2007 年 1 月 6 日 星期六 【晴】
一月六號 星期六 天。晴
今日十二點幾就番教會溫書~
溫左兩個幾鐘~就同TAMAMA大覺瞓~
中史...真係好無聊呀~又要記野又剩~
攪到我頭都大埋~然後開組既時候又瞓覺~
D人以為我死左......
不過真係好攰~但係又好好~因為我終於都有溫到中史~
星期一就考中史啦~我諗應該都唔會肥佬掛~
....尋日同呀旺去夜跑~話今晚都去~點知佢唔打電話黎
睇黎都應該係有野做架啦~聽晚唔知去唔去呢
>>January 8, 2007 at 2:56:41 PM GMT+8
2007 年 1 月 5 日 星期五 【晴】
一月五號 星期五 天寒地涷
數學數學,,,,,,
雖然尋日勁咪書~但係都有幾條唔識做~
做數學(其實咩科都一樣)~最驚既就係~
唔識做既題目要去到交卷既時候先明白應該點做~
然後就係一堆懊悔既時間 : 點解當時會諗唔到=.=
講真~呢種感覺真係好鬼乞人憎~
放學隌發發去買校褸~然後就番屋企啦~
考試既日子~就係咁平凡而同時又咁無聊~
除左溫書同打機~我真係搵到仲有咩野我係可以做既~
打機啦......
打打下機~呀旺打電話黎~叫我去跑步~
WOR~正呀~勁耐無去過跑啦~
九點幾到我地就去左跑啦~由秀茂坪~
跑左落去翠屏~再跑上秀茂坪~跑左兩個圈~
超辛苦=;=但係我地一路跑一路傾~我覺得又舒服喎^^
唔唔~
>>January 8, 2007 at 2:56:22 PM GMT+8
2007 年 1 月 5 日 星期五 【晴】
一月四號 星期四 冷冷冷~
英文^^
炒左=.=
雖然尋日易拎幫我地補習~
但係都無乜野用~今日既英考照炒~
不過都要多謝易拎咁勞心勞力~
講真尋日我地又的確係曳左DD既~
考完英文~放學既時候開小組~
講既係登山寶訓-祈禱篇~
開始有D分唔清我究竟係外邦人定係假冒為善的人~
雖然我祈禱既次數少之又少~
然後就番以勒溫書~環境好正呀~
得我同翊揚兩個人~又無人嘈住我~
只係不停咁咳(我仲未病完)同流鼻水~
後期志剛係度鑽野~好大聲呀=.=
六點幾就番屋企啦~係巴士上~
有個小朋友見我戴住個口罩~
就問佢媽媽~我係邊一個醫生=.=
唉~如果我真係醫就正啦~
依家D小朋友真係天真...
>>January 5, 2007 at 2:21:57 PM GMT+8
2007 年 1 月 5 日 星期五 【晴】
一月三號 雨 冷 嗚......
今日真係好涷呀~
涷到一定要帶校褸番去著呀-,-
雖然呢兩個月都一定要帶校褸~
只係唔明既有一點~依家天氣咁反常~
一定會有一D日子係熱死人架嘛~
校褸咁厚(?)~果D日子都要帶(著)
我真係覺得有少少匪疑所思囉~
最終我都係帶左~番到去LL係度查~
見到有成堆人比佢罰抄書~
好彩我有帶咋=.=
今日考既係中文喎~不過呢次考試就有少少驚~
因為上一次測驗既時候份卷好難~
再加上呢次我無溫書~只係睇左少少筆記~
但係到考既時候......好易...
望下張卷~擬卷老師:黃秀英...............(無奈)
唔怪得咁易~
考完試就番教會~因為聽日要考英文~
所以今日易拎幫我地補習~
只係番到去...個個都係度KAI~
我同光浩就係度訓~
唉....都唔知聽日會點添架...
>>January 5, 2007 at 6:59:08 AM GMT+8
2007 年 1 月 2 日 星期二 【晴】
一月二號 星期二 熱到死但係又要人著校褸既一日
番學啦~條頸勁長=.=
不過第一日番學就要上紫妖既堂@@
好彩呢一堂都無乜野~玩泥玩得好開心呀我~
只係早會之前要係咁做功課~仲要係數學~
不過都勁好彩比我做晒~再好彩既就係今日我竟然一張留堂紙都無拎到~
我諗唯一唔好彩既就係我病鬼左~要戴口罩~
咁岩我個嘴角果度損左~口罩可以遮住^^
今日全日都無乜野~無比老師罰啦~無欠交功課啦~
放學又唔使留低啦~所以可以勁早就番到屋企啦~
因為聽日就係考試啦~今日之所以咁平靜~
會唔會就係所謂既暴風雨既前夕呢?
如果真係的話~呢一次既考試我咪實肥好多科T.T
唉~聽日先開始溫書啦~臨急抱佛腳點都好過乜都唔做既~
唯有將一切都交比我既主~希望可以真真正正拎個心出黎溫書~
依家係咁咳~真係好辛苦呀~可以快D好番就好啦~
YEAH~為左迎接聽日既煉獄~今晚早D瞓~GOOD NIGHT
>>January 2, 2007 at 11:29:34 PM GMT+8
2007 年 1 月 1 日 星期一 【晴】
一月一日 天寒地凍
今日係星期一
趕功課中。。。無奈
聽日要番學啦。。。更無奈
後日要考試=.=。。。最無奈囉
各位蒙記既朋友~如果你地都同我一樣既話
我祝你地事事順風啦~
>>January 1, 2007 at 10:41:57 PM GMT+8
2007 年 1 月 1 日 星期一 【晴】
二零零七年一月一日
今年既第一篇日記~仲要係係凌晨既時候打架添^^
不過唔知係唔係太耐無打過日記呢~
依家一出手都唔知應該打D乜野落去~
整篇日記毫無頭緒~個腦白蒙蒙一片~
...................(打咩好呀=.=)
..........................(停左好耐啦喎)
................................(喂-.-)
咳咳~
首先~係過去既一年~有幾個人我一直都想多謝佢~
第一個當然就係發發啦~雖然想識既時間話長唔長~
話短又唔係短~但係就係呢一段急促既時光入面~
我真正領略到朋友既意義~朋友~只會當面挖苦你=.=
呀標~呀旺~你地係邊呀?
