2006 年 3 月 31 日 星期五 【晴】

呀敏:係呀~~~篇日記因為唔想比人知道~所以咪鎖埋佢囉~如果妳想睇~可以比密碼妳~不過唔係依家囉~可能要好耐之後~所以都係唔好睇啦=.=唉~~~
↑二零零六年三月三十日↑

越諗越唔開心呀>.<
都唔知點解會咁既~

今朝番學呀~無咩特別事發生~
係有少少睇飛機唔順眼姐~
尋日本來要去禮堂既~跟住佢仲係到做緊功課~
小朗朗叫佢唔好做~佢唔聽~就搶走佢支筆~
然後佢就打小朗朗~小朗朗還手~兩人攬埋一舊~
咁我埋走去拉開佢地兩個囉~然後同發機講~
叫佢唔好咁硬頸~點知佢打我~白痴低能架?
然後佢走左出去~我都算好氣架啦~未嬲佢不但只~
仲出去諗住安慰佢~點知比佢一野on開左~
當時我第一次有想打佢既感覺~第一次覺得佢唔值得幫~
一直以黎~我都係企佢果邊~除左有時笑下佢之外~
但係佢既性格係~一唔据~就郁手郁腳(佢好易就唔据人)
所以有時就算唔係佢理虧~都無乜人幫佢~
好多次同佢講~樣衰唔緊要姐~但係格衰就真係唔得~
講真果句~如果佢個格好~佢樣衰極都會有人鍾意掛~
但係~佢依家樣又衰格又衰~我都唔想幫佢啦~執生啦自己=.=

今日係輝生日呀~真係諗唔到送乜比佢~
咁岩見到隻綠毛蟲~所以就買左比佢做禮物~
呀魚送左張軍曹貼紙比佢做禮物~
點知佢送番比我做禮物=.=
等陣放張相上黎~今日係咁多先啦

>>April 1, 2006 at 9:40:55 PM GMT+8

2006 年 3 月 30 日 星期四 【晴】

呀敏:^^唔緊要喎~靚就得啦~何況我平有平要~貴有貴要~而且有禮物收~都唔望貴同靚~有就得架啦>.<係呀~我同呀蚊都見到d相喎~得妳同momo見唔到~我諗都應該係電腦問題~不過唔緊要啦~我已經係IT-SCHOOL度比左妳啦~如果妳係唔上IT-SCHOOL既~我SD去妳E-MAIL度啦~
↑二零零六年三月二十九日↑

生日應該開心既~收到禮物都應該開心既~
咁我係開心既......但係都唔開心喎=.=

>>March 30, 2006 at 9:39:07 PM GMT+8

2006 年 3 月 29 日 星期三 【晴】

今日超開心呀~前前後後收到超過六份禮物呀>.<
送禮物既人有肥寶啦~小朗朗啦~呀魚啦~籮柚啦~
MOMO啦同呀敏~仲有我自己送比送既一份添^^
雖然佢地送既野唔係特別名貴呀(除左小朗朗果份)
但係可以收到禮物~而且仲係七份咁多~我真係好開心架~
因為咁多年黎~除左舊年都算有呀旺佢地同我慶祝~
我一份禮物都未收過~所以佢地送既不論貴賤~我一樣咁鍾意呀>.<
今日大日子~題外話乜都唔講啦~

>>May 20, 2006 at 9:14:31 PM GMT+8

2006 年 3 月 28 日 星期二 【晴】

聽日就係啦>.<

聽就生日啦~過一年又大一歲啦~
希望成績又可以更進一步啦>.<

呀敏呀~收到妳份禮物啦^^好靚靚呀~我好鍾意呀~多謝妳>.<不過呢份禮物點解唔親手比我呢=.=因為份禮物未到我手~以經受到人為既摧殘~雖然無壞到~但係張卡就巢晒呀>.<跟住仲要釘左係壁報版上面呀~係呀~張卡都畫得好靚呀~卡中所講既呀田係唔係側田呀?我覺得佢幾型下架~哈~多謝妳呀>.<

今日有電腦堂上呀~屋企唔見書~唔知係唔係放係學校呢~
太遲番去既話開唔到儲物櫃~所以早左十分鐘番去~
番到去~咁岩打第一次鐘~仲有時間去儲物櫃拎書~
一開~望晒成個櫃都唔見本書=.=屋企又無呢度又無~去左邊?
第一堂就係~無帶書比呀sir記名~又留堂我就死得架啦~
上次無番學~所以今次要做晒兩份堂課~可惜~無份我識做~
第二堂上MUSIC~今日要介紹草蜢呢隊組合~尋日唔得閒~
所以叫左歐嘉龍幫手~點知佢唔知做左D乜番去~
跟住肥寶又係度扮晒發脾氣咁~唉~係唔係痴總制呀??

