學之間已經不斷講既ICQ...
有左ICQ...好興奮...即刻打電話通知D小學同學...問佢地拎ICQ號碼...
然後問呀彥借左本 倉頡字典 ...邊玩ICQ邊學打倉頡...
有一日...去呀旺屋企為佢打一篇ICQ既個人介紹...第一次測試自己既程度...
記得果篇介紹...大概二百個字到啦...用左大概半個小時到就打晒...
比起果次既一個鐘都打唔到五十個字...我覺得自己真係好勁...
係呀旺既ICQ識左個師妹...叫ＫＵＫＵ~果時同佢好好傾...
晚晚都ICQ CHAT幾粒鐘以上既...因為同佢CHAT...倉頡又再純熟左...
跟住又透過其他既途徑學打倉頡...網上既倉頡練習啦...
快快樂樂學倉頡既軟件...一D倉頡小字典...ICQ/MSN等等...
今時今日...我小四時既願望終於都成真啦...係夢想成真...

>>May 7, 2007 at 10:43:24 PM GMT+8

2007 年 4 月 26 日 星期四 【晴】

四月二十六日　星期四　天晴

物理堂小睡~今日早放...恩賜呀...
唔多想打番今日發生既事...
因為實在係充滿驚喜歡樂同憂愁...
我唔多想同大家分享...^^
就比我自己慢慢去回味啦...哈^^

>>May 7, 2007 at 10:43:30 PM GMT+8

2007 年 4 月 25 日 星期三 【颳風】

四月二十五日　星期三　有雨加涷涷-.-

朝早無雨呀...不過無諗過仍然會係課室早會...但係我鍾意係課室早會...
唉...體育堂又係玩手球...好唔鍾意呀...點解唔係籃球呢?又點解唔係羽毛球?
不過今日又係好攰...攰到我無乜力去打字啦...唔多想郁呀...
雖然係咁...但係都係去左跑步...不過之前覺得好唔受尊重...好無辜...
事因...呀旺約左我六點鐘...我六點前去到佢屋企...點知佢屋企無人...
跟住要我企係度等...今日又無啦啦涷番..係佢門口吹足一個鐘冷風...
之後佢先施施然咁番屋企...話我聽佢去左飛髮...約我六點...七點先番黎...
都唔知佢知唔知尊重同守約兩個字點樣寫@點樣解...唉...
跑完步係佢屋企食飯...沖埋涼就走人...係巴士站又吹左十幾分鐘冷風...=.=

>>May 7, 2007 at 10:43:38 PM GMT+8

2007 年 4 月 24 日 星期二 【颱風】

四月二十四日　星期二　暴水...紅雨

千年不變的習慣....賴床
六點鬧鐘響...七點半先起身...想比平時既七點八...
我係好自豪...今日既自己可以早成咁樣..
洗頭既時候...諗諗諗...今日星期二...下午有小組...
星期二...星期二...有兩個活動...小組...晨禱會-,-
死火啦....望下個鐘七點八...晨禱會七點半開始...
等我尋日仲口響響同發發講佢遲到都未輪到我遲到啦...
急步行番學校...一路行一路躊踷行路番去好定飛的好...
最後都係決定行路...點知行行下係前面見到呀MO...
佢隔離有個男仔...唔唔...應該就係之前果個男朋友吧...
唔睬佢...兜路走...途中落雨...無帶遮...好彩濕左少少...
番到去...晨禱會完左了...大家開緊會既時候我先番...
秋紅仲讚我好早番...-,-

努力...撐住個肚....等到佢地開完會先同發發去飯堂食早餐...
唔食早餐番學校...為晨禱會總算都出左少少「力」....
番到課室...黃太同琳姐大戰...肥香蕉大戰大家姐...-,-
不過呢...如果琳姐唔係呢副脾氣既話...應該都會幾多FD架...
話晒...如果佢廋番多D既...脾氣又好D...對人又好D...
加上佢個樣又唔係太差...真係可以有好多FD架...
記得上年會班男仔遲舉我地班既四大美女...
包括 林細妮...劉富麗...洪天欣...吳桂香...但係都無琳姐份...
因為我地班無人覺得佢樣衰呀嘛...點解四大美女都可以有FD...
唯獨係佢D FD會一個一個接二連三咁遠離佢姐...其實都係佢自己既問題...
有時真係想同佢坐低好好咁傾兩傾...我地只係佢既朋友...
而唔係佢既奴僕...朋友應該係要黎尊重而唔應該要黎發洩囉...
當然由我講既話就梗係唔止呢兩句啦...話晒呢度篇幅有限-,-
不過真係想佢可以改變自己囉...我無能力...靠主耶穌啦...

