2006 年 2 月 10 日 星期五 【颳風】

今日由十點排戲排到六點半，雖然時間長，不過感覺好好。
比前幾次感覺都好好多..............將唔熟既地方變到可以令觀眾笑既地方，GOOD。

「看見你今日帶有笑容，放心了一點。Never Give Up！」

夜晚，好唔開心。團契團長係ICQ屈我係Prefect開會果陣爆佢識彈琴既事，鬧我搞到佢依家好忙。但其實開會果日我去左幫團契既福音茶座，個個都見到我一直係禮堂幫手，但佢仲可以話我。之後我一直死話我冇，最後佢一句話冇事就算，佢一d都唔知hurt左我。我唔明白大家一齊為神事奉，佢可以唔信任同行既人。我唔會去嬲佢，不過心入面既傷痛唔會一下子就消失..........遲d舊職員走左，得番我一個女仔，我唔知點行。冇一個知心既人同我分享..........
我知呢條路會好難行，但係我相信神會陪伴我，縱使有多辛苦多困難，神會幫我。
神應許過：流淚撒種的，必歡呼收割。(詩篇126：5)
何況，在團契上冇人與我分享，我仲有身邊一班教會既弟兄姊妹。我唔係孤單一個人去行呢條係學校事奉神既路。下學期，努力...........

同FaFa係電話到為呢件事祈禱，不斷流眼淚。呢刻既傷心......唔知幾時先冇事。
之後再聽誰曾應許，又流多次淚........聖靈再次感動我。

誰曾應許

誰曾應許，一生不撇下我；
每段窄路，誰陪我去走過？
誰還領我，於青草恬靜處躺臥，
豐足恩惠比海沙更多﹗

誰曾應許，天天看顧著我；
晝夜眷佑，連頭髮也數過﹗
誰還以愛，驅走心裡懼怕怯懦，
那懼路途捲動著旋渦﹗

因你是我主，我避難所，
我盾牌和詩歌﹗
你是我的高臺，我隨時幫助﹗
來吧﹗用信心，讚頌和高歌，
你永在我心窩﹗
唯你有永生江河，
除你以外不倚靠別個﹗
我究竟算甚麼？神你竟這般顧念我

>>February 11, 2006 at 1:27:06 PM GMT+8

2006 年 2 月 9 日 星期四 【颳風】

今日放學有信仰研討會，同d男仔冇話題......坐係到發呆。唉........

心情明明已經開心番，但係最後都要低落番。

「原來你所遇到的問題是這樣嚴重......我什麼事也做不到，只可暗中支持你。」

>>February 10, 2006 at 2:06:32 PM GMT+8

2006 年 2 月 8 日 星期三 【微冷】

今日排戲......好倦。

「說了...雖然結果與預期一樣，不過沒有後悔。」

>>February 10, 2006 at 1:46:19 PM GMT+8

2006 年 2 月 7 日 星期二 【微冷】

今日好累，雖然放學前心情不錯，但一到排戲時間，心情轉變。
一D心情都冇，被某事影響左。唔可以全情投入角色，好努力去試做男仔，失敗了。

「看見了你.......心情差了，不能對你有笑容。」

>>February 8, 2006 at 11:39:06 AM GMT+8

2006 年 2 月 6 日 星期一 【炎熱】

好累.......好想休息一下。

第一次感受到做導演既辛苦............還是喜歡做演員。
開始討厭打電話問演員得唔得閒排戲，提佢地記住排戲。好累..........好像他們感到一種很煩的感覺。

「有一種討厭的感覺，最後...你的說話令我認為我以前曾說過的話都是我的錯。現在，不願與你說話，即使一分鐘也不願。」

>>February 7, 2006 at 2:15:30 PM GMT+8

2006 年 2 月 5 日 星期日 【炎熱】

早幾日...排戲...休息...做功課...。
呢個假期一d特別都冇。

尋晚趕中文功課趕得我想死，算吧！交到便算~~
今日番戲劇倦死左............
阿媽竟然同我講我大哥唔學..........唔知俾咩反應佢好。學左咁耐先唔學！

