2006 年 6 月 22 日 星期四 【清涼】

完結。輕鬆。討厭

今日考最後一科---家政。
其實整體黎講唔需要溫太多，不過考臨場反應。大部分都ok識既，不過畫餐具點放既時候真係唔記得，我諗10分得3-4分左右。今日仲要傻到唔記得帶錶，跟住考既時候勁驚唔搞時候做。不過考完試輕鬆晒，呢兩日開開心心吧！

跟住完左之後同Kathy去屯市，首先去左食Delifrance。笑到我肚痛，我地傾左好多野，傾傾下有個勁矮既小朋友企係我隔離。個小朋友勁啤住我地兩個，之後行開既時候跌低，原來佢破壞力超勁！哈！食飽飽周圍行睇下買咩禮物，不過都係買唔到。
最後我地去左影貼紙相，幾靚+幾好笑。因為Kathy扮貞子.......wakakakak！

番到屋企有個房署既男人拍門話我屋企toliet漏水，要入黎影低相。跟住我話冇大人係屋企，佢話我咁大個人影幾張相冇所謂，我無奈地開門啦！之後同番媽咪講，佢話我超耐=0=話冇大人仲咩要俾人入屋，話我俾人咩左都唔知咩事。最後媽咪好嬲落左去房署投訴.....
死lor！個男人會唔會上黎報仇架？！=0="我阿爸話我勁蠢，早知當初串到佢冇聲出啦>.<

今日有一件事令我好唔開心，我唔明白佢地點解要咁做。我係團契最信任既人都要咁，我無話可說。對團契極之失望。

考試尚餘：THE END

「日記字裡行間浮現了一種寂寞的感覺，是因為你的影子在我日記消失了。」

>>June 24, 2006 at 2:12:11 AM GMT+8

2006 年 6 月 21 日 星期三 【清涼】

大意。過去。輕鬆

Showhappy死左差唔多2-3日，幾驚佢一死不起。好彩依家都冇事，不過就要打番咁多日既日記....

2006年6月19日
今日考我出驚既一科---Maths。好緊張.........
卷一係長問題，甲部易到爆。點知做到乙部就唔識，最後份卷100分一定冇左25分。其實唔識做or做錯果d全部都係基本野，我太大意，咁都做錯.........唉！卷二MC，一個鐘做40題，唔算太難，我諗錯6題內。好彩我統測Maths有90分，都唔洗太驚整體既分數太低。

2006年6月20日
今日考我唔太明白既一科---I.S
尋日用左好多時間去溫，而且第一次溫生字用左一粒鐘。
番到學校考既時候，第一時候衝去填英文生字。如冇意外，最少錯1個，最多錯4個，第一次咁好。跟住做MC & 填充，都唔算太難，果兩part好似有60分，應該有45分以上。之後長問題其實來來去去問既野都同填充果d冇咩分別，可以係前面抄的。而且最離譜既係竟然出番臨exam前派既paper既內容，仲要係一模一樣。雖然我有溫到，不過我覺得唔應該出paper既野。

不過算數，都考完........得番三日，開始懶tim！
考試尚餘：3日

2006年6月21日
今日考我唔會專登去背既一科---中史
今日係我地中史既Miss梁監考，頭果幾part都係MC & 填充，成班唔夠15分鐘已經做晒，做緊長問題。Miss話我地班做得太快，跟住我地答因為唔識做=0=。填地圖果5分，我岩得1個，無奈。跟住思考問題，我跟住歷史事實吹水。算吧......合格既。
不過之前做既中史projecth得10/20，太少啦！

考試尚餘：2日

2006年6月22日
今日考我上堂唔多聽書既一科---G.E.O
尋晚溫既時候冇溫到英文生字，番到學校狂望。
考既時候我都知G.E.O冇一次夠時間做，我已經寫得好快。不過勁多長問題，之前阿sir又話答案要解釋下，搞到我要寫好多字。最後睇地圖+英文生字都唔係太識，長問題就有2-3題答錯。不過上次統測有57/75分，加番都應該唔會過低。

之後考Eng Oral，其實之前知道同邊個一組已經覺得---死梗！
首先係Presentation，題目係香港旅遊。我講黎講去都係such as呀！題目紙俾既字呀！最後仲有時間講埋Ocean Park & HK Disneyland。雖然同我同組既人都話講得唔錯，不過我覺得講得好差。之後就到Groud Discussion，唔知好彩定唔好彩，同Kathy & Micmic & Feli，三個都係熟人。不過三個英文都係勁人............個題目係Christmas Fair，一開始唔記得Fair點解，唯有跟住佢地講野。最後俾我估中.........我講唔夠5句野，唉！跟住考完之後係405 Kathy & Feli & Me對住Miss Wong講I LOVE YOU，佢即刻傻笑+呆左。(其實我地咁做係賄賂佢wkakkakaka)

