2006 年 2 月 19 日 星期日 【乍雨乍晴】

夜晚對日記進行大改革。
首先講上背景，因為第一次睇既人都話太花。所以今次轉左全黑+我04年第一次影夜景既相做背景.....今次冇咁花啦？跟住就係背景音樂，其實我唔想轉走左Shout to the lord，因為曾經有個人同我講佢聽呢首歌果陣心情好舒服。但係我改語法果陣...唔小心delete左呀>.<所以依家暫時用住<<遇見神>>，希望快d搵到方法上傳首Shout to the lord，跟住做番背景音樂啦..........
之後就係日記本名稱果幅圖，原本唔係呢幅架~~不過之前同依家都係雲之彼端 約定的地方既圖片，呵！就算我唔用呢套戲既圖做背景~~但點都會留番一張既。

邦邦話張背景相...好似係繁忙中都有主既榮光，保守~
因為後面有銀行，隔離又有大廈，但都掩蓋唔到神。神既十字架都係當中祝福住............
唔講都唔覺~

>>February 20, 2006 at 2:51:47 PM GMT+8

2006 年 2 月 19 日 星期日 【颳風】

今日......好似好多煩惱都冇晒。好開心>V<
上堂同Kathy狂搵野笑，笑到肚痛............Lunch已經差唔多2個禮拜冇出街食飯，今日終於可以啦

跟住番戲劇組，好似一段時間上堂冇笑得咁high....
貓婷做果陣，講左句：我望住同一個方向，望到D雀仔飛向同一個方向.........
輝爺做左2次都冇講清楚個雛鳥個雛字，真係咁難讀？

「原來我對你的認識十分淺，但我寧願對你有一種不相識的感覺。」

>>February 20, 2006 at 12:34:09 PM GMT+8

2006 年 2 月 18 日 星期六 【乍雨乍晴】

尋晚番完小組之後，好似突然諗通左好多野。
我唔需要太介意佢理唔理我既關心，因為我現做左朋友應做既野。
依家只需要去支持佢，唔係去介懷佢領唔領情。
尋晚好似係聖靈係心裡將我變番喜樂。

跟住今日既崇拜，再次投入番。特別係講道果陣，今日題目係「喜樂充滿相交」。
特別聽完之後，感到需要每日係神面前認罪，求神饒恕，求神拯救我脫離軟弱。
所以以後每日都要學下抽時間認罪啦~~同埋要每日尋找神係我生命入面工作左既事。

今日榮基講左句說話，好深刻.....我係要學既。
「神是最重要的，比任何事更重要；我可以放下一切，唯獨怎也不能放下你。」
就快信主2年，諗番好多時因一D小事而對神失去信心。
今年我靈命要更新呀>V<要成長.........！

>>February 19, 2006 at 10:13:10 AM GMT+8

2006 年 2 月 17 日 星期五 【微冷】

今年係玩Drama既第三年，總結下到依家玩左邊幾套劇先。
愛在非典的日子>>>手錶停了>>> <<<中一
Shall We Talk>>> 三隻小豬>>>世上有奇情>>> <<<中二
新聞報導>>> 轉死性>>>(成果匯演)>>>(戲劇馬拉松) <<<中三

今年應該最後一年玩Drama........所以之後既2套劇一定要有咁好做咁好>V<

天氣終於涼番d啦，希望可以keep住呢種天氣多幾日啦~~
今朝早陪媽咪去醫院交番住院費，好彩有醫療津貼，交1/4既錢。

跟住就番教會，好耐冇見你啦金魚仔(芝芝)。
敬拜果陣部電子琴差d又壞左，感謝神！部琴隔左陣又開得番.........感恩~~~
走果陣同Joey一路搭車一路傾計，心情好番dd~~

「我竟被你的事而影響了我的心情，現在卻再次因你而落淚.........
但我卻沒有後悔，你是值得我去喜歡你...............不想這麼快便要我去放低你。」

「喜樂的心，乃是良藥；憂傷的靈，使骨枯乾。」( 箴言17：22 )

>>February 18, 2006 at 1:23:02 PM GMT+8

2006 年 2 月 16 日 星期四 【炎熱】

媽咪終於出院啦！雖然最後醫生都check唔到因咩事而肚痛入院，但總算現在冇事。感恩！
感謝神！呢五日每日依靠著禱告，得著你的能力去渡過。求神你不斷祝福媽咪，醫治佢。

