2005 年 11 月 30 日 星期三 【微冷】

倒數生日餘下：364日

今日小息去搵Miss Wong練朗誦，因為星期一( 5 / 12 )就比賽啦。
跟住放學果陣問Miss可唔可以練多次，佢竟然話唔洗lor~~
今年想拎好成績都難！

好野呀！聽日唔洗番學.........
好耐都冇試過星期五放學唔洗番完團契趕番屋企去學琴啦.........今日要休息下。

>>December 2, 2005 at 5:05:27 AM GMT+8

2005 年 11 月 29 日 星期二 【微冷】

好...依家又做無聊野啦！
倒數生日餘下：365日

今日100%眼訓...上咩堂都想訓。唉！
今日收到.....我大哥送既糖！

>>December 2, 2005 at 5:03:03 AM GMT+8

2005 年 11 月 28 日 星期一 【微冷】

倒數生日餘下：今日啦....

今日...朝早起身，天色好似唔多好。
多謝依君~~Joey~~阿Fa~~浩然~~邦邦~~Levine~~你地既sms。
多謝阿安.....多謝你順路都黎送禮物俾我。你係唯一一個.......因為你，我今日可以出一次街。
多謝邦邦.....多謝你寄黎既生日卡。塊四葉草真係好靚！

下午一些笑容都冇既我......因為媽咪好似當我生日冇到，一句生日快樂.......
但今日係我生日......我唔可以唔開心，我要笑。
到夜晚，老豆買左個蛋糕番黎。雖然佢同媽咪都冇同我講一句生日快樂，不過我就一於當佢地怕羞啦。

雖然.......今年生日比往年，前年都悶..........
不過因為等左365日先到，我又期待左咁耐.........都算一個好生日既。

---------------------------------------------------------------------------------------------------------------------------

「純真傳說」 古巨基

畫公仔 雙眼外只得兩臂 有人說很歡喜 連我也歡喜
換新衫 不理會怎麼叫美 我們已很歡喜

*童年愉快因太易叫好 期求的多麼簡單自能做到
數指甲也當嗜好 得一個蠟燭加蛋糕 已想起舞
人大了沒有快樂隨手到

*我願我年年都似十四歲那天 別過年 別過年
最多天真不免膚淺 日日都拒絕看見明天
只是我們純真夢中化煙 不快樂 只因充實知識
在成長裡漸變
畫公仔 雙眼外只得兩臀 有人說很歡喜 誰說了不起
換新衫 不過為基本美 太難帶出驚喜

Repeat*

我願我年年都似十四歲那天 別過年 別過年
最多天真不免膚淺 日日都拒絕看見明天
只是我們大了要挑戰 憑那蓋掩如何赴戰
只得打爆機 主角那管幾多歲
唯有那個性沒有變
嬴是娛樂大概少不免
不似我似十四歲那天 別過年 別過年
最多天真不免膚淺 日日都拒絕看見明天
只是我們純真夢中化煙 不快樂 只因充實知識
在成長裡銳變 只盼望一生不用太深 願純真永未變

因為呢首歌，我今年生日先會有咁大期望...........
不過我仲係幾想年年都係十四歲，因為仲夠細個。

--------------------------------------------------------------------------------------------------------------------------

輝爺對我講既：
對...人地唔同你講生日快樂係佢的問題.......與你無關..

Ivy對我講既：
生日快樂...之後唔知講乜好添,...//
對唔住...果時真係好忙...希望你唔會將d唔開心帶到你新既1年啦......
AND
happy birthday....有好多野會令人喊..//
但係喊左會點尼..// 樂觀積極先重要呀 ...//

---------------------------------------------------------------------------------------------------------------------------

今年收到既禮物：
阿Fa & Joey---黃色既斜揹袋
依君---細細既十字架頸鍊
芝芝---可愛既電話繩
阿蓉---帶住一個心心既Happy birthday既公仔
阿安---一隻可以錄音既鯨魚
邦邦---一張好靚既四葉草生日卡
Kathy---筆袋加無印良品既原子筆(不過寫唔出墨既)
媚---一個佢話似我既貓貓電話座
File---一個係迪士尼買既透明米妮小公仔
仲有各位既祝福.....Thanks A Lot！
暫時係咁多...希望冇記錯啦>v<
唔知仲會唔會收到禮物呢~~

