2006 年 8 月 29 日 星期二 【晴】

八月二十九號日記　天晴掛

今日我極之唔据呀~

尋日因為要油房~所以就搬晒d野出廳啦~
本來呀哥話今晚先搬番d野入去~因為佢要做野~
但係呀媽話d野阻住左條路~叫我地拿拿聲搬番入房~
咁我咪幫佢囉~點知佢又當正自己係軍師咁~
叫就叫我地幫佢~但係我地幫佢佢又話我地唔識野~
本來都無野~之後佢叫我拎四粒長螺絲比佢~
果四粒長螺絲係要黎鎖梯既~我同佢講左~佢就唔信~
係都要黎鎖其他野~卒知就攪錯野~

我就係唔鍾意佢呢點~成日都唔聽人講野~
係要等做錯先知衰~最慘係衰左都唔肯認~
之後仲要發埋d細路脾氣~專登比錢我細佬叫佢去買野食~
又周圍打電話同人講今日d野~呀哥番黎又講~
呀姐~四十歲人啦~呢d脾氣細路先發架咋~超

>>August 30, 2006 at 10:27:07 PM GMT+8

2006 年 8 月 27 日 星期日 【晴】

八月二十六號日記　悶熱

忙忙碌碌~又到左星期六啦~尋日開始就唔見左呀旺~睇怕又係去左camp架啦~

今日~又係我同神約會既日子~本來諗住照原定既計劃~兩點鐘先出門口~
大概十二點呀浩就打電話比我~話佢屋企人番左大陸~得番佢一個~
咁我就同發發一齊上佢屋企打機~但係發發就遲到~遲到既後果就係~比我地反啦!
我同呀浩跟住佢後面~然後打電話教佢點行點行~哈~勁爽呀~
不過搭電梯既時候比佢發現左~計劃失敗......

教會既活動章程如下~首先大家都會自作介紹~
然後就唱詩歌~敬拜~宣佈~最後就係開小組~
我同發發係呀浩屋企打機打到點幾~因為除左開組其他既都唔係咁鍾意~
所以就咁遲先番教會~發發佢話唔想番=.=
記得初時我帶番去~佢仲話教會好吸引佢~但係番左幾次就話唔想番啦~
唉~ 神呀~求祢賜比發發一個堅持既心啦~因為佢以經遂漸離棄你啦~

三點半番到教會~我見到既係前所未見咁嚴肅既埸面~
當時我比見到既場面嚇窒左~企左係門口度~仲想走添~
跟住志剛見到我~揮手叫我入去~我地先慢慢行入去~
現場~有七位身掛紅花既男女~大部分人都著得好得體~
原來我唔記得左~今日係祖迪佢地個門徒訓練計劃既畢業禮~
恭喜你地呀^^係畢業禮上~佢地講左好多既感受啦~
有小麗~奕陽(?)~祖迪~彩欣(?)~LULU~德琳同=.=唔記得左~
講左好耐~之後就開小組啦^^

夜晚~呀浩約左布霖同呀輝去踢波~但係佢地太勁啦~
我同呀浩就靜靜溜左番去~因為呀浩屋企無人~
咁我就係佢屋企訓啦~又聽收音機~又玩電腦~
又打機~又食野~又睇碟~攪到四點幾先訓啦=.=
好眼訓~

>>August 27, 2006 at 3:06:38 PM GMT+8

2006 年 8 月 25 日 星期五 【晴】

呀旺:得啦~你威啦~考到總領袖章囉~下次上你屋企記住比我睇下啦喎~仲有呢~我係唔放相上黎架啦~咁勁既你幫我放囉~不過話我串都係咁話~你唔識~哈哈^^幾時上黎呀?

↑二零零六年八月二十五號↑

-------------------------------------------------

八月二十五號日記　有雨

今日~我又發現左樣奇事~
呢件事係同尋日果件事有關既~
尋日傷心中~之後我記得~我係將想念發左入顯示名單度架~
咁我即該去睇睇啦~一睇~原來我認錯人呀^^
唔理我果個唔係想念呀~想念一直都無ONLINE過~
其實係佢地既名差唔多我先會攪錯XD
一個叫小苦妹~一個叫小虎妹~難怪我既^^
不過知道佢唔係想念~真係好開心呀^^
怪錯左妳~對唔住!!!!

