2006 年 4 月 6 日 星期四 【雷雨】

各位...有心去睇下呢個網址，真係可以令到你有好多反思。
http://home.graffiti.net/psu2yl:graffiti.net/listen.htm
----------------------------------------------------------------------------------------------------------------------------
今日既test.......一半好一半差。期待分數中......
死lor......星期三崇拜要做戲呀>.<要做耶穌釘十字架時既某一個群眾，喵婷...你咪笑呀！

俾Kathy點中：
寫出 6 個你的好友名字 :

1` Kathy
2` Winki
3` Allison
4` 喵婷
5` Twinkie
6` 邦邦

1` 以上那位是最了解你的感受?
Kathy & Winki & 邦邦
2` 以上那位讓你最想保護佢?
All of them
3` 以上那位是最能跟你瘋癲的伙伴?
Kathy & 喵婷
4` 以上那位跟你較不熟絡?
Twinkie(大耐冇傾計lor) & 邦邦(關係特別)
5` 以上那位可以跟你在佢面前放一點 ?
Twinkie
6` 以上那位跟我有最耐的友誼?
Kathy & Winki......喵婷都算識左3年既-0-
7` 以上那位最清楚我的低細?
Winki & Kathy
8` 以上那位擁有很多的話題?
All of them
9` 以上那位誰跟我最像?
冇wo=0=
10` 以上那位讓我最羨慕的?
邦邦
傳給 7 個好朋友`
喵婷...//輝爺...//彭彭...//Twinkie...//Allison...//Heine(做多次啦你)...//最後一個...Zoe吧...//

>>April 7, 2006 at 2:52:41 PM GMT+8

2006 年 4 月 5 日 星期三 【炎熱】

尋日測我驚既Maths.......第一眼睇到份卷，想死。
唔係難到想死.....份卷一係易到測最基本既野，一係難到未教過。
80分以上應該拎到既........

番到屋企溫I.S & G.E.O.........倦死左。

>>April 7, 2006 at 1:22:45 PM GMT+8

2006 年 4 月 3 日 星期一 【炎熱】

兒童節快樂！

今日係Unitform test既第二日，測英文。原本Grammar識架，點知reading果到睇唔明篇文，答問題唔識解唷！算~~過左去既唔理。不過，我話過我Maths一定唔會再衰架>.<我要努力。

見爬爬同feli玩得咁開心，我又玩下先。
----------------------------------------------------------------------------------------------------------------------------
隨便列出你認識的二十位朋友︰
01) Kathy
02) Winki
03) 珊珊
04) 雞翼
05) 彭彭
06) 爬爬
07) Wing
08) 彤
09) 阿余
10) 小肥
11) 大肥
12) 輝爺
13) 媚
14) 比比
15) Cindy
16) 衰貓婷
17) Ring
18) 阿銘
19) Walter
20) Micmic

[6 號同邊個拍緊拖？]
爬爬...不是尋覓中嗎？放低"佢"啦...係時候重新搵個靚女啦

[9 號係男仔定係女仔？]
阿余...靚女一個！呵

[如果 16 號同 12 號一齊，會唔會好正？]
>V<一定正到爆....

[18 號同 5 號呢]
難道傳聞係真既？佢地.......正唷！(笑)

[17號讀緊乜？]
SSLMC的3E班

[你同 12 號最後一次傾計係幾時？]
er......好似係上星期四。呢個經常扮cool既人都唔多出聲既

[6 號最鍾意邊隊 band？]
爬爬呀...難道是日本某隊？

[1 號有冇兄弟姐妹？]
一個阿哥 & 一個家姐

[你會唔會溝 3 號？]
珊珊...同佢斷背呀

[咁 7 號呢？]
Wing...人地心有所屬(Ring)

[16 號係咪獨身？]
貓姐Maybe同某人發展關係中，呵

[15號姓乜？]
羅

[10 號叫乜名？]
張浩x

[4 號最鍾意做乜？]
雞翼...鍾意傻笑。

[13 號吸引嗎？]
媚...唔吸引我=0=

[14 號同 19 號會夾嗎？]
Walter同比比一d都唔夾

[20 號讀緊邊間學校？]
SSLMC


[隨便講 D 11 號既野俾我知？]
得一個字形容「肥」，哈！
不過做戲...都唔差既~~

[1 號呢？]
愛外國人愛到討厭中國人

[3 號呢？]
體弱的女仔

[你試過對 15 號有 feel 嗎？]
對女仔冇feel的

[9 號住邊？]
大興

[4 號最鍾意乜色？]
紅色...周身都係紅身。

[5 號同 6 號係咪好朋友？]
2個唔多相識的...

