2006 年 10 月 24 日 星期二 【晴】

二零零六年十月十七日　星期二　天晴

今日係我日記誕生一周年紀念呀~
時間過得真係快啦~眨下睇已經就一年~
回望我寫日記既目的~由想「人」知道我發生既一切~
變成今日想記低每一日既點滴~
零五年既十月十七日~我開始左我既日記生涯~
當時既我係深知無可能可以維持到打日記~
點知一星期既堅持~一個月既堅持~
一日復一日~堅持到今時今日仲打緊~
雖然當中唔知經歷左幾多幾多既辛酸~
亦唔知經歷過幾多次放棄日記既日子~
但係諗番一直以黎既心血~
雙手又不自覺咁將當天既所見所聞一打而出~
雖然我既日記唔算係好有趣~
但係係我既眼中~我既日記就係我既回憶錄~
唔理佢有唔有趣~我只係想一年後~
兩年後~甚至十年之後再度睇番我既日記~
我會有:原來當時發生過咁既事架咩? 既感覺~

>>October 24, 2006 at 10:49:32 PM GMT+8

2006 年 10 月 24 日 星期二 【晴】

十月二十四日　星期二　天晴

尋日睇番之前D日記~全部唔係無打到月份就係無打到星期幾~
攪到我到開番個檔黎睇先知係邊月邊日星期幾打既~好煩~
所以由今日開始除左會打上月份同日子之外~仲打埋星期幾啦~
今日好煩呀~基本上無一段時間係可以真正休息既~
小息又唔得閒~放學又要搵老師~午飯時間又有靈修~
不過起碼靈修既時候可以食飯~志剛好好人呀~請我地食飯~
真係好煩~功課又煩~老師又煩~乜都煩~

>>October 24, 2006 at 10:41:32 PM GMT+8

2006 年 10 月 22 日 星期日 【晴】

十月二十一日　天晴

呀敏~我記得妳生日全靠你個BLOG姐~如果唔係真係唔記得架啦

呀=.=開學無幾耐~依家又要開始準傋測驗週既野~
而且又有功課呀又剩呀果D~真係好忙呀~邊個幫下我?
雖然話多野做~而今日都已經係星期一啦~
但係我仲極之他條咁瞓覺~瞓到十點幾比發發嘈醒左~
算啦~我瞓緊覺既時候係死下死下架啦~我諗係人都會係咁~
發發約我去自修室溫書~之前約佢佢都唔肯去~咁次咁主動?
但係我遲到~去到既時候已經無晒位啦~就同發發去左樓上圖書館~
無野做真係好悶呀~同佢係度討論數學~又係度睇笑話~
食野~呢排我勁窮~周圍問人借錢度日~好慘=.=
一點鐘番到去又係無位~喂~食野既唔該走啦~
放D書係度霸位因住比我拎走呀=.=呢D人太賤啦~
好彩之後都比我地搵到個位~溫左無幾耐就番屋企啦~
無收獲呀=.=跟住又開始忙功課~所以都係打到呢度啦~

>>October 23, 2006 at 10:48:17 PM GMT+8

2006 年 10 月 21 日 星期六 【晴】

十月二十一日　天晴

滋事兵團~攪鬼事工~GAMES DAY~

好期待既今日~終於都到左啦~今日實在有太多活動啦><
朝早六點幾就起左身~雖然話集合時間係八點半~
但係我知道今日一定會好遲先番到屋企~所以要爭取時間打機~
大概七點幾發發就打電話比我崔我起身啦~
去到石碣尾~咦?奇績?我同發發居然係最早到果個?
通常呢D活動我地兩個都係最遲既果兩個~而今日就相反~
等左無幾耐JOYCE就到左啦~仲有時間=.=夠我地行一次街番黎~
出到地鐵站~石碣尾?咩黎架?唔識路行咩街呀~
咁樣又番番入去~入到去就見到思敏同翠塋啦~
跟住連寶釵同秋紅都到埋~就係爭團長翊揚一個人=.=
因為佢連累到我比人寸~當時我仲未知道原來仲爭佢一個~
於是就提議發發輸賭睇下邊個最遲到~然後男男女女就一齊寸我啦~
最驚奇係~本來我以為淨係我地學生團契既人去~
無諗過MISS 朱都有去到~仲帶埋兩個朋友定同事去~
跟住德琳同布淋又黎埋~哇~好多人~德琳好攪野~
著左件格仔衫配短褲~件衫仲要扣項忸~勁似小學生~
反而布淋著得更似一個成熟男士~再靚少少就勁型架啦~
連德琳同布淋都黎埋~但係翊揚就仲未到~唔係遲成咁呀嘛?
等呀等~一分鐘兩分鐘~唉~終於都到左啦~不過明白點解佢會遲到~
如果你/妳當望下佢個樣就知道~其實佢係無乜可能唔遲到囉=.=
人齊當然係走人啦~於是地鐵站之中就少左我地呢一班人啦~

