2006 年 5 月 20 日 星期六 【晴】

五月二十號日記　天陰有毛毛雨

經歷...

今日既天氣唔係咁好~但係我都感謝主無令天氣繼續惡劣落去~
令到我有一個機會去經歷~令到我明白獨居長者既不便同需要~
同時都好感謝主賜比我勇氣~令到我有信心踏出呢一步~
縱然係面對佢地既當中~我並無主動咁同佢地傾談~
但幸好既係佢地都肯同我地傾談~係講解會中~姑娘提到~
有D長者可能唔會比我地入去~所以我都好驚會遇上呢種情況~
但係我身邊有一個有經驗同埋成熟既拍擋~呀SO~
從佢同長者們既對話中我都學習到唔少既野~
而且得到佢既體諒同鼓勵~我都嘗試向長者介紹自己~
係度祝福被我探訪既三位長者~

今日既經都幾多~本來約左兩點鐘既~我以為點半鐘到應該夠時間~
但係去到巴士站~等左好耐架巴士都未到喎~開始驚自己會遲到啦~
見到D巴士一架一架咁黎~但係就無一架係可以去到目的地既~
個心開始好急~希望巴士可以快D黎到~就係呢個時候~
我望到扣係鎖匙圈度既十字架~我諗番起我尋日打既日記~
人生好多時候根本唔使急~即使你急~架巴士都唔會早到架啦~
不如以平常既心去等待~就係咁~我平靜左~雖然巴士都係等左好耐先到~
但係無左果種焦急既心情~成個人真係輕鬆左好多~最後無遲到~

從長者既談吐之中~知到左原來佢地都有好多既需要~
佢地需要個伴~需要有人料理佢地個家~需要有人同佢傾偈~
我同呀SO探左三個~除左個病左既婆婆之外~全部都好健談~
可能係因為佢獨居~平時缺乏傾談既對象~所以一有人去探佢地~
除左開心之餘都會將心內想講既野一次過講晒出黎~
探訪既時間只有一個小時~其實時間都算短~但係至少我明白到~
佢地需要既野其實都幾簡單~一兩個可以談心既人已經夠~

尋晚同呀敏傾偈~感覺好似比佢鬧咁~
但係即時有種~聽君一席話~勝讀十年書~既感覺~
不過即使讀左十年書~係唔係可以解開心中既結呢?
我唔知~只係知道個心幾亂~希望可以將心交托~~~

>>May 21, 2006 at 2:54:49 PM GMT+8

2006 年 5 月 19 日 星期五 【晴】

五月十九號日記　完全型天晴

今日好好天呀~咁既天氣係舉行水運會既好日子呀^^
唔知佢地游成點呢...可惜我無去到呀~無得幫佢地打氣添
今日係最後一期要去醫院度覆診呀...
一路行...好熱好熱...終於都到左醫院~諗住可以拿拿睇左佢~
點知係掛號之前先發覺...原來我唔記得帶張紙=.=
望下個鐘~番屋企拎都係唔夠時間架啦...不如番去吹風好過~
慢慢行番屋企...真係好熱...但係如果行得快...會仲熱...
快同慢都只不過係速度...不過有時快未必好既...
有無試過係好急既情況下等升降機呀?感覺係唔係好心急?
不過急都無用~唔會話你急部機就黎得快d架啦~
不如定下個神~鬆下個心~慢慢等部機黎好過~
追巴士既時候都係咁~有時明知追唔到架巴士~不過慢慢行過去~
等過第二班都好~有時走去追...反而有機會跌親~
有好多事都係急唔黎架~慢慢去等~點都會出現既^^

聽日就係二十號啦~瑞午節就黎~要去派種比老人家~
前幾日個天氣咁差~真係驚果日派唔到種呀~
好彩隻珍珠走得快~天氣又轉番好~今日咁好天~
聽日都唔方會差得去邊啦^^感恩~~~~~

>>May 19, 2006 at 7:41:08 PM GMT+8

2006 年 5 月 15 日 星期一 【晴】

五月十五號日記　天晴天晴天晴

放學同歐龍一齊番~係巴士站有個伯話要去麗度海鮮酒家~
我唔知係唔係老人病啦~同佢講野好多時佢都聽唔到咁~
有時我唔明佢講乜野~不過我都好有耐心咁教佢點去~
可惜既係~我既能力有限~直至我上車果刻~我都係幫唔到佢~
其實我知道間酒家係邊個~只係我唔知道可以坐咩車去~
臨上車前我叫個呀伯~見到有車就問下個司機~
因為司機始終有經驗過我~道路熟過我~一定幫到呀伯~
今日賺左PS一百蚊~其實有種衝動比廿蚊個呀伯搭的士去~
只係我最後都無咁做~講到尾都係自我中心及錢作怪~