「看見了你，很想上前關心你，卻害怕了你臉上所浮現的煩惱。
何時才會改變為你主動說你的事，而不再是我主動問你的事？
等待中......我亦知道你最終只會當我作一個十分普通的朋友，但我卻把你當作最重要的人。
我現在不能幫你什麼，只可在暗暗中鼓勵你.................」

>>February 18, 2006 at 3:53:14 AM GMT+8

2006 年 2 月 15 日 星期三 【炎熱】

今日去Prefect Day，7點半番到學校，眼訓死。
跟住開始...戲劇演出.....對我黎講我覺得沉悶。
然後係大合唱，唱有了你世界更美 & 言謝春風。
一開始唱果陣好細聲，不過越唱越勇。只係台上好熱...好多人都一路唱一路流汗。
放學果陣彭彭同我講番，話有人同佢講戲劇組副主席(我呀)都係得個路人甲做，唔係ma？
起初知道做路人甲有d唔開心，不過有人講過，戲劇唔可以一個人做，角色都冇分主次。
接受左~~所以彭彭你唔好再因為我做咩角色而唔開心啦......見到你好似想喊~心痛呢！

媽咪仲未出院...連咩事入院都未知。
一日比一日擔心，但我會相信你的。

「好想去了解你，好想去關心你，好想去.........做很多事關於你。但我知是不能的.........」

有了你世界更美

明明蝕底　都也願意留低　辛苦也不計
因你　這世上變得更美麗
＊聽盡了許多　一世話要一齊
　遇到問題便分東與西
　亦有話未退縮　仿似未染污泥
　但說罷離開　驚沾到半身蟻
　而你　即使再倦　卻至今也未坐低＊

＃明明蝕底　都也願意留低 辛苦也不計
　因你　這世上變得美麗
　無人路軌　得你願意行駛車廂裡空位
　留給我　如可幫你令世界美麗
　我願你從此感染別人
　讓愛繼續一一去複製＃

REPEAT＊＃＃

言謝春風

幸運遇良師 伴隨我 送我親切關心和維護
日日亦回想亦回顧 Woo oh *學習時良師
任由我發揮心裡天空說肺腑 踏步共攜手共尋看
我的真正天資與天賦 擴闊我眼光 開解我
人生是自創 得著了知識定有好結果
#(純純學子 感激不已明白了春風秋雨
全賴老師 關心熱愛 每句教誨 有著意思)
無涯學海 高飛展翅 能讓我終可衝次
人若有天真長大了 也會銘記 教導這恩賜
Repeat*#( )
來讓我 來頌讚 不用停 說千遍 說千句 言謝我師 沒有終止

>>February 16, 2006 at 10:59:24 AM GMT+8

2006 年 2 月 15 日 星期三 【炎熱】

1.中文名：小知
2.英文名：Canon
3.年齡：14
4.身高：160cm
5.住邊到：屯門
6.有甚麼志願：er....想做夢想既職業！

家人*
7.屋企有甚麼人：老豆，媽咪，大哥&二哥
8.屋企人之中最中意邊個：個個都咁愛~
9.最唔中意又係邊個：一家人冇話唔鍾意既
9.有冇做過Ｄ對唔住父母既事：經常性(笑)
10:有冇Ｄ咩野令到妳好愛屋企人：佢地愛我
11.屋企人有冇經常提醒妳唔可以做Ｄ咩：唔可以唔練琴...一個禮拜都唔知提幾多次
12.有冇諗過離家出走：冇~