可能人生路不熟~所以行路既時候每個人都特別小心~
如果真係一個唔覺意蕩失左路既~咁就真係大件事架啦=.=
一路行一路傾偈~無幾耐就去到活動地點啦~
...見到有好多好多既人呀=.=聽導師講呢次既活動~
有超過廿七間學校同教會參加~真係人多勢眾呀~
係門口等左一陣~先知道原來MISS 朱唔係去玩既~
而係去做義工既~如果玩埋一份佢就死啦~哈~哈哈
入到去~睇下個點名既地方~原來個導師無呃到我地~
真係好似超過廿七間學校係度-,-我搵番自己間學校既名~
再搵番自己個名~拎起張貼紙=.=望真D=.=
點解我會係F.2學生架??我又無重讀喎=.=
比發發望到~笑到扒地~佢話比思敏知~思敏又笑到扒係度~
跟住又話比秋紅知~秋紅又笑到扒左係度~
唉~打錯左個數字姐~使唔使咁笑我呀三位~
一輪擾攘之後~就開始玩遊戲啦~遊戲名叫:模擬校園~
遊戲既玩法係~係呢個校園之中每個人都有一個角色~
至於自己係咩角色就係由導師決定~我既角色係黑社會~
呢個角色既任務係去搵齊所有同自己相同角色既人~
然後每五個人一組猜包剪DUP~輸既就要比人打~
如果其他角色既人去救你既話~你就會變成自由人~
可以決定繼唔繼續做黑社會~或者加入其他角色~
發發同秋紅既角色係自由人~思敏就係I paly you boy's
我同德琳係黑社會~跟住玩玩下先知道~原來黑社會唔單止可以打人~
仲可以去其他地方進行破壞~例如有人考試~
我地可以入到去試場攪鬼~有人打機~我地可以熄左個制~
有人玩UNO~我地又可以拎左佢地D卡牌~
最重要係~我地可以搶I play you boy's既水槍~
有左水槍就可以周圍去射人~我一搶到水槍就對住發發黎射~
射完就射秋紅同思敏~攪到佢地成塊面都濕晒~
跟住佢地襯我唔覺意又搶走支水槍射我~好慘~我濕得最勁~
不過做黑社會都有唔好既地方~第一可能會比人打~
第二如果比扮演風紀既角色見到既話就要比佢地畫花雙手~
所以基本上都係過住一D走佬既生活~但係好開心~
玩完水槍~又玩氣球~拎住D氣球周圍去扑人~
呢個又仆下果個又仆下~點知比風紀見到-,-
畫到我成隻手都花晒~布淋又比佢地見到~但係人就勁走~
係個禮堂度標黎標去~最後仲搶埋風紀枝筆~周圍去畫人~
=.=原來仲可以搶人D筆-,-之後我又去搶人既筆~
發發又畫幾畫~秋紅又畫幾畫~思敏又畫幾畫~
最攪野係思敏比我畫完唔知邊個畫佢~我企係佢面前畫架~
然後又諗住去試場度搗亂~但係見到D人勁有心機係度考試~
唔係咁想去攪佢地~自己仲排埋隊考埋一份~
坐到埋位收到份卷先知自己無筆=.=望下份卷~超易~
無筆呀無筆呀~ON居居望住其他人做卷~自己就坐係度~
就係呢個時候~電話響呀~我係黑社會喎~聽電話咪聽電話囉~
於是我就聽電話啦~點知個老師兇左我一下~我就即刻收埋部電話~
原來黑社會都怕考試既時候聽電話架=.=最後都係交吉卷出去~