放小息~係課室同傻輝~方小朗~歐嘉龍等討論肥寶~
突然何敏華?(因該係佢)拎左個包得好靚既盒比我~
盒上面仲有一張卡添~不過未到我手~盒野已經比方小朗搶左~
佢拎住張卡~走暈成個課室~跟住我搶番~
然後肥寶就偷襲~張卡比佢一搶成張巢晒=.=
大佬~我未睇架~之後就一堆粗言俗語飛埋去~
拎番張卡~又到個盒啦~我都仲未拆開~已經比人拆開左啦~
份禮物好似係比我架喎=.=點解成個足球咁架~

之後又開始摺紙啦~摺左好多呀~成隻手好痛~
MRS LING今日無番~又可以玩啦~不過我無~
因為要摺紙呀~籮柚又幫手~但係又係好核突呀~
小息到飯堂左陣野~然後又上堂~我又摺紙~
咁就到左LUNCH啦~參加左個義工團~所以無得食飯~
一點十分要去到禮堂聽老師講下詳情~
去既係一間幼稚園~我地要分組~然後就揀下~
邊隊照顧二至四歲既~邊隊係照顧四至六歲既~
我地組揀到照顧四至六歲既~應該都幾得意啦~
老師叫我地諗下佢地既心態同鍾意既野~
然後諗下D佢地能力之內既遊戲比佢地玩~
唉~慢慢諗啦下

跟住就放學啦~今日唔使234呀~拿拿聲番屋企~
諗緊將呀敏件禮物放係邊好呀>.<

>>March 28, 2006 at 9:34:40 PM GMT+8

2006 年 3 月 27 日 星期一 【晴】

倒數第二日啦>.<

今日又係落雨呀~番到學校又係課室早會~正~
今日帶左D紙番學校摺~第一堂英文堂~我又無做功課啦~
之後成堂都係度摺紙~比左少少籮柚摺=.=好核突~
女仔手指幼~唔係應該摺得靚D架咩?為何佢會摺成咁?
話左佢之後~摺出黎果D總算可以見得下人啦~
不過成堂都係摺得好少咋~跟住就係班主任堂啦~
成堂都好乖~無攪呢攪路~更加無摺紙啦~嘻嘻^^
上完堂又係度摺紙~然後就拎書去上工藝堂啦~
既然上葉sir堂不嬲都唔聽書~咁點解唔用黎摺紙呢?
於是又帶左d紙仔去上堂~前次無交到木板~所以今次帶埋去~
講到木板~諗起就攪笑啦~ps同方小朗d木板都做得幾靚下~
但係都只係得七十幾分~我果塊~成塊得綠色一隻顏色~
咁都可以拎到五十分~葉sir~做得最岩係呢次啦你~
未落堂~D紙摺晒~OH NO~靜下來發呆~
跟住就落堂啦~番到課室又開始摺紙~摺到半途~
叫左肥寶落左去飯堂食野~肚餓時食乜都係咁好味架>.<
跟住就番課室啦~番到去老師已經到左啦~
然後就音樂堂~帶左淨低既紙仔去摺~未落堂~摺晒LU
LUNCH~又去左行街~跟住就番飯堂食壽司卷~
然後就去左書展攤位度買左本 天作之盒 ~~好睇呀>.<
閱讀堂後~比PS拉左去拗手瓜~拗到忘了時間=.=
又係數學堂~又係唔記得去儲物櫃拎書=.=
又無同MISS講~又得佢啦~我唔講佢都唔知我無帶~
終於捱到落堂~不過無得放學~因為要去留堂班呀>.<
慘慘呀~要留到測驗週後先可以唔使留=.=
番到屋企又開始摺紙工程啦~所以今日都係打住咁多先啦~

