2006 年 5 月 18 日 星期四 【酷熱】

落淚。討厭。無助

100 %唔開心.....
安排服裝俾演員，受到反對..........算！「退一步海闊天空！」我放棄我既堅持，我聽牛子講將所有服裝轉晒現代化。或者呢個決定先令佢地滿意，讚成。團契既時候...差少少就喊左出黎。
另一件事，間接搞到Winki喊，好驚見到朋友喊，仲要係好朋友........
不過感謝神.....WInki最後都冇事，亦都麻煩左組長，要你好似哄細路。
And Sorry呀Kathy，我喊搞到你咁驚.........

「這一刻，渴想與你分享心情，渴想你做我的聆聽者......但我知道是沒有可能的。」

>>May 19, 2006 at 12:47:18 PM GMT+8

2006 年 5 月 14 日 星期日 【微冷】

厭倦。疲累。無奈

尋晚狂趕中史Project，可惜都係做唔晒。好恐怖呀！睇完京大屠殺既野勁驚發惡夢......
不過臨訓前祈左個靚禱，可以訓天光。但係尋晚好夜訓，今日全日都超眼訓...........

今日冇得上Drama，阿阮請左假。跟住就排戲啦！聽到好多意見，聽到好多難聽既說話。
難道我唔倦嗎？距離比賽得番十日，唔加把勁，想演出失敗呀？

夜晚除左趕Project之外，仲同Winson傾左d野......有點無奈。
「我靠著那加給我力量的，凡事都能作。 ( 腓立比書 4：13 ) 」

「漸漸疏遠，我害怕與你的朋友關係也失去。」

>>May 16, 2006 at 11:16:35 AM GMT+8

2006 年 5 月 13 日 星期六 【微冷】

辛勞。忍耐。感謝。Happy Mother's Day

母親節快樂媽咪.....我會乖d架啦=0=唔會成日Sleeping架啦！

今日收到「齊來食蜜組」對「天作之組」既祝福，好感動呀>V<你地畫既卡真係好靚！
10000000 x Thanks！多謝你地卡上既Support & Love...............


>>May 16, 2006 at 11:16:56 AM GMT+8

2006 年 5 月 12 日 星期五 【微冷】

無奈。喜樂。開工

9點準時番到學校，一個人都冇。最早既都係得牛子，之後等到9:45先勉強準人可以排戲。
遲到當冇事......跟住開始排戲，個個都冇咩精神，講對白死死下。我唔想之後咁樣黎排落去，最後11:45就放人走。又要面對一個大問題，就係套劇經我cut左d對白之後，都算可以8分幾鐘完，但未加音響~燈光~動作等......都唔知會唔會又超時，超時30秒要扣5分，學校傻架！

「各位......可否下個禮拜六準時點？那天是最關鍵的排戲日子，除了準時外，可否打起精神？」

之後番到屋企換衫食完野就番小組，可以喜樂番了。
破冰Joey帶得好成功呀！個個都好開心，好好玩呀！依君實在太搞笑~~
跟住分享既時候聽到組員對我既提醒，好有用呢！我會好好去改架啦~~
特別係Joey話我既過份注重原則~~依君話我既唔多表達自己想法~~Fafa話我要多親近神~~
我會努力架啦>V<多謝你地~~~~~~~~~

>>May 13, 2006 at 3:36:32 PM GMT+8

2006 年 5 月 12 日 星期五 【清涼】

悠閒。休息。發夢

教師發展日，呂明才學生休息一天。
今朝起身見冇人係屋企，就狂用電腦。去左日本既網頁素材網，搵到好多靚既夜景相。
最後考慮左好多張先決定用依家日記背景影住「愛知縣」既唔知咩港口，因為冇咁花，睇字會清楚d。

夜晚就去學琴，唔知發生咩事，Miss屋企突然有....應該有七隻飛蟻飛左入屋。
嚇到我唔敢周圍走，唔放隻腳落地下。最後Miss頂我唔順，閂窗。=0="最憎呢d昆蟲................
《向世界出發》真係好好睇，今集講意大利快樂傳說，So Good。

>>May 13, 2006 at 4:52:11 AM GMT+8

2006 年 5 月 10 日 星期三 【清涼】

支持。明白。感謝

好多謝你地所有人......所以關心過我既人：
Kathy & Kwan & 邦邦 & Winson & 大妹妹 & Fafa & 阿祖 & 芝芝 & 爬爬(算係？)
我明白到盡左力就已經Win左！我明白到盡左力就已經榮耀神！
亦知道原來有咁多人睇我日記！好幸福呀>v<"Thanks A Lot
即使比賽Lose左，但我地享受左過程，已經變左Win。

「從憂慮變享受的過程雖難，但我有支持。」

>>May 11, 2006 at 12:10:58 PM GMT+8

2006 年 5 月 8 日 星期一 【清涼】

我想放棄，我好倦...........