>>August 25, 2006 at 10:37:37 PM GMT+8

2006 年 8 月 24 日 星期四 【晴】

八月二十四號日記　天陰有雨

暑期作業仲係未做呀>.<

10+1+9' (無人點我~我係MOMO個qooza搵到架)
10) 列出十樣最想實現的事

2006 年 8 月 23 日 星期三 【晴】

八月二十二號日記　天晴

暑假又就黎完啦~咁代表着我既日記生活又要開始啦~
唔經唔覺放棄左佢已經有成三個月有多啦~雖然間中都有打下日記~
但係果D只能算係係迴光返照~除左 1970的思念之外~
但係~暑假已經過去啦~我雙手都夠痛架啦~日記~又要打番啦

係度講下自已係呢個暑假既感受先~
呢個暑假我覺得最好彩既就係~我番左教會~
因為教會既關系~我既暑假不至於沉悶~
呢個~絕對係神既恩賜~神送比我既禮物~當然~我要有心去接受啦^^

今日同呀旺約好左~落去打藍球~大概九點三我就落去啦~
一路打一路傾偈~真至到D燈全部熄晒~我就番上佢屋企度沖涼打機~
點知~比我發覺原來我無帶鎖匙係身呀~於是我就係呀旺屋企訓~
大概兩點幾~我地就約左呀聰落去食宵夜啦~D臘味飯真係好難食呀=.=
之後去OK買左D野飲啦~就係呢個時候~呀聰送左個愛情全保比呀旺~
我地叫呢個愛情全保做友情全保~我唔知點解呀聰會有D咁既野~
跟住上到佢屋企仲勁~原來呀聰個櫃入面仲有N個友情全保係度=.=
當時既我絕對係O晒咀呀~唉~跟住係佢度訓~第二朝又番呀旺度打機~完

>>August 24, 2006 at 3:13:19 PM GMT+8

2006 年 8 月 21 日 星期一 【晴】

八月二十一號日記　天晴

1970的思念

在茫茫人海中，我只是一個毫不起眼的男生，生活在一個繁忙的城市之中，我感到的只有疲倦、無奈和孤單，

每日都受着極大的壓力，我每天都想專心去做好每一件事情，因為我想忘記我感到的那些不快的感覺，

但是每一件事情都總有它完結的時候，於是我選擇了一件一生一世的事情，就是追求你，或者有人會問，

當追求成功時，使命是不是完成了呢？會問這些問題的人，我覺得他真的很膚淺，愛一個人的使命，

不但止存在於追求的時候，真正的愛，於你追求完畢時，還想繼續為對方付出，不願停止，

永無止境的愛才是完美的愛，為了追求這樣完美的愛，我再無時間去疲倦，去無奈，去孤單，

我的時間完完全全地停止在妳的身上，我已經感覺不到時間的流動，流動的只有我對妳的愛，

就像風停止了，落葉靜止了，我的思念還是像河流般不會停止，向着自己的目標流動



呀草、奶水

二零零一年三月十一號

>>August 21, 2006 at 7:58:29 PM GMT+8

2006 年 6 月 23 日 星期五 【晴】

今日~我去左游水~跟住又唔知同邊個小學四年班識既果條仆街~好似叫做陳俊彥~仲要同個肥仔旺一齊游~佢個女乃真係好大架~


BY JERRY
二零零六年六月二十三日~下午七時三十五分~

>>June 23, 2006 at 7:35:18 PM GMT+8

2006 年 5 月 31 日 星期三 【雨】

今日唔知發生乜事~係咁諗番以前所識既朋友~
有D唔記得個名啦~有D更加連樣都唔記得埋~
唔想遺忘佢地呀~所以就列左張LIST啦~
可能有D人榜上無名~只係因為我唔記得~
唔係因為唔當你地係朋友~

