2006 年 3 月 5 日 星期日 【晴】

回覆呀篤的留言:唔好意思~我已經入左MSN既空間~但係我見唔到你所講既RRS呀~=.=
↑↑↑二零零六年三月五號↑↑↑

回覆薄荷葉既留言:唉~D日文字係我亂打一通架~本來諗住係愛黎餵我隻MERO既~但係好似無乜用咁~佢都唔曉大=.=
有呀有呀~我日日都有上妳個版~不過就好少留言咁囉~妳叫我打日記就叻姐~留言我真係唔多識架~萬一留左D唔應該留既野~咁我會好危險~妳明架啦?仲有呀>.<唔好唔上我個版呀~妳望下留言果度就知啦~個版真係得妳地幾個會上黎~無左妳地~呢度會好空虛~
係呀~我好懶下架~所以n世都無改過密碼~益晒妳啦擺明~至於佢係邊個...其實我唔多想講~不過我想講~好感可能係朋友上既好感~亦可能係我既錯覺~算啦~以妳既-----好難解釋得妳明~
↑↑↑二零零六年三月五號↑↑↑

倒數第二十四日

今日真係悶死我啦~靈魂上既死亡>.<
悶到我唔知做乜好~唯有入房打the room啦~
終於都爆左第四關啦~D monkeys好死頂呀~
D鬼仲惡頂~飛得火箭咁快~唔死偷笑囉真係~
依家睇緊情癲大聖~翻睇第二次~好笑呀~
不過呢~成套戲太多特技啦~無左自然感~

頭先呀蚊又打電話黎啦~我地一時講笑一時傾心事~
唉~成日都同我講MOMO~MOMO~MOMO~MOMO
之後無啦啦問我對佢有無好感=.=~叫我點答???
然後就話呀MO靚女(邊忽?)~話我靚仔(唔唔)~
我地好襯~我即時o都長左個咀咀~
呀蚊~你都係去做和尚把啦~係度攪屎棍~

比呀蚊里媽媽雞左N次~頂佢
聽日約左佢係飯堂~叫佢表演佢既魔術~
好想睇下呀~我都係一個魔術迷黎架>.<
好啦~期待明天啦~

>>March 5, 2006 at 8:58:51 PM GMT+8

2006 年 3 月 5 日 星期日 【晴】

頂~笑死我~依家既時間係午夜十二點零八分~
聽緊既係森美移動~以下係兩分鐘前聽到既森美電話~

鬥~~長~~氣~留意

陳強=A~ 參賽者=B~

A:你好!我地係森美移動打電話黎架~依家我地舉辨左一個鬥長氣既活動~
只要你夠長氣~就有機會得到我地送出既森美吹氣公仔一個~
依家我數一二三~然後你大吸一口氣之後就開始~呀~明白未?明白就開始啦~
一~二~三~開始~

B:啊~(吸氣動作)~呀~呀呀呀呀呀呀呀呀呀呀呀呀呀呀呀呀呀呀呀呀呀呀呀~~

A:你既成績係~十八秒~想唔想玩多次~想既請按一字~

B:唔啦~

A:唔想既就無獎品~

我當堂比佢吹漲~依家既時間係午夜十二點十四分~聽緊既係森美移動既~森美量產型~

>>March 5, 2006 at 12:15:36 AM GMT+8

2006 年 3 月 4 日 星期六 【晴】

回覆呀敏既留言: =.=其實妳係唔係滿腦都係諗住點樣玩人(我)點樣玩人(我)呀=.=好易嚇親我架咁=.=
係呀~因為每次睇完你既日記~我都唔知留D乜野好~真係有諗過留 細草到此一遊 架....不過呢~~好似唔係咁好咁~上次有個人係度留左句恭喜發財~我都已經想打佢咁滯~

倒數第二十五日

尋晚係難得既星期五~但係我就無聽到星空奇遇鐵尼喎=.=
因為尋晚真係好眼訓呀~玩左一陣the room之後就開始覺覺豬啦~
不過今晚我一定會聽森美移動架~仲有~今晚鋼之練金術師大結局~
就算我之前N咁多集都無睇到都好啦~我呢一集我一定會睇架~
依家既時間係晚上九時廿四分~我睇緊 我MISS係大佬~
依家做緊裕太同佢呀媽重逢果幕~好感人唷~
其實日本真係幾好野架~卡通又畫得靚又生動~
拍既電視劇又正~就好似呢套 我MISS係大佬咁~
雖然話套戲經常都有暴力鏡頭~不過我就係鍾意~