>>November 30, 2005 at 2:21:41 PM GMT+8

2005 年 11 月 27 日 星期日 【颳風】

倒數生日餘下：1日

今日係一 年一度既旅行日，一早番到去，就有個驚喜...........
多謝雞翼既蛋糕.........雖然一朝早我食唔到好多，不過都好多謝你。
仲有多謝Kathy既禮物................我會用既-_-。

跟住就上旅遊巴........去到海洋公園之後，就跟住雞翼一行人連我10個人周圍走。
今日其實黎到只係玩左海盜船....摩天輪....超動感影院....吊車4次....仲有d兒童王國既無聊野。
最主要黎既目的---影相。我又唔多玩機動遊戲，差唔多成日都係陪玩，陪走，陪企。仲要好熱....

今日有件事搞到我好火！咁我同幾個人同雞翼既幾個人分開玩啦，跟住我同徽仔，彤，文，媚無聊....咁就去坐吊車啦~跟住吊車去到中段，冇拉拉停左。咁我地都試過幾次停，咁冇咩野啦！點知隔離線有3個外國人唔知咩事冇拉拉勁大聲用英文對住我地講野啦~~一開始都唔知佢地講咩既，跟住就聽到d英文粗口。咁我地唔可以用粗口鬧番佢地家ma！咁我地當聽唔到lor~~吊車差唔多動番，臨走時我向佢地扮鬼臉啦！佢地鬧得仲勁。d外國人超級冇禮貌！

之後雞翼，Walter，Sam Hui，Kathy同Buzz玩到唔捨得走。
我同媚，彤佢地冇心機等佢地.........自己走先。
搞左好耐，終於決定搭地鐵再轉巴士，點知離打邊爐時間仲有成個鐘，我又唔想等。
所以去打邊爐果幾個人都決定番屋企沖完涼再即刻出黎。

打邊爐果陣連埋Miss梁總共有19個人..............真多。
開左2台....我地果台比隔離果台靜d...........
爬爬空肚飲左2杯啤酒..........暈左。我地果台食左十幾碟肥牛.......因為一碟得6小塊。

仲有件事好恐怖既係....第一次係酒樓食飯.....會有人打去酒樓搵我.....
搞到收銀果到開咪叫我全名去聽電話...........我去聽果陣又收左線...........都唔知邊個玩野。
搞到成間酒樓都聽到我個名............好余呀>.<

最後走果陣Miss貼300蚊出黎，每個人45蚊左右。
不過我地學校其他學生黎打邊爐知道Miss貼300蚊....好唔滿意咁話。
唉.......真煩。跟住同爬爬佢地一齊搭軾鐵番屋企.........
OH............我要訓呀>v<

麻煩各位再去我相簿睇吧......
http://hk.pg.photos.yahoo.com/ph/coco_chi2003/my_photos

>>November 29, 2005 at 6:53:25 AM GMT+8

2005 年 11 月 26 日 星期六 【晴】

倒數生日餘下：2日

講番尋晚...我真係超火呀！我阿哥又冇同我講尋日用左相機，星期一唔可以用。
我咪話佢都冇話用左之後星期一唔用！何況我星期一旅行日，我一定要用相機。
跟住我唔讓步啦~~點知我阿媽話叫我讓佢，我話唔制！
哼！唔好以為你大個我就要我樣樣野就你。我都就得你多lor.................

跟住今日係家長日，番到學校拎左張算係成績表...平均分全班第7名，退步左...........
有d唔開心！阿爸阿媽又將我同上年既我比較，我又唔係冇努力...咁今年d野難左...一時間掌握唔到先測得咁差j。點解一定係話我懶？點解一定係話我衰？好討厭.....
你估我冇唔開心既....由上年既好成績退步咁多.................