第二個想多謝既就係MISS WONG~
佢令我明白到一個世紀大道理~
人會不斷犯錯~皆因機會源源不絕~
係呢一年既裏面~我久佢既功課實在係太多啦~
多~係因為累積而黎~每一次我欠野~
佢都唔即時罰我~反而係一次又一次地俾機會我~
縱使呢D機會成為我繼續欠野既動力~
但係呢種既包容~真係好值得我去感激~
佢既行動和我地既上帝一樣~
唔同既係~當佢忍無可既時候~功留=.=
而我地既主~只會無限次地寛恕我地~
第三個要多謝既人~就係......呀金啦~
呀金係我係中二時候小組入面既組長~
我地亦係係果個小組中認識~
係佢帶我番以勒~令我可以打開自己心~
讓主耶穌進入~作我一生既王~
如果唔係佢~我諗我依家仲係一個漫無目的~
係平原上行走既細路~佢係我既路標~
指引我行去主耶穌度~
真係要好大聲咁講一句~多謝妳呀^^
第四個要多謝既人係....李志剛~志剛叔啦
我諗佢係以勒當中最KAI既一個人~
但係我幾鍾意佢~可能因為佢同我玩得埋~
不過佢真係為我解答左好多好多我對聖經既疑惑~
佢令我慢慢理解聖經~初時我眼中果個殺人如麻既上帝~
都因為我消除左對聖經既誤解而變得神聖~
永恆不變既愛~從我出世就已經進入我既生命~
如今~我選擇接受呢一份愛^^
第五個~我地既上帝~
你為想分享你既喜樂~不創迼左無惡不作既人~
你比我地自己既思想~我地總係與你作對~
走同你相反既路~離開你既懷抱~
我地不停犯罪~忘記左自己管理者既身份~
你告誡我地~甚至派人拯救我地~
偏偏人唔接受你既愛~
至今~你既念無變~變既只係我地~
主~求你祝福世上既人~
令佢地知道人活著不是單靠食物~乃是靠你的說話~
如今你既說話(聖經)遍佈世界~
只係欠我地既第一步~翻開佢~細閱~理解~接受~
感謝~祝福都奉主耶穌得勝既名^^
>>January 1, 2007 at 1:00:14 AM GMT+8
2006 年 11 月 11 日 星期六 【晴】
十一月十一日 天晴 星期六
終於都測完驗啦~連日既溫習~都證明左係有用既~
因為素來被我認為係令到我D成績極差既史科~
今次我都有好大既信心會合格~從來未有過既信心~
不過跟住落黎仲有三次評核~仲要繼續落去~
為左迎接下次既考試~所以決定左十二月開始去溫習~
豆豆龍呀~係一首我愛爆既歌~好似好耐~
我記得當時係由一個女仔唱架~記得好似好靚添架~
不過我唔係因為個女仔先鍾意首歌~
果陣時唔知原來係龍貓既主題曲~
係因為首歌既旅律同歌詞先令到我鍾意呢首歌~
只係我分唔清楚~係有龍貓先跟住先有豆豆龍~
定係有左豆豆龍之後先有龍貓~
我記得我聽豆豆龍既時候已經係好耐之前既事~
好似有成七八年架啦~龍貓係宮崎峻第幾年既作品呀?
今日好開心呀~因為今日係教會淨係得我地組同翊揚係度~
因為聽日我地有活動~所以今日既小組就停一日~
我地就番去傾埋D野~我順便係果度練琴~
下個禮拜要複 誰曾應許 呢首歌呀~好聽既詩歌~
但係今我地似玩多過似傾野~因為大家都係度玩~
我同發發係度玩劍擊~玩斷左聽日要用既道具=.=
袓迪就係度攪GAG~好攪笑呀佢~
德琳話亞當同夏娃係好高~以前既人都好高~
點解依家既人會咁細粒架呢~袓迪話:
因為以前既日個個都攪亂倫~每攪一次人就矮十CM~
笑爆肚呀真=.=
>>November 11, 2006 at 11:11:29 PM GMT+8
2006 年 11 月 8 日 星期三 【晴】
無日期小記
細佬超攪野~yahoo mail 叫 idd0060~
唔知幾錢一分鐘呢^^
>>November 8, 2006 at 9:20:32 PM GMT+8
2006 年 11 月 1 日 星期三 【晴】
十一月一日 星期三 天晴
前幾日買左期待已久既新片 《子狐物語》~
片中可愛既海淪同盡心既利文~令我一再愛上~
令我最感動同時又係最心酸既~
始終都係海淪去世~倒係利文側旁既一幕~
睇到呢度~不禁令我諗起一D令我印象深刻既動畫~
或者係一D令我感動既電影~
《藉著雨點說愛你》
《小孩不笨2》
《再說一次我愛妳》
《貓之報恩》
《千與千尋》
《歲月的童話》
《再見瑩火蟲》
《龍貓》
《天空之城》
《高立的未來世界》
《達爾大冒險》
好鍾意高立呢套電影~
>>November 1, 2006 at 11:04:11 PM GMT+8
|