2006 年 7 月 2 日 星期日 【清涼】

忘記。笑聲。背後

今日朝早係屋企睇柯南，一開始仲以為十周年電影版，點知唔係。不過都好好睇...........
下午番學校排戲既時候，見到操場打緊班排，好勁呀！！
跟住圍讀.......我D對白勁難讀，得番一個禮拜，希望排得切啦.................

對白一：「喂!形容枯槁,面目犂黑,狀有愧色,做咩月下獨酌?」
對白二：「誠既勇兮又以武,終剛強兮不可凌,身既死兮神以靈,魂魄毅兮為鬼雄!」
你個輝爺=0="我都冇讀過文學.......呢兩句野不但難讀，而且唔知點解！
還是排戲.........這一刻才能聽到從心裡發出的真正笑聲。

「我會改變到你不會再有機會責罵我.......雖然心態不太好，但這刻我的心尚未康復。」

>>July 3, 2006 at 12:19:18 PM GMT+8

2006 年 7 月 1 日 星期六 【清涼】

眼睛疲累，心情沉重，不想記下這天的事，暫打日記。

>>July 2, 2006 at 12:48:08 PM GMT+8

2006 年 6 月 30 日 星期五 【清涼】

承擔。落淚。苦惱

今日番教會做守望，竟然同大妹妹用足成個鐘傾團契既野=0="。
原來......我一直都係承擔緊一D無謂既包袱，一直要自己一個收埋唔好既感受。
其實....我真係好倦。呢一年黎，我從來都唔覺得係團契為神事奉係好倦既事。但當每一次要對住一班團契既男職員，我搵唔到同路人既時候，我就覺得好倦。尋日同阿滔傾計既時候，佢話我令到團契職員成長，但點解兩次既事件都要係我令佢地成長？心身疲乏了.......
為團契，唔止喊了一次。難道「流淚撒種的，必歡呼收割。」，真係要喊-0-？
好想開口同佢地講我既感受，但真係開唔到口............但若再係咁，呢個Camp實失敗，唉！
到底有咩方法解決？

TO 浩然：多謝你叫我做團契職員，其實曾經有段時間埋怨你，因為你令我要面對一班我唔鍾意既職員。但做左成年，雖然唔開心多過開心，但我學到好多野。起碼我學到忍耐+與神既關係更好。Anyway，Thanks A Lot！

大妹妹，好多謝你。有你呢個守望者我真係好幸福>v<你會陪我喊，陪我傾計.......THANKS！

>>July 1, 2006 at 12:26:59 PM GMT+8

2006 年 6 月 29 日 星期四 【清涼】

友誼。永遠。珍惜

今日番到學校派分紙，成績如下：
中國語文：198/300 (2/40)
I.閱讀及語文運用：43/80 (6/40)
II.寫作：46/80 (18/40)
III.聆聽能力：28/40 (2/40)
IV.說話能力：37/40 (1/40)
V.日常課業：44/60 (4/40)
英國語文：207/300 (6/40)
I.英文讀寫：86/120 (9/40)
II.英文聆聽：54/80 (9/40)
III.英文說話：35/50 (9/40)
IV.英文課業：32/50 (10/40)
數學：246/300 (10/40)
宗教(基督教)：A-/A (1/40)
中國歷史：71/100 (6/40)
地理：78 (2/40)
科學(初)：158/200 (11/40)
基本商業：85/100 (3/40)
家政--服裝：67/100 (8/20)
家政--膳食：68/100 (5/20)
視覺藝術：67/100(14/40)
體育：C+/A (28/40)
總分：1245/1700
平均分：73.24/100
全年全級總名次：5

成績理想，感謝神！這一切不是因我自己，全是神的恩典。

今日知道其他班有一些中一同班同學升唔到，有點唔知點講既感受。
3年，係呂明才話咁快就過左3年。曾經好討厭呢間學校，好討厭老師，好討厭同學。
但中二，三呢兩年，我過得好開心。雖然當中有一D同學我唔鍾意，但當我地班要團結，就團結。
當中有一D同學驟變老友，我好開心。當中亦有一D從前未算老友，但依家我地係朋友。
好唔捨得呢個E班呢個字，帶俾我既回憶實在太多。同好多同學一齊玩既時候真係好開心........
出年將會唔同班，算唔算難離難捨？雖不同班，但係呢兩年所建立既友誼絕不忘記。
聽完下面首歌，有點點想喊................

http://www.nhyz.org/student/zjc/jiniance.mp3 <<<我們的紀念冊
我們的紀念冊---TWINS

臨別要在這間愉快的班房起舞

願我愉快三個 友誼萬歲七個
小馬自稱懷緬我 但無法解釋牽掛我甚麼
在這記念冊之中 大傻成熟了很多
他竟祝福我未來要突破

*同學驟變老友 都想有 前程錦繡
從前未算老友 也突然想握下手*

#誰在悼念快將接近成年
誰告誡我課室不要睡眠
在臨別就似明星給我簽名 對我表演
還未學習怎麼紀念從前
便發覺要懂得擁抱明天
囑咐都當諾言 以後不知會點
大個當然會善變#