考完試~無再去攪攪陣無幫襯~好乖咁去睇人地玩~
睇睇下有D扮因種種原因而去跳樓既人上台~
話佢地唔開心想跳樓~有無人可以收佢地入會幫下佢地~
然學扮學生會既人又上台講左好多野~
支持唔使考試學會既人又行上台做宣傳~
總知就有好多好多既人行上台講野啦~
跟住又見到布淋係到搶水槍啦~仲圍住個學校走黎走去!~
我就同發發去左廁所洗下隻手~真係勁沶糟呀~
出到黎又見到布淋係度走黎走去~跟住D水槍又傳黎傳去~
總知就係唔比支水槍番番去學生會班人既手上~
唉~我地班人真係玩到喪晒呀~之後番入禮堂~
就有人話遊戲玩完啦~請停止一切既活動同盡快交出所有既水槍~
下?乜咁快就玩完架啦?好無癮呀~然後就係敬拜既時間~
完全無試間係過百人~一齊係同一處地方敬拜~好雄好壯呀個場面~
但係始終唔想咁快玩完~問一問MISS 朱先知~原來仲未玩完~
其實只係D學生會既人係度扮野=.=不過算啦~敬拜真係好開心架~
敬拜完之後~遊戲就正正式式咁完結啦~導師又出黎講野~
佢問我地頭先係玩遊戲既時候有無一D似曾相識既感覺~
仲話其實頭先我地所見到既事物每日都係我地既校入面發生緊~
然後又講左一大輪連我都唔多記得既野~

玩完遊戲~就到左最後一個活動啦~亦係我地黎呢度既目的~
就係係教會入面既角色~其他人我唔知道~
我同發發就參加左 帶組XS~活動目的就係教我地~
係帶組既時候~點樣做一個好既組長~好既組長需具傋乜野條件~
面對唔同性格既組員時應該點樣去應付~
之後又玩左好多既活動~係活動中帶出做組長所具傋既野~
最記得既一個活動~亦係最後既一個活動~
首先選兩個人出黎做組長~其他既人就做組員~
之後就派一D紙~有D寫左D性格~有D就係空紙一張~
而收唔到紙仔既人就企係旁邊觀察~
我收到紙仔~扮演既係一個問題組員-沉默者~
叫得做沉默者既當然就係唔會點出聲啦~
而我係開組既時候更係一句聲都無出過~全場只係點頭搖頭~
然後導師又講左一大堆應付呢D組員既方法~
仲派左幾NOTES比我地參考~唔~上完堂覺得又真係好有用既~

係時候離開啦~約左係大門口度等~
我,發發同思敏最早到~但係等極佢地都唔出黎=.-
等既途中比思敏打左勁多野~打到成隻都紅晒~痛~
無解啦~鬼叫我地成日寸佢咩~不過佢又真係幾可愛既~
可愛到我同發發都搣左佢塊面一下~好好搣呀~
但係其他人仲未到呀=.=入去搵佢地先見到翊揚~
原來佢地先岩岩上完~翠塋同德琳走先~原來小麗無黎到......
好啦~呢個鐘數係時候番教會啦~再唔番就遲到架啦~
因為今日係GAMES DAY~所以比平時提早左一個鐘既時間~
地鐵入面超逼~翊揚瞓著左~我就橦左係度~
秋紅同思敏就當我係扶手=.=唉~
黎到呢個時候~我已經好肚餓啦~係牛頭角度同發發一人買左個飯盒拎上教會食~
當然我係問佢借錢啦~因為我真係無乜錢淨低啦~
上到教會D人已經開始緊自我介紹~李俊杰都係度=.=
我同發發入左房度食飯~由於時間問題~我地要食得好快~啃死咁滯~
跟住就要出發去活動地點啦~但係要完戊任務先可以進入活動地點~
任務就係要係街度搵一個唔識既人同佢講一句耶穌愛你~然後叫佢簽個名~
集齊十個名之後先可以進入活動地點~發發超勤力~見有人就耶愛穌你~
都唔理人地係唔係覺得佢好煩~總知就要集齊十個名~
雖然我地組好慢~但係都係最快去到活動地點既一組~
因為其他組唔知到活動地點係邊度~用左好多時間去搵~
又難怪既~明明話係公園~但係就走左去球場~