番到黎就比呀媽叫左落街買野~係升降機度既奇聞~
我搭落地下啦~途中有兩姐弟入黎~個家姐同個細佬講~
知唔知道同人玩包剪鎚既時候千奇唔好出剪呀~
因為呢~包就係五咁解~剪就係二咁解~鎚就係零咁解~
如果用普通話黎講呢就係五二零(我愛您)咁解啦~
即係話呢如果妳出剪既話呢就係愛對方咁解咁~
所以千奇唔好出剪呀...(我一路買野一路陰陰咀笑)

講真喎~我依家先知到包剪鎚係包含左我愛您三個字架喎~

>>May 15, 2006 at 10:40:25 PM GMT+8

2006 年 5 月 14 日 星期日 【晴】

五月十四號日記　天晴但涼風陣陣

說鬼.......

約左呀蚊出黎游水~我就介紹左呀標比佢識~
游完水搭車番屋企時~比左張以勒教會既卡片佢~
希望佢下次可以同我一齊番去啦^^
車上~同佢地係度講耶穌與鬼~
呀標話三十歲前點都會撞到一次鬼~
其實撞鬼既經歷我都係有唔少架~我同呀標講過dd
就係話說有一次~我係鄉下度既時候~
係街市度有一間屋火燭~其中一名死者係孕婦~
無幾耐之後~我係祠堂度見到一個燒焦左既孕婦企係度~
因為當時細個~依家記憶模糊~我都唔知係幻覺定真有其事~
仲有一次就係~我個親人因為精神病離開左~
跟住我呀媽就拎左佢間屋黎做廚房~
然後有一晚~我經過果度~然後見到有隻手既影係浴室都揚下揚下~
跟住大家都講左好多撞鬼既經歷~不過認同既係~
當驚既時候~只要諗住:耶穌基督與我同在!　咁就會平安架啦~
今日真係好特別~因為我地平時所傾既都係一D好笑既野之類~
但係今日傾既反而係關於耶穌既野比較多~

人一出世~本來就係無一物~乜都無~自然就唔會驚啦~
佢地唔會驚自己一個~唔會驚撞鬼~
佢地驚既係肚餓無野食~賴屎無人幫佢換~
不過對於人黎講~呢D本來就係需要~
隨著年紀既增加~環境~朋輩~說話等既影響~
最重要既就係心智既成熟~我地接收左好多鬼神之說~
慢慢地好多不思議既事都會同鬼怪扯上關系~
我地變得越來越無安全感~我地怕自己一個~
有時候~無成長過反而更好...