就算忘了功課 我們記得怎坐
考試罰抄嘗試過 但誰會記得怎去唱校歌
願你也後悔當初 為何胡亂唱這歌
卡拉OK裡面無法直播

Repeat * #

從此怎偷看校草 才深深悔恨常常遲到
他給我們 支撐過每個清早
臨別要在這間愉快的班房起舞

Repeat #

3E IS THE BEST！

>>June 30, 2006 at 10:16:42 AM GMT+8

2006 年 6 月 28 日 星期三 【颱風】

暴雨。濕身。緊張

今日落到屋企樓下先記起冇帶雨傘，但上番去拎又會遲到，所以死就死吧！
點知搭輕鐵時遇到Shirley，Citah，Feli & 爬爬一行五人都冇帶雨傘...........
一落車超大雨，但唔行又遲到，唯有衝。搞到成身濕晒.............
衝到去西鐵站既時候，隔離班某人話8:20之後當遲到，我地當時距離8:20仲有1分鐘。
唔理.......直衝。點知番到去唔知邊個話8:30番去都未當遲到.......
搞到我依家病病地=0=唔敢唔帶雨傘啦........嗚嗚.......................T_T

TSA第一科考ENG LISTENING，最後果part講得超快，一講完得30秒寫番=0=冇咩人寫得切
第二科考ENG 作文，我作ENG WEEK。份野俾左5張圖我，所以一d都唔難。
第三科考MATHS，超容易。不過鄺sir監考，覆卷左幾次先Sleeping。
呢兩日考TSA訓多過做...........=v=中文作文一定考得唔好！Wakakakak！

聽日知道名次+最後分數，唔知會點呢？Kathy，唔好咁擔心啦！

「朋友可以因一些小事而想爆粗，無話可說。」

>>June 29, 2006 at 1:14:22 PM GMT+8

2006 年 6 月 27 日 星期二 【清涼】

朋友。疑惑。友誼

唔知點解呢排身邊既朋友都出現友誼既問題.............
真係唔想佢地既友誼會因一句說話or一些事情而破壞了...............一d都唔值得！
我又做左與勸佢地和好既人，好似搞到我好成熟......或者係神既恩賜。
第一次雞翼，第二次Feli，希望你地既友誼快d冇事。



>>June 29, 2006 at 3:41:12 PM GMT+8

2006 年 6 月 27 日 星期二 【清涼】

酷熱。休息。閱讀


今日番去考CHINESE TSA，100%無聊=0=。
第一份卷作文，完全提唔起勁作。所以實用文作左五行字，長文作「清晨」得三百字。
第二份卷視聽 & 聆聽，如果學校考試都用呢種方法 & 試卷既紙質咁靚就好lu。
聆聽既時候出面狂行雷，搞到我有d聽得唔清楚，仲好大雨。
第三份卷閱讀能力，15分鐘搞掂，成份卷最難都係得文言文。
係學校夾埋休息左成一個鐘=v=時間真長..........................

番到屋企，老豆媽咪話今日落雨唔BBQ。
係屋企無無聊聊咁過，最大樂趣就係睇番Q版特工既小說，真係超好睇>V<

睇到Q版特工14反恐狙擊912其中一段(節錄+經修改)：(好長=v=打死左我)

警告：迪士尼Fans請有心理準備，因此以下文章是責罵迪士尼。
若不能接受，請勿閱讀以下文章，免得你恨我，多謝合作

首先，迪士尼剝削發展中國家的工人權益。根據勞工組織的調查，現時迪士尼玩具都在發展中國家生產，例如，他們僱用中國內地工人，工資低，工時長，工作環境惡劣。以一件售價100元的迪士尼玩具計算，迪士尼公司賺取75元，工廠賺取24元，工人只獲得1元。我覺得迪士尼簡直是謀取暴利。最近迪士尼不僅剝削工人，更剝削小童哩！她借義工之名，邀請一百名六至十二歲的小童拍攝開幕日的宣傳片，但她要求家長簽署苛刻的條件，包括早上六時自行前往公園集合，自備食物，不能與卡通人物合照，小童若有損傷也不能追究。由此可見，迪士尼毫不關心小孩的感受，反利用童真販賣夢想。而興建迪士尼主題公園，香港政府投資230億，才擁有57%沒投票權的B股；相反，迪士尼公司投資23億，卻持有43%具管理權和決策權的股份。而且，政府為了玉成其事，特別優待迪士尼填海可免補竹篙灣的地價，不用交地租，更動用20億興建迪士尼線鐵路。這絕對是不平等的交易！為興建迪士尼，政府在蒲台島挖沙，填海200公頃，嚴重破壞了蒲台島和竹篙灣的海洋生態。竹篙灣海底本藏著古代中國商船和文物，但由於趕工興建主題公園，都來不及搶救打撈。最後迪士尼全球化是一種文化侵略。由1955年的加州，至2005年的香港，迪士尼陸續在世界主要城市建立主題公園，無論動畫，玩具，電影，圖書，媒體，都散播著帝國主義的意識形態，荼毒年輕的一代。