>>March 28, 2006 at 5:06:24 PM GMT+8

2006 年 3 月 26 日 星期日 【晴】

最後三日啦

今朝訓到好遲先起身呀~起身既原因係~
麻煩既細佬四絹左入我個被鬥度~
起身之後~乜都無食到~洗牙之後就去左睇書~
睇睇下~輝打電話黎~問我幾多點去圖書館~
我話唔知~叫佢打電話問下肥寶~佢又話唔知佢電話~
咁就我打啦~肥寶話一點鐘係圖書館度等~
大概一點~我去到圖書館~無幾耐鍾偉賢就到啦~
之後輝都黎埋~我地三個離圖書館都幾遠下~
得肥寶離圖書館最近~但係佢都仲未到~
鍾偉賢打電話比佢=.=咁就聽到佢係度講大話啦~
佢同鍾偉賢講~話我MSN佢兩點鐘係圖書館度等~
大佬呀~係你同我講話一點鐘架~仲係度呃人~
而且~我成朝連電腦都無掂過~點開MSN呀?
之後等左佢都幾耐下佢先到~呼呼呼呼~~~~~~~
瑞和街間圖書館無電腦用~所以就去左淘大果間~
因為咁岩我有野要去淘度買~而輝同鍾偉賢住果度~
所以就去果度啦~首先佢地陪左我去買野先~
搵左都幾耐下~終於比我係三樓搵到啦>.<
六十蚊幾包紙仔~摺完之後可以切一隻跳跳虎出黎~
好得意呀>.<好啦~決定左啦~就買呢包~
係呀~途中仲比我見到間郵票專門店呀~
入面D郵票好靚呀>.<諗諗下~我都好耐無幫我本郵簿充飢啦~
下次去淘大~一定要買呀~睇中左一張昆蟲既首日封~
仲有就係睇中左十二生肖既龍郵票~好靚呀~~勁想要~
跟住就陪肥寶佢去吉野家食飯啦~順便傾埋個專題~
之後就去左牛頭角間圖書館度做野啦~
係果度做左個網上問卷~之後就走人啦~因為唔知仲可以做乜~
輝陪左我去搭13X~肥寶就自己去一搭16線小巴番去~
我等左勁耐呀>.<番到黎~就拆開包摺紙~一睇說明書=.=
黑色:91舊 肉色:252舊 橙色:1004舊=.=
有成千幾舊呀~每分鐘摺一舊都要成千幾分鐘呀~
唔知夠唔夠時間摺埋切埋添架=.=
跟住就開始切啦~切到連飯都無食過~支力死我啦~
好啦~都係唔講咁多啦=.=仲有好多功課未做~

>>March 27, 2006 at 5:30:22 PM GMT+8

2006 年 3 月 25 日 星期六 【晴】

回覆呀敏既留言:>.<係呀~好耐無黎啦~呢排好似妳講咁囉~係開心左呀^^不過有人嗌架=.=吵住我~~~唔唔~唔緊要啦~反正我都唔係第一次清唱~效果係麻麻架啦~
↑↑↑二零零六年三月二十四日↑↑↑

尋晚玩電腦玩到好夜呀~今日又要去科學館參觀~
差D起唔到身=.=八點鐘到刷牙洗臉~無食到早餐~
餵完魚後就出發啦~今日又係毛毛雨~因為時間尚早~
所以淋住雨番學校~好爽呀~中途見到肥朱打籃球~
番到去~勁早~得果友仔三四條~我上左二樓望下~
=.=D門鎖晒~之後就行左入飯堂坐啦~係個圖書角度~
比我見到本書~書名叫做~邊茺傳說~一睇之下~
完全比佢吸引~故事係講一D江湖打鬥既~
成本書~特別係果D勁有型既武器名最吸引我~
但係果本書無第一第二同第三冊~所以我由第四冊睇起~
睇左無幾耐~老師就叫我地坐好點名啦~
點完名~九點幾上車~十點幾就到左科學館~
第一站係去參觀幻影~入面D畫好勁呀~全部都係幻覺畫黎架~
仲有一個係漂浮水珠~都好得意呀~想知係點既就去望下啦~
之後就係自由活動時間~行左去地下度玩~
有一個係量原地彈跳力架~我跳到二米八零呀~仲高過姚明
之後就玩引體上升耐力版~就係定身唔郁~
大概三十秒後我就落左黎~因為要去玩其他野~
唔係我諗應該可以再整耐D~跟住又玩左其他得意野~
然後就走啦~本來約左肥充去睇極地雪犬既~
但係~佢唔知走左去邊~又約左肥寶去網工打機~
但係~佢又係唔知走左去邊~無耐~去左精品店~
買左個夜光外星人~之後見到D恐龍骨模型(夜光)~勁鍾意呀~
我就黎生日啦~如果有人送比我~我會開心死架一定>.<
跟住就要離開LU~但係人生路不熟~搵黎搵去都搵唔到車~
無辨法之下跟呀魚佢地搭215X番黎~
跟住就呆到依家啦~好啦~今日就打住咁多先啦~

