2005 年 12 月 15 日 星期四 【乍雨乍晴】

~~2005年度最後一日上課日~~

今朝早番到禮堂準備聖誕崇拜，好緊張///
第一次參加算係大型既崇拜；第一次著詩袍；第一次以團契職員身份係崇拜代禱..........
雖然每分每秒都好緊張，不過感恩既係神俾我呢一次好好經歷神既恩典既機會。

跟住P.E堂跑樓梯.......不過正式黎講唔算跑。不過好累呀！

Lunch超級忙。去完團契食完飯，就衝去ITLC開戲劇組既選角會議。好yeah！俾我拎到個新聞報導員做。跟住又衝去團傳室開Prefect會，為左陸運會糾察一事...唔多想俾人叫狗察tim。不過知道左我果組係第一日上下午放食飯時幫手；第二日上年幫手唔知邊到當值。最好既係唔洗我跑Prefect 4 x 100，我地果組既女仔真係超唔想跑，因為覺得若果係我地女仔累到輸左，某組員會話我地！

放學之後去團契，今日係聖誕party。
不過破冰果陣有d鬧交，唔鍾意呢種feel。
最尾食野+影相.........ok la。
Winson...祝福你隻手快d好番。

最後多謝浩然你....雖然我生日已經過左18日，不過你最後都有心送俾我......我已經開心到想喊啦~份禮物係十字架頸鍊，不過我想轉做手鍊..........因為條頸要留番俾上年你送俾我個T字頸鍊。

>>February 7, 2006 at 2:17:47 PM GMT+8

2005 年 12 月 13 日 星期二 【乍雨乍晴】

呢一班....真係3E？
越黎越懷念以前的2E.......最起碼唔會出現依家既唔團結，玩阿sir既情況。
係人變了定世界變了........？
呢家既學習氣紛，較上年差左好多....................
除了某幾堂外，其餘既都唔係認真學習............。
好掛住上年任教既老師........................

難道係神要我為著呢d同學而去祈禱？我唔清楚..........
我會盡力依靠神，為自己，為同學祈禱，叫神去軟化佢地！
因為神要我學識寬宏去對待任何人，就好似當年耶穌咁，唔係個個人都支持佢,但佢始終都堅持去完成自己既使命。希望我真係做得到..................

>>December 14, 2005 at 1:24:24 PM GMT+8

2005 年 12 月 10 日 星期六 【微冷】

烏溪沙青年新村----領袖生訓練營---第二日

今朝六點鐘起身，都係好眼訓，仲好後悔尋晚冇玩到。
跟住去左禮堂2集合，再玩D組既細運會，佢地玩吸水棉花。玩到Hong頭同衫到濕左，辛苦你lor！之後到E組玩扔水袋，明明最早扔+差唔多全部都扔中落個圈，不過俾E組話唔係，所以唔知得第2定第3定第4。跟住到F組玩扔5個豆袋再抱番接豆袋既組員，原本我地組第二架！點知抱左Walter番去之後先發現少左個豆袋，原來係其他組拎左去扔......由第二變到最尾，算！！

終於食得早餐啦！因為玩完先食，所以超肚餓。食左好多野呀>v<
點知，超後悔食咁飽...原來G組玩食蕉後再跑接力。亦即係每個人食完一隻蕉再拎住另一隻未食既蕉來回直線跑，我果一刻真係未食先想嘔...因為實在太飽啦！我地幾個女組員都食唔落...副組長食完蕉之後跑完嘔...跟住Maggie隻蕉Hong幫手食左，Winky隻蕉Max幫手食左，而我果隻就Max & 張暐一人一半。好感動呀！我地組既男組員咁為我地.......呢一刻眼濕濕tim！

之後就到我地H組玩，玩射橡筋。我同Winky負責撿橡筋，嘩！好倦呀....大脾超痛。不過其他組既反應尚算OK，哈！跟住就團隊任務( 二 )。第一個任務係包好隻雞蛋再由宿舍既3樓扔落地下，睇下有冇爛。我地果組算係最少物資，搞到包隻雞蛋係咁多組最簡單。扔果陣超驚我地係唯一一組隻雞蛋係爛，不過當Max扔落下時，隻雞蛋竟然冇爛架！超Happy！第二個任務係用報紙 & poster整條橋再放d裝左水既水樽上去，點知我地今次冇咩點商量，所以呢個任務唔多好！

