2003 年 3 月 6 日 星期四 【晴】

近排唔知做乜，晚晚都發埋 d 好奇怪的夢.......

先有夢到 Mandy 向我暗示，哥哥向佢暗示鍾意我，之後，哥哥送 Mandy 返屋企後，再來找我，想我同佢一齊.........

跟住係我唔知點解，同媽去一個類似講座的物體，之後，那講座中的男孩 (就坐在我前面)，擰轉身，按下我，意圖.......... 但，四周的人只是看，不加援手，就連我媽都一樣，不知怎地，我把那人弄開，之後，我問佢都做乜見到我咁，都唔幫我？但佢地，好似愛理不理咁......

跟住就係一個有關廁所的夢，其實，類似的夢，我間中都會發，主要都係話個廁所勁 Open，人人都睇到咁.......

就昨晚，我又發了一個好奇怪的夢。我夢見阿白整我，好似想 head 住我咁，我猛咁叫佢走開，佢都唔係好理.......之後，我勁驚，翌日返工，又遇到佢，佢刻意咁把一個紙袋沿我腳邊放下，之後，我同佢講早晨，佢唔理我，之後，我同 Anthnoy 講左佢的事，之後，我又襯住阿白行開，我就同 Santes 講阿白 d 野，之後，阿白在 Santes 面前扮晒野，Santes 又信佢 (因為佢地在現實生活中勁 Friend)，之後，因 Anthony 知這事，佢又幫口，之後，我意識到 Santes 想我地辭職，咁我話：咁除非我辭職姐....... 就係咁，我 & Anthony 就即時被解僱，之後，我猛咁同 Anthony 講對唔住，令到佢都被人炒........

點解會咁怪架？真係好得人驚呀~~~~~~

就係因為尋晚那個夢，我一路不安到依家~~ 今日在公司都唔係好敢望阿白， "~~~" 好驚呀~~~~~

>>March 7, 2003 at 12:49:35 PM GMT+8

2003 年 3 月 5 日 星期三 【雨】

Woo~~~ 好凍呀~~ 凍到我塊面都紅埋~~~ o^_^o

唔知係咪今日無落雨，又或是我今日穿多了一件外套，所以，返工時都唔係覺得好凍。但，到放工時，就知味道了！因為下午下過一場雨，所以，天氣凍了很多！

昨晚八時多，我的手機響起，一看屏幕，爸爸？乜佢返左黎啦~~ 因為我接唔切電話，所以，飛了線到 call 機。之後，我覆電話給他。原來佢剛回到香港......(Haa~~點解佢 d 幾次都會 call 我架呢？莫非......)但，今日佢又要上廣州，跟住就去上海，而且，仲要同佢老世一齊去添~~~ 有時知道佢咁飛來飛去，真替佢辛苦！談了不久，就掛線了。

今日，返到公司，都唔知做乜好！因為，我部門請了一個 temp (應該會轉為長工)，幫我們入 data 及做一些輕巧的工作，雖說是輕巧工作，但也是最花時間的，有了他的幫忙，真的令我們輕鬆好多！

預備開課的嗎？定了的，己預備好；未做得的，只有 hold 住先。

今日，Anthony 比 Santes 話，情況，就好似之前我在胡關做秘書的情況一樣：上手太掂，新手接手，樣樣感覺未接到手，做野好慢，比阿 head 插。睇見佢，都覺得有點慘~~

今日，第一日返學。本以為可以不鬆不忙的，食個食飯，才到培正中學上堂，點解，臨放工時同 Santes 傾 d 野，攪到差不多六時半才走，上堂上七點，真係好趕。在莉莎食過飯，就急急腳行去培正。好彩我一早上網睇定課室編號，否則，一定有排搵。

我上那科是 Customer Handling Tech. ，我原本無打算讀這科，但，為了我那 Certificate of Office Admin.，無辨法不讀。未上堂之前，以為好淺，因為，那課程只有 四堂，每堂兩個半鐘，點解，上落先知 Customer Service 係一樣幾深的學問，而且，Notes 足足有成四十多頁！！真係唔野少！

今晚，都唔係好聽得入耳，可能係因為我未慣。不過，我都會睇番 d Notes (唏~~ d Notes 全是英文，唔查定字典，點得呢！) 每阿 sir 都幾攪鬼，雖不算生鬼，但，相信佢都係一個好有料的人。

>>March 6, 2003 at 3:51:21 PM GMT+8

2003 年 3 月 1 日 星期六 【晴】

哈~~~ 昨晚成兩點多才睡，今早，竟可以在八時前起床！真係奇蹟！
起過身，梳洗完，就返教會。今日，竟起到身，返早堂，真難得！！
返過早堂，返埋主日學，就第一時間出觀塘了。

今日下午，去表哥屋企。
之前，約左去觀塘廣場飲茶.........