>>March 25, 2006 at 7:49:22 PM GMT+8

2006 年 3 月 24 日 星期五 【晴】

倒數第五日啦

今日真係搭正八點先番學啦~咁岩落緊毛毛雨~好爽呀^^
餵左魚同BB魚之後~就著鞋番學啦~臨走時仲上左戀谷上陣添~
因為怕遲到既關系~所以行得係比平時快架~
最衰隻手拎住D書啦~如果唔係一定企一陣係度淋雨~
今日~因為落雨既關系~所以又係課室度早會啦^^

第一堂上既係鍾意既數學堂~不過今堂又帶錯書啦我>.<
發發又係~佢同MISS講~就係咁比人罰左個留堂~
哇~好驚添~我唔可以再有留堂紙架啦~因為答應左MRS LING
所以就咋咋帝無同佢講~拎左本簿出黎係度扮做數~
就係咁~我逃過一劫~唔使比佢罰留堂~好險呀>.<
今日教既係平方同平方根~要用到計數機~
但係我無~所以就過左去同傻輝坐~輝就過左去同歐嘉龍坐~
同傻輝傾偈~問開佢鄉下係邊度~原來佢同我同鄉架~
大家都係汕尾呀~之後佢同我講~OL都係汕尾架喎~
哇~呢個我真係唔知啦~傻輝仲講~OL係淫佬一名~
知啦我~平時同佢搭巴士~唔通仲以為佢係正人君子咩=.=
傻輝今日番鄉下呀~一路順風&一路平安呀~

第二堂上既係西史~西史~我不嬲都唔鍾意既一課~
不過我唔鍾意既只係呢一科~不過唔包括老師~
教我地西史既老師係有左BB既梁太~下個星期就開始放產假啦^^
希望平平安安啦~~~~

小息時~小朗朗同PS打架~唉~淨係睇個身~PS都贏晒啦~
好彩波波及時出現咋~然後用左差唔多一堂既時間~
教訓佢地兩個&同我地全班講下道理咁~點解唔講埋另外果堂佢??
今堂又係做D分組討論果D~尋日係我負責作故兼演講~
今日就係我作發發講~不過...佢好唔合作~臨出去之前先SAY NO~
之後全組一個人都無出到去寫~無聲抗議發發呀>.<
討論完結~全組發誓~下次有咩活動~一定唔同發發一組>.<

今日成為全班焦點既我~不停比PS捉左去同佢拗手瓜~
我嘿嘿嘿嘿~贏晒全班咁滯呀~本來PS唔信我係全班最大力果位~
於是佢搵左本來全班最大力果位歐嘉龍同我鬥~
贏佢?唔使一陣就攪掂左佢~呢次唔到PS唔服啦~我哈~
之後又同PS拗左幾次~又贏左~不過輸左一次~
跟住就聽見肥寶同黎卓宏嗌架~然後又同小朗朗嗌架~
知唔知你地成日都嗌架打架~我會覺得好煩架~拜託~
小息落左去搵MRS LING~本來比佢叫左去~好驚自己又發生咩事~
所以比佢叫左去鬧~但原來唔係呀~佢叫我地去係因為今個月個我生日呀>.<
仲有方小朗~輝~佢地都係三月生日~MRS LING送左份禮物比我地呀~
我勁開心呀~雖然送既只係一枝筆~但係~佢知道我既生日~
而且送禮物比我~可見佢對我地呢班壞學生幾好~
以前從來無老師送生日禮物比我架~佢係第一個呀^.^
MRS LING ~ 真係好多謝妳呀^^

之後去左飯堂食野~買左包野飲同D魚蛋~
仲未食晒就打鐘啦~拿拿林食晒D野佢~
但係見到老師已經行緊上去啦~我見反正都係遲~
慢慢食晒D野先囉~一路食一路飲~
然後施施然咁行上IS室~肥寶怕遲~
所以由另一條樓梯跑上去~我就行上去~
但係~我行上去~老師仲未入課室~肥寶岩岩行過黎~
唉~我行既又唔係遲~佢跑既又唔係遲~點解要跑上黎呢~
今堂係最後一堂有實驗做既科學堂啦~
下堂開始老師就同我地溫書~好呀~呢次考試一定要考得好呀~