跟住就Lunch，第一次同自己組既組員食飯，好開心呀！之後就番宿舍拎番d行李去禮堂2集合。跟住傾左陣計，寫左張心聲卡，之後就頒獎啦！Yeah！首先我地係烏溪細運會拎到第二名，即係亞軍，差一分就第一，不過已經好好！最後...超開心....我地組長Max拎左最佳領袖獎，而我地H組拎左最佳團隊，超驚訝！我地出去拎獎果陣做左我地LMC HP TEAM既口號動作：L~ M ~C ~H ~ P ~ Team Best！仲影左d相。跟住就要走lu......好唔捨得。

最後影左幾張大合照，我仲做左個H既動作~~之後就上車番學校lu，係車到同Max & 副組長傾計，巧開心唷！！雖然得2日1夜，不過我真係好開心。同組員之間關係friend左，認識多左。
我唔會忘記呢2日，係幾難忘。好想去多次..........好想玩多次..............

I will not forget what was happening during these days !!

>>December 12, 2005 at 12:23:09 PM GMT+8

2005 年 12 月 9 日 星期五 【微冷】

烏溪沙青年新村----領袖生訓練營---第一日

今日番到學校，等齊人就上車去烏溪沙。
係車到好開心呀>v<同Winky & Maggie & 副組長一齊坐，傾左都算好多野。

跟住去到之後係禮堂2聽完簡介，就玩由每組預備既烏溪沙細運會。
由先係A&B 組！A組玩射紙遊戲，因為我唔識，由組長--Max & 組員--Walter + Hong射。最後110分~第一名呀！

之後就後今日既團隊任務( 一 )，玩障礙賽....各組每個人都有不同既殘障。
Max & Walter & Hong & 張暐係四人三足，我同副組長係蒙眼，Maggie係得右手，Winky係啞既。
每個遊戲都係玩5分鐘。
第一個係成組人坐係地下一齊拉住條繩拉起身，雖然我睇唔到野，又辛苦，不過Max既帶導，呢個遊戲玩得唔錯。第二個遊戲係成組人圍住個籃球場行，呢個幾悶下...辛苦既係星四人三足果四個人。第三個遊戲係每個人射籃球，當我蒙住眼射果陣，雖然好多次都射唔到，不過多得各人既提醒，終於射到啦！果種喜悅唔會忘記的。第四個遊戲....唔知得一個人講野，跟住拉D繩裝水，因為我睇唔到，所以都唔多清楚...呢個遊戲係玩得最差，不過唔緊要啦。第五個遊戲係一齊將個足球扭S形，我都唔多知道點玩。第六個遊戲係有d得半邊既管，跟住要不停轉D波。最好笑既係Max有次跌左個波，想拎番個波，點知仆左落地下。第七個遊戲，亦係最係一個遊戲，係一齊"捐"一d用木整既洞，因為我睇唔到野，唔小心撞到隻腳，嘩！超痛，仲余埋。跟住最後Winky爬左上去最高，我地一齊唱夕陽無限好，唱唱下我地幾個女仔已經唔記得點唱，得番d男仔唱....不過好好聽！玩晒所有遊戲.......真係好開心+好感動。

跟住就食飯啦！因為冇食lunch既關係，我夜晚超級肚餓，食左好多野。
到B組既細運會，玩左多人多足，真係辛苦頭先玩四人三足既組員，又要紮腳lu！最後都好似得第四名，不過玩到對腳好痛。跟住就玩C組既細運會，佢地玩sit up傳波仔。嘩！我條牛仔褲條布帶係我玩sit up果陣搞到我好痛，不過成績都算ok既。然後就係晚會，跳左好多舞，亦都笑左好耐。

最後，我地組既阿sir請飲野，傾左自己個名，仲有傾左一陣計就番宿舍。番到去等陣成粒鐘先沖到涼，沖完涼落左去地下同Max影相，傾左陣計，跟住就番房lu！番到去我最早訓，2:00a.m就訓 lu。點知同房既女仔差唔多成晚冇訓到，冒住俾人罰既機會去左樓下組長間房同其他男仔間房玩，影左好多好好笑既相，不過係果時我已經訓左。