上面既文章不無道理，幸好我對迪士尼公園興趣不大。

>>June 28, 2006 at 3:54:09 PM GMT+8

2006 年 6 月 26 日 星期一 【清涼】

兩個禮拜既辛苦終於知道結果lu，所有科目合格。
只係有2-3科唔係太滿意，可以再好d，而分數等星期五先再講吧！
不過最唔滿意係基商，不過算=v=出年唔洗讀！釋放...wakkakaka

今日放學之後就即刻同老豆媽咪參加長洲一日遊，搭車去到四季酒店隔離個商場既時候，入左間高級既Supermarker。間野真係So good，好多野食未見過，好想試=v=不過好貴......唉！跟住搭船驚頭暈烚眼訓，點知訓到條頸好唔舒服....一落船就去張記食麵，食左個雲吞麵+炸魚皮+豆漿，好味！個湯底好香魚味！之後周圍行，行行下去左沙灘坐係到休息。笑死我，有兩個男人倒轉訓係沙灘，跟住我同老豆研究佢地會唔會腦充血而死。點知佢地隻腳or隻手仲識動=0=原來未死......哈！之後行去次次黎到長洲都會去食日本婆整既手卷，不過今次係日本婆個老公整，食左個蟹子手卷，即叫即整好味！媽咪同老豆買左兩粒巨大魚蛋，真係好大粒。跟住又周圍行，行行下未夠鐘搭番船，所以去左食甜品。三個人食左綠白 & 楊枝金露 & 什果涼粉，不過麻麻地好食。臨上船前先發現7:00果班船係高速船，貴好多，所以等到7:45。冇野行，最後連M記既麥樂雞=v=。終於夠鐘搭船，跟住番屋企，食麵麵做晚餐。

今日雖然好倦，不過食左好多野，唔錯>V<。但天氣.......真係好酷熱，就快熱死。

>>June 27, 2006 at 3:14:27 PM GMT+8

2006 年 6 月 24 日 星期六 【清涼】

原諒人都有錯？

今日，同番團契既人話原諒佢地。點知話我唔早d原諒，佢地買左張卡話送俾我。
跟住我話我已經原諒左，所以唔洗送俾我。點知又俾人話夾左錢，叫我俾番錢，仲話我善變。
好過份.........嬲人又俾人話，唔嬲人又俾人話，咁想我點？

To Someone：
唔該唔好話我小器！你要知道冇拉拉俾人玩既感覺唔好受，我都需要時間平息心情！
係！我承認做唔到聖經所講既不可含怒到日落，但你又做到咩？
你唔係當時人，你冇資格話我小器！仲有，你要記住我只係嬲左1日。
我只係一個中學生，暫時做唔到容易饒恕人好過份咩？而且我唔覺得嬲左1日都算係小器~~~

>>June 25, 2006 at 7:42:41 AM GMT+8

2006 年 6 月 23 日 星期五 【清涼】

煩惱。釋放。感恩

面對考試兩個星期，今日番教會終於可以以輕鬆既心情番啦！
今日係祈禱會，我發覺次次榮基係祈禱會講道都岩我果個禮拜所面對既事or心情。
講道係講馬太福音既積存財寶在天上，內容係話個青年人守十誡但唔知背後原因，仲有佢問耶穌點樣先有永生---證明佢做事唔係諗現在，而係諗死左既時候，最後仲有話個年青人對財產唔捨得。榮基同我地講話要捨棄一d壞習慣，感覺 & 最寶貴既野。果一刻即刻諗到尋日同團契既職員發生既事，一同大家分享就俾榮基話我要不可含怒到日落。而我亦俾聖靈點醒，要捨棄嬲人既感覺。

夜晚，同屋企人出左去尖沙咀睇幻彩詠香江，因為今晚會加插海上煙花。點知遲左出去，去到尖沙咀海旁的「星光大道」已經做完，跟住我失望到發脾氣，不過好快冇事lu！今日第一次用阿爸部古老大相機影夜景，原來冇閃光燈就要計曝光時間......不過好好玩，唔知影得靚唔靚呢？跟住去左行「星光大道」，我狂問阿爸邊d死左......當我問到阿爸d名係地下既人係未死既時候，阿爸話果個人實眼眉跳。行完之後去左金太郎食日本野，食完碗拉麵已經飽晒。食飽飽行左陣街，二哥買左隻公仔俾佢補習社女同學，好可愛架...跟住我發脾氣話二哥買野送俾人仲好過送俾我，之後佢頂唔順話買俾我。不過我發脾氣唔要=0="最後佢話等7月出糧先再送.....呵呵呵！

最後成12點先上車，1點先番到屋企。搞掂d野沖埋涼都成2點........聽日實超眼訓！

「好鍾意夜晚既景色>V<」

>>June 25, 2006 at 7:26:14 AM GMT+8