好唔順好唔順...讀左咁多年中學都係咁...次次都係上緊堂先紅雨-,-

今個學年第二次既聖經習作...介紹一位聖經既人物同佢既生平....
對人既貢獻同埋直到依家既影響...做習作梗係要分組啦....
琳姐叫我同佢一組...唉...唔同呀魚一組都知佢地發生咩事...
決定左同佢一組...點知幾分鐘後佢又走番黎鬧我...
問我究竟同邊個一組...因為俊木又話同我一組...我完全唔知情-.-
最終都係決定左我同佢一組...但係有D無辜...無情白事比人鬧...
發發話唔想同佢一組...叫我借D意唔同佢一組..但係應承左人,,,,,,
不過琳姐又真係有少少強人所難......

LUNCH既小組...好涷呀...好少人...好多收通知單既人都無到...
今日既金句係 : 我(耶穌)在門外叩門,凡聽見就開鬥的,我就進去他的內裏,他與我,我與他一同坐席
呢句金句...好易明白啦...耶穌已經係度叩緊你地既門...
但係佢地都仲係唔開門...咁樣叫耶穌點樣入去呢?

放學去左樂器室跟琳姐學彈結他...
彈完結他就番教會補習...不過變成一隻落湯雞-,-

>>May 7, 2007 at 10:43:49 PM GMT+8

2007 年 4 月 23 日 星期一 【雨】

四月二十三　星期一　有雨

始終改變唔到既習慣......賴床...
本來較左鬧鐘六點鐘...響左之後我就較六點半...
六點半既時候鬧鐘又響多一次...之後我又較到六點八...
卒之比原先時間遲左四十分鐘先起到身...改...要改...
唔唔...今日咁早番其實有幾個原因...
由於上個星期五我無番到學...所以想早少少番去問功課...
不過唔好以為我係番去抄...本人有個理念...
就係寧願唔交都唔會抄...所以我平時先可以咁遲番學校...
我之所以有咁多留堂紙都係因為呢個理念...
講起今朝真係要讚...個天落左我最鍾意既毛毛雨^^
上中文堂時又要讚(自己)~無欠MISS WONG既野喎@@
梗係啦-.-今朝咁早番黎都係想做晒佢D野咋嘛...

今日係DAY ONE......次次DAY ONE我都分唔清自己係上HE定DT~
今次都係...所以我兩樣既習作都帶晒番學校...以防萬一...
不過都攪到我謄晒雞囉...POMAN話雙數上HE單數上DT~
但係班長話應該係相反...之後我拎齊野諗住去上HE...
然後D人又話應該係單數上HE...跟住我番去班房拎DT既習作...
落樓既時候又見到D雙數走晒...有人又話雙數上HE-.-
唉...攪到我大頭大埋謄黎謄去...最後證實左雙數上DT..我係雙數...POMAN錯左
DT堂所完成既作品...遲下POST張相上黎比你地昅昅...作品名叫做:我的夢(THE DREAM)
我覺得個名幾靚...不過唔好比個名誤導...其實個作品好廢的...我對藝術無天分...
小小的插曲:飛機曠課...因為佢無帶HE既習作...-,-比老梁鬧左兩堂加一個小息...

LUNCH既時候...見到呀MO三人...當時好想一掌享落呀MO個頭度-,-
唔知點解我要咁做?睇番我之前既日記就會明白-,-最後都無...唔敢...
飯堂無位...去左食大排檔...食完去派通知單-,-係二樓...
今日見到既呀敏同平時既完全唔同@@又跳又笑...平時好憂鬱...我覺得...
不過...今日咁樣先似番個女仔...咁愁做乜呀^^
放學既時候見到籮柚...佢話叫我玩勁舞...點知番到屋企等左半粒鍾都唔見人-,-
我又比人放飛機啦......................................................................................