學校 *
13.上堂會唔會訓覺：er....有時會啦
14.１日有幾多堂會留心聽書：睇下果日day幾啦
15.１日係學校最開心既時候係幾時：放學
16.係學校多唔多朋友：多~
17.中唔中意ｅ家自己讀緊果班,覺得點：尚算ok...係有人好煩
18.同學會唔會成為好朋友：會既
19.係班入面邊個係你最好既朋友/同學：Kathy~Zoe~Allison~Macela~Heine(唔係日日-0-)~
20.比多次機會你會唔會入返e間學校：會
21.最好既好朋友係：Kathy & Winki & 阿余
22.最假既[好朋友]係：假既就唔係好朋友啦！傻的
23.最可愛既好朋友係：個個都可愛既
24.最信得過既好朋友係：Winki
25.最唔中意朋友點樣對妳：懷疑我~~唔信我
26.如果好朋友講你壞話妳會點,會唔會扮冇野：會掛
27.朋友同好朋友有冇分別：好朋友關係親密d
28.妳口中既朋友洗唔洗同佢要有信任：當然要啦
29.妳覺得好朋友會唔會永遠都係好朋友：我好想係...
30.妳有幾多個朋友：x個
31.妳有幾多個[好朋友]：x個
32.有冇愛過好朋友/朋友之後仲1齊左：我都想有
33.會唔會對朋友/好朋友/講大話：會既
34.最中意既公仔：大口仔
35.最中意聽咩歌：卡通片歌<<<日文wo~~詩歌啦！英文歌啦！
36.最中意邊套電影：er.....冇咩邊套最鍾意~~不過多數都會係卡通片既電影版
37.最中意邊個牌子：Mastermind~Nike
38.最中意邊個歌星：張敬軒
39.最中意邊個地方,會唔會成日去：維也納~去都未去過
40.最中意邊個國家：奧地利
41.最中意既電視劇：天涯俠醫
42.最中意既顏色：白~藍~
43.最中意ＭTR邊1個站：欣澳
44.ｅ1刻最中意既人，講佢個名出黎：第一：神~~第二：家人~~第三：朋友~~第四：K I T

討厭既野 *
45.最討厭邊個地方：人多車多
46.最討厭邊個牌子：冇咩邊個wo
47.最討厭邊個歌星：大把
48.最討厭日日做咩：呷醋~~鬧交
49:ｅ1刻最討妳厭既人，講佢個名出黎：唔話你知

愛情 *
50.妳心目中'男同女有咩分別：做完套《轉死性》，發覺除左生理唔同~~心理仲有大把唔同
51.女仔係唔係1定要同男仔：同性戀未唔係lor
53.覺得同性戀點：人地有自由
54.接唔接受得到女同性戀：接受
55.接唔接受得到男同性戀：接受
56.如果有1日妳變左同性戀'妳會覺得係咩原因：我覺得冇可能
57.妳會唔會[抗拒]同同性既人拍拖：會
58.第1次拍拖係幾時：我都想發生左
59.第1次拍拖'對方係邊個' [講佢個名出黎ＸDD：都未試過
60.仲係唔係同緊ｅ個人1齊緊：都冇點會一齊
61.分手後,有冇憎過佢：都未拍過~點會有得分手
62.同佢拍拖有冇好難忘好開心既事/係咩事：都話我既初戀仲未俾人lor
63.同佢拍拖有冇好難忘好唔開心既事/係咩事：冇氣講...
64.妳覺得佢個人點：不適用
65.您覺得佢對妳：不適用
66.拍過幾多次拖：一次都冇
67.咁耐以黎' 妳最愛係邊個：秘密
68.咁最後悔又愛過邊個：秘密
69.愛過最耐既1個人有幾耐：冇數過
70.妳最愛既人' 到e1刻有冇同妳1齊過：冇
71.有冇比妳最愛既人傷過：經常性有
72.1個妳最愛既人'佢唔愛妳但又要留住妳' 妳會覺得點：無奈
73.妳會愛1個人幾耐/ 點先放得低：搵到另一個心上人
74.有冇同時愛過兩個人：我諗....唔記得
75.會唔會好介意另1半高過自己：一定要高過自己...男仔點可以矮過女仔呢？唔靚仔架
76.如果有個人1路都中意妳'但佢唔靚' 妳對佢都有感覺'會唔會同佢1齊：會掛
77.愛情同感情有冇分別：愛情係感情既一種
78.想拍拖定係單身：拍拖>v<(笑)
79.拍拖妳覺得會1世嘛：唔識答
80.而家有冇中意人：有呀有呀
81.點解會中意佢：專一！對fd好！靚仔！>v<
82.佢係女仔/男仔：我係唔會鍾意女仔架！所以當然係男啦~~
83.妳覺得兩個人拍拖 關唔關其他人既事：少少關掛
84.屋企人知唔知妳拍過拖：唔知~因為都未試過
85.愛係唔係1定要付出：係
86.付出左既愛'最後得唔到結果妳覺得點：節哀順變
87.妳覺得愛情入面'有冇分輸贏：冇
88.有冇1個人令妳愛到心淡'/令妳放手：有
89.冇愛情會唔會死：我冇愛情未死wo
90.e1刻想唔想拍拖：少少啦~~不過都冇人鍾意我

