2006 年 3 月 19 日 星期日 【晴】

回覆薄荷葉既留言:唉~乜妳都知自己N年無黎呢~上黎行下好徙腳力咩(笑)~不過好彩妳都有上到黎^^~~~係呀~其實圍圈既時候~除非妳盲既~唔係既話一定會見到我啦~而且妳個fd都一定會同妳講我係度既=.=我比佢望到感冒呀~好辛苦>.<係喎~跟住個禮拜四又有啦喎~妳會唔會係果度食飯呀?係既話我過去陪妳食~順便食埋妳~OMOM~

倒數第十日

最後十日啦~真係希望永遠停係呢度呀^^

今日好唔開心呀~因為係我細個既時候~
一位對我地好好既呀公過左身~
呀媽話帶我地出去~但係又唔同我講去邊~
所以一路上我都超唔据~不過後尾去到~
見到係一間殯儀館~所以估到有人死~
入到去靈堂~見到幅車頭相~個樣咁熟既?
三秒後終於諗起~原來就係果位呀公~
當時真係好細個~佢成日都番大陸探我地~
而且佢番親去都帶我去戲棚睇大戲~
好開心架果陣~因為佢時不時都買禮物仔比我~
後尾因為真係老~對眼又唔好~所以一直都無番到去~
然後我地就落左黎~但係呀媽又一直無帶我去探佢喎~
換左喪服之後~我就坐左係度~摺元寶~我自己摺左成袋~
見番好多細個時一齊玩既表哥表姐表妹表弟~
做法事既時候~有人喊有人無喊~我係無喊既其一~
呀公對我好好~我點可以唔喊?
於是谷左啖氣打左幾個喊路~於是我流淚了~
N點時食素~碟碟送都有冬菇=.=所以我食唔飽呀~
M點時就落左去食左個麥記套餐~都幾飽啦~
食完就番屋企啦~番到黎就開電腦~打日記~

PS:下午時係OMOM度聽番黎既消息^^
呀蚊打電話黎~話以後唔同呀敏同OMOM講野喎~
究竟發生咩事呀???

>>March 19, 2006 at 10:39:52 PM GMT+8

2006 年 3 月 17 日 星期五 【晴】

回覆呀敏既留言:係呀~係車入面望到妳囉~官地下低個巴士總站果度呀~
唔唔~無事咪好囉~不過我今日都同個fd嗌左架呀>.<係學校=.=
↑↑↑二零零六年三月十六日↑↑↑

倒數第十二日

今日要講一個故仔~如下~

小明要去某動物園睇猩猩~
然後佢打算向猩猩打招呼~
於是就向住D猩猩揮手~
但係就得到猩猩們的不滿反擊~
有D猩猩就用石頭掉佢~
有D猩猩就用自己既便便掉佢~
小明唔知點解會咁~
於是就去左問管理員先生~
管理員先生同小明講~
係猩猩既語言入面~
揮手係一種侮辱~有話猩猩低B~
白痴~智障~無腦~食屎大等等既意思~
小明又問佢~如果要同猩猩表示友好~
咁應該可以點做呢?
管理員先生就同小明講~
如果要同猩猩表示友好~
就要對住佢地搥自己個胸~
第二日~小明又去探d大小猩猩啦~
今次佢學精左~對住猩猩們搥胸~
之後~全個動物園既猩猩都同一時間地~
好齊地對住小明揮手~

(完)

知道左呢個笑話之後~我成日都對住發發揮手~

by the way
番到學校~個地下明明無濕到~
但係個個都走晒上課室~
無聊野唔講~呢排唔見書~
梁sir上黎做統計~好驚呀~
放學留堂~要留足成個月~
無奈中......