GAMES DAY 第一個遊戲~俄羅斯奄列~
首先猜包剪DUP~贏左既就可以係一堆雞蛋中揀一隻~
敲落輸左果個人既頭度~雞蛋有生有熟~有好無壞~
有D人好斯文~但係都有人好狠毒~
斯文當然就有我啦~毒既代表就係大麗~
發晒癲咁車隻蛋落人地個頭度~務求要蛋醬四濺~
我就揀到粒熟蛋~一野落翊揚個頭度~
佢話唔痛~但係我覺得應該會幾痛下~因為都幾硬~
跟住個個都有玩~淨係黃宇安唔玩到~
梗係啦~SET到個頭成劈米田共咁~一陣比D蛋整番正常咁咪徙左自己一擔心機?
只係遊戲始終都有遊戲既規則~個個人都有玩~自己點可以唔玩咁賤架呢?
算啦~橫掂我對呢個黃宇安不嬲都係無乜野好感~
好多方面我都睇佢唔順睇~我可以睇清楚佢份人都係全靠七月個3G CAMP
玩完俄羅斯奄列就玩空中飛人(我作既個名)
玩法係將水泡餅放係口度跟住吐出去鬥遠仲要搵個人用碟接住~
見到思敏勁攪野~吐完粒水泡餅係痴左個咀唇度既~
陳景龍就超強~吐得好遠同好高~雖然我地組都唔差~
但係最後都係衰左係佢地手上~
玩完空中飛人就玩動物賽跑~當然個名都係我作架啦~
玩法係要扮四種唔同既動物賽跑~由起點跑去終點再跑番起點~
最先完成既一組就贏~不過我地種有成六個人~第二組得四個~
對於我地黎講係非常之唔公平~所以志剛最後都係判左我地贏~
最後就係玩二人三足~我諗大家都知道點樣玩架啦~
不過我地除左玩常規既二人三足之外~仲要另外拎住杯水~
跟住行番教會~途中杯水唔準瀉~
我同發發一開始就揀左個最接近出口既拉置~佔盡有利地位~
槍聲一響就盡力向前衝~拎完水就摶晒老命咁跑向出口~
死人志剛竟閂埋出口度門唔比我地出-.-好彩我地都有辨法出到去~
然後又係一個箭步咁樣衝向終點~好快好快~只係好痛好痛~
番到教會只係覺得受膞既果隻腳好似壞死晒咁~得個痛字~
然後就睇番今日影既相啦~D相影得好~再加上志剛描述得攪笑~
笑到我地肚痛~玩遊戲~我地組係全場總冠軍~有奬品呀^^
之後就入左去入面玩啦~唔知叫乜野~
有張紙~紙上有五個紅色點~五個藍色點~五個黃色~五個綠色~
然後就轉輪盤~如果支針指住既係邊度~咁樣手腳就要放係邊度果種~
為左玩呢個遊戲~我地個個都抽晒筋咁滯~仲做左好多個超不雅既動作=.=
玩完就離開教會~行左去裕民坊為呀敏既生日準傋禮物~
途中去左打拳機度打拳~打到手都跛埋~
之後係個老闆娘既一輪攻擊之下~我同呀浩一人買左一份禮物~
係度同呀敏講句~生日快樂^^

>>October 22, 2006 at 11:27:02 PM GMT+8

2006 年 10 月 20 日 星期五 【晴】

十月二十日　亦陰亦晴

完完全全捉弄我既一天~唔使番學點解可以咁悶架?

直到今朝為止~屋企人都無一個知道原來我唔使番學~
不過呢個就係我既目的所在~因為我唔想比細佬知道~
等佢地番晒學~呀爸崔我既時候我先絲絲然話我唔使番呀~
好爽~可以自己霸住一部電腦啦~如果比細佬知道我唔使番學~
夜晚一定以種種既藉口話我~咁我就無理由夜晚都玩埋架啦~
不過就算部電腦全日都係我玩咁又點呀~真係好悶呀~
原本想叫發發上黎陪我~但係呀哥又唔使番工~唉~

玩玩電腦~咦? =.=
我記得今日係要去跑步架-,-
唉~好記得之前係日記度打~我有一個PLAN~
咁星期六日唔使番學就去跑步~去游水~去打羽毛球~
唉~今日都第二個禮拜啦~PLAN入面既事項一樣都無做到~
跑步喎~跑跑下咪又係跑左去張電腦枱度~煩
狂打機~肚餓就食野~口渴就飲水~急就去廁所~
=.=原來呢D就係我既生活~十足一個廢波青年~
如果以後讀完書搵唔到野做~我既生活應該同上面差唔多架啦~
不過星期六又唔同~因為可以番教會~見到好多人~
所以好想聽日快D到呀~番教會~仲要上堂~正

