2006 年 4 月 24 日 星期一 【晴】

不嬲都話~星期一就係我最當黑既一日~
不過...原來星期一之前果晚...都係當黑既一刻~
尋晚勁熱兼勁焗~攪到連續兩日都沖凍水涼~爽呀~
玩電腦玩到十點幾~就去左睇電視~
未來戰士~唔知大家有無睇到啦~我覺得幾好睇既~
跟住就同呀蚊傾電話~傾到十一點幾就收線~
呀蚊...好似無乜時間觀念咁~夜媽媽都可以打電話黎(果次)
之後去訓啦~點知熱到我根本訓唔著~
由十二點開始至兩點一直處外失眠狀態~
之後由房出左去廳果度訓...點知金魚缸個濾水器嘈住我...
然後無幾耐又落雨又行雷,拿拿聲去收衫~
不過又驚...一行雷我就驚...從細個開始最驚行雷~
所以收衫收到雞手鴨腳咁~之後呀媽出黎幫手啦~
差少少...件衫就左落街~瘀是不便多講...
跟住直情訓唔到覺~原因有三~第一個.....
熱呀!!第二個....焗=.=!!!第三個.....D行雷聲....好驚
然後就入左呀爸間房訓啦~但係...呀爸D鼻鼾聲...
頂唔順~番番入房度訓~臨走前拎左本簿去撥涼~
然後~訓著左,,,
第二朝~即今朝~六點鐘就起左身啦~6:55出門口去麥記~
等呀蚊黎~然後一齊番學~跟住就久功課~收功留~
放學就去左留堂班啦...唉

>>April 24, 2006 at 8:26:43 PM GMT+8

2006 年 4 月 22 日 星期六 【晴】

呀敏:既然妳支持榮妙戀既~我都無話反對既~況且我都唔係支持哈利同妙麗~只係我覺得佢地幾襯姐~而且係我眼中~呢套戲最重要既唔係愛情~係劇情~所以邊個同邊個一齊對我黎講根本無乜所謂~但係有樣野唔明~佢地襯咩??
↑二零零六年四月二十一日↑

今日呢~momo終於都番左黎啦~
諗住同佢傾下閒偈咁~點知無情白事~
同呀蚊係度嗌架?~~~~~都唔知為乜=.=
不過諗諗下...自己都有D唔岩既~
無啦啦講咩三點式呀=.=唉~
不過呀蚊又好似有D唔開心~
MOMO有好似有D唔開心~
然後呀蚊又專登係MOMO面前曬甜蜜~
唉~攪到咁有乜謂呀真係......
之後MOMO仲同我講~話同小敏敏無以前咁fd~
(講緊妳呀小敏敏=='')
想同佢fd番~(識做小敏敏=.=)
我都睇得出佢唔開心既......唉

>>April 23, 2006 at 12:31:56 AM GMT+8

2006 年 4 月 22 日 星期六 【晴】

饑饉三十

正如果banner所講~全球每晚餓住個肚既細路~超過八億五千萬~
全球得六十億人~即係話平均每六十個人~就有八點五個捱肚餓~
點解今日無啦啦會講呢個呢~咁係因為頭先聽森美移動既時候~
四位主持咁岩講緊饑饉呢個話題~當中森美提到有位道德慱士~
佢問左個關於道德既問題~佢問:如果有一日~你買左架名貴既房車~
價值廿萬~你開呢個車遊車河時~佢半路死火~停左係條路軌上~
咁岩呢個時候~有架火車迎車而黎~但係~原來呢條係一條分叉路~
只要你推一推隔離枝搖杆~架火車就會駛去另一條路軌~
咁樣你架名貴房車就會無事啦~(我諗你地都會揀推枝搖杆架啦)
不過~另一條路軌上面有一個細路~佢就係果八億五千萬既其中一個~
咁樣你又推唔推呢?推~人死~唔推~車亡~(我諗你地都會選擇唔推啦~)
當然~呢個只係問題~都無乜機會發生~但係我地就每日都做緊同樣既決擇~
例如買車既人~佢地只在乎架車靚唔靚呀~功能齊唔齊~
但係就無諗過~佢買左架車~佢只係多左架車~但係呢個世界就會死多28571個小朋友
如果你將買車呢廿萬捐出去~就可以救番佢地~
因為~每日七蚊港幣~就足夠救活一名捱餓既小朋友~
而且佢地面對既~唔只係捱餓~仲有就係食水問題啦~住宿問題~
教育問題等等~呢d等等都係需要用到錢~有無諗過~
寧願用八蚊去買漢堡包~定用八蚊去救一個小朋友呢???