[7 號鍾意 20 號嗎？]
沒有可能的，MicMic & Wing各心有所屬

[8 號同 19 號呢？]
彤 & Walter都係心有所屬.....一齊會嚇親我

[你點識 2 號？]
中一同班識的。

[10 號有冇寵物？]
-0-冇問過小肥有冇wo~

[17 號係咪有史以黎最性感既人？]
絕對.........wkakakaka

>>April 4, 2006 at 5:18:48 PM GMT+8

2006 年 4 月 2 日 星期日 【炎熱】

小知 No.2見證分享

還記得在2004年4月3日在教會決志的那一刻，是多麼刻骨銘心的。
今日便是決志的第二年.....這兩年，經歷了很多事。不論考試，家庭，比賽等，都經歷了神的恩典和真實。最深刻的是05年的大考和上次媽媽入醫院的事，當要面對能否升上3E和媽媽的身體的壓力時，也全因神給我的平安和力量才能度過。每次我感到軟弱的時候，也因為身邊的弟兄姊妹支持，才沒有離棄神。亦要感謝神在我中一的時候就可以相信你，在我最要面對很多困難的時候能依靠你度過。這兩年神在我身上工作了很多，特別在性情上改變了。踏入第三年了，希望今年我的靈命成長得好好，亦希望神在我做靈修方面能作出改變.....
感謝神！把讚美也歸給你。

>>April 3, 2006 at 11:58:47 AM GMT+8

2006 年 3 月 31 日 星期五 【炎熱】


院校/部門: 音樂學院
類形: 製作
主題: 《橋王闖情關》
日期/時間/地點: 30/03/2006 19:30 演藝戲劇院
01/04/2006 19:30 演藝戲劇院

語言: 其他
類別: 西方歌劇
創作小組: 佈景設計：李嘉耀、服裝設計：鄭運蓮、燈光設計：羅文姬、音響設計：林珮
演出: 演唱者：連皓忻、廖匡、林穎穎、羅曉晴、李嘉璐、吳京科、黃日珩、韓雲龍、梁笑君、楊芷瑩、演藝樂團及合唱團
製作小組: 作曲：韓德爾、指揮：洛梵西、導演：盧景文、古鍵琴：艾雲高、導演助理：梁笑君
票價: $140, $90, $60(B)

內容:《橋王闖情關》是韓德爾專注創作神劇前，最後的世俗歌劇作品之一。此劇莊諧並重，既有嚴肅的主題，亦有風趣的情節，配上優美的音樂，是一齣為觀眾帶來無限歡樂的美妙作品。

故事描述波斯王賽爾昔貪新忘舊，雖然已有未婚妻，卻愛上將軍阿里達的女兒羅美黛，要娶她為皇后。但羅美黛卻愛上波斯王的弟弟艾薩曼。為了排除障礙，賽爾昔放逐艾薩曼。艾薩曼寫了一封情信給羅美黛，傾訴思念之情。烏龍的僕人埃維魯卻把情信交給羅美黛的妹妹愛蒂蘭。

