2006 年 1 月 31 日 星期二 【晴】

一月二十四號

番學最後一日~亦係假期前一日~心情唔講!
放學時番到屋企~又開始開機玩戀谷~
其實由一開始玩我已經覺得有少少唔妥架啦~
不斷覺得有野係我個頭上面爬下爬下~
之後我妳似見到果樣野咁~所以用手掃下佢~
就係咁~有條蟲跌左落黎~條蟲好細條架咋~
得兩cm長~果頭係黑色既~唔記得係咩品種~
但係我記得好似係書度見過架~
當時感到好好彩~好彩跌落黎既係一條蟲
如果跌落黎既係蜘蛛既話~我諗......
我諗我就算無心臟病都嚇到心臟病發=.=
我停左玩戀谷~轉左同條蟲玩遊戲^^
首先我放佢係紙度~因為我從未細觀察過蟲~
所以我接長張紙~睇下佢行路果陣時個樣~
原來D蟲~腹部係無腳架~如果我無記錯~
佢頭部下面有兩對腳~尾部下面就有三對腳~
行路既時候尾部先貼近頭部~腹部拱起~
然後頭部開始行~直至身體伸直~
而且佢只會直行~去到邊緣位就會停低~
之後我放佢係呀媽棵水竹度~唔知係唔係D水竹太滑~
佢不斷跌落地~可能佢太軟~趺佢唔死~
我望住棵水竹~就諗起細佬棵水仙~
諗起細佬棵水仙~又諗起我自己棵水仙~
諗起我自己棵水仙~就諗起我以前整既水仙標本~
嘻嘻~不如將條蟲整做標本呢.....
不過因為佢係蟲~識郁~所以我用膠水固定左佢先~
但係D膠水未乾佢曉郁~於是我又用風筒吹乾佢
點知吹吹下條蟲嘔晒D內臟出黎~fing左幾野頭之後就瓜左啦
標本制作失敗~實驗品死亡~

>>January 31, 2006 at 4:13:43 PM GMT+8

2006 年 1 月 29 日 星期日 【颳風】

朝早玩電腦玩到十一點幾到~見無乜野做~
我就掛機入房諗住睇埋本靈俠事件簿~
點知入到間房即時感到好眼訓~
跟住我就不省人事?咁去同周公傾偈~
之後傻下傻咁起身~以為仲係朝早~
出到去望下個鐘~哇~六七點啦??
一訓就訓左成四分一日~好野呀~
唔知做乜訓教時D時間過得零舍快既~
望下電腦發覺我電腦仲掛緊~原來細佬們未番
飲左杯水繼續玩我既電腦~
一玩就玩到依家啦~D時間又係過得好快~
尋晚我地仲係尖海旁度吹風~
依家已經坐係電腦前面打日記~
好彩我有打日記既習慣~唔係既話~
N年之後我諗我會唔記得或者對尋晚既事記憶模糊~
人生就係好化學架啦~話去就去~
記低呢D野~我又記得人地又知道~
想當年一個傻仔黎到香港~
嗖一聲佢已經讀緊中學啦~
可能嗖多聲之後~已經變得好老~
時間就係咁唔比面架啦~
有句說話叫 赤裸的來赤裸的走
其實人死既時候唯一可以帶走既~
只係一生中既回憶~
我既回憶~好似有呀旺呢班人已經足夠~
可以既~有埋SK當時仲好~

麥SIR播歌~彭羚 既 小玩意 ~~~慢慢聽啦~旅律好靚架

小玩意 (按動可連結收聽)

曲:葉良俊 詞:黃偉文 編:杜自持

今天共處 你將光陰停住
還學陳舊文藝戲口吻細聲說 :「做我內子」
想講願意 還是不好意思
回贈同類橋段女主角那一句 :「讓你做主」

你用無限濃情蜜意 來造迷人玩意
環在沒名份手指
感覺多麼似 加冕光圈變天使
你用無限濃情蜜意 來造迷人玩意
才明白原來在意
一世穿一次 小玩意 是女人的大志
( 一世穿一次 小玩意 是我畢生大志 )