午飯時去左禮堂考試~考得唔錯哦~係英文部分有D難~

英文堂又激鬧MISS WONG啦=.=SORRY呀~

放學就去左N201準傋比賽既野~練左陣歌仔~
就開始表演啦~全場我都無睇到~因為我要練熟D歌呀~
無幾耐就到我地表演啦~有我&肥寶&輝&小湯子&鍾偉賢&歐嘉龍
六個人一齊合唱既~最佳損友~跟住就有我&肥寶&小湯小
合唱既~一生何求~不過唱呢兩首歌時~因為練得唔熟~
同埋隻碟有問題既關系~所以唱到甩晒嘴~唉~
最慘既就係攪到小湯子唔開心呀>.<
跟住就有其他表演者啦~但係我都無理到~
因為我表演緊D魔術比同學仔們睇~呼~~~~~
睇到班女仔呆晒~但係因為角度問題~被人發現到點變~
跟住肥寶又學人變~變得幾好~但係掩飾得唔好=.=
比人知道晒點樣變~收左方小朗同如花做我徒弟~YEAH~~~

跟住就走人啦~去左7-11買野食~
撞到呀魚同籮柚~仲有out day~
原來佢地都記得我生日呀>.<
仲問我想要咩禮物添呀~開心呀~多謝你地呀~
之後肥寶就提議買個蛋糕番學校同我祝~都多謝你呀>.<

跟住就同飛機一齊搭車番屋企啦~
車途中同佢講番佢自己本身既問題~
仲有就係安慰佢唔好受人影嚮~
因為佢既EQ都幾低下~比人話下就打人~
由翠屏到秀茂坪~不斷同佢講道理~
好彩佢都好似幾受教咁姐~
發覺自己大個左啦 ^^

>>March 24, 2006 at 9:46:59 PM GMT+8

2006 年 3 月 23 日 星期四 【晴】

倒數第六日

攪笑既一天 VS 悲哀既一天

又係好遲先番到學校~見到飛機戴髮夾=.=
傻架~男人老狗學D女人戴髮夾?
問佢咩事~佢同我講話自己想分開D頭髮=.=
鬧左佢一輪~係見佢比人笑我先鬧佢~
但係佢根本唔聽~咁我都沒有辨法啦~
頭兩堂上英文堂呀~自從黎左新MISS之後~
我真係鍾意左英文堂啦~其實係MISS WU
走既前幾日~我已經開始有少少鍾意英文堂~
但係無做到MISS既功課呀>.<一定要補番比佢呀~

之後上中文堂~YB又整D野比我地攪啦=.=
今次係故事改編~我地組改既係~如果青蛙係變成一位醜陋既王子~
係最下面我會放我地組作既新編故事~《呱呱網球王》

數學小測~麻麻地好咋~不過都係有得佢啦~
今日又係小組活動啦~陪完肥寶見老師之後~
就咋咋林去到生物實驗室度~一入到去~就望到MOMO
但係同時望到佢果位朋友...一坐低~就不停覺有佢望住我~
個背脊又開始涼浸浸~呼~好涷呀...........
今次波姐同金姐齊齊上~講左好多野呀~
最後問我會唔會信耶穌~我話我會試下信佢~唔~就試下啦~

之後就打鐘啦~但係我組要繼續傾~於是其他組走先~
MOMO經過我後面~然後啪的一聲送我一掌~好彩一D力水都無咋~
然後就想捉住佢~不過又打消左呢個念頭啦~

呢段講下今日既重頭戲先~肥寶唔知做乜~
同PS~傻輝~方小朗佢地玩玩下係度打架~
之後比MISS見到~然後就鬧佢地~好彩無攪到咋~
唔係既就好似中一E班D同學咁~比人記過(MOMO提供既消息~可靠程度不明)
然後就輪到飛機同小朗朗打架~兩個細路~
唉=.=連扯頭髮D啦渣招都出埋~唉~超無奈~
跟住就比老師鬧啦~至於點解會打架...
全因飛機個髮夾~詳情我唔係度多作解釋啦~
之後我同飛機講左好多道理~但係好似係廢話~
飛機唔似MOMO~同MOMO講佢都識諗下~
但係飛機就係岩聽既聽唔岩聽既就唔聽~
咁我講咁多野仲有無用呀??
唉=.=

