2006 年 5 月 31 日 星期三 【乍寒還暖】

選科最後決定日

選科 = 終身大事？？
「寧願為做過的事後悔，不要後悔沒有做過的事。」 By貓婷

或者我本身就唔應該去不斷擔心中四讀既科自己搞唔搞得掂！
依家擔心黎都冇用.........越擔心就越煩。
不過........講就咁講，不過我做唔到！XD

「等待你的一句話，但你卻沒有放上心。」

>>June 1, 2006 at 3:10:36 PM GMT+8

2006 年 5 月 30 日 星期二 【乍寒還暖】

Winson & Ta：Happy Birthday

趕功。疲倦。休息

趕基商創業計劃書行動完成。板主冇喜，休息一天。

>>June 1, 2006 at 11:01:00 AM GMT+8

2006 年 5 月 28 日 星期日 【微冷】

不捨。懷念。期待


最後一堂Drama
2005--2006年度戲劇組最後一堂，有點不捨=0="
今日背獨白，內容係講個有個女仔心愛既人出海既時候，因打風而死左。第一次讀既時候係背熟左，不過感情要再多d。第二次背既時候，其他人要圍住我+不停發出令人超煩既頻率。背完之後，第一句講既係：我超想打你地。唉！感情唔夠激動，代入唔到角色呢！
到阿阮叫我諗下心愛既人發生意外既時候，竟然想喊...太遲lor！不過今堂都好充實，學識左要完全代入角色所發生既事，要當一切所發生既事係自己親身經歷。貓婷呀=0="帶相機果個應該係你呀........

最後一堂......曾經上兩年都以為最後一堂，但係最後都繼續參加。
不過今年仲會唔會繼續，係一個大問題。問心，真係唔想放棄，唔想見到出年戲劇組冇舊人帶領下死左。但自己又想專心讀書.....
不過仲有時間去俾我諗。或者完左戲劇馬拉松，會有結果。

不過呢三年，真係好開心。雖然F.2曾經好唔開心，好想退出，不過最後我都覺得我入Drama Club係正確。
或者今年貓婷 & 輝爺等你地唔係到既時候，我唔會再玩。你地影響左我呢~~
三年了，呢三年冇白廢。學到好多有用既野，一世都唔會忘記。
當長大後再次接觸中學時期的劇本，會否感動呢？

「落淚！」

台上一分鐘，台下十年功。

>>June 1, 2006 at 11:01:30 AM GMT+8

2006 年 5 月 25 日 星期四 【清涼】

中文戲劇比賽
辛酸。回報。冠軍

整個五月既辛勞，終於可以完結。
今日既忙碌由Lunch開始，一到Lunch就衝去問Miss梁拎道具，跟住再番課室。
食飽飽就開始準備道具，演員就換衫。天台好型呀>v<成套劇你最型！浩然條Tie係有用的...哈！
跟住佢地換好衫就排左一次咁多就要上堂，英文堂既時候多謝Miss Wong用一堂既時間幫Kathy & 詩化妝整頭。張暐太無聊，係到扮神父講野......超白痴=0="之後所有演員+我+牛子+Miss Wong影左幾張靚相就完左呢一堂。到第八堂啦！好緊要~~大家拎好自己既野就落Hall準備。

睇完3C & 3B & 3A，跟住就到我地班。超緊呀d時間.......用左2分鐘左右搬好佈景 & 道具。
之後就開始，我負責燈光。

第一幕，播開場音樂，冇錯到。雖然......唔記得少少對白，不過佢地都好冷靜面對。
只係Micmic個咪有問題，影響左講對白。但係佢同雞翼做情侶全場哄動。冇法子...太似。Wakakak
第二幕，爬爬 & 詩都記得我提佢地要恩愛少少。
第三幕，爬爬 & 詩似足兩公婆，裝修工人都ok，講故事既時候播音樂既時間都捉得準。魚店老闆似足呀...特別係服裝。最後Kathy & 天台 & 張暐都做得唔錯>v整體黎講，你地所有台前幕後都發揮比平時更好既水準。好有Team Work..........即使做錯少少動作講錯少少對白，你地都識點處理。真心講一句：你地付出既時間係冇白廢架！

最後頒獎，3E........第一名！超開心~~雖然超出預期想像，但係我地聽到既時候，3E所有人都歡呼，仲要多謝Micmic & 雞翼你地肯大叫一句：祝你地幸福！超興奮，雖然冇獎品或者其他野，都只要證明到俾人地睇，我地付出左一個月既時間係冇白廢就已經足夠。區副校都係話用咪果到有問題。比賽完之後，成班一齊影相，感覺好開心。最後收拾好野就走lu~~

係到.....真係要多謝好多人，呢個月麻煩左你地好多。不論演員，朋友，組員，都Support我。
多謝演員：爬爬 & 詩 & Kathy & Feli & 小肥 & 天台 & 張暐 & 媚 & 泉 & Micmic & 雞翼
你地要忍受我呢個唔多掂既導演，要成日俾我話.........又要你地成日開OT排戲。
多謝牛子：原本你唔需要去幫我導戲，諗台位。雖然次次你都唔多願，但係最後都肯幫我。
又雖然我成日踢你，但你都肯用你最大努力去幫我，多謝晒你........>v<
多謝Miss：幫我預備咁多野，幫我睇實幫演員！
多謝Ivy：要你冇拉拉幫我改劇本，幫我諗下點cut對白，Support我，真係十萬個多謝！
多謝輝爺 & 貓婷：要你地係忙碌既時候花精神力量幫我，麻煩晒你地！
多謝組員 & 朋友：我成日都向你地訴苦，但你地都肯聽，肯support我，呢個月煩住你地，唔好意思呢~
多謝神：我向你禱告，但我冇100%相信你。不過感謝你去幫助我，去加力量俾我........

