2006 年 3 月 1 日 星期三 【乍雨乍晴】

今日冇咩特別，天氣仲係咁凍>V<
心情......都唔知算唔算已經冇再唔開心。
只知道...我要更加努力。

「喜樂...乃是良藥。」

>>March 2, 2006 at 11:31:02 AM GMT+8

2006 年 2 月 28 日 星期二 【乍雨乍晴】

尋日...喊得太多lor，搞到今朝起身對眼腫左....好樣衰呀對眼>.<
跟住朝早好大風，凍呀！早會過百人被記名，原因冇著外套or校褸。好彩今日唔係Pro7~~

中文堂果陣，同Kathy狂玩......笑死我。後面兩位男士要調位，以後冇得玩佢。
放學......休息。對眼太倦.........以後唔敢喊咁多。

彤今日比賽完，同我都係彈同一首歌，不過佢85分。恭喜.....
除左恭喜，唔知講咩好。內心當然有一種唔開心既感覺，我唔係妒忌佢既分數，係妒忌佢彈錯得好少，妒忌佢有信心。雖然笑住話唔會唔開心，但.....總有一點點想喊既感覺。尋晚同阿安傾計，我明白。彈琴除左是要彈奏出動人的樂曲，仲要係充滿信心+喜樂去彈。我會的了.......16號既比賽，我會更加努力。更加...依靠神。

「Thanks A Lot.....」

>>March 1, 2006 at 1:37:03 PM GMT+8

2006 年 2 月 27 日 星期一 【颱風】

校際音樂節......第一個比賽完結。
最高分92.....我79分。感恩！因為我今日所彈既野冇可能拎到79分。
但我已經係第三年參加，點解仲可以緊張而彈得差？完全發揮唔到水準.......或者我唔適合參加呢d比賽。番到屋企，老豆話我冇用多時間去練。我已經比以前花多左時間去練，我好努力，好想順利彈晒成首歌。喊左出黎，好唔開心因為自己彈得咁差。

3月16日仲有一個......好驚下次同今次冇分別。
下次仲要係背......失去信心。

>>February 28, 2006 at 1:55:38 PM GMT+8

2006 年 2 月 26 日 星期日 【雷雨】

明天.......校際音樂節比賽。
今年，特別擔憂。好想...順利演奏Sonatina首歌。
雖然你冇親口講，但你係Msn既一句加油，我已經好滿足~~
Thanks a lot.......

你：比賽目的是要彈奏出動人的樂曲便足夠。

>>February 27, 2006 at 2:41:02 PM GMT+8

2006 年 2 月 25 日 星期六 【颳風】

第一日做守望，同大妹妹傾左好多關於團契既野。
我會學做主動的.......下學期努力吧！

完左崇拜之後，去葵芳學琴+學oral。
學音樂節首歌，唉！越彈越多錯處，仲因為缺乏信心，彈得唔好。
所以......星期二比賽就算未練得最好，都要有信心，好放咁彈出黎。
No.12
Date Time: 28 Feb 06:15p.m
Venue: Tuen Mun Town Hall(C A Hall)屯門大會堂文娛廳
"你"既一句加油，會俾到好大支持我......

「好像很久沒有與你說話，好想念你.....」

>>February 26, 2006 at 1:47:48 PM GMT+8

2006 年 2 月 24 日 星期五 【颳風】

唔記得提番，陸運會我係女乙鐵餅拎既銅牌終於拎番啦！
好感動......人生第一次關於運動既獎牌...好開心。>V<
學校快d有得睇相啦.........好想睇睇睇~~

下午番祈禱會，跟住小組分享。
今個禮拜我經歷左神既真實~~神係一個聽禱告既神。
神有去聽我為朋友所發生既事&心情既禱告，而佢既事已經完結...感恩！
完左之後原本諗住買牛仔褲，不過睇唔岩~~So同Fafa去行街&食野~~
行既路程，同fa傾左好多野。最主要係傾團契..........由一開始我應承做職員，係出於學校唔夠人而自己想試既心態去做。之後都曾經改變左，變為一個事奉神既心。但我發覺自己依家越黎越冇呢個心.....今日小組分享亦講過相交要有神既同在，我同職員之間係冇。阿fa講得岩，我需要去選擇。神係想我地事奉佢，但唔想我地做得咁辛苦。我一心不能二用，唔可以同時顧及團契+小組........不過我會用下學期既時間祈禱問神，一定會知道答案的。