考埋聽日就可以考完，跟住我唔會再諗任何分數，到派卷果日先驚啦！
考試尚餘：1日

仲要感謝神！呢個禮拜其實每日我都倦到起唔到身，已經冇做靈修。
不過神Keep住俾精神+力量我，雖然唔係科科都考得好，不過起碼我盡左力。

>>June 22, 2006 at 8:25:20 AM GMT+8

2006 年 6 月 16 日 星期五 【酷熱】

旨意。相信。依靠

失去喬宏的日子(喬劉彦平)
http://www.ccmhk.org.hk/ChineseToday/2006/0605_1.htm

感謝神讓我有機會看到這段文字，令我對事奉or對神都有好大開啟發。

「明天一定有，但明天未必有你、有我。要是明天沒有我，沒問題，我已得到主耶穌的救恩， 祂必接我回天家。
但假若你還沒接受耶穌基督，明天沒有你時，你去哪兒呢？」

「『感覺、信心和事實三人一起走路。路崎嶇難行，感覺軟弱，跌倒了，因他感覺不到上帝；信心走去扶起他，可是與感覺靠得太緊時，也被感覺絆跌了；最後事實走上前，將二人扶起。』主耶穌基督為我們死在十架上，給我們救恩，這是事實。
只要我們接受救恩，就必切切實實的 經歷上帝的愛和帶領。」

>>June 17, 2006 at 2:56:53 PM GMT+8

2006 年 6 月 16 日 星期五 【清涼】

感動。喜樂。得力

今朝早起身原本諗住溫下Maths，不過都係想休息多陣。
因為今個禮拜所消耗既精神實在太多，需要多少少時間輕鬆下。

下午番教會，好開心呀>V<
搭輕鐵途中，大妹妹打黎同我傾電話。點知傾傾下係屯門泳池個站見到佢，So Surprised！
多謝大妹妹你呀！估唔到今日可以見到你~~亦多謝你既糖，好感動呀！！I LOVE YOU~~
上到教會，好遲先開始祈禱會。完左之後就玩破冰.........始終都係踩唔爆你地d氣球。不過今日既敬拜好似少左d......唔夠喉。

小組分享既時候傾到6~8月同神有咩目標，諗到幾個：
1)如何在團契事奉的路明白神的旨意 2)重新建立每日做靈修的習慣 3)認真對待小組or其他的事奉 4)每晚花15分鐘以上敬拜+禱告
希望可以實踐到吧！

跟住差唔多完既時候發現房門鎖有袋野，我去睇下啦.....發現袋野係俾我....>v<
多謝肥翁你，我地唔同組+唔算好熟，但當你知道我考試中.....你就Support我！
感到得想落淚呢~~！之後完組同yungyung食tea時，見到肥翁，講左好多次好感動+多謝>o<
食飽飽就同yungyung去左屯市買父親節禮物，買左2件衫衫........鬼叫佢成日話冇衫著！

今日真係好感動，多謝大妹妹 & 肥翁你地既零食支持，多謝阿Fa既書籤，多謝組員間既禱告！
神呀！弟兄姊妹呀！I LOVE YOU ALL！

「喜樂的心乃是良藥；憂傷的靈使骨枯乾。(箴 17：22)」
「慶幸有你結伴 共攜手走過 生命中的每刻 」

>>June 17, 2006 at 11:19:22 AM GMT+8

2006 年 6 月 15 日 星期四 【清涼】

疲倦。趕緊。休息

尋晚諗基商份野諗到成兩點幾先訓到，搞到今朝超唔願起身。
番到學校同媚 & Feli佢地傾下基商份野，發覺其實我所寫既有d都唔可行，不過算吧！
考既時候，我把握45mins........考緊既時候可以話完全冇停過，將我尋日寫既今日背既一次過寫番晒出黎。可惜時間太少，我連埋九巴既SWOT & 點樣改善九巴既問題總共冇寫8個point.....連結尾都寫唔切。希望唔會因為咁樣而令到份卷低分啦........不過都要多謝邦邦你！

之後考完同媚一齊去M記hea，跟住周圍行。我地兩個超辛苦先捱到11點，差唔多時間就上圖傳室準備。今次中文Oral既小組討論係「香港應否強制使用母語教學？」我果組既人除左1分鐘發言之外，七個人得四個人講野.......我不斷諗話題=0="冇法子，用英語定母語教學跟本唔可以由我地去好細心咁分析。對唔住呀天台....我唔係有心串你架！只係你講既野令我諗到反駁d咩...對唔住呀>_<

終於考完一個星期既試，唔知點解今個星期唔算太難過。
雖然中文閱讀理解同埋服裝都考得唔係太好........但過程已經歷了神的恩典。感恩！

下星期考Maths & I.S & G.E.O & Chinese History，呢幾科都比今個禮拜考既野大壓力。
不過我清楚知道：
「我靠著那加給我力量的，凡事都能作。 (腓 4：13)」
「神所賜出人意外的平安，必在基督耶穌裡保守你們的心懷意念。 (腓 4：7)」