渾渾噩噩咁又到左下晝啦~一日既青春就咁無聊既過左~
打完機~完全無收獲~用呢D時間黎做功課係唔係實際D?
可能係喎~又可能唔係~咁究竟係唔係呢???
悱迴係呢個問題~諗下諗下又到左夜晚啦~
細佬們都番晒黎~我就係左房瞓覺~
十點幾到問佢拎番部電腦~之後又打機~打打下~
突然間諗起~星期一好似係呀敏生日喎~
跟住離開遊戲開MSN~點知佢仲未上線~之後又開始猶疑~
叫唔叫佢好呢?扮唔記得佢生日好唔好呢?襯佢未上線~
拿拿聲OFFLINE~咁佢咪唔知我ON左LINE囉~
但係會唔會好賤呢?話晒識左咁耐~而且我生日佢都有關照我喎~
好多時間又係浪費係呢D問上題~但係奇妙既係~
係我搖擺不定既時候~呀敏已經靜靜雞咁上左線~
同襯我唔知叫左我~咁樣令到我只有一個選擇~
我覺得呢D係主向我作既事~令我唔使面臨進退兩難既困局~
我既諗黎諗去~令到呀敏有機可成~從而令我下左決定~
更令我知道~原來佢有好多好多唔開心既事放左係心度~
在此希望~佢可以凡事稱心如意啦~

>>October 22, 2006 at 3:07:40 AM GMT+8

2006 年 10 月 19 日 星期四 【晴】

十月十九日　天...陰!?

吃飯不是求飽~而是求不餓~
生活不是求滿足~而是求足夠~

任天狗呀.....狗
隻手勁痛喎~可能係因為尋日PE堂既關系啦~
依家只要轉下隻手~就會好自然咁發出D啪啪聲~

朝早又無食到早餐啦~雖然知道人唔食早餐會無乜精神~
但係一遲起身~為左唔會遲到就乜野都唔會點理架啦~
不過真係好餓呀=.=餓到無晒力咁滯~
肚餓都算啦~第一堂仲要係上ART堂~唔想上劉美瑩既堂呀=.=
太肚餓...都唔係咁想去反抗啦~就算想都無力去反抗啦~
所以今堂好乖~坐定定咁係度畫畫~點知呢個劉美瑩都唔識趣既~
難得我今日咁乖咁畫緊佢D畫~佢竟然係度播埋D超難聽既古音樂~
仲要話係佢係外國教佢樂器既老師所出既~仲咩佢老師前幾年過左身~
隻音樂好開心~但係佢就勁傷心~劉美瑩妳係唔係傻架?
妳真係傷心既就唔會笑到豬咁同我地講隻碟啦~
最後真係頂唔順~走左去廁所避左十幾分鐘~番到去仲播緊~
煩到我差D連頭發都扯埋落黎~妳呀~識唔識咩叫適當既時候播適當既音樂呀?

話咁快就放學啦~今日要開班會~
不過講開都好谷氣~唔知點解學校入面好多野都要揀係星期四~
測險啦~行區啦~開班會啦等等~一日要做咁多野~真係好煩~
但係今日秋紅唔得閒~所以就無行區啦~但係仲要測驗同開班會~
班會傾左好多野呀~最感興趣既話題就係旅行果部分啦~
係呢方要有少少唔同意校方既做法~今年我地去海洋公園~
但係校方就以種種理由唔比我地自由解散~一定要集體開~
咁我地班就話唔去啦~留係學校溫書好過~但校方又表示一定要去~
咁點姐?本來旅行係應該開開心心架嘛~但係依家校方令到我地唔鍾意~
又一定要逼地去~試問咁樣會心情玩咩?