eｎdingＸDD*
91.而家想唔想訓教：超想
92.而家最想做Ｄ咩：sleeping
93.而家好想見到邊個：媽咪
94.而家想打比邊個：同上
95.而家諗緊邊個：K I T
96.而家面前有Ｄ咩妳覺得好靚：卡通片女主角....小櫻
97.而家想笑定喊：想笑+想喊wo
98:而家想唔想打機：唔想
99.而家幾點：5：43
100.中唔中意ｅ100題問題：尚算ok

>>February 16, 2006 at 9:43:39 AM GMT+8

2006 年 2 月 13 日 星期一 【微冷】

情人節=校際戲劇節

今日好興奮呀！好耐都未試過十幾個人做同一套戲。
朝早番到學校，換衫，化妝，準備道具。太忙.......忙到連排一次既時間都冇。
潘樂文同霍勇良化到塊面....成個金魚佬咁！莊家樂同張凱鋒化到塊面好多紅色一點點，仲有佢地粒"默"......笑死我啦！最幸運都係Ivy，不過佢俾好多人投訴~~因為佢塊面最乾淨。

比賽前，19個人一齊講Good Show，感覺好好！加左好大力量。跟住9點到啦，亦係比賽既時候.......有少少緊張。第一幕班細既做得唔錯，第一次比賽已經好好，Auau好叻呀！到第二，三幕到我地班大既，出去之前講多次good show。我地總算冇miss對白，亦都做到每場既需要。最好笑既係李裕銘跌把槍果陣，爛左。跟住Ivy再跌，仲爛得勁d.......好彩仲可以run。不過有d魚，哈！

不過年年個評判都話我地夠大膽~~上年話做阿爸阿媽大膽，中學生難做。
今年話做反串，有新意加難做。雖然我地做得唔似，不過我地已經盡左力。so good！
影相換衫，因為電腦問題，未放到入電腦。不過已經晒左，我會俾你地架啦>v<

完左之後上堂，跟住佈道會。第一次感覺到決志者出去台前果一刻好感動。第一次做陪談員，有少少驚，不過我負責果2個冇咩問題，好快完左。祝你地keep住靈命成長。

跟住臨走前將份禮物送到俾你，好開心呀！
雖然你第一個反應怪怪地，不過唔錯唔錯。希望你鍾意...好好keep住！

轉死性經典對白：
彭彭：咁食麵當和數lor！
Ivy：都冇水點煮呀？
彭彭：唔食麵咪食飯lor！
Ivy：都冇米點煮呀？
彭彭：唔食飯咪食粥lor！
Ivy：都話冇米lor！
彭彭：唔食粥咪食瀨粉lor！
Ivy：都冇瀨粉點煮呀？
彭彭：唔食瀨粉咪飲奶粉lor！
Ivy：都冇熱水點沖j？
彭彭：咁用凍水沖奶粉lor！
Ivy：用凍水沖粉唔溶，我唔飲架！

笑死我呀d對白~~~
「情人節，我不會忘記的。」

>>February 18, 2006 at 11:00:03 AM GMT+8

2006 年 2 月 12 日 星期日 【微冷】

Drama Club

Good Show~!

>>February 13, 2006 at 4:10:10 PM GMT+8

2006 年 2 月 11 日 星期六 【微冷】

今日媽咪太肚痛入左醫院......醫生未驗到咩事。
要留院......聽日再驗。唔知幾時先知....好擔心。
呢兩日都有事發生，係神要我經歷佢既大能？

聽日放學後...應該會去探媽咪。到時...希望可以知道一個好既結果。

「你明天要面對這件事，但請你積極面對。你身邊還有一班好好的朋友支持你....結果是如何，也要撐下去！」

>>February 12, 2006 at 12:57:33 PM GMT+8