>>April 23, 2006 at 12:15:34 AM GMT+8

2006 年 4 月 20 日 星期四 【晴】

YEAH~~~~~~~~~~~~
今日係二零零六四月二十日~
由開始寫日記果日計起~~~~~
已經有成六個月(半年)零三日啦~
本來應該係三日前慶祝?既~
不過衰在我份人無乜記性~唔...算啦~
仲有呢~就係~寫埋呢一篇日記~
日記頁數就到在第二十五頁啦~開心呀~
計計埋埋~計埋呢篇啦~日記數目都有二百四十一篇啦~
話多唔多話少唔少啦~人氣都有番咁上下~
哈哈~記得打日記初期~每逢有過頁既日記~
我都會唔打果日發生既事~
轉做講一D激勵既說話去令自己有心機打日記~
不過呢...唔似打到第幾頁~因為發生左某D事啦~
令到我無乜心機去打呢D過頁既無聊日記
(肥寶~你最清楚乜係無聊日記啦~上黎就留言啦)
之後仲剷晒呢D過頁既無聊日記添~
不過有D都留番係度做個紀念~但係都就剷架啦~
不過~見到自己咁有恆心~就係感到好不可思議囉~
一個絕對三分鐘熱度既人~竟然咁熱衷於打日記~
呢個根本就係一個奇績~啤啤佢先^^

今日:

苦等四日呀~呀哥終於都拎番條線出黎啦~
呢四日~我無得打機~真係辛苦左我啦~~~~
依家仲係星期四~仲四日先番學喎~
梗係唔做功課住啦~呀哥番左工~成間房得番我~
我又係度煲碟啦~煲既係哈利波特火盃之考驗~
硬係覺得哈利同妙麗好鬼死襯~(佢好似鍾意哈利^^)
好正斗哦^^依家好想睇阿茲卡班的逃犯呀~
睇完哈利~就開始睇美國處男~然後就睇情義我心知~
不過情義我心知就只係睇左一半~(因為呀哥要打機=.=)
但係始終都係想睇極地雪犬呀>.<好得意呀~~~~~
哈~傻左啦~睇到我對眼都豬晒呀==''
今日都係咁先啦~部電腦D幅射好勁呀@.@

>>April 20, 2006 at 10:07:12 PM GMT+8

2006 年 4 月 19 日 星期三 【晴】

呀敏:係呀=.=上次留言已經係二十日之前~加埋腳指先數得晒~但係見妳日日都有上黎囉...就...唔....以後留多D啦>.<~~~~唔唔~其實平時我都唔多行VCD鋪既~D新碟舊碟果D都係呀哥買既~但係我有份提議架~而且歡迎外借~妳借唔借呀??(唔識我既人切勿妄想)~2002係佢地主演架~但係係舊片黎啦喎...
↑二零零六年四月十九日↑

今心情唔多好呀~
原因:諗番SK
所以轉左個背景音樂~
唔知你地聽唔聽到呢~
今日唔知睇緊美國處男~
定係唔知邊套戲~
佢講左一句對白(唔得左係乜)
之後我就無啦啦諗番佢~
仲有就係尋晚發左個同佢有關既夢....
餘情未了唔知係唔係咁呢