番屋企途中~見到旦哥同佢條女~呀MO~拖手~
見到佢地本來諗住唔搭13M改搭小巴~但係諗諗下~
點解要改搭小巴姐?行埋去打個招乎有咩問題呀?
於是就行埋去諗住係後面嚇一嚇佢地啦~
點知比旦哥見到~穿崩添~
不過都好彩既~好彩無改搭小巴~
所以第一次同呀MO以面對面既方式傾足一程車既時間~
平時我地只會係MSN先會講野~就算係學校見到都係扮唔識果隻~
真係要多謝我果個突然改變主意既心呀~
如果同我傾左咁耐既呀MO變成麥喐喐既話~
我諗我會開心到爬上車頂跳舞~

>>October 19, 2006 at 10:41:31 PM GMT+8

2006 年 10 月 18 日 星期三 【晴】

十月十八日　陰涼

今日好熱呀~需然天氣都涼涼地~但係真係好熱~
由舊年暑假開始就愛上左著旋襪~即唔過腳祼既襪~
當然呢種襪學校係唔比著~但係今學年我淨係著過一次正規襪番學~
今日當然都係著旋襪啦~但係慢慢會發現到一個問題~
我諗你地都試過~著耐左既襪會失去彈性~因而摺左落去~
旋襪仲離普=.=摺下摺下係會成隻襪脫腳而出塞係鞋頭度=.=
今朝就係咁~行番學校既途中隻襪成隻甩左出黎~
但係係條街度又唔好意思除左對鞋又著番好隻襪既~
雖然呢種事情係條街上我都做過唔少~再尷尬D既事都做過~
只係始終著住校服~當街除除鞋著襪都係唔係咁好意思~
唯有忍住番到學校先去廁所整番好~但係超唔舒服=.=
失去彈性既襪~就如一個未充氣既氣球~~~~

今日既PE堂考試~考既係擲標槍同擲鐵餅~
係練習既時候我係做出超水準既分數~
但係一去到正式考試既時候我又做出失水準既分數~唉
考完試就係自由活動時間啦~我地係玩羽毛球架~
呢排真係愛上左羽毛球呢一種運動~
同發發~輝~仲有 奸佬賢玩~一對三~
佢地三個都輸晒比我~發發同輝連輸三比零~
奸佬賢就輸三比一~YEAH~唔知係我強定係佢地廢呢?
但係開心既時間過得特別快~玩下玩下就夠鐘LU><

跟住就上埋D無聊既堂~雖然有BIO~但係今日既BIO特別悶~
悶悶下就LUNCH啦~食飯時間又到啦~今個宴晝有活動~
所以食飯既時間好少~急急口食完就番學校~
十蚊個飯盒送飲品一罐~全部大陸品牌~夠晒歸熟感啦~
但係有少少賤格既就係~我地偷偷地攞多一罐野飲~
食完番午間樂聚~又見到呀妹啦^^

之後見到依琳~問佢做乜咁耐都唔番教會~
佢話有活到都係係星期六(=.=撞晒時間喎)
仲有佢話唔多鍾意呢間教會~
唔係喎~幾好呀我覺得~而且我見教會入面D人對佢都唔錯架~
希望佢可以盡快番去教會~番會主既身邊啦~

>>October 18, 2006 at 10:29:14 PM GMT+8

2006 年 10 月 16 日 星期一 【晴】

十月十六日　天陰

今日又係忙碌既一天~皆大今日係星期一~
換著係以前~我話之佢星期一定星期日~
就算有無功課做都係搭十一先出門口番學~
不過呢排都唔知係唔係良心發現定乜野~
突然之間覺得好對唔住老師~特別係MISS WONG
係呢一年佢係負責我地班既中文科~
由上年佢教我地開始~以經覺得佢為人唔錯架啦~
無錯~因為佢唔惡~唔多罰人~就算罰人都唔會太重~
我對一個老師好壞既準則就係咁簡單同時又咁無知~
但事實上佢的確係一位好老師~佢一次又一次咁比機會我地~
由開學到依家~我欠佢既功課不計其數~
就攞暑期既中文功課黎講~我到依家都仲未交比佢~
但係佢今日又無罰我~淨係叫我補做番~
唔知係唔係老師一次又一次原諒~一次又一次既機會~
令到我有好多好多既疚感~特別係對佢~
今日番到屋企~已經係集中處理中文科既功課~
所以有時話~老師太惡真係會嚇到人~
老師太好...又真係會感動到人架~多謝呀^^

今日係學校整左耶汁羔(=.=)好難食呀=V=
難食到我食左一啖就即時吐番晒出黎~
唔好誤會~其實我整得都唔算差既~
只係我唔係咁鍾意果陣味...聞就香擺落口就......

