2006 年 6 月 10 日 星期六 【雷雨】

得力。依靠。信任

阿Fa....好多謝你！每一次我缺乏力量的時候，你的禱告使我再次得力。
尋日，大家既禱告都使大家感動。真誠咁講一句：你已成為我生命中最重要的人。

仲有我愛既守望者大妹妹.........多謝你既Support。
同埋我既組員......我真係好鍾意同你地一齊傾計。

感謝神！把組員放在我生命中......I LOVE YOU ALL

>>June 12, 2006 at 11:28:21 AM GMT+8

2006 年 6 月 9 日 星期五 【乍寒還暖】

珍惜。回憶。感動

3E同學的日記，每個都寫下對3E的感受，感動得想落淚。

一齊係更衣室洗頭~~一齊去元朗劇場睇「玩到創」~~一齊係家政室偷偷地串Miss鍾~~一齊係I.S堂笑高Sir送既鉛筆~~一齊係G.E.O堂鬧陸汝權教書廢~~一齊笑娟姐既笑聲好恐怖~~一齊去海洋公園玩~~一齊去參加班會活動「打邊爐」~~一班3E Prefect一齊去Prefect Camp玩~~一齊為班際接力比賽得第二而唔開心~~一齊係陸運會衝出去拎「全校參與率最高」~~一齊係Christmas Party帶住聖誕帽玩~~一齊係Form Time完左之後衝去開Locker~~一齊係假期番黎補Miss梁課~~一齊係P.E堂玩Robby~~一齊為Miss Wong俾人話既事而唔開心~~一齊發住夢黎聽高Sir鬧人~~一齊為假期要做9個Project而發脾氣~~一齊上I CAN發夢~~一齊聽我呢個冇用導演講野~~一齊為班際戲劇比賽努力~~一齊放學留低排戲~~一齊為排戲冇得用Hall而發火~~一齊係戲劇比賽Lunch忙碌~~一齊讚天台型仔~~一齊笑張暐個牧師Look~~一齊係戲劇比賽時負出最大努力~~一齊因戲劇比賽拎到冠軍而呼歡~~一齊上台影相~~一齊為3C輸左而唔開心~~一齊趕基商創業計劃書~~一齊為選科而煩惱~~一齊為紅雨唔洗番學而開心~~一齊為黑雨唔可以上埋最後一日既下午而唔開心~~一齊為冇得聽埋最後一次鄺sir講既「呢班仲係精英班？咁簡單既數都唔識？」而可惜~~一齊因鄺Sir成日鬧我地而唔開心~~

好多回憶.......對事 & 對人，都存有好多回憶。我怕，現在不記下，會忘記。

Walter：次次你串我，我都一定拎你愛人黎串番你！你實冇聲出......叫左你買99枝玫瑰架啦！
小肥：捉摸唔到你，成日聽到你鬧人，真係好好笑。仲有呀！唔好再因食早餐而遲到啦！
天台：你個衰人！次次都因為冷氣機而串我，不過多謝你坐我隔離，我Maths有唔識就問到人。
張暐：雖然你有時把口好臭，不過你做埋d傻事令3E成日都咁歡樂。
Sam Hui：唔好再亂講喊野啦......不過好彩你數學唔差，我仲可以問你。
Feli：迪士尼愛好者(變態架)，雖然你戲劇比賽我幫你善後，不過你都努力過啦！同你上Drama Club真係好好玩。
爬爬：你唔好再因小事而唔開心啦！睇開d啦年青人，你再係咁變阿叔架啦！仲有唔好扮鴨講野啦！
牛子：雖然你成日串我，不過戲劇比賽時真係好多謝你。冇你既幫手，我實會好亂！
喊魚：其實開學我好憎你......不過之後冇野lu！因為你實在太kai=0="咪扮巴士阿叔啦....好悶呀！
Micmic：你既心情太難令我捉摸，有時唔知你諗咩！不過，好開心識到你！
Allison：今年雖然冇上年同你咁Friend，但我好開心你有事會打俾我叫我為你祈禱。
呼呼：你真係好靚女呀>v<同你一齊玩好開心！
Kathy：我諗我唔洗多講你啦？一齊同班3年，今年最Friend。好開心你話我係最了解你既人！
Zoe：今年一樣冇同你咁Friend，雖然你d脾氣有時好恐怖..........不過同你一齊傾計好開心！
Shirley Lam：雖然開學頭唔鍾意你(只係唔熟你ja)，不過後期可以同你Friend，多謝！
Faifai：次次見到你喊都驚......因為你俾我感覺好柔弱。
比比：同你搭車or一齊玩既時候真係好開心，多謝你當我係好朋友！
貓貓：係服裝堂同你玩裙...真係笑死我！以後都冇機會上堂咁玩，不過我會搵機會再玩你裙。
詩詩：雖然平時唔多同你講野，不過俾你叫我「大知導演」真係好開心！
媚：某事發生左之後同你Friend左，唔好因小事唔開心啦！！
Shirley Yip：同你一齊搭車，令我冇咁悶。