唉~今日星期三~

今日既日記可能少D~體諒下小弟啦

>>April 19, 2006 at 10:03:48 PM GMT+8

2006 年 4 月 19 日 星期三 【晴】

唔唔~今日都係唔做一百問啦~
呢兩日沉集緊一種解迷遊戲~
依家已經玩到第廿三關啦~

今日執CD櫃~好多VCD/DVD呀~
以下係LIST~~~睇下有無鍾意既^^

97古惑仔之戰無不勝
98惑仔之龍爭虎鬥
古惑仔之隻手遮天
勝者為王
午夜凶鈴2凶鈴再現(JAP)
咒怨(JAP)
熱血青年
勾魂谷(ENG)
無問題2
賭聖2
千機變
買兇拍人
妖夜尋狼(ENG)
因乜差事跳跳跳
新精武門
國產凌凌漆
2002
月光光心慌慌之大徒殺(ENG)
霹靂戰士
中華賭俠
天士夢
殺戮戰場(ENG)
秋前算賬
魂魄唔齊
藍血人
拳神
再造人卡辛(JAP)
東成西就
我老婆唔夠秤
龍咁威
龍咁威2
衰鬼上帝(ENG)
絕世好B
頭文字D
奇門遁甲
西遊記之仙履奇緣
刀槍不入一僧侶
小企鵝大長征(推)
盜墓迷城(ENG)
變種特工2
冬陰公
流氓師表
千杯不醉
情義我心知
如果愛
變種DNA(ENG)
蠟筆小新X2
新紮師妹2
再說一次我愛你
地下鐵(推)
早熟
霍元甲
神話
麻婆島
藉著雨點說愛你(推)
電車男(推)
猛龍(推)
殺破狼(推)
重案黐孖GUN
馮德倫-魔術與我
少年阿虎(DVD/=='')
魔戒三步曲之王者龜來(DVD/=='')
特警新人類(DVD)
娛樂之王(DVD)
走投有路(DVD)
哈利波特-火盃的考驗(DVD/=='')
KING KONG(DVD/=.=)
傻豹遇著烏SIR SIR(DVD/=.=)
小魚兒與花無缺(亞視劇集/全套)
天少釣魚郎(無線卡通/全套)
中華一番(無線卡通/全套)

(ENG)=英文片
(JAP)=日文片
(DVD)=DVD
(DVD/=='')=番片DVD
(推)=推介

>>April 19, 2006 at 1:04:23 AM GMT+8

2006 年 4 月 17 日 星期一 【晴】

哈哈~原來自己大頭蝦~唔記得打日記喎~
BUT唔緊要~好在我唔係老人癡呆姐~
唔係既一定唔記得放生過咩事囉+.+
好~今日係星期一呀>.<朝早起身~發癲~
以為要番學呀-.-望下日曆~呼~好在~係紅色架^^

攪攪攪~隻青蛙仲係未完成到呀=.=
只能怪自己懶囉~每日只係砌兩層~
咁樣計既話......兩個星期都唔知整唔整到出黎~
哇~睇怕到時都要係學校整架啦~好在唔係急貨姐~

星星星~呀蚊同MOMO出左埠~所以好悶呀>.<
如果唔係及時識到藍鞋同MOMO2既話~
睇怕呢個假期我都唔會上戀谷&悶到發MO啦~
講下呢兩位先~藍鞋係業餘既填詞人(自己玩果D)
擺過一首自填上網~好正呀~好佩服佢添~
而且發覺同佢幾夾喎(好多地方都相同)~
MOMO2......個名雖然同MOMO一樣(所以我加個2以茲識別)
但係就係兩個完全唔同既人=.=
呀~係呀~本來我都要出埠架~
不過依家唔使啦^^嘻嘻~

夜晚呀~~~~麥SIR又出現係瑩幕之上啦~
逢星期一晚上七點~本港台既健康大道~
佢做主持呀^^呢排掛住打機~唔多聽佢個節目添~
係度向各位唔鍾意聽電台既朋友講~
凡事都有第一次~雖然呢個節目未必係最好or岩你地~
但係聽下無妨姐??當初我都係一個完全唔聽電台~
完全唔掂收音機既人~但係自從聽左佢個節目之後~
成個暑假我都幾乎係沉醉係佢個SHOW之中~
細草推介:聽啦~一集都好^^