食LUNCH既時候~為左儲錢交電話費~所以我無食到~
就同發發出去行啦~行行下佢又話佢又比人鎖機啦~
咁我就教左佢一個破密碼既方法啦...
點知佢番到去唔識睇~攪到部電係人都入唔到=-.=
最好笑就係佢勁開心~O咀

>>October 16, 2006 at 11:23:55 PM GMT+8

2006 年 10 月 15 日 星期日 【晴】

十月十五日　有雨

揭開杯面有糯味=.=

今朝依然係瞓到好遲先起身~本來諗住~
既然尋日無去到跑步咁今日就要補番啦~
點知瞓瞓下(今朝)呀爸話落雨呀~唉~尋日就唔記得~
今日就落雨~咁我幾時先可以去得跑步呀~
跟住呀哥就番工啦~大概九點幾到啦~佢走就輪到我入房~
唔知幾時開始佢食煙~食煙既人最大既一個問題就係個口有好大陣煙味~
仲有佢係要匿係房度食~我仲係要同佢同房添=.=
基本上我係度瞓無論枕頭定被~甚至係我個人都會臭晒~
所以唔知幾時開始我就做左廳長啦~重拾房間的感覺---仲係好臭~
一瞓~嗚......又十一點幾啦~時間都唔早啦~沖左個涼刷左個牙~
跟住就入廚房攞左個杯面~首先撕開左外面層膠紙~
之後掉埋個盒~再撕開杯蓋~然後發神經咁走左去洗盤度~
擰開個水喉~再好白痴咁隊左個杯面埋去~就係差少少~
成個杯面無晒=.=原來瞓得多個人真係會KAI KAI地架~

仲有~今年係二零零六日十月十五日~係上年既同月同日~
正正就係我最後一次收到佢電話既日子~記得果陣時~
係連續好多日都唔關手機~一廂情願咁以為佢會再打電話黎~
原來全部都係自己係度自欺欺人~時至今日~佢都未曾打黎~
不過都唔可以怪人既~我一個咁悶既人~可以有咩野講呀~
但係等下等下~咁就一年啦~一年...真係好長架...好長呀...

>>October 16, 2006 at 6:01:49 PM GMT+8

2006 年 10 月 14 日 星期六 【晴】

十月十四日　先陰再陰

履行唔到承諾~

尋晚一早就較定左個閙鐘~為既就係可以準時咁去跑步~
點知今朝個閙鐘一響~我就子例版咁禁停左佢~
然後望下個天~咦?咁暗既~當時第一個念頭就係~
咁既天氣仲去跑步?不如訓多陣好過啦~唉~
斷續瞓~一瞓就瞓到十一點幾~直至發發打電話黎我先醒=.=
都唔知點解自己成日都會係咁既~開頭既時候就衝勁十足~
一開始或者開始左無幾耐~就信心盡失唔想繼續~
咁既「個性」我都唔知有邊樣決定左既事係真係可以完成到囉~
呢樣都算啦~本來就係話~跑完步就去打羽毛球既~
尋日一早就約好左發發同JOYCE~仲話會買拍去~
但係直至發發打電話比我為止我都仲未去買拍~
而係果陣時呀媽又出左去~我又唔知去邊度搵錢買拍啦~
咁就諗住唔去(改期)~但係唔去我又無打電話比JOYCE通知佢~
哇~覺得自己好衰格呀果剎那~最衰既就係我需要錢買拍既時候~
我只係諗到呀媽快D番黎~而唔係諗到神可以幫到我~
原諒我吧!主!

打左陣機之後就番以勒啦~約左發發同呀浩係APM度等~
今日呀浩叫左旦哥番以勒呀~YAHO~以勒又多左個人啦~
一路行一路傾偈~途中見到個露背小姐行係我地前面~
望佢後面真係鬼火咁靚哦~於是我同發發輸賭(賭~係唔岩架)
佢「買」果位小姐係一個靚女~而我就「買」果位小姐唔係一位靚女~
當然行係佢後面係求證唔到架啦~我地幾個就加快腳步諗住行去佢前面~
點知佢行到火車咁快~我地想追都追唔到=.=對腳咁短行路又咁快~傻架?
追下追下~佢終於都停係路邊一個巴士站度~哇~有時間求證啦~
一望~嗚~~~~SO UGLY~很不美呢~發發又輸左啦~
之前同佢玩龍蝦屎又係係咁輸左比我~好似我同佢玩親乜野佢都會輸架喎~
不過呢~話佢醜又唔係咁岩既~因為人本身就係醜惡既~
記得之前同易拎既一組既時候~佢講過既野~佢問我肯唔肯同個靚既做朋友~
又問我肯唔肯同個醜既人做朋友~我話心地好既我都會同佢做朋友~
跟住易拎又話其實世界上既每一個人都係醜樣既~
只因為人既祖先~亞當同夏娃食左禁果~佢地犯左罪~
可以分辨到善同惡~呢個世界先有醜同美~
有時係度諗~如果佢地唔食禁果既~咁樣世人咪永遠都係醜但同時都係美囉~