>>May 14, 2006 at 10:30:09 PM GMT+8

2006 年 5 月 13 日 星期六 【晴】

五月十三號日記　早上天晴而中午漸轉陰涼

今朝九點未到就番到學校~因為要到翠屏某幼稚園探D小朋友~
幾個禮拜前就已經知道左~不過朝早去到見無乜人~勁驚遲到~
不過好彩後尾知道左原來臨時改左地方~唔係自己遲到~
去到除左係探D小朋友之外~仲要同佢地玩下遊戲咁既~
我地組就同佢地玩左兩個遊戲啦~其中一個就係...我都唔知叫乜名~
不過D小朋友好似唔多合作咁~初時佢地入黎既時候~
有一個望落去同埋同佢傾偈既時候~佢真係幾乖咁架喎~
不過同佢玩遊戲既時候~佢又扮king kong(我唔知有無~肥寶話有)
跟住又打其他小朋友啦~又係度嘈又剩咁~同初時唔同晒~
當時真係唔知果一個鐘究竟可以點捱~玩呢個遊戲用左四十分鐘~
間接地令我跟住果個遊戲既時間少左~不過跟住果個係由我主持~
我又唔想表演咁耐~所以我得番二十分鐘都無乜所謂~最好再少d添~
我玩既就係魔術~d小朋友都算係興奮架啦~我諗~
佢地最開心就係可以出黎做助手~哈哈~無論玩邊一個魔術~
佢地都有份出黎幫手表演~不過有人就多d~有人就少d~
咁樣既話自然就有人會唔開心~所以到左最後都係有小朋友哭咁口~
不過令我最深刻既係其中一個小朋友~佢完全唔似其他人~
佢從來都無嘈過~都無話要做我既助手果d~一個鐘頭入面~
佢就好似隱形左一樣~不過我同肥寶就全程都留意住佢哇~
因為佢真係太特別啦~到左最後~終都見到佢DANCINGE~幾活潑喎原來~
之後同班小朋友SAY左 GOOD BYE就解期LU~
跟住諗住呀標會打電話叫我去游水~點知佢無打到黎~
最後打黎既係呀金~因為之前係學校既栽培小組度~
我同波姐提過話想去教會但係就無人陪我去~所以到依家都未去過~
跟住波姐就叫呀金帶我去佢去果間教會度啦~
呀金叫我係牛頭角個地鐵站度等佢~唔係係唔係驚遲到啦~
我早到左~而且早左好多添~所以都等左幾耐下~
去到教會~無諗過波姐都會係度囉~佢既身形...一望後面已經知道~
呀金同某D人介紹左我啦~咁又帶去參觀下其他地方啦~
然後我地又玩左個遊戲啦~之後就開始小組討論啦~
我唔記得我果組有邊幾個組員~只係記得有一個係特別攪笑架~
好似叫咩咩咩~跟住又有個乜都唔知既人叫做唔知~
係個小組度討論左好多野啦~主題就係水變酒既神績啦~
乜玲(應該係帶組個組長)又問左幾個問題啦~第一個就係耶穌點解會咁樣同佢呀媽講野~
一個就係點解佢唔真接變D酒出黎而要叫個用人(即倒酒果D人)倒左D水落個缸度~
仲有就係係呢個神績度耶穌仲做左D乜野多餘(特別)既野~
可能我係第一次去啦~其實我都唔係咁明講緊D乜野~
我淨係知道各個人既答案都好特別~特別係果位叫唔知既人~
因為佢既答案就係唔知~組長講話佢上幾次唔係咁架喎~
跟住又祈禱果D啦~然後就散組啦~跟住組長過黎同我傾偈~
波姐又過黎同我傾偈~佢仲特別傾肥寶~講左好多好多野~
我最記得既就係~波姐話肥寶係果種大唔透既人~唔唔~好認同~
跟住波姐就行開左啦~不過我以為仲未走得~一直企左係果度睇野~
之後有個人問我~你係唔係等埋呀金先走呀~果時我先知~
原來一早就可以早架啦~不過我唔知~見橫掂都係囉~等埋呀金先啦~
跟住就一齊走啦~去到巴士站~見到係寶達打波時成日都見到既果班童黨~
唉~見到佢地都唔方會有咩好野架啦~見到佢地係度亂咁吐口水~
果時真係望有個差佬行過罰左佢地千五呀~咁先過癮架嘛~
跟住就搭住車咁番黎啦~番到黎以經好晏啦.....

>>May 13, 2006 at 10:48:31 PM GMT+8

2006 年 5 月 12 日 星期五 【晴】

五月十二號日記　早上陰涼後逐轉天晴　心情矛盾

日記開始：

上次打日記已經係兩個星期之前啦~對於我黎講~
始終都係唔捨呢個日記~經兩星期既掙扎~
我終於都係上黎打番日記啦~不過開始之間又有唔想打既感覺~
慶幸既係我都係堅持左落黎~不過咁耐無打~
忽然之間要打番~唔係咁記得要點樣開頭LU~嘻

係度插下個曲先~我已經決志信主啦^^

今日係MISS WONG離開蒙記既日子啦~大家個班房度為佢攪左個歡送會~
今日我地班可以話係除左中一之外唯一一班係班房LUNCH既班級~
面對離別~好多人都話要同MISS WONG合照~當然我都有啦~
不過係呢片歡樂既氣氛之中~完全無果種應有既離愁別緒~
究竟MISS WONG既走~對我地黎講係一種解脫~定係開始呢?
對MISS WONG黎講~佢既開始~定係佢既解脫呢?
畢竟我地班帶比佢既除左傷心就係憂心~因為佢無果種樂觀~
好多事佢都唔可以一笑置之~係我眼中~佢係喊包一族~
但係佢對我地包容~用心教我地~呢d都係令我為之感動既地方~
歡送會中~我坐係窗邊~無食任何野~佢走埋黎比左舊PIZZA我~
歡送會之後就係一大包污污糟糟既垃圾~無人理~我理~
跟住MISS WONG就走左啦~直至放學我先見到佢~不過係最後一次~
盼望佢去到新既地方可以遇到令佢稱心既學生~默默祝福~

Dear Sam,
you're a gentleman in the class! No matter
whar kinds of problems you way face,
do no give up learning!