>>March 17, 2006 at 10:38:45 PM GMT+8

2006 年 3 月 16 日 星期四 【晴】

回覆無名細路既留言:=.=唔好要我估你係邊個啦=.=唔該~~
↑↑↑二零零六年三月十五日↑↑↑

倒數第十三日

今日差少少少少就遲到架啦>.<
好彩我行得快快~先避過呢一劫~
如果依照我既計劃行程~
我根本就唔使咁慌張既=.=
只係因為行行下先發覺無帶個file~
所以唯有跑番屋企拎~
(連我都跑~可見真係好急~)
後尾見時間許可~只要行行少少~
咁就無事架啦~於是就改跑為急步~
番到學打左鐘幾分鐘~多謝唔捉我呀>.<

頭兩堂數學同西史~數學要小測~
我又未驚過呀~不過呢個係收到份卷之前既感覺~
哇~咁難既?早知望下書先啦~呢個係收到份卷之後~
西史就默書=.= 好驚呀~讀中學以黎~最驚既就係歷史同默書~
依家就係歷史默書=.=雙拼?事後發覺應該可以合格~希望啦~

小息時去左飯堂休一休~食左d野咁啦~
同堆人係度傾偈~幾開心既~
打鐘上YELLOW BALL既堂~又係做報告=.=
全組人出到去講到成舊野咁~
事後發覺自己組太注重題目~而唔記得創意呢樣野~

上科學堂~好鍾意上科學堂架~
可能男仔都比較鍾意呢方面既野~
上堂整既 酸下生長的植物 完滿結束~
我地組畸形~本來正常既係係水下既植物~
比係酸下既植物生長得更盛~(唔只咁簡單)
但係我地就正好相反~點解既?

話咁快又落堂啦~今日無出到去食飯~
其實呢排我都無乜去食飯架啦~
因為今日要去N201參加一個小組~
比左十蚊就係去果度食麥記=.=
不過一入到去就見到omom~嚇左驚哦~
不過見佢都無乜反應咁~可能唔知我黎左啦~
於是我都坐底當無野啦~但係....
佢個FD就不停咁望住我=.=攪到我個背脊勁涼~

呢排有個感覺~英文~都唔係好難姐~
因為呢排d英文自己都識做~好勁呀~

放學又去留堂LU=.=~
唉~今日都係咁算啦=.=

PS:上小組既時候個導師問左我地一個問題~
就係問我地有邊個有咬過自己~跟住我就好白痴咁~
無啦啦咁~答左佢有~然後佢就問~你係唔係人~
果時成堆人係度~好似淨係得我一個咁答~
勁糯囉真係~

>>March 17, 2006 at 7:20:55 AM GMT+8

2006 年 3 月 15 日 星期三 【晴】

倒數第十四日~

唉~今日都尚算煩煩煩囉~

呀蚊打電話黎~話429唔去海洋公園~

上戀谷又見到MOMO發POST話唔去~

難得廿九號我生日~為左就佢地推後一個月~

依家全部都唔去lu~~

早上起身~好悶呀~發覺人生好矛盾~

我好憎做功課~但係我又唔想無功課做~

因為一無功課做~我既時間就好似只有浪費~

今朝成個朝早都係係度悶~完全唔知做乜好~

同平時一樣七點十一番學~番到去岩岩打鐘~

一番埋位就見到MOMO企係台上~唔好咁緊張哦>.<

唔唔~雖然我唔係咁留心佢講既野~但係~

佢講得幾好哦~不過係無左少少自然感囉~

而且唔知佢做乜~攪到自己把聲咁沉~

仲有就係~全場都無乜望觀眾~

係台上~最重要既唔係望稿~而係望觀眾~

因為要時刻注意佢地既表情~從佢地既表情~

可以大概知道自己講成點~而且仲係一個尊重~

我全場望實佢~點知佢就望住張紙~唔係話啤實我架咩?

100分......70分到啦~加10分同情啦~85分~~~

lunch買左四包呀婆糖~肥寶比一包我~食晒~好味~

去左麥記~買左杯朱古力奶昔~朕味好濃呀~~

食到我好想嘔嘔=.=

番到黎先記起今日有性教育推廣週既攤位~

唉哎~我唔記得帶張票&果時差唔多打鐘~

所以無去到=.=

好快就到放學啦~籮柚唔鎖儲物櫃~比人偷書哦>.<

見佢心情唔多好~借左張卡比佢碌(八達通)~唔好碌爆呀>.<

上完234~係梯間見到MOMO同佢班FD~但係點解唔見......既?