原來賽爾昔的未婚妻，亞瑪翠喬裝年輕士兵，一直從旁監察未婚夫的不忠行為。賽爾昔向阿里達將軍表示，會把羅美黛許配給一位如他一樣擁有皇族血統、地位顯赫的夫婿。將軍因而誤認未來女婿必定是艾薩曼，便立刻為二人舉行婚禮。賽爾昔未及說明自己意圖，羅美黛已成為他的弟婦。他於是大發雷霆，亞瑪翠立刻當眾表露身份，賽爾昔亦後悔自己所為，兩人因而和解。兩對有情人終成眷屬，各人歡欣慶賀。
----------------------------------------------------------------------------------------------------------------------------
夜晚，去左香港演藝學院睇《橋王闖情關》。起初也不是太感興趣，但越看先發現係咁好睇。故事都係由演藝既學生唱意大利文表達，仲有大約25個人組成既樂團配樂。我坐第一行，而樂團就係坐係我前面表演。近距離聽，真係so good>v<拉小提琴既樂手拉得好好聽。愛上左古鍵琴，因為佢既音好特別，比鋼琴高音點。
表演趣事：
到最後一幕台上既演員終於去到搵到另一半既時候，樂團就表演最後一段音樂。
咁其中一對拉小提琴既情侶，男方含情默默望住女方拉，而女方就笑住望住琴譜拉。
不過...男方拉錯晒音。梗係啦...又唔望住個小提琴，又唔望係譜......唉。
但係....好溫馨呀>V<可以一齊演出。

依家愛上左《橋王闖情關》呢套音樂劇tim........

>>April 3, 2006 at 9:00:43 AM GMT+8

2006 年 3 月 30 日 星期四 【炎熱】

疲倦指數90%

今日終於熱到頂唔順，著左背心冷衫。
English=]又係做presentation & discussion......為的就是那死人TSA！討厭呀~~
G.E.O=]同Kathy plan定13號去街街既行程...有少少期待，不過玩完13~16號，要全心做功課啦！
基商=]Miss又玩埋d無聊既game，我用黎Sleeping.........
Lunch=]上左小聖堂食飯，咕嚕肉既汁好酸，俾牛子呃左.....
Maths=]係教中一既坐標簡介，唔難。不過做數一開始未熟透，鄺sir俾太少時間做，成日都做唔切。
Chinese=]做閱讀理解，關於徐志摩既太太張幼儀....原來徐志摩係風流才子。
團契=]今日司琴「遇見神」，都算ok既。跟住歷奇...蒙眼呀！唔係太驚....
不過俾人帶去周圍行既時間好樣衰呀>.<"分開搵哨子聲，狂俾人打，唉！
不過佢想帶出既主題<<信心>>幾好。今日仲俾嘉敏狂整估...完左之後一班男士踢迷你足
球...出晒汗，浩然同秀程玩到癲晒，兩個大細路。

夜晚同Kathy Msn，分享左一d我點睇事 & 呢個世界。
----------------------------------------------------------------------------------------------------------------------------
◤ζCaNon ζ◢ ---小知*// says:
你呀！嘗試用多角度睇香港&中國~
KC says:
such as?
◤ζCaNon ζ◢ ---小知*// says:
唔好用單一角度，唔好只睇中國人既唔好~~慢慢你會發現唔係咁差
KC says:
好!多謝你呀~~~
◤ζCaNon ζ◢ ---小知*// says:
maybe你一直想像中國人係好衰~~所以你個腦所諗既一切都係衰lor
KC says:
就係咁
◤ζCaNon ζ◢ ---小知*// says:
所以凡事用唔同既角度去睇，會發現世界其實好靚。正如你睇外國，因為你一直覺得外國比中國好超多，你只睇到佢表面既野~maybe內裡有好多恐怖既事你唔知.....
◤ζCaNon ζ◢ ---小知*// says:
或者你可以試下直立睇某一處風景，跟住試下轉做係褲襠到睇，
跟住試下躺臥係地下睇，你就會發覺唔方法睇風景都會有唔同既靚。

「今天聽到那個消息後，真的擔心你的心情。」

>>March 31, 2006 at 3:02:12 PM GMT+8

2006 年 3 月 29 日 星期三 【炎熱】

今日心情尚能過得去...
服裝堂Miss冇番，我用左果2堂既時間來預備Presentation同埋一篇環保學會強迫性參與的作文比賽<<我是有用的廢物>>。篇文500字以上，越寫越多....最後寫左700字。內容關於鐵甲萬能俠的一生...越作越好笑。跟住Lunch同winki去椰林食飯，食完上堂有點頭痛tim....Maths堂開始教坐標簡介，唔難。希望可以之後教既野都明白啦！英文堂又係做discussion，悶死我啦~~