又係跑步既日子...見到德琳同TAMAMA係度踼波...
不過今日真係幾激氣...呀旺約我七點鐘跑...上到佢屋企..
佢係度食飯-,-食左飯點跑步呀?係唔係想死姐你依家???
無奈係佢屋企休息左一個鐘...到八點鐘先開始跑...
跑之前玩 惡靈古堡4 ~呢隻GAME簡直就係我既最愛...
記得之前我玩呢隻GAME玩到癲晒...仲為呢隻GAME寫過攻略添...
但係今日真係太遲先跑啦...基本上都唔係跑步...而係散步...
為左補償~星期三唔跑順天路線...改做跑油塘路線...雖然遠但無所謂><
散完步係佢屋企沖完涼就走人...好...訓覺先....

小記:今日發左個好變態既白日夢...-,-~但係我又想夢境成真...

>>May 7, 2007 at 10:44:03 PM GMT+8

2007 年 4 月 22 日 星期日 【陰】

四月二十二日　星期日　天陰無雨

又發夢啦-,-岩岩果集新聞透視唔知有無睇到?
有提到我之前講既淺睡期同熟睡期.......
我成日都發夢...點先可以唔發夢呀?我想有精神呀~

兩點鍾玩電腦玩到晚上八點幾...十點鐘又玩過...
破晒平時玩電腦時間最長既紀錄...眼睛受損了...

>>May 7, 2007 at 10:44:12 PM GMT+8

2007 年 4 月 21 日 星期六 【雷雨】

四月二十一日　星期六　有微雨

唉...七點幾仲好好太陽...一點鍾就落雨啦-.-
等我仲諗住拎D被單同枕頭套去洗添...
番教會...呀媽叫我食埋野先出街...
但係佢兩點幾先煮飯-.-係唔係話我要遲到呀?
番到教會...見到一個極其恐怖既現象...
好多好多既氣球係度......嚇到我坐左係門口度唔敢入去~
坐坐下...呀MO呀妹同富貴就番左黎啦...
同佢地SAY左HI就比呀MO打左一下...
原來同人SAY HI係要比人打的...定係打人係佢既打招呼方式呢?
到正式玩遊戲既時候...匿左入入面無出到去...
之後易拎同王波拎個氣球入黎嚇我...嚇到我入廁所...

自從個組有新既組合以黎...呀安第一次番黎...
不過佢第一次番就比左個唔好既卬象佢...
但係呢...我地個組不嬲都係咁架嘛~
如果要為左迎合佢一個而改變一直既開組態度...
又好似唔係咁合理喎...都係要同佢傾傾...
開完組...發發襯我唔知禁住個氣球係我個頭度...
初初我唔知係乜既時候...軟軟地幾舒服...
後尾我望一望先知道原來係氣球...-.-
嚇到我碌左係地下到...之後嬲到踼左佢一腳...不過好細力
點知輝佢又有樣學樣...想拎個氣球禁係我個頭度...
佢仲過分到拎一個超漲既氣球...好過分...
志剛最過分...話知道左我既弱點...下次我唔聽話既就知味道=.=

但係我想講....唔好再拎氣球黎嚇我...其實對我係好唔尊重架...

>>May 7, 2007 at 10:44:25 PM GMT+8

2007 年 4 月 20 日 星期五 【晴】

四月二十日　星期五　天晴

我肚痛...去廁所排長龍...
所以今日我無番到學...

休息到下午兩點幾先起身..
三點幾就開始玩墨香啦
四點鐘發發打電話黎問候我^^

六點半去左跑步...上左順天比蚊針...
跟住散步去寶達再落番翠屏...

>>May 7, 2007 at 10:44:36 PM GMT+8

2007 年 4 月 19 日 星期四 【晴】

四月十九日　星期四　晴

比平時早左半粒鐘起身...七點二就彈左起身啦...
不過唔知點解...今日咁早起身都仲係要攪到八點先出到門口
唔想再遲到啦...行得好快....係學校附近仲一反常態...
用我以前未曾試過既方法...抱住書包跑番去...點知都仲係遲到...
早知係會咁樣衰既我去M記食個早餐再去公園坐陣仲好...

呢排成日發夢....最衰次次夢完都唔係咁記得夢到D乜...
攪到我無零精神成日遊雲~上緊堂仲成日瞌眼訓添...
講到訓覺....今日堂自修堂我真係訓得好LUM...屋企訓都無咁舒服...
不過訓得果半粒鐘的確唔係咁夠...可以訓多幾堂就正囉...

放學時係11B見到POMAN...先知原來佢住係牛頭角
番到教會...遲到半粒鐘...好煩....呀

>>May 7, 2007 at 10:44:48 PM GMT+8