放學番到黎~上左陣戀谷~聽左個電話~壞消息=.=

依家已經開始想放棄戀谷~可能只係係打日記既時候~

我先會開下電腦~唔係既都應該唔多玩架啦=.=

如果有野想同我講既~可以係度留言或call我~唉

小記:234見到個學長摺緊D公仔~好得意咁喎~
貴既野我買唔起~摺D紙仔我都比得起既~
所以決定左啦~用果D紙仔黎做生日禮物~就咁話啦~

>>March 15, 2006 at 9:17:37 PM GMT+8

2006 年 3 月 13 日 星期一 【晴】

倒數第十六日~

星期一啦~一個星期之中最黑既一日呀~

今日又有PE堂~我終於都有鞋上PE堂啦>.<
今日係第四日踼波啦~都係我第一次落場踼~
詳細係我個msn spaces度有講啦~呢度唔講~

放學之後又去留堂啦~坐係度係咁望出個窗口~
好驚見到識既人呀~比佢地見到就真係糯死啦~
點知...好衰唔衰比呀敏見到.........

番到黎無乜打機~又無乜功課做喎~
真係好悶呀~悶到我又打機~
本來話好左要溫書既~不過到依家都未溫到~
係戀谷度問MOMO可唔可以上佢屋企溫書~
其實我亂咁問架咋~點知佢肯喎~咁open既點解?

即時問呀蚊去唔去~然後呀蚊即時打電話黎~
話點都去~去咪去~使驚佢呀?

(完)

>>March 14, 2006 at 8:50:40 PM GMT+8

2006 年 3 月 11 日 星期六 【晴】

倒數第十八日

森美移動~連續第四集做006啦=.=
幾時先有新既幻想劇呀??

次次聽森美都要打電話整古人個環節~
但係點解我N年以黎都無接過佢地電話既?

講下今日先~無無聊聊咁起身~
約左呀蚊係麥記等~要去拎個明日環~
廿五蚊呀~~~~~~~~~~咁就無左四分一啦=.=
唔知幾點~陪佢去左機鋪~頭D??我唔識架~

N點~去左呀旺屋企~睇佢兩兄弟嗌架~好~
不過最衰就係無爆谷兼汽水~唔係實好正~

番屋企又係打機~HARD模式好難爆耶=.=
轉玩鬼式者~我D P2碟好多都爆左~
而且我一爆左就唔多會翻玩~
但係我翻玩鬼式者~發覺有好多地方都唔記得左~
鬼式者最著重解迷同打怪~
所以唔記得左DD~又令我有番興趣去爆多次機~

呢幾日一番到屋企無即開機~
都係等到九點十點咁先開電腦~
所以成日戀谷都係無乜人咁~
八點幾~以為上去又無乜人啦~
但係奇怪地見到MOMO棟係度~
更奇怪既係我比佢玩度無聲出=.=

連交叉相乘都知=.=仲有咩唔知??

不過呢~當時我亂咁講架咋嘛~
點知呀蚊當真~MOMO又當真=.=
唔好再亂講啦~如果唔係我係耳濡目染之下~
好可能會弄假成真都未定~

唉~~~~~~~~~~~~~~~~~好煩=.=

PS:終於解開左D BB魚死亡之迷啦~
講下前提先~之前養左六條(唔計之前果D)蛤蟆鯉~
然後有幾日既朝頭早去望望~見到佢地生BB~
但係次次D BB都係死鬼晒既~
咁我地都以為係佢一生出黎就已經係死架啦~
不過頭先佢又生BB啦~有兩條~一條生既一條死既~
我地好開心~撈左條死既之後~諗住去睇下條生既~
就係呢個時候我地見到條大魚追住條細魚黎咬~
噢~~~原來之前D魚魚係比佢咬死架~魚毒不吃兒呀嘛~
點解呢條可以咁恨心??
我地嚇左嚇之後就撈左條細既走~將佢地分開養~

>>March 12, 2006 at 7:31:01 PM GMT+8

2006 年 3 月 9 日 星期四 【晴】

一條草......

