2005 年 12 月 25 日 星期日 【颳風】

今日係Boxing Day，不過冇禮物俾我拆。
下午去完荃灣學完琴之後，就去參加Drama Club既Bbq。
原本係青山灣，點知冇爐，跟住就改左係覃駿軒屋企到....

約左輝爺係屯市等......點知要跟佢去完百街再去街市先搭輕鐵去藍地.....
行死我啦>.<去到之後，有輝爺啦~~莊家樂啦~~Ivy啦~~潘樂文啦~~阿銘啦~~覃駿軒啦~~霍xx啦~~郭豪揚啦~~貓婷啦~~黃佩怡啦~~阿Ling啦~~我啦~~好似冇啦！成個bbq過程都唔洗我地燒，因為d男仔自己搶晒黎做...特別係莊家樂同Ivy......燒唔停手。食到我好飽呀。

跟住到10幾左右走lu~~夜媽媽由佢屋企行番去輕鐵站....得我一個人實嚇死我。
唉！今日咁開心，但係聽日就要排戲。

>>January 3, 2006 at 9:38:50 AM GMT+8

2005 年 12 月 24 日 星期六 【颳風】

「普世歡騰，救主降下......」
今日係聖誕節，為的是紀念神愛世人，將衪的獨生子主耶穌基督降世成人，叫我們一切相信神的，不致滅亡，反得永生.......。感恩！因為我能相信你，我的神。

今日朝早番去教會崇拜，氣氛好好。跟住同組員食完飯，就去上基要班。
今日係最後一堂啦！仲要Test~~係背新約聖經目錄+5句金句.......好驚......因為未背熟！
不過最後都係Pass左，遲d只要補上番5堂，就正式上完基要班。

跟住去左Aunt屋企參加party，同表妹佢地玩......
好開心呀！總算有個Christmas party，哈！跟住夜晚同4個表姐表妹去左舅父屋企住一晚，同2隻松鼠狗玩啦~~傾計啦~~睇電視啦~~跟住第二朝就要番屋企準備出去學琴lu~~

>>January 3, 2006 at 9:25:59 AM GMT+8

2005 年 12 月 23 日 星期五 【颳風】

因之前太忙，冇打日記，依家幫番！

今日係平安夜，朝早特登做左石頭蛋糕拎番教會。
教會今日有Christmas慶典，有破冰啦！有敬拜啦！有睇VCD啦！
最good既係敬拜~~又聽番我好鍾意既色彩人生.......唔知幾時......大約係我信主果日都好似聽過呢首歌，好懷念.....歌詞寫得真係好~~當信主後，人生的日記就會改變。

完左之後，請蛋糕俾人食......係我既蛋糕唔好味？定係人地唔鍾意食呢？
剩番好多...好彩最後Joey佢地幫手食埋.......有d唔開心。
跟住特登留左幾件俾浩然，諗住完左就俾佢，點知佢......突然話要番教會，唔食......
當時真係超唔開心！！不過諗深一層....佢都係有事番教會j......算吧~~

番到屋企對住電視倒數...........3！2！1！Merry Christmas~~

>>January 3, 2006 at 9:16:50 AM GMT+8

2005 年 12 月 22 日 星期四 【颳風】

今朝起身時好興奮呀！因為今日去迪士尼呀>v<
梳洗後就去葵芳等表妹同表弟，跟住就搭地鐵去到欣澳轉搭去迪士尼既地鐵。
嘩！迪士尼專車好靚呀.......係地鐵到狂影相。不過可惜既係......我帶唔夠電呀！唔敢一開始就用咁多。

去到迪士尼之後，就由美國小鎮大街到行去明日世界。
我地排緊巴斯光年星際歷險既時候，Aunt已經去左拎飛越太空山既FastPass。
雖然巴斯光年星際歷險幾....無聊下，不過我地又玩得幾開心！因為呢樣game婆婆玩到ma>v<
跟住我地玩完之後係呢樣遊戲既商店行街街。二哥係果到整左個鐵既野...唔識點講，不過好靚。

跟住就去玩飛越太空山，平日去到海洋公園連過山車都唔敢玩既我....點都要去試一試。
係室內玩過山車，全程都係黑色，只睇到好多發光既物體。冇衝落黎既一下....只有左右不停撞，我太驚lor.....抓實我二哥隻手= ="玩完之後我同表妹都一齊頭暈。唉！同過山車既遊戲冇緣。Aunt仲晒左我地玩呢個遊遊戲既相.....我咪埋眼既.....樣衰........