E班，呢個名跟左我兩年，呢兩年既回憶真係好好。
3E各位，多謝你地！今年我真係好開心！

>>June 11, 2006 at 10:46:47 AM GMT+8

2006 年 6 月 8 日 星期四 【溫暖】

聆聽。感受。熱愛

Canon In D

各位好朋友，請聆聽我最愛的Canon In D。
有唔同版本，唔知你地鍾意邊個呢？

http://www.youtube.com/watch?v=3f4MLDFdw8A 鋼琴版 I (Good)
http://www.youtube.com/watch?v=xOCSI_BRJYU 鋼琴版 II
http://www.youtube.com/watch?v=8PG_iCzQGas 似鋼琴又似古鍵琴版 (Good)
http://www.youtube.com/watch?v=FfN2hOYJ1Ak 電子結他+電子琴版
http://www.youtube.com/watch?v=7SCpeEeoXjg 結他版
http://www.youtube.com/watch?v=QjA5faZF1A8 電子結他版 (Good)

特別版：http://www.youtube.com/watch?v=y_XiDPXM24I 我的野蠻女友中女主角彈Canon既片段(Good)

好似太多版本..............不過唔緊要>V<

>>June 9, 2006 at 5:16:24 PM GMT+8

2006 年 6 月 8 日 星期四 【溫暖】

最後。回憶。感覺

2005-2006最後一日正式上課

今日就係我呢個中三生涯既最後一日上課，時間過得好快。對住呢班同學，話咁快就一年。
出年之後，大家各自分派唔同班。雖然，過半班既同學都會再同班，但我會唔捨得其他同學。

尋晚落好大雨，雨水落係冷氣機上面，嘈到我好耐先訓到。我同神講，聽日千其唔好停課。
朝早一番到學校，就去搵高Sir。唉......尋日拎左佢份答案番屋企，跟住放學之後打俾我聽朝拎俾佢，嚇死人咩！之後就On Duty，今日算唔算正式上課既最後一次On Duty呢！總之...好開心識到組長~~Emily~~Maggie，同埋今年入左H組。

上到課室就開始天陰，黑到好似夜晚咁，我地仲話依家讀緊夜校，要講Good Evening！上左Miss Wong成年既英文堂，雖然好多時都聽唔明佢講咩，不過都唔差。Miss以超快速度幫我地溫習番Exam既Grammar。地理堂>>變做中文堂，好事！因為下午冇得上，Miss梁又係以高速講Exam點溫法。中文堂雖然好悶......不過Miss梁今年教得唔錯。跟住基商，嘈到爆！某組高分，某組唔滿意，真係煩。我果份創業計劃書好似都有40分以上。好彩係第一組匯報，起碼唔洗俾人狂針對。

不過第二個小息已經掛左黑色暴雨警告，連續兩個星期五都排黑雨紅雨，有冇咁巧合？
Lunch又要走，我真係寧願今日下午要番學，都唔想早放。因為最後一日，最後兩堂數學堂都上唔到。連團契都冇得去，算係一個「遺憾」，唯有係團契Camp開開心心留個好回憶吧！最後，上完基商堂就清locker走人，走之前同好多人影相，遲d先放入電腦到。

最後一日，兩年精英班生活完結。感謝神讓我在這兩年過得這麼開心........我唔會忘記2E--3E。
雖然明年將會不同班，但友誼不會改變。一齊努力考好個Exam。

>>June 9, 2006 at 7:33:54 AM GMT+8

2006 年 6 月 6 日 星期二 【清涼】

手軟。努力。驚喜

今日手軟腳軟，冇法子...次次做完體適能第二日一定會係咁。
中史堂既時候，Miss話要14/6考完中文跟住補課=0="一定倦死我.......
到左家政派番實習試既分數，得26.5/35。都唔知話好定唔好，Miss又唔試食.......廢的。
服裝最後一堂雙堂，回想做左咁多習作。做得最好既都係裙+圍裙。

Lunch既時候同媚食......當一個人唔想遇到某人既時候，偏偏會遇到。
上Maths堂鄺sir又發惡，佢來來去去都係鬧我地冇用，讀唔到4S1，我地已經聽慣。
English提醒我地Exam有咩野要注意......真多野要溫=0="

今日有兩個驚喜：
1 ) 我有份係畢業禮拎「李沛穎先生獎學金」，不過唔知點解會有得拎。
2 ) 我同Kathy都要係成果匯演英文朗誦表演，可能要係畢業禮再表演多次，不過未知。
好開心>v<不過要對全校朗誦，有d驚..........不過冇事既。