仲有...3C真係做得好好，Ta~唔好唔開心啦！你地都已經win左。
我呢個導演......都唔算100%失敗............。多謝你地咁多位忍耐我>v<
亦經過呢一個月，我發覺導演係一個超級打雜......搬佈景，道具，衣服都係我一手包辦=0=
3E~~Good Show & Thanks A lot！

「付出了時間和心血，所有人都已勝出了。」

今日既日記長左少少......多謝各位花多少少時間睇。

>>May 29, 2006 at 2:21:56 PM GMT+8

2006 年 5 月 24 日 星期三 【清涼】

疲倦。無奈。不滿

好多不滿.........唉..........
不滿於老師，可以這麼不公平對待戲劇比賽。不滿於學，預演得10分鐘，連道具佈景都未放好就要排一次，都唔知排黎做咩？
演員，不專心不認真排戲，我就快失聲啦.........我要你地排耐d只係想比賽有好少少既成績，有錯咩？

對唔住呀Bee.......我知呢次戲劇比賽好似你做導演多過我做.........sorry呀>.<
我都唔想呢！總而言之，麻煩晒你。完左呢次之後就唔會再有機會咁煩你=0="
剩下比賽日子：明天

「你去了那裡？」

>>May 25, 2006 at 1:54:46 PM GMT+8

2006 年 5 月 23 日 星期二 【乍寒還暖】

疲累。開解。忍耐

今日右肩超痛，尋晚訓得唔好。又肚痛.......唉！周身病痛。
跟住上中史睇中日戰爭既片，又悶又恐怖........睇到嚇親細路。Maths堂好快過，終於明白分點同中點啦！
基教堂，笑到我肚痛。算吧啦Kathy~~袁SIR會一直認為你係壞孩子架啦！Wakkaakka
之後Lunch同Kathy & 媚去椰林食......點解？因為某人去望靚仔=0="

放學排戲，終於有得去小聖堂.......起碼地方大少少。果然絹姐係到，佢地會乖d.........
依家終於可以排得似似樣樣，出得台啦>v<比賽剩下日子：2日~~各位比心機呀！
夜晚雞翼打俾我.........你俾d時間大家，時間會沖淡一切。可能之後和好，對大家都好。

P.S：Kathy...一字記之曰：忍！忍無可忍，還需要忍！

「 一句努力，你能說嗎？」



>>May 24, 2006 at 3:25:25 PM GMT+8

2006 年 5 月 21 日 星期日 【乍寒還暖】

苦惱。笑聲。渴想

今日天陰陰，落雨呀！朝早排隊，由無雨變到越落越大，淋左一陣先有得上禮堂。
今日繼續聽選科講座，介紹左幾科，最有興趣既係生物，化學同經濟。
之後鄺sir冇番，唔洗上maths。好呀！有得輕鬆下~~
Lunch同Kathy & 媚食椰林，傾左好多野，好好笑。好耐都冇同Kathy食lu~~
唉！跟住上English，唔多明白tim，唯有加把勁.......EXAM唔死得的！

放學啦！去左上Drama，真係超好笑！同南哥做情侶，鬼叫佢細過我=0=好難入戲呢.......
臨完前，輝爺 & 莊家樂做左場斷背，超好睇！Wakkakaka~~下堂最後一堂啦，有點唔捨得......

計劃了，下個禮拜開始放學同Kathy一齊去自修室溫書，加油！>.<
比賽剩下日子：4日..........就快過啦>v<唔洗再煩啦！

「或許在你心中，早已忘了我。但...我不想。」

>>May 22, 2006 at 2:15:02 PM GMT+8

2006 年 5 月 20 日 星期六 【酷熱】

更新。改變。明白

崇拜講道講我地「靈命更新」既阻礙，都幾中我。要想法子改變lu~~
跟住學琴，唔太專心。看著依君唔開心既樣，經常望下佢。喜樂吧！
今日學琴學左「歡欣」，開始有少少難，不過我得既......仲拎左「深得主恩愛」既簡譜，good！
仲要多謝大妹妹，你張相 & 琴書，令我...一半驚訝一半喜樂。

「願意被你改變與更新，令我全人能得主你喜悅。」

>>May 22, 2006 at 2:04:47 PM GMT+8

2006 年 5 月 19 日 星期五 【雷雨】

忍耐。福音。喜樂

朝早番學校排戲，失敗。原本諗住今日可以幫佢地排耐d，不過10個演只6個下午有野做，排d咩？
下星期五比賽啦......麻煩你地背劇本！！認真點！

跟住番屋企換衫，食飽飽就出門口番教會傳福音。
今次傳福音笑到我肚痛......同阿Fa & 芝芝一組，向2個人講左少少野。
點知俾一個知識豐富既阿叔串，超級無奈。阿Fa同佢傾緊既時候，我同芝芝就因著個阿叔講既野發表自己意見。呢次傳福音學到最大既野就係：真係好啦！咁早可以相信神，唔洗坐係海邊。不過我要學多d忍耐+對信仰知識要高d！

「無意中遇見你，超開心！」

>>May 21, 2006 at 12:20:27 PM GMT+8

2006 年 5 月 18 日 星期四 【酷熱】

For Everyone：


For Allison，Zoe & 媚：


>>May 19, 2006 at 2:26:35 PM GMT+8