之後就去探險世界，去玩森林河流之旅。個導遊幾好笑下...
係最後果陣，d火係水面上燒，我係旁邊感到好熱....做得超好呀！

跟住見到有卡通人物，就去左排隊影相。同Winnie The Pooh & 跳跳虎影左，仲有米奇老鼠。因為佢地唔想等，所以同卡通人物影得好少.......有d可惜。

玩完就去左幻想世界，係睡公主城堡前面睇巡遊，不過太多人係前面，睇得唔係幾清。不過都唔錯，無論係表演定音樂.....之後去玩米奇幻想曲，嘩！雖然冇海洋公園果種張椅會動，不過呢個米奇幻想曲帶住眼鏡黎睇，好有真實感。有一段仲有一陣Apple Pie既香氣，好好睇呀！玩完之後我地又係出面個商店到行街街。我買左一條扣鎖匙既跳跳虎鎖匙扣，送俾二哥做聖誕禮物。跟住就去睇米奇金獎音樂劇，一樣係咁好睇！係一個頒獎禮，有好多迪士尼人物出黎唱歌，有一段播左我好鍾意既A whole new world，好好聽呀！

睇完之後因為未夠鐘去睇獅子王慶典，所以我地就去幻想世界火車站搭火車去番美國小鎮大街行陣先。我地各自各行街，我地表妹周圍行，我買左一個鎖匙扣俾自己，同埋整左2個果d鐵既野....時間所限，買得好少野。跟住連聖誕樹亮燈儀式都趕唔切睇就要趕去睇獅子王慶典。好好睇呀！係成套獅子王由人做番出黎，雖然有少少想訓，不過都唔錯！

睇完之後我地就趕番去睡公主城堡到睇煙花，好多人呀，不過都總算搵到個睇得清既位置睇。嘩！好耐都冇試過現場睇煙花匯演啦！加埋音樂~~雖然得好少煙花，不過都so good。最可惜既係我部相機.....影得幾張就冇電Lu！要靠我Aunt部相機，不過我都唔係影得太差ｊ......遲D要問佢send番俾我。跟住另一個aunt買左一d包包番黎俾我地食，味道幾好，不過價錢就貴到爆。

睇完煙花之後就去番幻想世界到玩灰姑娘旋轉木馬，雖然冇咩特別，不過都是玩了........
跟住去玩原本好多人排隊既小熊維尼歷險之旅，因為已經夜晚，唔係排左好耐就玩到Lu......
雖然只係一路聽故事，架車一路行，不過入面既小熊維尼真係好靚。

玩完之後已經９點幾，好夜Lu，所以我地搭番地鐵出番去欣澳站我同Aunt就走lu。

呢篇日記雖然過左好耐先打，不過呢一日真係唔會忘記。
去迪士尼.....現場睇煙花.....收到一份金錢既聖誕禮物.........都係神所賜給我........感恩！

>>December 29, 2005 at 10:03:20 AM GMT+8

2005 年 12 月 21 日 星期三 【颳風】

今日係社際歌唱比賽 + Christmas Party。
歌唱比賽今年某d人水準唔錯，不過聽到想訓。

跟住就出去lunch，因為今年Party冇預食物，所以要出去食。
跟住早左番去，同左好多人影相相..........夠鐘lu！帶住聖誕帽入去班玩。
玩左....踩波，大電視....仲有一d唔知叫咩名既遊戲。