LIST唔放出黎啦~不過發現左好KAI既野~
我住果條村應該改名叫陳家村~
因為我全部朋友都係姓陳既=.=

>>January 11, 2007 at 5:27:29 PM GMT+8

2006 年 5 月 29 日 星期一 【雨】

晨早溜溜鬧鐘就響啦~不過我就依舊唔願起身~
本來較左六點鐘~但係就遲左九個字先起到~
唉~諗住早少少起身做功課架~依家唔使做LU=.=

今日~我好早就番學啦~仲係唯一一日無約呀蚊出黎既日子~
有太多功課啦~與其係屋企做不如番學校參考人地既好過啦~
希望可以因為咁既出少一兩張功留啦~一張都好=.=
因為再出既話~我就十五張功留架啦~三個缺點=.=

頭兩堂上老WU既英文堂~之前MISS WONG教既時候我又有興趣既~
但係依家佢教番...我又變到無乜興趣啦喎~
好似上親佢既堂都會捱鬧~一係就唔記得帶野~
或者有功課唔記得做咁~今日就已經俾佢鬧左一餐~
雖然我唔明佢鬧緊我D乜野(聽唔明)~但係都唔好受啦!~
只係...上佢堂要受佢氣我都見怪不怪啦~話晒都比佢教左咁耐-.-

以為可以無驚無陰咁捱到放學~點知上中文堂既時候無帶到工作紙~
平時無帶就罰抄~今日波姐都唔知放乜癲~出我功留=.=
我十四張啦~係唔係我唔去足一個月留堂班妳會唔舒服呀?
可能出於報復既心~我成堂都係度嘈~就係呢個時候~
我發現PS面臨解體既局面~好似話有人有出軌行為~
不過最後都係一場誤會^^但係肥寶有少少幸災樂禍~
喂~乜你好想佢地散咩?

自從同輝一齊坐之後~自己對數學減少左興趣~
因為成日都掛住同佢傾偈~上數學堂完全唔聽書~
所以攪到我上中學以黎第一次數學測驗肥佬~
因為咁~所以用今日兩堂自修堂狂溫書~
總算明白左一D我一直都唔明既野啦~
睇書~真係可以解決到架~不過~依家同發發坐~
都唔係好得去邊架咋~成日唔係佢攪我就係我攪番佢~
仲衰過同輝坐果陣時~呀草~再係咁你留班架啦喎~

午飯既時候又無出去食啦~留左係課室度玩~
成粒鐘無所事事~於是諗左個遊戲同班友仔玩~
就係做掌上壓~都唔知係邊個提議就邊個衰~
我前前後後做左八十幾下~連輸比飛機五十幾下~
輸比傻輝三十幾下~輝二十幾下~好多呀@@
總知我隻好痛啦~你地做下就知道我有幾痛架啦=.=

今日黃SIR無番喎~由一個MISS代佢堂公民~
但係個MIS無黃SIT咁好呢~又惡又有少少扮野~
不過基本上都無乜點上堂~因為佢比晒成堂我地~
比我地傾一個關於中史既廣播劇~我地組真係投入~
係度傾三國(魔獸)~希望會有靈感做廣播劇啦~
因為今年呢一類既專題都比較多~好辛苦~

放學既時候傻輝以為要留堂攪到我白等佢十幾分鐘~
之後仲話要去天幕度搵發發同PS~傻輝即係傻輝~
之前呀旺生日~同佢上左山頂打邊爐~同傻輝講左呢件事~
佢話又想試下喎~我都想去多次呀~
記果時我地玩得好開心架~想開心多次~
番到屋企~BB妹又黎左啦~真係好得意呀佢~
為左湊佢~我放棄左一番到屋企就即打機既念頭~
又同佢玩啦~又抱佢又教佢講野同幫佢行路等~
依家已經唔使人幫就可以自己爬啦~好勁呀^^
不過佢成日都捽眼~可能有事呀~希望佢可以健康啦~

>>January 11, 2007 at 5:19:42 PM GMT+8

2006 年 5 月 21 日 星期日 【晴】

呀敏 : 咁係呀嘛~尋晚(定前晚)妳真係好似鬧人咁~不過鬧人都有分善意同惡意既~某程度上妳講得幾岩~但係我感覺唔到妳發緊脾氣喎~只係臨尾既時候語氣變左少少~
↑二零零六年五月二十日↑

五月二十一號日記　大雨滂沱呀

停寫一天

>>May 21, 2006 at 8:39:01 PM GMT+8