星空奇遇鐵達尼
逢星期一至五
晚上九時至十二時
香港電台第二台
由麥潤壽主持~

記住啦^^

PS:下面係今日既一百問~因為比臀部細佬見到~所以暫時鎖住先~遲D開番~要PW問我拎啦

>>April 18, 2006 at 6:08:01 PM GMT+8

2006 年 4 月 13 日 星期四 【晴】

144941:你好呀~首先好多謝你係我個日記度留言啦~我又好少係唔識既人既地方留言既~係呀~我知你個ID呀~仲有呢~我個頭像明明係男仔頭~但係你又偏偏用妳呢個字~唔知你係唔係同女仔傾得偈多呢^^~好啦~等陣去你日記度留言啦~
↑二零零六年四月五號↑

哇~呀旺咁俾面上黎呀~你個大名唔係度出現~係會少左D神彩既(好似太抬舉你)~係呀~泳池開左啦~幾時去玩深水炒彈呀?尋日同呀標去左將軍奧~又凍又熱~玩死我咁滯~不過星期三~你應該要番學啦~咁啦~假期叫過你去啦~如果你比面既話~呀~真係好耐都無去游過水啦~
↑二零零六年四月六號↑


嗚...歷盡辛酸~令人厭惡既測驗終於都過左啦~
係度略略講下流程先(流程?哈~唔好意思~呢排近得部PS2多呀)
五月七號呀~考英文同科學呀~我死都記得呢一日呀~
而且化左灰我都認得黃華昌條茂利呀=.=
第一堂溫習既~(記得好似係)之後就考英文啦~
成分卷得REPORTED SPEECH做得算係有少少成就~
其他就唔係度多提啦~不過要合格都應該無乜可能架啦~
之後就係考科學啦~本來呢一科呢~應該就係隱操勝券既~
但係無啦啦個監堂老師有事~無啦啦換左黃華昌入黎~
佢又係白痴既~又唔同我地講:同學~仲有最後五分鐘咋~果D
攪到我以為仲有時間~所以集中做D英文題~而無去覆卷~
之後做晒~覆卷既時後~發覺有五題填充漏左~正正補番~
個仆街竟然話~同學~夠鐘啦~停筆=.=望下個鐘~真係夠鐘~
頂佢個肺部呀真係~人做呀SIR佢又做呀SIR~做得佢咁賤都有既?
科學~無啦啦比人扣左N分~主科黎架大佬~咁線我=.=
放學後~勁唔据呀~番到屋企就訓教啦~無辨法~為左呢次測驗~
我第一次開夜車狂咪書~記得當晚溫到兩點幾先無溫~
唔溫既原因係呀哥番左黎~不過覺得唔抵既係~
點解我溫左咁耐仲係唔識做呢?算啦~第二朝唔使番學~煩事懶理呀~

星期六日既流程就MISS左佢啦~直落星期一~

考既係英文聆聽同中文~英聆好似幾易下~
但係我沒時間寫最後個REPORT~
中文仲白痴~做聆聽既候~部機壞左~
本來我唔知~見人地係度做做做~
當時諗~會唔會係自己部 易教學 壞左呢??
等左N分鐘~真係好驚~終於決定問老師~
就係呢個時候~禽獸英先話~各位同學~由於技術問題~
聆聽將會放係最後先至做既=.=車~早講啦~我心血少呀~
考完~只能以O嘴呢個詞去形容~我唔係咁識囉真係~
放學~本來約好左~話要去網工打機既~但係呢日有野做~
要去牛頭角拎野~肥寶同肥仔權話陪我去~
由蒙記行落裕民坊~再行落牛頭角=.=成粒鐘咁滯~
跟住去到-.-佢仲要無開添=.=女馬女馬白勺~
然後走既時候~我地比隔離兩部公仔機吸引住~
於是就唱左一D一蚊去夾公仔啦~晒左好多一蚊呀=.=
肥寶最好~夾到隻跳跳虎喎~都唔知係唔係路既~
明明見到夾到架啦嘛~升左上去即鬆喎~機件故障咩~
擺明就係昆水啦~激氣得滯~三個人走佬~
然後就行多半粒鐘去網工打機~打完鬆人LU~
番到屋企又係小休一陣~第二日考數學同西史~
所以小休左一陣之後就開始打機啦~開心哦^^