雖然今年比上年少左好多野....不過都總算係一個好既Christmas Party。

夜晚出左去食冬至既飯.....終於見到係美國番黎既表姐同表妹，冇咩唔同到佢地。
不過原來我仲高過表姐...唔錯唔錯！哈！跟住今晚係阿婆屋企訓，因為聽朝要一早去迪士尼！
有少少興奮，興奮係因為我冇諗過咁快可以去，真係感恩！

去迪士尼做足準備，玩得開心至醒得你！

>>December 28, 2005 at 2:20:49 PM GMT+8

2005 年 12 月 20 日 星期二 【颳風】

今日番去補課.......好悶呀！
不過總算教完成個單完五....不過又多左篇文作，唉！

>>December 28, 2005 at 2:06:28 PM GMT+8

2005 年 12 月 19 日 星期一 【乍雨乍晴】

今日係陸運會既第2日。

番到去就做糾察，係門口企.....真係風和日麗。
不過係果到睇比賽清楚好多，見到好多我識既人比賽都好落力...........加油！

好快就完左上午既工作。
下午唔洗當值，諗住去紅社坐啦！點知俾某老師認到我係綠社既人..........真係無奈。咁都記得！
不過我冇理佢，照坐。睇到班際接力，今年我地班得第2名。雖然拎唔到第1，不過3E已經好叻架啦！唔好唔開心啦！然後就到Prefect接力，嘩！我地H組好勁呀！Winki....你好叻呀！跑得好快架啦！最後我地組長由第8名...j係最後一名追到第4名.....估唔到呀......雖然拎唔到獎，不過H組已經好勁架啦！LMC HP TEAM BEST...........

最後超開心呀！開始緊閉幕禮果陣，我地班d人係看台果到叫3E既人落去一齊拎獎。
原來我地班拎左全校參與率最高........成班每個人隻手都寫左3E，衝去草地果刻真係....好難忘。
跟住拎左個獎之後大叫：3E is the best！

今日真係好開心呀！不過聽日要補課....唉！

>>December 25, 2005 at 1:19:51 PM GMT+8

2005 年 12 月 18 日 星期日 【乍雨乍晴】

今日係第一日既陸運會。

番到學校朝早唔洗做糾察，可以休息下。跟住冇幾耐就參加比賽，就係女乙鐵餅。
嘩！真係超好！因為得5個人參加呢項比賽，我地5個人仲估下會唔會5個人都拎唔到獎。每人可以拋6次，最遠果次就係自己既分數。拋完3次就已經有一個人out，真慘！
最後原本我冇份拎獎，點知個阿sir話我同第3名果個人係同分，所以我拎到銅牌呀！超開心！呢個獎係我第一個運動既獎..........感恩唷....5個人有4個人拎獎....勁呀！

Lunch去左食日本野，因為冇咩錢，所以食左個最平既野，不過味道都ok既......
跟住就番去運動場到做prefect應做既...糾察。
係看台企足成個下午....累到我.......唉！

聽日冇晒比賽lu.....成個朝早要做糾察。Oh NO~

>>February 7, 2006 at 2:17:26 PM GMT+8

2005 年 12 月 17 日 星期六 【乍雨乍晴】

今日上基要班上左2個幾鐘.....攰死左。

下星期要基要班要測驗呀！內容係自選課本5句金句，同埋背新約聖經目錄。
點算呀？好驚唔合格呀...
神你要祝福我呀！

>>December 21, 2005 at 10:11:33 AM GMT+8

2005 年 12 月 16 日 星期五 【颳風】

今日係小組活動---大食會

好開心呀！終於叫到阿影番教會啦，感恩唷！
番到教會當中，終於見到一個好耐冇見既朋友---MayLai。
玩左我同芝芝既破冰之後就食野lu，超多野食呀>v<
有肥牛卷，沙律通粉，沙律，我整既石頭蛋糕，一d丸，仲有零食。

今日好開心呀！唔知下個禮拜既聖誕節慶典會唔會仲開心呢~

>>December 20, 2005 at 10:52:07 AM GMT+8