唔知今年成果匯演，Drama會點呢？

「越想逃避，卻不能......」

>>June 7, 2006 at 12:40:45 PM GMT+8

2006 年 6 月 5 日 星期一 【清涼】

重新。朋友。支持

多謝Kathy & 媚......唯獨你們知道發生咩事。今日雖然有點眼訓，不過心情唔算太唔開心。
朝早Pro 6，要帶高Form上禮堂，有點驚=0=之後落左去下面坐，突然俾Miss叫左坐前面。
為咩？因為我要代表3E上台拎戲劇比賽冠軍既獎。不過獎品係$80書卷，學校想我地點分呢？

之後上Maths堂，鄺sir又唔知食錯咩野，勁火，仲鬧埋Kathy。唉......鬧我地讀唔掂理科，咁邊個會讀得掂呢？跟住上P.E，討厭！要做體適能，熱到出晒汗。完左之後洗頭，舒服晒。仲係更衣室影相，話晒都係低Form最後一堂P.E。英文派Test卷，嘩！43/50......應該可以再高d！不過Exam努力d吧！之後上中文堂，死天台...狂串我=0="放學去左MMLC錄Eng Oral，錄左超多次先得。

距離考試：5日

「廢話，我們還是朋友呀！」

「你寧願這樣關心他， 總好過你們在一起而有天會分手。
你寧願做他的朋友，彼此不會吃醋，才可以真的無所不談。」

>>June 6, 2006 at 2:02:57 PM GMT+8

2006 年 6 月 4 日 星期日 【清涼】

執著。事實。放下

今日好疲倦，家政實習試，勉強可以。英文Quiz，亦沒有什麼特別。
只係......今日見到一個事實，有些心情只有我自己知。
夜晚，同家人食飯係最開心。感謝神俾我屋企有一個傻傻地既阿爸同二哥。

For You：
「長久以來，我的日記也存有你的影子。一直以來，對你抱有執著的心態，不想放棄這感覺。
但今晚所知道事實，令我明白到，我需要放下我長久的執著。多謝你對我既坦白！
亦因為你的存在，才能令我有了這段美好的回憶。「回憶」，對我來說才是最重要。真心祝你得到幸福 & 尋找到人生意義。」

感謝神！我唔會再係一個細路。呢段時間，學到好多野。我會相信神安排的所有事情......

>>June 5, 2006 at 11:20:05 PM GMT+8

2006 年 6 月 3 日 星期六 【酷熱】

聖靈。六四。過去


「六四事件」十七周年，事件對我來說，印象不深，但卻知道這件是一年悲劇。
「全球禱告日」，為呢個世界既人及事祈禱。今年參加唔到，出年後年，總有一年參加到。

>>June 5, 2006 at 9:43:54 AM GMT+8

2006 年 6 月 2 日 星期五 【乍寒還暖】

疲倦。感動。眼淺

朝早起身去左剪頭髮，又剪得太薄，不過我鍾意...哈！
之後就番教會，今日陳牧師落組，感覺唔錯。

夜晚睇「捉鬼天狗幫」大結局，都幾感人。雖然個故事最後只係講春華同勘太郎Friend番，冇講源賴光之後會點，不過唔算Bad Ending。最後春華話放下執著係一件好事，呢句野令我諗左好多野。或者某d事，我需要放下執著，咁樣對大家都會好d。
總而言之，「捉鬼天狗幫」個Ending唔錯！

>>June 5, 2006 at 9:12:54 AM GMT+8

2006 年 6 月 1 日 星期四 【溫暖】

濕身。疲倦。影響

今日係決定選科既最後日子，多謝你既SMS，原來你仲會關心我既事。
你既一句：「唔怕辛苦」，令我思考左好多野。雖然你提議我讀商科，不過我最後都決定左理科，因為我為左興趣，唔怕辛苦。希望呢個決定係合神既心意..........

番到學校先落雨，尋日帶傘又唔落雨，今日唔帶就落到咁大。
基教堂笑死我...算吧啦Kathy！袁sir唔鍾意MJ架啦......最後一堂，聽懷舊歌黎完結。
跟住第二個小息就唔知邊個開始講：紅雨警告呀！最後一傳十，十傳百，成間學校都知道。
最後上完ENGlISH就可以番屋企，唔洗上下午既堂。不過其實好多學校都要黎番下午，點解我地唔洗呢？
走既時候麻煩左Kathy借把雨傘俾我，同比比一齊用，右邊身濕晒。跟住校長企左係門口，當佢望到d女仔冇雨傘而衝出校門既時候，竟然係到笑=0="佢係唔係變態架？超恐怖......

夜晚學琴，唉！今年既六級琴試嚴左咁多......好驚Pass唔到。
「非短留長父子兵」講到佐治嫂死左，原來我真係一個易喊既人，或者其實係我驚同樣既事發生係我家庭身上。

「開始？你開始什麼？希望不會與我所想的一樣，因為......我暫時不能接受。」

>>June 2, 2006 at 1:31:35 PM GMT+8