放學排戲，一點也不Enjoy。改了劇本，加了場求婚戲，演員卻好像一致認為改劇本反變差了。
我只是想令套劇變得生動點，不想原本的第一，二幕像在做同一幕戲。
好討厭做導演，好討厭要改劇本，好討厭要擔心輸了的後果。
我只是想有一句真心的Suppot既說話，卻沒有。
不是我沒有盡力，用心。但我真的應付不到，我盡了我自己的努力，我用盡方法去改劇本。

3E......Sorry！我盡了我的力，即使輸了........我也不想的。
但請各位仍多多努力，認真點，多謝合作。

夜晚，真的多謝一班演員，一齊去改劇本是最好的。希望這次真的是最後一份劇本了........

「一句......一句真心的Support既說話，我已滿足。」

>>May 9, 2006 at 3:59:09 PM GMT+8

2006 年 5 月 7 日 星期日 【晴】

放完假，又番學...........

家政整xx飯...唔好味的，成個飯得d貴價蝦好食......之後成日都最開心既係上Drama。
雖然今日Drama得12個人上，不過好開心。阿阮同我地玩左個考反應力能既Game，我同貓婷玩到個腦亂晒，講左個唔知咩字既字。個Game好好玩，成程個個都狂笑。
之後就做情侶戲，同南哥一組。阿阮讚我比以前讀對白流暢左，自然左。哈！上左3年Drama既我當然應該有進步啦=0="得番2堂就上完05~06年度既Drama......各位好好珍惜啦！

夜晚，改劇本.........好似改得好差。

>>May 9, 2006 at 10:49:01 AM GMT+8

2006 年 5 月 6 日 星期六 【清涼】

酷熱的一天..........

一朝早就去左將軍澳華人永遠墳場，熱死左人。
之後去飲茶，跟住就去左GIORDANO買左條褲，又換番另一條褲就番屋企。

夜晚去左香港大會堂聽示範講座，係講莫札特。全英......得5~10%聽得明。
成程都好倦，因為尋日訓得3個鐘，唔烚眼訓至奇啦！

「要拎條褲憑弔..............」

>>May 9, 2006 at 10:39:46 AM GMT+8

2006 年 5 月 5 日 星期五 【清涼】

今朝原本諗住落去Book場打羽毛球，點知唔知醒，算！下次再打！

跟住早左番教會同阿Fa夾琴.....阿Fa，你把聲真係好鬼高聲呀！
之後祈禱會果陣，唱番我之前好鍾意既詩歌《主你多麼美》，教會既姊妹作架！超好聽呀>w<

今日開組都唔錯，分享時候講左「浪子的比喻」，分左五個階段。
1)收拾起來 2)窮苦起來 3)醒悟過來 4)我要起來 5)於是起來
我最經歷呢個階段既係我由中一既時候唔願將學業放俾神既時候，得到既結果係差！之後就慢慢去到依家每次測驗考試都放俾神，雖然唔會下下成績都超好，但會得到意想不到既平安。

完左組之後，阿蓉~依君~Fafa一齊陪我去買衫衫，今日麻煩晒你地啦！
最後買左件Puma既衫，幾好睇~~雖然係男裝，不過冇咩分別，我都係著細碼，wkakakaak！
阿蓉：我係叫小知呀=0=唔好再叫錯我係芝芝啦！

《主你多麼美》
主你多麼美 用我真心去讚美你
你滿有恩惠 我深深體會過
頌讚你 永遠頌讚你 頌讚你永遠沒止息

向我主高歌 竭力唱和 音韻旋律
從我內心中歡奏樂歌 只因你不變的愛
用我的真情 用我的心靈
傾出所有 為要頌讚你

「祝福Drama Club明天比賽過程順利，不要發生什麼突發事件。」

>>May 6, 2006 at 3:49:59 PM GMT+8