星期二~朝早同呀蚊出左去麥記度食早餐~
好味哦~然後佢比左條鏈我~幾靚喎!~
但係始終唔係咁明點解MOMO唔要=.=
一路食一路講癈話~之後就番學校啦~
第一堂又係溫習~不過我勸力~用晒成堂去溫西史~
呢次一定PASS無有怕呀^^
西史呢科~N年黎只係合格過一次~呢次無死囉~
跟住第二堂就係MATHS~噢NO~太難啦~
難都算啦~我仲要將D數做係早稿度~
之後無時間抄番落去張卷度呢下先斃家NAIL呀嘛
唉~算啦~唔多想理啦~之後又放學~
肥寶同肥仔權去左打機~我就要去牛頭角拎野~
去到既時候~見到表姐呀~佢個bb好得意呀^^
跟住係入面等左有d耐先到我~好支力哦~
番到屋企~呀標calling~話聽日去游水~正啦簡直~
好期待聽日哦^^夏天就係我既游水節~

星期三~考既係地理一科~講真~呢一科都係我幾驚既一科~
因為一開始就打定輸數~所以即使有成兩堂比我溫習~
但係我都用晒兩堂黎訓教~舒服哦^^
考試開始~我諗都無諗過~今次測驗會咁易囉~
我地理平時唔多聽書~考試測驗唔多溫書~
但係我就離奇地識做喎~不過有條題目叫我畫圖~
但係我就寫左條式~咁就無左n分啦~
放學啦~係屋企等呀標電話~好心急呀~
一點鐘~呀標打電話黎~話唔去官塘泳池~轉去將軍奧泳池=.=
雖然將軍奧泳池係大~係有好多設施~但係我唔知做乜~
我就係鍾意官塘泳池~呢個無得解~
不過大家都贊成囉~我又無理由反對~去咪去囉~
成班人傻傻下咁去等穿梭巴士~但係就...
唔記得左星期一至五唔開下晝~頂頂頂頂頂~
累我地白白等左十幾分鐘~~~~~~~~~~~~
跟住就行左去寶達搭93A~去度新都城二期落車~
唉哎~太耐無黎啦~唔記得條路點行添~
咁樣又轉左幾分鐘~終於都比我地搵到條路啦~
但係一路行一路覺~D人咁少既?一度以為泳池未開~
去到~原來有開到~只係個大池封Q左姐=.=
唉~對我黎講~泳池最好玩既除左張太陽椅同跳水池之外~
最好玩既就係大池架啦~封鬼左~咁我玩乜呀?
上左去晒左陣太陽~然後去跳左陣水~之後就教班人游水~
然後同呀標玩水中摔角~贏到一盤呀~
然後同弱智玩~我讓佢~比佢手腳並用~而我就淨用手~
唔使一分鐘佢就比我KO左啦~
跟住就沖涼離開啦~去左MTR前面間店食炒面~
九個人坐左係條街度食炒面喎~遠睇成班傻佬咁~
近睇成班乞衣咁~之後呀標話:如果撞到熟人真係瘀死啦~
點知話口未完~就有兩個同學經過=.=
雖然好細聲~但係我聽到佢地講:好樣衰呀~
當時有個衝動~就係想行埋去打鑊金佢地~
不過好彩~佢地唔識我~但係呀標就...呵呵~
跟住就各自回家啦~番到屋企~成身都好重呀=.=
好支力呀~但係好過癮呀^^

星期四~落毛毛雨~考既係中史~
又係驚既一科~又係打定輸數~
又係用左兩堂溫習堂黎訓教~
份卷又係易到爆喎~唉~唔多驚啦~
考完試仲有兩個講座要聽~叫我去死好過~
今日見到MISS WONG八掛既一面~
呼~無啦~都打左好多野~係咁先啦~