放學去聽個欺淩講座~無乜興趣呀~唔想係度多講~

《呱呱網球王》

有一日　有一位好靚既公主遇到一隻青蛙
青蛙同公主講：其實我係一位王子黎架
於是公主就鍚左青蛙一啖　就係呢個時候
青蛙既身體發出刺睇既強光　之後就變成一個王子
公主好開心　因為佢終於都搵到王子啦
就係公主想走過去攬住王子既時候
公主發現到　王子既頭竟然係青蛙既頭
公主嚇到星左王子一巴　然後就因驚慌過度而死
王子好傷心咁走去公主既身邊　
對佢講：對唔住呀公主　因為我真係太醜啦　所以先至全戴住個青蚊面具　但係無諗過會嚇死妳架Y.Y 　 真係對唔住呀公主>.............................
就係王子極度傷心既時候　神仙出現左　
佢對王子講：我知道你對公主既愛好深　所以我決定　只要你可通過我既考驗　我就幫你令到公主復活　而且賜你靚仔既稱號
王子見公主救左佢　又為佢而死　非常之咁感動　於是諗都唔諗就答應左神仙
神仙既考驗就係要王子化身一位中一學生去到香港參加青少年組網球賽　而且要拎到冠軍
就係咁　王子係神仙既幫助之下　戴住面紗　就去到香港參加網球賽啦
王子憑住Ｘ而不捨既精神　終於入到決賽
對住上次既冠軍　狒狒狒猩猩　
由於佢真係好勁既關系　所以王子唔夠打
就係千均一發之際　王子既面紗掉左落黎
眾人見到王子呢副奇醜無比既樣　都嚇到雞飛狗走
就連狒狒狒猩猩都嚇到面容扭曲
王子見到佢地既舉動　佢感覺到自己比人悔辱
所以激發到自己原本既青蛙潛能
佢發出呱既一聲大叫之後　就以無意識狀態打波　
最後終於反敗為勝　而且仲得到網球王既美譽
仲可以享盡榮華富貴添
就係呢個時候　神仙又出現啦
佢同王子講：如果想救番公主　就要於棄榮華富貴
王子心諗：有左富貴　想要幾多個公主都得啦
於是佢從此就好富貴啦　第二年　佢整容成功　
仲娶左勁多個勁有錢既公主番去添
Ｎ年之後　佢做左某上市公司既主席　
係一次演講會中　佢呱呱叫左兩聲之後　就與世長辭啦

（全文完）

>>March 23, 2006 at 9:13:46 PM GMT+8

2006 年 3 月 22 日 星期三 【晴】

倒數第七日

哈~頭先禁左隻藍色mero一下~然後佢望住我雙眼閃動咁~
個動作勁得意呀^^唔知佢幾時學識既~但係好想影低呀>.<
三隻之中~最得意始終都係藍mero~其次就係白色果隻~哈~

今朝極大冒呀~望出窗外完全見唔到條馬路~但係見到地一好濕~
濕是濕~是雨至濕或是冒至濕??
番到學校又係一個在課室早會既day~好難得架真係~
上完中文堂~消粍左太多太多既能量啦(YELLOW BALL堂~)
一小息即刻同肥寶飛左落飯堂食野~今次又係照舊~
但係就比上次買果陣時貴左成一蚊~兩日無見加價一蚊?有無攪錯~

今日無得週會~本來應該上班主任堂既~但係班主任有野做~
所以調左去上圖書館堂~但係下次就會調番做班主任堂~
帶左本酒笑話大全去睇~半小時就睇晒我想睇既部分啦~
食午飯時走左去呀婆度買左五包呀婆糖~我~傻左=.=

上普通話堂~老師同我地唱老鼠愛大米~輝問我咩意思=.=
我同佢講即係將一個男人對女人既愛比喻成~老鼠對大米既愛~
點知佢聽完之後笑到扒地=.=乜我解錯咩~照字面係咁解既~
好彩後尾呀魚都贊成我呢個解法~輝先信我咋~
不過我想問下~點解唱既唔係童話而係老鼠愛大米呢?

放學啦~又要去234~但係我就用左半堂蛇王去左圖書館~
其實唔可以話我蛇王既~第一~我去圖書館真係有做架嘛~
第二~做完野梗係抖下架啦~所以咪遲D先番去234囉~
係圖書館順便印埋 最佳損友 & 遇見神 & 一生何求(古巨基) 既歌詞~
番到234就係咁背啦~話之佢係學長定廁所長啦~星期五就係啦=.=

唔唔~聽日有講座呀~所以今日都係到此為止啦^^

>>March 22, 2006 at 10:00:57 PM GMT+8