>>February 6, 2006 at 1:49:11 PM GMT+8

2006 年 1 月 31 日 星期二 【微冷】

「很想有人對我說：若再弄到你哭，是要你喜極要泣！」

近來好像與朋友有點兒...分隔。不過一定好快會冇事既~Believe

>>February 1, 2006 at 7:44:39 AM GMT+8

2006 年 1 月 29 日 星期日 【颳風】

大年初二......去左Grandmother屋企拜年，比尋日好玩。
係到玩魚蝦蟹，竟同上次一樣，又輸了給小B。算數！當新年禮物 (笑)。

兩日逗左既利是比上年少左，今年經濟唔係好左咩？
要節儉.......唉。

忘記了講一句：
各位朋友，Happy New Year。新一年祝你地經歷神既恩典更多！每日都要帶著喜樂的心生活。

>>January 31, 2006 at 5:41:39 PM GMT+8

2006 年 1 月 28 日 星期六 【颳風】

大年初一....去左Grandma屋企拜年。
晚飯既時間，去左一間唔願去既酒樓食飯，比上次好左dd....起碼我番到屋企冇嘔先啦！

不過令我唔開心既係老豆唔小心倒左d汽水落我件新褸，好彩洗到ja.....

>>January 31, 2006 at 5:38:42 PM GMT+8

2006 年 1 月 25 日 星期三 【乍雨乍晴】

打日記呢刻好火，因為辛苦打左好多字竟然hand機冇晒......

Today is Drama day

今日十點半番到學校排戲，朝早排細路果幕，悶死左我.....
跟住lunch同一班人去食椰林閣，講左好多笑野......笑死我。無聊得濟叫阿Ling打俾Ivy聽下佢手提既錄音，佢第一刻又以為真係Ivy黎....又俾人玩左啦。食完就番去排大既果班，即係最辛苦既果兩幕。尋日貓婷俾太多break，所以進展較慢，但係今日輝輝好嚴，每次break得幾分鐘。我又著校裙黎排，又要坐係地下，跟住又企左好耐，對腳死左。雖然好倦，不過今日進展好好，有晒第二，三幕既初形。但自己總好似投入唔到個角色，點樣做先似一個男仔呢？
我亦知道尋日最辛苦係輝輝你！要一個人搞掂咁多人，我地又唔聽話，辛苦你啦！

跟住四點就散左，番屋企休息陣先。好yeah！無線真係播Tsubasa翼呀！雖然係電腦已經睇晒第一輯，不過太好睇啦！一定要回味下......不過小狼同黑鋼配音麻麻....算吧。跟住換好衫六點就去市中心，因為約左彭彭貓婷Ling琦Auau一齊影貼紙相，第一次同Drama Club既人影ja~~不過俾貓婷同Ling畫到花晒，哈！跟住七點就準時係何福堂等輝輝佢地。因為今日好大機會係呂明才三十多年Drama Club第一次搞團年飯既日子。有輝輝莊家樂文文霍勇良牛子彭彭Ling貓婷琦Auau同我去食，總共11個人。今晚去食打冷，不過點解係大排檔食叫做打冷既..？未食飯之前有兩個大蛋糕，因為今日係彭彭同聽日係Ling既生日，生日快樂呀！未食飯先飽飽地....跟住輝輝將d汽水玩層層疊，點知跌晒落黎，有罐仲爆左，俾後面果台有個女人勁大聲鬧，不過冇理佢。食飯啦！魚蝦蟹雞菜肉都有齊晒......好飽呀！食完玩killer，超好笑.....跟住十點送完Auau番屋企之後就一齊去行年銷市場，不過好無聊。玩到十一點左右，今日我實太倦，所以走先。點知我走左冇耐，佢地又走....早知就唔自已一個人走先啦！唉.......
不過今日真係好開心。

Today is Drama day
今日影既貼紙相....：


>>January 27, 2006 at 1:44:34 PM GMT+8