番到以勒~咁少人既?係我地早到定係佢地遲到呀???
好彩之後D人都陸陸續續咁番黎~總算都係有番D生氣啦
基於上次我地個「地盤」比人霸左既關係~所以咁次我地學精左~
遊戲既時候揀左個離我地個地盤最近既位置~一玩完遊戲~
可以分組既時候就可以第一時間衝入去霸位~YA~
最後都係霸到~不過就無坐地下咁舒服=.=
分組啦~我地呢組唔知點解好特別架~係其他既組入面~
都係睇聖經~而我地呢組就係以傾偈為主~
當然有時都會討論下聖經入面既問題~等等~
因為傾偈~令到對上兩次都無乜睇過聖經啦~
志剛話呢個就係主做事既方法~有時你預傋好既~
未必係最好既~突然其來既反而討得大家歡心~
今日我地問左好多個問題呀~我同發發都問左好多個~
首先我問佢會唔會有兩間唔同既教會一齊攪團契啦~
志剛話有咁樣既可能~之後佢問我點解會有呢個念頭呢...
唔唔~話到底都係為左自己姐~如果可以既~
好想以勒同梁發紀念禮拜堂一齊攪活動呀~哇嗚哦~~

尋日MISS黃上台分享~分享完之後同我地講番D心得啦~
當中提到侍奉~當然呢個詞語我聽過好多次~
但係就唔明白到底點解呢~今日番到以勒開組~
就係一次好好既解答機會啦~志剛好詳細咁解釋左比我地聽~
之後又討論左天主教~基督教同摩門教既分別~
因為我聽日講摩門教都係睇聖經既~但係人地就話佢係一個邪教~
志剛話佢唔講摩門教係唔係邪教~只係講佢係一個好好笑既教~

志剛：其實摩門教係點樣黎既呢~咁要講到摩門教既教皇~
佢係一個美國人~有四個老婆~但係當時美國係唔容許人多過一個老婆既~
佢又唔想無左呢D老婆~由於當時如果想信一個宗教~而果個宗教又提到~
信徒可以擁有多個老婆既話~咁政府就無法干預架啦~
就係咁佢就創左摩門教~而點解當時既人會相信摩門教呢~
原因係呢個教皇宣稱~有一日佢入到去森林祈禱~
之後執到兩果金葉~上面寫左D字~就係依家既摩門經或無價珍珠經啦~
好野喎~兩塊樹葉就可以寫到本咁大咁厚既經~

跟住佢又講乜天主教啦~不過我對佢乜無興趣呀~
所以呢都無乜心機聽關於天主教既事~係度就唔打出黎啦~
之後又繼續講啦~志剛提到一樣我感到好興奮既事~
就係佢話下次放暑假既時候~就會去探我地組助養既孤兒~
吳雄輝~項凱 同 秦仠(倩)~好野呀~終於都可以啦~
武漢~佢地都住係武漢~搭車都要搭成廿四小時~
好想快D到果日呀~仲有我話見到秦仠一定要搣下佢塊臉~
點之志剛話我咸濕=.=秦仠咁可愛係人都想搣佢啦=.=好傷心~
不過咁樣傾下傾下就到左敬拜既時間啦~敬拜完又要走人啦...
走人既時候同人拜拜~點知比燒雞打左一拳~正正就中左我個肚=.=
超痛呀~~~我只係將燒雞講左個叉燒雞咋嘛~~~
之後詩曼又走過黎打左我一拳~然後補多一拳~不過佢無力既~唔痛~
忘記左樣好重要既野~就係要同JOYCE道歉呀~我爽約了~

>>October 14, 2006 at 11:03:38 PM GMT+8