係showhappy個討論區見到個POST~於是就申請左隻小水滴黎養啦~
依家你係留言區上面見到既果隻藍色小可愛~就係我隻小水滴~YING B啦~
不過我唔知道點養佢架=.=唔知使唔使帶佢去散步果D~
又唔知使唔使陪佢玩遊戲呀~餵佢食野呀果D~唔知會唔會死?
如果你地有人係知道點養既~唔該你地留個言教下我啦~唔該!!

講開養野~屋企養既魚魚又死多兩條啦=.=點解??
我又唔係唔餵佢食野~餵既野又唔係多~
D水溫又唔係低~廿五度岩岩好啦~況且都唔會死啦下化?
D水又唔係話好污糟喎~做乜一條兩條去晒見耶穌??
依家得番兩條咋~千奇唔好有事呀>.<

今日大概發生左咁多事到啦~仲有一件事.........係上面既保密度~

>>March 5, 2006 at 12:18:05 PM GMT+8

2006 年 3 月 3 日 星期五 【晴】

回覆呀敏既留言:=.=其實我不嬲都話妳靚架~都係都要妳認先得架=.=而且妳成日都話自己扒~到後來就無人會讚妳靚架啦~所以有人讚妳時~就擺個V字手勢出黎啦>.<
↑↑↑二零零六年三月三日↑↑↑

回覆薄荷葉既留言:....................妳係估中左=.=不過我無野可以獎比妳=.=
唉~妳唔係話成日係屋企都比呀媽嘈架咩~咁有時間留係學校咪溫下書咁囉~對妳又無壞影嚮~係咪先?(我知妳實話唔係架啦=.=)
↑↑↑二零零六年三月三日↑↑↑

倒數第二十六日

今朝真係凍凍呢=.=呢我都話凍既日子通常都係極凍既日子~
一諗起今日仲要上PE堂我就開始驚驚~驚凍凍~
而且一諗起今日又係踼波=.=唉~都唔知呀sir係唔係痴既~
連續三堂都係去踼波~而且仲要徙半堂時間去鬧人喎~

好唔鍾意足球呀>.<成堂都企係場邊~同肥寶討論班友仔~
MINGMING同小朗朗係度發癲~次次踼波都係咁既佢地=.=
嘟嘟嘟嘟~打完鐘去左飯堂食野~唔多飽囉~
lunch去左惠康買左支柑桔&去左OK買左支潤唇膏~
我個咀咀...爆開左呀~好驚

之後又係梯口見到SK(................)
見到係開心~~但係當唔識果下真係=.=唉~
好想同佢say HI 呀~

班會攪歌唱比賽~同肥寶佢地共五個人合唱 男子組 呀我地>.<
我做呀梁漢文~湯子做林狗~其他唔知~而且首歌我唔多熟架~
肥寶要幫手搵純音樂&同我地惡補歌詞啦^^
而我自己就參加左獨唱~張敬軒既 遇見神 ~好聽&好有基督FEEL~
希望可以盡力唱好佢~三月二十四~大家努力~~

放學就番黎啦~呢個星期我食鬼上身~
見肚腩就開心囉~講笑~今日係咁先啦

>>March 4, 2006 at 2:00:33 PM GMT+8

2006 年 3 月 2 日 星期四 【晴】

回覆呀敏既留言:其實唔關妳事既~妳又唔係妖怪~點會比妳個樣嚇親=.=而且~妳都幾...既~不過我係比妳既舉動嚇親~仲要係突然間果隻~我真係好驚呀>.<
↑↑↑二零零六年三月一號↑↑↑