>>May 12, 2006 at 9:20:34 PM GMT+8

2006 年 4 月 27 日 星期四 【晴】

好笑囉今日~之前係戀谷睇左個笑話~
今日上堂時無啦啦諗番~所以就用左黎對付 輝啦
我同輝講話我會講個故事比佢聽~
個故事分為四段~我開始講第一段:
小明話每個月會比一萬蚊佢老婆使~
但係佢老婆每個月只係收到四千~
於是就問小明另外個六千大元去左邊~
點知小明摑左佢一巴然後話~
D錢係佢搵既~佢想比幾多就比幾多~
第二段啦~小明個老婆整緊煎蛋~
小明就問佢~唔係話整火腿架咩??
佢老婆就摑左小明一巴然後話~
野係我整既~我鍾意整乜就整乜~

(呢度係戲肉啦)
跟住我同輝講~依家講第四段~
點知呀輝中計~問我:咁第三段呢?
於是我就摑左呀輝一巴~然後講~
故事係我講既~我鍾意講邊段就邊段~
哈...攪到佢噢晒嘴咁~係勁野呀...

放學落圖書館當值~YEAH~好多日無去到啦~
原來已經換左新既當值表啦~我做書包~
書包??我都唔知係做咩既~所以又幫人排書~
又幫手做影印果D~然後就坐左係度睇書啦~
番屋企時見到呀蚊~一齊番囉~仲有PS~
都唔知佢地做乜~人拍拖一齊行~
佢地拍拖就係一前一後既~前後腳咁做乜??

唉...我...真係=.=
有桃花運但係無戀愛運...乜料=.=

>>April 27, 2006 at 10:16:27 PM GMT+8

2006 年 4 月 27 日 星期四 【晴】

今日番信仰小組~有好多人都無番到去~
連MOMO都無番~唔知佢地係唔知今日要番呀~
定係佢地專登唔番~我淨係知呀魚同out day就係專登~
小組時波姐問我地有無聽過約伯既故~
咁岩得咁橋小組前果堂上聖經~而我無無聊聊就睇左約伯記~
所以我大概知道約伯既故事係講D乜野~
波姐叫我略略講下約伯既事同耶和華點樣試探佢~
之後波姐話~點解我地番屋企~父母會開門比我地呀?
咁係因為我係呢個家庭既一份子~同樣地~
我信左父之後~佢既門都會為我打開~
之後佢仲講左好多野~同組既人亦都講左好多生活經歷~
跟住果堂上既係閱讀堂~我睇既書係 愛是不保留~
又係咁岩得咁橋~咁岩有一段係講~有白血病既主角~
同佢女朋友講約伯既故事~佢自己就好似約伯一樣~
神令佢有呢個病~一定係想籍此顯現某D野~
所以主角直至死去果刻都係咁平安~
呢個時候~我有種奇妙既感覺~點解咁岩既?
咁岩睇到約伯記~咁岩波姐講約伯呢個人~咁岩書度又睇到~
於是我好細心咁將約伯記由頭睇到落尾...
發現到句經文~係提幔人 以利法 對約伯講既其中一段~

你曾經教過許多人
又堅固了無力的手
你的話扶起了絆倒的人
你使彎曲乏力的膝堅挻
但現在禍臨到你,你就灰心
災禍遇上你,你就驚惶沮喪...
(約伯記 4:3-5)

災禍遇上我,我就驚惶沮喪...
即使我成日同人講呢樣唔使驚果樣唔使驚...

>>April 27, 2006 at 10:03:33 PM GMT+8

2006 年 4 月 26 日 星期三 【晴】

呢個日記開左咁耐~我從來未見過佢係show隨意度出現~
如果要佢係當年今日出現~起碼都要等到下年十月先得~
呀~~~~真係想佢榜上有名呀....等>.<

今日終於都無同呀蚊去麥記啦~自從每日同佢去麥記~
我每日都要徙多五蚊既車費~一個禮拜就廿五~好甘~
既然今日無同佢一齊出~我當然係回復遲番既本性啦~
今朝差唔多八點鐘先出門口~搭二就番到學校啦~
見到輝~令我諗起D野~不過一時唔記得左係乜野~
番埋位~望到飛機=.=成塊臉都甩晒板~咦...極核突呀...

去到美術室~張sir又係到亂UP啦~係度話佢偷太太D眉筆~
偷學校D畫紙果D=.=都唔知佢係講真定鳩吹~
上佢堂時爆眼訓~有四分二堂係熟睡之中渡過~
小息時落左去操場買冷衫~一直都好想著下背冷~

數學同中文就唔講啦~教師會議~上埋呢兩堂就番得屋企啦~
巴士站見到小朗朗~同我呻氣~話比波姐老屈~比老梁老屈~
唔知可以同佢講乜好...然後就落車啦~行番屋企~
唉~先果十二點=.=入房打左陣機~唉~先果兩點幾~
出左黎睇左陣闔府統請~三點幾又番入房打機~
然後BB妹就黎左我屋企啦^^哈~佢真係好得意呀~
塊臉又好彈手喎~但係要抱住佢行黎行去~唔係就喊架啦=.=
呀媽幫佢換片果時又喊喎=.=BB~就係咁鍾意喊~~~
唔知我細個時鍾唔鍾意喊呢???