給生命線 最終找到靠依
然後留下長住你心裡最深處 是我地址
小小玩意 紋著彼此名字
留待明日傳頌你跟我這一節 完美情史

>>January 29, 2006 at 9:40:45 PM GMT+8

2006 年 1 月 29 日 星期日 【乍雨乍晴】

年廿九(一月二十八號)
其實我已經開始打番日記架啦　但係尋晚我真係玩到好喪
所以先換係今日打　而尋晚就係我既通宵之夜啦

本來約好去大潭ＢＢＱ　不過適逢天雨　所以唯有改去行花市
今日就用順敘法講述下啦　流程如下

下午伯娘黎我屋企食團年飯　買左好多野
呀媽都斬左好多料番黎　不過好多我都唔鍾意食
匆匆食左幾粒飯就走人　搬左部電腦入房打機
打左無耐　呀旺打電話黎　話要去行花市喎
咁又係落雨既　所以唯有去行花市囉　
佢六點幾打電話黎　不過電腦呢樣野　玩開就唔想停架啦
所以我八點幾先出門口　去度呀旺屋企
見到佢同呀俊係度玩緊ＰＳ１既快刀手（應該係呢個名）
我上次玩呢個遊戲都唔知係幾耐之前啦
同佢地ＰＫ親都係輸　有幾次好彩Ｄ既先贏到一兩鋪
我無所謂　因為我都唔擅長玩格鬥遊戲既
九點幾鐘走人　呀旺話想去圖書館打機
但係我同呀俊又想去行花市　於是呀旺就番上去換左套衫
然後就開我地架私人火車（ＭＴＲ）過深水簿行花市
去到............條街空盪盪= ='' 行左去高登睇電腦軟件　
全部閂晒鋪　隔住個窗得個睇　無癮

然後去左高登網絡城打機　又一要做會員既地方
呀旺玩榮耀　呀俊唔知玩乜Ｑ　而我就上戀谷仝人拜年
一個人都無呀=='' 玩左陣低Ｂ魔獸就掛左佢係度
然後我就周圍去睇下有無Ｄ好玩既野可以玩
就係咁我發現左　heat project　又一正野呀
但係武器果Ｄ要買就麻煩Ｄ　因為真係需要好多錢呀
同佢地不繼係度屈點　都只係屈到幾千　
呀俊就屈到把新槍　我諗住入訓練換散彈　
點知過極都過唔到尾二果關　好煩呀

淩晨三點幾　坐私車去尖嘴　以為會好虛炊　點知鬼都無
行左去星光　睇左傳說中既東方之珠
一路行一路見到大小不一既水tum　而且個個水tum 都有名架喎
而且Ｄ名仲好熟添呀　好似有石堅呀　成龍呀果Ｄ　
最後仲見到一個渠蓋印住周星馳　？？真係好熟喎
然後行行下就行完成條星光　呢一條填番黎既野
原都係不外如是　仲有我見到李小龍既銅像
同傳聞中既有一Ｄ唔同　傳聞佢係金色架
之後我地跨過欄杆坐係海旁度傾偈　
哇　Ｄ海風吹埋黎　真係好舒服　以前黎尖嘴都未試過吹海風
唔　清涼既海風伴送陣陣既........垃圾清香　原來維港係咁既味道既
無啦啦呀俊係度玩　係後面推左呀旺一下　呀旺嚇左一驚　
如果佢真推佢　我諗呀旺已經同Ｄ魚蝦蟹一同暢泳

淩晨四點幾　去左七仔買Ｄ野飲就坐私車番官塘
不過大家好似有Ｄ餓餓地咁　事實上又係無乜點食野既我地
於是去左apm 間kfc買左個１２８黎食　食淨隻雞翼同埋個簿餅
期間呀旺問我鍾意ＳＫ　Ｄ乜野　（我之前比過ＳＫ幅相佢睇
佢話同我好唔襯）　我諗都無諗　
好簡單咁答左佢一句：你鍾意一個人就無野可以講
呀旺不愧係我既老友　完全知我想講乜　的確

清早六點　去左呀旺屋企繼續打快刀手？　我都係輸到無野好講
全場呀旺呀俊打晒　傻痴痴既真係　
八點半我就走人啦　呀俊就留係呀旺屋企訓教　
我番到屋企　訓唔著　我就係咁　係日抖
無論幾眼訓都唔會訓得著架　所以唯有上黎打日記
本來應該尋晚打既　但係我今朝先番到屋企　無解啦

尋晚好開心　

－－－－－－－－－－－－－－－－－－－－－－－－－－－－－－－－－－－－－－－－－
=.=有一種後悔尋晚出去既衝動=.=

=.=係高登走人時~先至記起原來尋日係星期六=.=
=.=無得睇我MISS係大佬=.=

>>January 29, 2006 at 9:24:40 PM GMT+8

2006 年 1 月 27 日 星期五 【乍雨乍晴】

為左我既堅持~就算無野打我都要繼續打~

今日係假期後既第一個星期五
感覺好悶~的確我對長假期又愛又恨
愛在可以唔使番學~唔使對住D老師~
恨在唔可以番學~見唔到D同學~
仲有就係果堆山咁多既功課~
果堆逢長假一定有既功課~問我死未呀真係