今日好開心，係H組有咁好笑既組長--Max同其他好好玩既組員，真幸福呢！

>>December 12, 2005 at 11:13:33 AM GMT+8

2005 年 12 月 8 日 星期四 【炎熱】

今日已經暖番好多lu...唔制呀！

今日放學趕去團契，今次主題係：聖誕禮物
播左一套片：向生命致敬---天堂的畫冊
雖然已經睇過幾次，但因為每次睇既時間我既信仰都唔同，每次都有唔同既感受。
次次睇都想喊，今次都唔例外。而今次既感受就係神會安排唔同既事俾我地，但唔係樣樣野都係自己所認為最好既，有時都會第一眼俾自己既感覺係唔好。但係神咁安排一定係出於佢既心意，呢d都係神所安排俾我地既禮物，禮物係我地去接受先係禮物。神送左好多禮物俾我地，但係我地接受左幾多呢？

令一另最感動既係男主角冇因為癌症而去嬲神，去唔相信佢。但係佢反而依靠祈禱和對神既信心去面對，相信神既安排。令我要去反思既係我自己對神既信心係唔係百份之百足夠呢？

「即使你忘記了，但我也會向好的方面去想.....這代表我又長大了？」

>>December 10, 2005 at 3:22:18 AM GMT+8

2005 年 12 月 6 日 星期二 【乍雨乍晴】

今日超級唔開心........呢一刻雖然好想喊出黎，不過都係算吧！

今日竟然係我人生中第一次遲到...........點解會咁黑仔架>.<
今日又係我第一次去呂明才既留堂班留堂.........感覺唔好！

我唔會再遲到.........一定唔會...............憎死遲到呢樣野\_/

>>December 7, 2005 at 11:57:33 AM GMT+8

2005 年 12 月 4 日 星期日 【颳風】

Happy Birthday to Echo

1.這問卷是誰傳給你的？
喵喵~~貓婷

2.跟她是在怎樣的情況下認識的？
中一戲劇組時識既

3.認識多久了？
er....應該有2年lu。

4.她有什麼別於一般人的特點？
一隻貓樣既中四學生....

5.在你心中她是怎樣的人？
係戲劇方面比我好好多既貓

6.現在有想認識誰？有的話請列名
一個男仔。。。唔話俾你聽邊個。

7.請傳給１０個倒霉鬼，傳過就可以不傳了
Joey 邦邦 阿余 爬爬 詩
彤彤 Winson 阿蓉 諗唔到啦>.<~

>>December 7, 2005 at 11:55:59 AM GMT+8

2005 年 12 月 3 日 星期六 【颳風】

今日一番到教會，就俾阿祖叫我做樹枝。
鬼咩...自從上個禮拜著呂明才套全啡色既冬季校服之後，我今日又因為著左件啡色T-Shirt，佢又叫我做樹枝啦>.<。

今日既敬拜有我最鍾意既Shout to the lord既中文版---歡呼頌讚。
我唱得勁投入呀！Good~~
跟住講道唔錯，令弟兄姊妹都好專心聽。雖然我有點唔明，不過感覺都唔錯。

歡呼頌讚

我耶穌 我至寶
今生今世也難找
一生一世 得主恩惠
深深感受主恩典

我救主 我靠倚
今生安穩你懷中
一生一世 得主安慰
永遠述說主深恩

歡呼頌讚 訴盡對你愛情
歡聲和唱 榮耀歸於至高
歡欣共證 讚頌你的聖名
活盡摯誠 事奉你

歡呼頌讚 愛盡訴你故事
千秋萬世 共證基督應許
天荒地老 竭盡對你愛情 誓約

>>January 25, 2006 at 3:10:51 PM GMT+8

2005 年 12 月 2 日 星期五 【微冷】

今日番小組，雖然得四個人，不過感覺唔錯！

完左之後同阿蓉去左美門買禮物送俾人，點知諗住寄去果刻先發覺自己冇帶張生日卡。
唉！點解我會咁大意架。。。。。。

>>December 4, 2005 at 12:36:10 PM GMT+8

2005 年 12 月 1 日 星期四 【微冷】

俾人話倒數自己生日咁傻....所以都係等出年就黎生日先倒數吧...。

今日係教師發展日，有得休息下。
自從做左團契職員之後，星期五完左團契總係要趕番屋企去學琴，今日終於有得休息啦。

我阿哥既樂理考試終於知道成績啦....八十幾分！佢未知分數之前總耐住唔學。
不過依家我阿媽叫佢點都要考左八級琴試先可以唔學...........佢又真係聽！變得真快。

>>December 4, 2005 at 12:33:19 PM GMT+8