回覆薄荷葉既留言:=.=乖D啦~留係學校就抽D時間出黎做功課OR溫書~占卜既野好迷信架~我覺得唔應該咁沉迷囉~而且妳都想D成績好架~~~
係呀係呀~我比佢電暈左呀~電到三級燒傷添呀=.=
唉~妳真係傻到一個一個咁去試呀?係咁最少要試二百四十次喎?妳將呢D恆心放係學習上面仲好啦~係咪先?不過都總算比妳撞中左~唉~呀蚊真係可憐呀可???
聽日唔去啦~呀蚊佢話唔得閒去喎~所以我都唔去啦~唔想凍親~~~~~~~~~~呀~~~~~~係咁啦
↑↑↑二零零六年三月二日↑↑↑

倒數第二十七日

食飯時見到佢~肥寶話今日見到佢幾索~
唔唔~其實我一直都係咁覺得~

食完野就周街行~呢幾日唔見左呀婆呀~唔知佢去左邊呢?

又係234時間~今次五分滿分~唔唔~

又唔記得買鞋~聽日點上PE堂呀???

頭先上聊天室呀~唔知做乜今日既氣氛唔係咁好~
呀蚊又係成日唔應人咁~MOMO呢.........................
佢今日無咩野講~類似果隻問一句答一句果D~
D氣氛咁差~攪到我都無乜心情留係果度=.=
都唔明佢地做咩~唉~好煩呀好煩呀好煩呀~~~~~~~~~~~~~~

聽日就係星期五啦~又要開始訓覺lu~

總結~今晚唔多開心~
不過~佢真係好靚呀>.<
可惜我只能單戀~

>>March 4, 2006 at 1:59:59 PM GMT+8

2006 年 3 月 1 日 星期三 【晴】

笑話一則

雖然我呀爸成日哦我~但係我想講~佢真係好鍚我~

記得細個既時候~屋企好窮~我地窮到連買遮既錢都無~
呀爸佢見我成日落雨都好驚~所以就係全香港既地下
都鋪上地下道路~於是我唔使再過果d雨淋既日子~

記得細個既時候~屋企除左窮到無錢買遮之外~
仲窮到連買衫既錢都無~呀爸~佢見我成日都凍到震~
所以專成由倫敦問呀BBJ借D戲衫比我著~
因為當時無細碼~所以要特別訂制~

記實細個時~屋企無錢買衫買遮~更加無電視~
同學之間講緊小忌廉~我都唔知佢地UP乜~
呀爸見我同佢地無話題~於是日日比我去戲院進修~
從此我係學校成日講A計劃~同學們都好恨~

我諗細路都鍾意寵物架啦~我都唔例外~
不過呀爸話屋企無錢~買唔到寵物比我養~
就係咁我發左呀爸四個禮拜既脾四~
呀爸見到咁~佢好傷心~所以就話將加勒比海條鯊魚送左比我~
同學話寵物唔餓得~所以我每日都要坐十幾個鐘頭飛機~
由香港飛去加勒比海喂我條鯊魚~

因為果時我成日都要飛來飛去~所以趕唔到學業~
呀爸怕我讀唔成書~但係又唔想我唔開心喎~
所以就成家人飛埋過去同條鯊魚一齊生活~
我地一家六口~加埋條鯊魚~每日既開支都好龐大~
每一日人地食豬肉~我地就只能食燕子既口水混合物~
人地每一日都田螺~我地每一日就只能食雙頭蚌~
人地每日飲珍珠汽水~我地每一日只能食幾百年前既梅酒~

唉~點解人地既生活咁好~我地就咁慘?
不過點都好~我係唔會怪呀爸架~因為佢~我既童年先至咁開心~

>>March 2, 2006 at 9:17:27 PM GMT+8

2006 年 3 月 1 日 星期三 【晴】

回覆呀蚊既留言:你唔好咁灰啦~天下既女仔何其多??使乜為左粒豆豉走去自殘?係咁意唔開心下咪算囉~係唔係先??仲有~食多D里媽媽雞啦~對舒綬情緒有幫助
↑↑↑二零零六年三月一號↑↑↑

終於到三月啦~倒數第二十八日~

朝番到又欠功課~西史~驚呀~
放學比MRS LING叫左去~
比佢問左D野~不過我無答到佢~

同呀蚊拜左之後~又比老師問完話後~
想上去留堂之際~突然閃左個人出黎(邊個??)