>>April 26, 2006 at 8:50:19 PM GMT+8

2006 年 4 月 25 日 星期二 【晴】

廿六頁啦...唔知幾時先可以到一百呢?
又唔知...自己幾時會放棄呢個日記呢...
聽日?一個月後?一年?定係以後都唔會呢?
其實呢個真係好難講架~打唔打日記~
我係因心情而定~心情好~點都打~
如果心情唔好既~一係就唔打~一係就打少少~
不過如果心情真係好差既話~放棄日記囉~
不過之後又會打番~但係我想知既係...
幾時我會永遠棄呢個日記...係永遠~~~~

今日又從頭睇過晒自己d日記...都幾多下=.=
打日記咁耐~剷過唔少無聊野~唔係既依家三十頁啦~
見到自己呢份恆心~真係覺得好安慰~
可能依家黎講~打日記係我唯一開電腦既理由~
繼續啦^^

今朝食左四粒燒賣~飲左杯水~咁就番學啦~
又約左係呀蚊係麥記度等~不過無買到野食~
因為好多功課呀~miss wong兩份喎~
做唔晒~每份欠三頁~都唔知會唔會收佢功留~
離開時落雨~好彩呀蚊有帶遮姐~唔係就變落湯雞架啦~
番到學校~發覺唔見左份maths 小測~甘囉呢鑊=.=
之後又發現未做mrs ling既小測改正~甘多野=.=
算罷...

第一堂上既係地理~pass左~獎品係蘋果綠茶一包~
不過份卷我真係有好多地方都唔明~特別係英文果part~
佢叫我畫圖我就以為係叫我寫條式出黎~
條題目四分架~咁就唔知去左邊啦~仲有地圖果度~
果d經緯度我就以為係風向~所以果題又衰左~
三分拎得一分~不過呢~咁既樣都pass到~奇績~
數學堂時~以為miss lee會講埋淨低d數啦~
點知佢就係度訓話~話我地有能力但係唔肯學呀果D咁~
不過呢D唔講~佢向我地講左一件事'~
佢話~係地鐵站見到一個學生(我學校)~佢拎住張八達通~
但係就出唔到閘喎~原來個閘口壞左~打左個紅交叉係度~~
MISS LEE話我地就好似佢地咁~做題目既時候唔睇清楚~
所以好多唔應該錯既地方都錯左~好唔抵咁~
乜...係咩???

PE堂呀SIR又做體操~今日做側手翻~拉親隻腳呀我~
跟住搵左傻輝幫手~點知佢捉住我隻腳~叫佢放又唔放喎~
所以我就用腳夾住佢個頭~然後一翻上左佢度比佢抱住~
咁樣先落到地~不過在場既人(包括呀SIR)都呆晒......=.=
不過呢D高難度既動作~成堆人真係無乜幾個做到...
之後果D都係低B野~係呢度就無謂多講啦~
上完PE堂就去左canteen度食野~途中小朗朗同人打架~
然後成堆人就係度爆串~(成堆人都係串同小朗朗打架既人)
經典兩句~我眼鏡都啤爆你呀~我啤到你連底褲都笠係個頭度呀~
吹漲呀真~然後成堆人一齊食野~傾野~

食完野上MISS WONG堂哦~呢個無經驗既老師~
郁D就投訴比MR LUENG知~郁D就喊苦喊忽~
有少少頂佢唔順呀=.=好想MISS WU教番呀~
派卷啦~英文...有22分呀^^滿分97=.=
跟住落堂~三人行又去左行花園~然後就番學校~
中堂波波又係度訓話~西史派卷~
中學以黎~第二次西史合格~50/98~開心唷^^

然後就放學啦~等車途中撞到呀標&呀權~
一齊行左去地鐵站搭13M~係果度又見到呀超~
然後開車走...見到SK......
第二站見到籮柚同家家喎~仲有炳炳~
嘩~~~今日撞到咁多人既???以前又無呢個情況喎~

第三個小息同班友仔係班房度玩扯大欖~
然後OL又黎左~好鬼死淫呀佢~攪我喎~

番到屋企係咁食旺旺雪餅~好味呀>.<

>>April 25, 2006 at 10:18:01 PM GMT+8