放學之後番屋企，訓左一陣。訓醒右眼紅左，不過洗左d洗眼水洗完就冇事lu~~跟住就去左學琴，今日突然令自己好想俾心機練琴.....努力唷。

>>March 30, 2006 at 2:27:53 PM GMT+8

2006 年 3 月 28 日 星期二 【炎熱】

早兩日都冇打日期，因為太倦lor。
講番今日呢，家政整花素卷，味道不差......不過若果我再整我一定會將炸菜變做豬肉。
Art堂悶...悶...悶。I.S堂高sir鬧人...講答案...教書。唉...只要一見到貓婷，就俾佢叫大知。最衰都係輝爺=0="亂改人名...哼！跟住Lunch買M記番學校一路食一路開prefect會，又係講果d野。中文堂小組討論，Lucky~~抽唔中我既學號。點知英文堂抽中左，唉....3分鐘準備，2分鐘講，講有關I.S書。我既急才果然係差的.....哈！

今晚媽咪整既煎薯仔餅好好味>v<

>>March 29, 2006 at 1:53:35 PM GMT+8

2006 年 3 月 25 日 星期六 【微冷】

今日朝早番去教會同大妹妹做守望.....
突然發覺我比其他人遲做守望，係一件好事。每次同大妹妹做守望既時候，我地反而多左時間去傾計。今日我先知原來我已經過左反叛期，就係上年年頭既時候...不過聽大妹妹講，好快就過左lu~~
好感謝神比我係中學時期就相信神.......跟住仲傾到團契既問題，多謝大妹妹既支持。

跟住崇拜，芝芝終於番黎lor！第一次呀~~
講道既時候，神既預備真奇妙。今日榮基講道講到基督徒若果在多方面有事奉既岡位，要抉擇邊個係首要，因為咁樣會變到唔係出自一個榮耀神既心，而變左係一個只為工作既心。中左我煩惱緊既事........

夜晚，都幾得閒。開始期待4月14~15日既異象退修營，好想係camp入面知道團契件事既答案。
以下係今日講道既內容，好想各位睇下點解我今日經歷到神既真實。
----------------------------------------------------------------------------------------------------------------------------
「踏上成長路」
經文：馬太福音11：28~30

一.主的心
‧來者不拒的心
‧分擔承受的心
‧終極解脫的心
‧祈望成長的心

二.成長目標
‧治標進到治本 (選擇自己能力可背負的事)
‧尋己益進到尋主意 (問神的心意)
‧讓主承擔進到為主承擔
‧學主的樣式：學主的心 & 彼此分擔 (分擔=建立治本)

(求問神甚麼事奉是首要，聽從神的心意，問神要我們主力事奉是甚麼？)
----------------------------------------------------------------------------------------------------------------------------
「每次見到你心情低落，我的心也不好受。你可否振作...面對將來？」

>>March 26, 2006 at 4:26:20 PM GMT+8

2006 年 3 月 24 日 星期五 【乍寒還暖】

今日朝早又落雨啦......雖然地下好濕，不過好鍾意落雨。
下午番教會參加祈禱會......敬拜既時候聖靈係每一首詩歌都提醒我唔同既野。
最深刻係唱<<只因有你令我一生也是美>>，聖靈提醒我要為身邊所愛既人能相信神禱告。
我真係好想我所愛既親人...朋友...同喜歡既人都可以相信神你，依靠神你。
我會遵行神俾我地每一個基督徒既使命--傳福音。加油！

跟住榮基講道，重新提醒聖經係人生既說明書，靈修或睇聖經時要將重要既經文深深記住......
而當要作出任何既抉擇時，都要思考到底抉擇係是祝福定詛咒，亦要思想抉擇後會否影響呢一代和下一代。感恩......俾我好大提醒！

夜晚，又將日記改版........唔知之前既橙色好睇d，定依家既藍色好睇d呢？

<<只因有你令我一生也是美>>
想每人能得著愛 讓每顆心都歸向主
多渴求全民屬你 能在你愛裡獲得新生
要盡愛傾訴 心裡的不明事 要盡意歌唱 讓全地盡聲唱

容讓我以讚頌全然築起主寶駕 容讓我以渴幕全然親近
給我安慰 使我完全在你恩典裡 只因有你令我一生也是美

>>March 25, 2006 at 5:12:14 PM GMT+8