下星期一定要更加俾心機>v<

>>June 16, 2006 at 12:17:32 PM GMT+8

2006 年 6 月 14 日 星期三 【清涼】

失敗。重新。得力

今日考服裝，原本諗住都溫夠架啦！
點知考既時候先發現份卷超級難....Miss唔係諗住最後一次考服裝有咁難出咁難呀？
呢份卷100分滿分，合唔合格都成問題........希望份卷既分除2之後再加番我d習作分可以Pass啦！

由4:00p.m開始就對住部腦，對到2:00a.m，對眼就快睇唔到野。
狂上Wisenews搵報導了解九巴，因為聽日基商考九巴SWOT，要我地自己係屋企寫好，討厭。
跟住係到真係要超級多謝邦邦你........如果冇你幫我，我一定唔可以諗到咁多野。
多謝你引導我思考，多謝你幫我睇下！感謝神讓我識到你，無論我遇到咩事你都幫到我，好愛你呀>v<

>>June 17, 2006 at 3:13:15 PM GMT+8

2006 年 6 月 13 日 星期二 【酷熱】

太多留言.....唯有一次過回復晒。

Re 媚：多謝你係我唔開心既時候Support我！

Re 阿祖：不過聽得多佢話我地唔掂，一唔聽有d唔慣tim....哈！放心~~我唔會嬲佢既。

Re Levine：你真壞，係鄺sir堂都敢訓。咁佢真係有心教書既，起碼佢教我兩年，我maths進度左。
上網睇人彈Canon In D，真係好好聽>v<仲超有型呀！

Re小肥：放心吧！最後果日我一定會同你影番相既！

Re Kathy：算啦！原諒鄺sir吧！佢果陣心情差J...........

Re Joey：多謝Joey，我會俾心機溫書架啦！

Re 大妹妹：多謝你為我禱告.......多謝你為我按摩。

Re Fafa：果陣既祈禱真係好感動........搞到人地眼濕濕。

Re 大妹妹：你同阿Fa真係好夾，每人一日Support我，Thanks A Lot！

Re Levine：算吧=0=朝早食水果我怕肚痛，And then由細到大都慣左係咁，懶得去改。

>>June 14, 2006 at 1:32:21 PM GMT+8

2006 年 6 月 13 日 星期二 【清涼】

腰痛。精神。崩潰

今朝早起身，做左靈修不過未寫低。
跟住溫書，一次過要背超多詩，當然背唔切。所以我放棄左背啦，唯有記好d解釋。

今日考CHINESE番到學校勁咪書，不過臨急抱佛腳都係冇用。
考「卷一」時超趕，又難.........考完之後個個都話唔識，大家傾番答案大家都唔同。
算數！考完唔理。跟住考「卷二」，第一篇長文我作左論「戲無益」。
我作議論文點都好過抒情文，希望唔好俾老師話我冇明確立場啦！跟住作作下發覺差左一大
part，唯有問miss拎紙作過。好彩我作晒果兩篇短文，用30分鐘再作過。

好倦.........連續3日考完中英文，精神崩潰lor！不過靠著神，凡事都可作！

「我靠著那加給我力量的，凡事都能作。(腓 4:13 )」

>>June 14, 2006 at 1:22:52 PM GMT+8

2006 年 6 月 13 日 星期二 【乍寒還暖】

疲倦。精神。上帝

今日考CHINESE LISTENING，一朝早番到去，有點無奈。
因為今日只考呢一科，考到9:15就走得..........

部接收器真係好廢.......聽得超辛苦。好心學校有中央廣播黎考LISTENING啦！
考得麻麻，不過算數~~考完唔理吧......
點知番到屋企訓多左，搞到唔夠時間溫書........溫到成一點幾。
最後放棄去Sleeping，聽朝起身溫。

>>June 14, 2006 at 1:09:50 PM GMT+8

2006 年 6 月 11 日 星期日 【乍寒還暖】

開始。感謝。禱告

EXAM開始進行中..........
一朝早起身，實行我EXAM中一個重要活動---靈修
感謝神！做完靈修之後反而精神左~~跟住食左個麵就溫書lu~~~

番到學校，得超少時間溫書........
上到505室，張Table調轉左......搞到張Chair唔可以坐前d，條腰超倦。
今日既第一科係ENGLISH EXAM，考之前祈左個靚禱先考。感謝神！俾我得到平安+喜樂。
雖然唔係百分之百識晒，但都可以將我溫到既野考番出黎，超級多謝神！

跟住過左個超短既Rest之後就考ENGLISH LISTENING EXAM，坐最近門口第二個..........唉！
聽得唔多清楚，不過算啦！不嬲LISTNEING都唔多好，合格就得啦！

各位我愛既弟兄姊妹，我唔介意你地打俾我為我禱告架>v<

>>June 12, 2006 at 11:43:56 AM GMT+8