>>April 14, 2006 at 2:59:38 PM GMT+8

2006 年 4 月 2 日 星期日 【晴】

MOMO:=.=頭先落淘大~諗住走後門買個現成既算啦~點知一問個價錢...三百蚊一個=.=貴左成五倍~連個天都要我自己砌=.=仲有~說明書唔係一本架~係一張架=.=
↑二零零六年四月二日↑

呀蚊:係呀~係一條綠毛蟲~本來諗住送比佢做生日禮物~點知佢送番比我做生日禮物=.=
↑二零零六年四月二日↑

今日落左淘大呀~約埋輝~鍾偉賢~肥寶一齊去傾專題D野~
但係肥寶無去到~佢個借口仲離普~話去官塘墳場拜山=.=
話拜山都算啦~仲要話去官塘墳場=.=
同輝~鍾偉賢發誓~下次有咩分組都一定唔同肥寶一組~發發都係~
...星期六日通常我都係無乜野打架啦~今日就此收筆啦

>>April 2, 2006 at 7:45:50 PM GMT+8

2006 年 4 月 1 日 星期六 【晴】

呀敏>.<多謝妳唔逼我呀T.T
↑二零零六三月三十一日↑

好啦~今日主要有兩個消息比MOMO~
一個係壞既消息~一個係好既消息~
首先講左好消息先~好消息就係~
果千幾張紙仔終於比我摺晒啦>.<
連夜趕工之下~一張都無漏到落黎呀~哈

第二個就係壞消息啦....
我拎住堆紙仔~望住張說明書~
我...完全唔明佢講乜~完全唔明應該點砌=.=
好無奈呀我=.=

今朝早起身~清洗完畢後~又番入房摺紙~
十一點幾正式起身~食完野就番入房訓覺~
兩點幾先起身~哇~兩個肥仔黎左喎=.=
講開呢兩個肥仔~我就真係起火啦~
呀旺黎我屋企~佢全事先打個電話黎~
得到我同意佢先至會上黎~但係呢兩個肥仔~
直情當我屋企係賓館咁~上黎完全唔打電話~
係唔止一次呀~係不下數十次呀~無一次係有打電話黎~
成日叫我細佬同佢地講~話下次唔打黎講聲~
係唔會比佢地入黎架~點知情況照舊~
喂~我屋企黎架~唔好真係以為係麗晶啦~

N點之後佢就走左啦~跟住我就開始睇野啦~
尋日輝介紹一個網址比我~係關於漫畫既~
所以就上左去睇下~死亡筆呀^^
好鍾意睇呀~係呀~呢個係網址: http://dm.www.wangyou.com/html/class37/comic218.html
上去睇睇啦~係呀~呢度唔可以用ctrl+C呢個功能~
如果真係想睇既~就比D耐心~遂個字打上去啦~
如果唔想既~就禁下呢個連結入去啦~ 死亡筆記
我暫時睇到第二卷~但係已經令到我唔睇唔得啦~
早前聽絕情谷~大JO話呢本書好多字~睇到佢眼花喎~
但係我睇過~係~係就係多字~但係多極都比柯南少~
柯南果D字就真係密密麻麻啦~與其話佢係一本漫畫~
不如話佢係一本小說啦~果D就真係睇到我眼都花埋啦~
係呀~柯南我已經追到第五十卷啦~你地有睇嗎??
早前係漫畫店見到五十一同五十二都出埋~真係想快d睇呀>.<

睇完漫畫~又走左去訓左陣~食完晚飯~
就匿左入房睇霍元甲啦~普通話中~甲係讀假~而唔係讀腳~
暫時睇左A碟~元甲原來係一個自驕既人~車
跟住就出黎開電腦啦~依家係晚上十時十八分~
係咁先啦~等陣仲要聽903架~拜啦


↑輝送既禮物↑

>>April 2, 2006 at 12:35:05 AM GMT+8