呢個名真係好難聽=.=

唔好問點解~呢排應該唔打日記~

>>March 9, 2006 at 10:20:06 PM GMT+8

2006 年 3 月 8 日 星期三 【晴】

回覆一.一既留言:超~你自己梗唔覺架~

回覆呀敏既留言:唔唔~唔該妳先~不過就算整唔到都唔緊要啦~我諗我清唱都應該無問題既
↑↑↑二零零六年三月八日↑↑↑

倒數第二十一日

好啦~今日講住一樣野先~
234勁少人~加埋我可能無十個~
無啦啦換人~黎左個勁低能既黎睇我~

唉...今日都係打住咁多先啦=.=

呢個係我隻mero既食物: http://spaces.msn.com/mfourming/feed.rss
或者呢個:http://spaces.msn.com/mfourming

>>March 10, 2006 at 9:38:47 PM GMT+8

2006 年 3 月 7 日 星期二 【晴】

回覆呀篤既日記:哈~好多謝你呀~我隻MERO已經開始食野啦~而且仲學識左新字添~但係頭先我入你個執到粒種子~不過系統話登錄失敗喎=.=都唔知點解~~
↑↑↑二零零六年三月六日↑↑↑

回覆薄荷葉的留言:一日一留言??妳今日都無留言~前後矛盾喎~
呢層妳又放心~以我既性格基本上係懶得去改~如果有一日妳發覺我改左~即係證明果篇野真係好保密架啦!!答住咁多先啦~其他唔答
↑↑↑二零零六年三月六日↑↑↑

回覆呀敏既留言:又黎留言呢^^其實唔係無野~只係我通常十點後先開始打日記~所以早過十點既話應該會見番尋日打D野~不過呢排我養左隻mero~所以一定唔會唔打架~
↑↑↑二零零六年三月七日↑↑↑

倒數第二十二日

今日成日都無咩特別~而且心情爆差~
所以放學時諗過今日唔打日記架~
但係一諗到自己隻mero~無計啦~

食飯時肥寶又發神經~好憎佢囉真係~
邊有人無風起浪架~世上有句說話叫做~
禍從口出呀~好想打佢呀~
呀蚊calling~話幫我吹雞~好呀~

然後又去234班~個學長好撚扮野呀~
又煩喎~人地討論緊問題~佢又話我地嘈~
叫我坐過第二度~喂~依家好似係你嘈住我地溫書喎~
點解走既係我而唔係你呀?學長大晒呀家下?
妖~講多有辱我既智慧~

對唔住呀MRS LING~我地又再一次激嬲妳啦>.<

>>March 7, 2006 at 10:45:35 PM GMT+8

2006 年 3 月 6 日 星期一 【晴】

倒數第二十三日

頭兩堂上美術~比張sir玩死兼笑死~
本來上個星期佢話今日要交畫既~
如果交唔到既就要唔知操留定功留~
我知道自己唔可以再收到呢類既貼紙~
但係今朝先記起原來我幅畫仲未油顏色~
攪到我好趕急咁油呀油~水彩未乾~
加上番學既時候落雨~仲有就係張畫紙受左潮~
番到學校D顏料化到開晒=.=
之後聽完宣佈就上去art room啦~
點知呀sir無啦啦話知道有人仲未做好~
話下個day one 一定要交到~唔係就操留=.=
點解唔早D打電話提我??

呢一次既art呀sir話要做剪紙~
上次叫我地去麥記問佢拎D紙袋~
今朝佢比左D紙袋我地睇~然後拎左個無印良品既袋出黎~
跟住大大聲講:我呢~都拎左D紙袋比你地睇~我手上呢個就係無良印品....
頂~聽到呢句笑到我反肚>.<人地好好地一個品牌~
D字比呀sir調左調姐~成個意思唔同晒~
好辛苦捱到落堂~起左個森林稿~有草架>.<

之後數學堂MISS 派小測~我有二十九分呀>.<(full mark=33)
好野呀~進制?一D都難我唔到~比佢扣既四分~
全部都係文法分~即係話我只係錯唔小心咋~哈~
開始要做maths project啦~比左MISS份研究書~彈番轉頭~
佢話最好就整埋條路線喎~其實份研究書有寫到~
我地會附加地圖作為資料~地圖上有路線=.=