完左家長日就趕番教會。
完左崇拜後同天作之組既組員又影相..........我今日仲影左好多張tim。
好開心呀！今日同天作之組( 阿蓉~依君~阿Fa~Joey~Ome~Suki~我 ) 同埋熱血硬派( 阿泰~阿祖~女王 )一齊食飯....傾左好多野。多謝蓉蓉，送左隻好好玩既公仔俾我....多謝你。
臨番上教會上基要班前，兩組一齊影左張大合照，So good~~

今日開心同唔開心都係一半半......希望聽日旅行日去海洋公園開心d啦~~

今次又多左好多靚相啦：
http://hk.pg.photos.yahoo.com/ph/coco_chi2003/my_photos

>>November 27, 2005 at 12:22:17 PM GMT+8

2005 年 11 月 25 日 星期五 【颳風】

倒數生日餘下：3日

今日真係超開心呀>v<
番教會之前去左屯市買禮物俾依君同阿蓉啦！跟住咁都俾我撞到阿Fa同Joey喎。
跟住一齊番教會啦..........嘩！超驚喜呀！阿Fa為左我同依君，整左個草莓芝士蛋糕呀。好好味呀！
多謝阿Fa，Joey，芝芝(金魚仔)，依君所送既禮物，我好鍾意呀！多謝你地。
跟住就祈禱會啦.........好開心呀！Ivy你竟然唔聲唔聲又番到黎教會當中，感恩唷！

完左之後，就同各人影相相啦.....聽日都要再影多d相>v<。

我既靚靚相簿呀>c<：
http://hk.pg.photos.yahoo.com/ph/coco_chi2003/my_photos

>>November 26, 2005 at 11:08:19 AM GMT+8

2005 年 11 月 24 日 星期四 【颳風】

倒數生日餘下：4日

今日下午既社際中文朗誦比賽搞到成4:30先完。所以番到團契只有破冰+敬拜+祈禱。
第一次帶敬拜，好緊張....好驚。但感謝神！雖然最後只係唱左 "天地讚美" ，但我同Winson已經唱得好好，因為帶著神祢既祝福。仲要多謝大妹妹.....特登1:00a.m send左3個message俾我，支持我，有你呢d支持，立刻充滿力量呀。>v<

You Try Your Best，God Do The Best。
「抱有希望的.......但還是失望而回。是否.......你不把這放在心上？還是我的希望過高？」

>>November 25, 2005 at 10:31:27 AM GMT+8

2005 年 11 月 23 日 星期三 【颳風】

倒數生日餘下：5日

今日......好苦惱。
放學之後同Winson一齊為聽日團契既敬拜練歌，搞左好耐好耐..........
最後決定唱一首讚美的詩歌 & 天地讚美。
我好擔心....好驚唱到走音，好驚唱得唔好..........盡管神唔會介意我唱成點，但我都想第一次唱好d。

神呀...祝福我聽日同Winson可以係帶敬拜時得著你既祝福。
祝福我第一次帶敬拜開始時祈禱可以順利。

>>November 24, 2005 at 11:27:16 AM GMT+8

2005 年 11 月 22 日 星期二 【颳風】

一個好好既朋友對我講既野：

流淚撤種的，必歡呼收割（詩篇１２６：５）

解釋：
好似農夫咁,撒種其實真係好辛苦,又唔知會唔會有收成
但係收成個時,往往會超乎你想像,可能會比你預期得到更多

正如你係團契幫手,初時一定會好辛苦,因為大家都唔知點做
但當個團契過左一段日子之後,會越黎越多人返,到時你ge負出,流淚係唔會白費ge~
因為神會賞賜你更多更多

多謝邦邦你呀...雖然團契有好多問題....但我相信只要我有努力負出.....我所流既淚，汗，一切辛酸既事都唔係白費。神除左會賞賜左我好多野，還會祝福一切經由團契而相信神，信靠神既人。

夜晚同阿fa傾番呢年事......自從上年決志信主喊過之後，印象中好似冇啦。
今日打破了祈禱唔喊既記錄了.........電話中與阿fa既禱告，一路喊一路祈......
完左後，突然好似充滿力量......我要努力呀~~~

>>November 23, 2005 at 3:41:21 PM GMT+8

2005 年 11 月 22 日 星期二 【晴】

倒數生日餘下：6日

生日的日子越來越近，但..........好像有些不開心的感覺。
但也很多謝我的朋友在下星期一的旅行日為我慶祝，但..........正日，真的要我整天留在家？
有點苦惱............還是不要去想吧！神要我們小事也要尋求衪，尋問衪。
或許到正日，會有出人意表的驚喜呢？
交給神吧..........

P.S 多謝邦邦有心入來屯門為我慶祝......但沒有理由要你由大埔入來的..........但多謝你呀

>>November 23, 2005 at 1:35:31 PM GMT+8