聽日實忙倦我啦！守望>>崇拜>>學琴>>學音樂oral........唉。

「經歷了這次的事，你不要再凡事也看得太悲。」

>>February 25, 2006 at 3:31:09 PM GMT+8

2006 年 2 月 23 日 星期四 【微冷】

呢兩個禮拜真係好倦，差唔多晚晚都唔夠訓。
忙左好多野，戲劇節啦~~Project啦~~Dict啦~~仲有好多........
終於星期六，日可以輕鬆少少。不過因為下星期二要比賽，仲未可以完全放鬆。

今日團契，不值一提。越做越冇mood，唔係我冇心去為神事奉，而係團契既職員令我有點好反感。原本今日我唔洗事奉，不過突然有一個職員lunch話未預備帶敬拜，又唔出聲話想唔想帶，只係不斷搖頭。最後我頂唔順，開聲話不如由我帶。冇用太多時間預備詩歌，我唔滿意...因為帶得麻麻。我唔明白，佢唔想帶咪出聲lor~~我可以幫佢架！不斷搖頭...想點？
仲有一個學期......唔想越做越想走。

夜晚學琴，彈比賽既歌，越彈越多野要改.......希望係比賽前改得切。
28 / 2 6:15p.m比賽前，好想"你"可以打黎，講一句加油！一句......可唔可以？

「你的事終於結束，我亦不用最擔心你。完結了，你不要再去苦惱....」

>>February 24, 2006 at 2:39:18 PM GMT+8

2006 年 2 月 22 日 星期三 【炎熱】

今日一大朝早，貓婷問我出年仲玩唔玩？呢個係一大問題......
唔想見到出年戲劇組死晒，但係我自己會好辛苦，特別係面對我討厭既寫劇本-0-"......
算吧...俾多d時間我考慮下！或者，完左成果匯演+戲劇馬拉松，我又會想做。

上堂...maths教既野我明白，好事！跟住英文堂，兩堂都搞情書+情詩。
最後中文堂果陣教小說+戲劇，一提令我諗番起<<世上有奇情>>加<<轉死性>>。
遲下5月中三有戲劇比賽，俾Feli話佢做編劇，我做導演。
想我死的......做導演唔成問題，但要我導3E.......唉！
我想做演員呀！我唔鍾意做導演呀><

「喜歡：
他能牽動你 的情緒，不過卻不會對你造成太大的傷害.。你會十分欣賞這個人，會留意他的一 舉一動，在乎他對你的感覺，很多時候都會想起他，會想到他能否成為你的情人，若失去他，會感到幻得幻失，有隱隱作痛的感覺。獨自一人時，總想起他。」

>>February 23, 2006 at 11:34:33 AM GMT+8

2006 年 2 月 21 日 星期二 【炎熱】

今日家政整提子薑飽.....個飽用左超多糖....我唔太鍾意太甜既野。
想請人食，但係又冇機會.........浪費左。

跟住lunch開檢討會，雖然<<轉死性>>係有好多改進既地方。
但呢套戲好多都係第一年玩既人，對佢地黎講已經做得好好。
改進....今年得番2套戲...一定要做到最好！
你呀！記住成果匯演同戲劇馬拉松支持Drama Club呀！

番到屋企師傅黎調音，調完琴音...清澈左-0-"
2月28日 & 3月16日...就到啦！校際音樂節呀！
唔知點解今年好驚，第一年彈Sonatina & 二十世紀既歌。
好想彈到最好~亦都好想"你"黎聽.........不過我知道"你"冇時間+唔想黎聽.......唉！

之前行街見到一個音樂盒....首歌係迪士尼既木偶奇遇記既主題曲。一見到就愛上左...好鍾意呀~
不過仲諗記抵唔抵買...因為價錢唔平.......但係我愛上左呀>.<

>>February 22, 2006 at 12:40:52 PM GMT+8

2006 年 2 月 20 日 星期一 【微冷】

突然之間，諗番起早一，兩年自己所發生過既事。
覺得自己比以前係成熟左，不論係性格OR處事。呢件都算係件好事黎既.....不過千萬唔可以將我本身好既性格都改變埋........唔想~~依家我又大左LU....>V<

「雖然現在每日看見你的機會不多，但我卻已滿足了。」

>>February 21, 2006 at 11:30:49 AM GMT+8