中文堂默書~今朝上art 堂前我先知架咋~
襯art堂拎左本中文書去溫~《為學一首示子姪》
半堂就識啦~然後中文堂默書~漏左三個字~錯一個字~
總共扣左二十分~唔唔~幾好幾好~
嚴嘉輝仲攪野~唔識唔溫~話出貓抄書~
默書時真係拎書出黎抄~頂佢唔順~
最攪笑就係佢連抄書都抄到零分(笑死我)

又係最憎既英文堂~小測呀~~~~~~~~~唔掂=.=
小胡話下星期開始唔教我地啦~
因為黎左個實習老師~佢會代小胡個位~
小胡講左一句超好聽既說話 : she is bueatiful than me(特謝呀蚊)
期待新老師既到來~希望佢唔好咁惡啦~

lunch無去到食lunch~因為我連續兩堂PE堂都無鞋~
所以襯今日記得~就同肥寶行左落官塘買鞋~
四十二號綠底白飯魚加繩~盛惠十八元~
然後行左去CD鋪睇下有無 男子組 既純音樂~
因為我地參加左合唱~唱呢首歌~
然後又要睇下有無 遇見神 既純音樂~
因為我用呢首歌參加獨唱~
只可惜呢兩首歌純音樂果間CD鋪都無~

之後又行左番學校啦=.=時間尚早~唔理佢啦~
MRS LING無番到~教音樂MISS 黎代堂~
比我地自由活動喎~~YEAH~~~~~~~~~~~~~~
同呀魚~嚴嘉輝~籮柚~OUT DATE~林指珊一齊玩波子棋~
棋盤上我陰招盡出~食住輝條路~令到本來可以贏既佢~
就係因為果一粒而贏唔到~最後本來我可以贏既~
但係為左補尚~所以專登唔贏~

第八堂~科學堂~書記小姐代堂~佢都傻傻地既~
MRS LING交待落既小測~佢根本唔當係小測~
D同學抄書既有~睇人既有~三五六一齊討論既有~
最攪野係有同學走出去問佢=.=
我地見都係咁囉~索性玩喪佢囉~同輝~肥魚~籮柚玩句剪捶~
輸既比拎隻手出黎比贏左果位畫公仔~
我油到籮柚成隻手藍晒~仲畫埋龜仔添~超大隻果隻~
我隻手又比佢畫到花晒=.=最白痴就係佢畫左幅春宮圖係我隻手度=.=
輝成日都淆底唔比我地畫~所以最後唔同佢玩~
呀魚好似成日都贏咁既~點解架?

放學去左地鐵站收集資料~係關於我地個專題既~
官塘去尖咀七個半~就係咁我地就走啦~
然後走左去麥記食野~一路食一路講笑~
點jack~~~~大家鬥講王波~勁低B呀我地~
講D野笑到我地扒晒係度~點jack ~~哦絲呢~~
白痴架~~~~~~~~~~~~~~~~~~~~~~~~~~~~~~~~>.<

食完野大家就各散東西~今日拎左好多野呀~
搭車好唔方便~番到黎又見到四細佬=.=
唔好讀書囉我真係想叫佢~成日都唔番學~
話病喎~都唔知係唔係既~少少頭暈就唔番?
少少咳又唔番?少少燒又唔番?少少被水又唔番?
咁我發晒燒咁都仲番學果D係唔係好蠢??

今日有太多功課做啦~答應左MRS LING唔係咁玩電腦~
所以一番到黎就send左個網頁比鍾偉賢~
然後就開始打日記啦~我打~我打呀打~打到連小時候都唔記得睇
講真~呢套電台節目真係非常之咁吸引我~我都唔知點解~
然後連喜有此理都無睇到~等陣就要開始做功課~
我唔想再欠功課啦~唔要再收到留堂紙啦~
嘿~講多無謂~做最實際~唔打住啦~依家去食飯先~

>>March 7, 2006 at 7:29:08 AM GMT+8