佢話:我係果個呀敏呀~你等唔等埋momo呀?
我:唔啦~我要去留堂(其實我應該去醫院~比佢嚇死=.=)

頭先呀蚊又講心事啦~好灰呀佢=.=
失敗既愛情~又俘虜左一個人啦~

我~已經回復左少少~依家又到呀蚊

唔想打咁多啦~

>>March 2, 2006 at 9:17:13 PM GMT+8

2006 年 2 月 28 日 星期二 【晴】

哈哈哈~今日開始234奮進班啦~YEAH~
老師叫左D高班人士黎睇住我地~
其實我除左抄書之外~基本上無野可以做~
但係又唔想睇我個人悶喎~我可以點做呢?
於是我就將一條困擾我好耐既數比佢~
問下佢有咩方法可以計到兼好快計到呢~
條數係咁既:
A等於2D over B加1 over D~將佢既主項由A轉做D~
就係咁~我地成堂都係度討論呢條數~

五點正放人~我有四點五分~唉~賄賂左佢都係得四點五=.=
聽呀蚊話要同MOMO補習~走左落飯堂~
呀蚊見唔到~但係見到MOMO~咁乖做功課???
夜晚同我講~原來佢玩緊既係占卜~唔係做功課=.=

吹~~~~~~~~~~~~~~~~~~~~~~~~~~~~~~~~~漲呀

>>March 1, 2006 at 10:20:08 PM GMT+8

2006 年 2 月 27 日 星期一 【晴】

回覆薄荷葉既留言:其實我有時都幾灰既~不過呢一排我真係開心左架啦~可能因為呀蚊~都可能因為同妳傾偈~不過我更加相信係自己既睇得通~記得妳同我講過~見到人唔係走開~要行埋去打下招乎咁~雖然我唔敢咁做~不過見到佢總算無走開囉~做到呢點覺得自己幾掂~
妳......可愛嗎???(講笑姐~其實幾可愛?既)^^
↑↑↑二零零六年二月二十八日↑↑↑

又係星期一 =.=
唔知做乜~以前星期一硬係我最黑仔既一日~
今日以為自己都會好黑咁~但係又出乎意料之外喎~
今日我好平安~無功留無操留無缺點~亦都無比老師罰等~
同明星宇去左H01做功課~唔多識呀=.=
成粒鐘都係晒度練倉頡~每分鐘只有四十六個字~成績唔理想~
不過篇文入面有好多字都唔係我日常打既字~唔識好正常~
番到黎就開始玩the room4~舊年買既呢隻game~
但係我拎極都拎唔到九粒星以上=.=
仲有就係隻最終boss極難打~與其話難打~不如話唔夠時間打~
因為重打N次~次次打完個女仔已經死左=.=
前幾日我重開新遊戲~以easy mode完成~
依家暫時打到公寓(2)~唔知包color pen應該放係邊=.=
我已經放左排球~桌球~招財貓~仲淨個color pen
就可以令間倒轉既房回復正常架啦~~~
不過掛住打機~唔記得做功課~所以~走啦~聽日再打啦^^

>>March 2, 2006 at 9:18:07 PM GMT+8

2006 年 2 月 26 日 星期日 【晴】

早晨套餐~送比你地既係一首我搵左好耐既舊歌~
我諗好多人都睇過~長腿叔叔~呢一本書~
但係你地有無睇過~長腿叔叔~既卡通片呢?
呢套卡通頗有歷史架啦~記得當時好多細路好鍾意睇~
當然包括當時仲係細路既我~以下呢一首歌~
就係~長腿叔叔~既主題曲~由~唐韋琪~主唱既~夢中情人~

夢中天使 (按動可連結收聽)

主唱:唐韋琪

心中的牽掛
悠悠講給天空知
每一串夢兒
埋藏我的心事
簡單一封信
無窮愛意話你知
盼會交到你手上
心中的天使

藍色的天空任鳥飛
水邊清清小草讓我躺
心中永永遠遠懷念你
你是我家　Ha Ha
長腿叔叔你好嗎
交出溫馨的心是你嗎
可否某個季節來伴我
解開牽掛
La La La La La La...

藍色的天空任鳥飛
水邊清清小草讓我躺

呢兩句我最鍾意~

>>February 26, 2006 at 6:23:17 PM GMT+8