今日無乜上戀谷~因為真係太悶啦~
細家同MOMO又閃左番大陸~
呀蚊又唔知道蒸發左去邊~
發PO無人回~回PO無人應~
成個谷好似淨低我一個咁~
所以無乜點上~不過我依家已經有一粒太陽啦~真好

因為無人陪我傾偈呀~非必要我又唔開MSN&ICQ喎
所以一日之中真係有少少無聊架
上戀谷時就去左玩魔獸~以為係劉傋曹操果D
點知原來係數碼暴龍~不過見玩落都幾得意~
勉強收貨啦~依家養左四隻怪~一隻無得進化既比我賣Q左~

成日有人搵我決戰~不過我又成日輸喎
最衰就係D人唔係和平決戰而係決一死戰
所以通常和平決戰我先接愛~唔係既話就拒絕
無解啦~Q叫我D怪咁屎咩~

呀哥出左成日街~~今日年廿八~佢話番黎時順便斬料
點知佢斬左部HI-FI番黎~食得架咩?
仲要五舊水咁多~比我去買麥記好過
之後佢就搬走張電腦檯入房放佢部HI-FI
又拎走我地部小電視入房播歌仔~
依家部電腦唯有放係我平時做功課張檯度
我要做功課既話只好去梳發~咁岩有人想坐梳發既
都只好落地下坐~畢竟功課緊要D
而無左部小電視~細佬們就無得打機~
因為部大電視呀媽只比睇電視~
唉~由一部HI-FI所引起既覆雨翻雲

>>January 29, 2006 at 7:21:32 PM GMT+8

2006 年 1 月 26 日 星期四 【乍雨乍晴】

回覆MOMO既留言:
乜我D日記真係好長咩?攤開既話又真係幾長既~不過同某人比起上黎真係小巫見大巫囉~我都係有時先打D長日記~佢次次打都係咁長架~等妳番黎比佢個網子妳~仲有呢~妳套追女大法好似唔岩我用~妳知我乜架啦=.=而且就算妳真係女仔呀都未必知道女仔諗乜啦~係咁易估既教我點追宋慧橋好過~但係唔理點都多謝妳既支持>.<
PS:知妳番大陸~一路平安

見到個日記　又開始心煩　本來已經唔多想打架啦
但係見到ＭＯＭＯ個留言　唔覆又好似唔係咁好咁
唯有繼續打啦　難得佢上黎留言　唔想掃佢興呢
講番今日啦　做左好多野　比呀媽叫左落去買野
仲有Ｄ野特別重　ＭＯＭＯ約左細家係町町門口等
我貪得意咁去裝左裝　乜人都無　之後走人
跟住ＭＯＭＯ同我講見唔到細家喎
細家又同我講見唔到ＭＯＭＯ =.=
原來佢地一個係町町入面一個係町町出面
傻傻地既佢地兩個（可愛傻）
好彩我無傻傻更更係企係度等人

唔知係唔係有咁岩得咁橋
頭先又係難得既ＯＮ下ＩＣＱ
佢仲係未改個ＩＣＱ名
其實我幾攪笑下　鍾意將人地既名打上雅虎
睇下有無Ｄ得意野出現　上次打左佢個名
係個五年班得左獎既學生
頭先就打左佢個ＩＣＱ名上
點知就搜尋到劉德華首歌～
歌名係佢既ＩＣＱ名　同時首歌又代表緊我呢排既心情


忘情水 (按動可連結收聽)

　主唱:劉德華

　曾經年少愛追夢 一心只想往前飛
行遍千山和萬水 一路走來不能回

慕然回首情已遠 身不由己在天邊
才明白愛恨情仇 最傷最痛是後悔

如果你不曾心碎 你不會懂得我傷悲
當我眼中有淚 別問我是為誰
就讓我忘了這一切

啊 給我一杯忘情水
換我一夜不流淚
所有真心真意 任它雨打風吹
付出的愛收不回

啊 給我一杯忘情水 換我一生不傷悲
就算我會喝醉 就算我會心碎 不會看見我流淚

PS:覺得呢排自己有D唔妥~好眼訓咁~

>>January 26, 2006 at 11:40:55 PM GMT+8

2006 年 1 月 22 日 星期日 【晴】

岩岩落去買磁碟時
係樓下見到成班細路女
係度唱 愛是不保留 呀

^.^

>>January 22, 2006 at 10:32:24 PM GMT+8

2006 年 1 月 16 日 星期一 【晴】

男仔唔夠女仔串~係一種恥辱
女仔唔夠男仔串~係一種福氣
我決定左~
我要幫女仔得到福氣
同時我要幫男仔除去恥辱
>.< >.< >.<

>>January 16, 2006 at 12:27:20 AM GMT+8