哈！觀塘廣場真係成個 "成人特區"！搵左好耐，都搵唔到間酒樓，唯有落番地下，問 "食蕉"。原來，佢地有部電梯，可以直上酒樓架！嘩~~~ 我估，若果唔係去過，一定搵唔到。間酒樓 d 野 都 ok，由表哥"算數"，事後媽有無比返錢，就不得而知。

之後，就坐地鐵去表哥屋企。原來佢地 (表哥 & 表嫂) 住向 維景灣畔。 d 環境，真係唔錯。入到屋.....佢地 d 裝修.....好掂！一向到去，就感到好舒服，真係好正！雖然地方唔係好大，但....兩個人住的話，就真係夠晒！睇過佢地的結婚相，睇過佢地的結婚帶，就走了。老實，其實我幾相睇下佢地會結婚帶內容，不過，阿媽佢地講野實在太大聲！攪到我都唔係好聽到盒帶的內容。

>>March 4, 2003 at 4:43:44 AM GMT+8

2003 年 2 月 28 日 星期五 【晴】

三月了，記得，昨天有位同事跟我說，那麼快又一個月了....，是的，轉眼間又過了一個月了，三月份，來了。

今天，星期六，上班的同事很少，只是少貓三兩隻。整整一個上午，我都沒做過公事。整個上午都是打日記，影印一些讀課程用的資料，如證書，繕打了一個向 ymca 索取課程大綱的傳真........整朝都是做自己的事。

幸好上午做妥自己的事，因為，午飯過後，有很多同事回校，校長啦~ Ms Szeto啦~ 都回來了！所以，整個下午，我都做了點公事，印發證書，列印分班名單等，但，我打幾個字，就行開一"大"陣。四時多，Anthony 打電話來，說要我幫他 send 幾個 Files 給他，無問提，舉手之勞！

五時前，接到一個電話，是爸爸打來的，他說，他剛回到香港。哈！真估不到他會在回港後打電話給我！那倒是一件好事。在電話中，他說他星期二就要飛往北京及上海，相信，又要一段時間後才會見到他。因我告訴他，我正在公司工作，他為免防礙我公司，便掛線。在掛線之先，我問他我需否在放工後 call 他，他說他可能會 "大分迷"，所以，我叫他 call 我。

五時半，放工。之後，坐巴士到尖咀，因為，昨晚得阿 kit 的電話，可以到尖咀睇 "快樂王子"。

跟 kit & 他的朋友食過飯，就到文化中心劇場睇"快樂王子"。哈！不知是否因為有明星 吳彥祖，所以，少有地勁多人早到。入到場，個舞台設計勁簡單，只是用木板釘成，色也沒上。

個劇.......ok 啦~~ 其實，我唔係好明，單睇演員的表演，都唔係好有得著。因為個劇有埋坐談會，所以，完晒後，都差不多十一點，所以，我無同 kit & 船 去飲野，就坐巴士返屋企了。

>>March 2, 2003 at 2:38:34 PM GMT+8

2003 年 2 月 27 日 星期四 【晴】

可能是因為太累，所以，今天差點睡過頭，但，回到公司都差不多十時了！無所謂啦~ 今日晚點下班就是。

唏~~~ 因為怕未能在星期一開課前預備好資料，故向 Anthony 訴苦，並向他提到，若真的趕不及，就會在星期一早點回公司，或改調返早。點知，佢第一時間就同 Santes 講........唏~~ Santes 話，因為星期一開課，故希望我星期一點都要返夜，若真的趕不起，就加班.......天呀~~~ 意即，我星期一要返三更 (09:30-22:00)，唏~~ 算啦~~ 若都係趕唔起，這是唯一的方法。但我當然唔會咁早返啦~ 想死人咩，我預算十一點前返到公司，咁想舒服 d。

知道星期一要返三更，真係好 down，唏~~~ 點解會係咁？

學生需知 & 學生手冊都要星期一才有，仲要唔知係上午還是下午才有，唏~~~ 唯有要時密密手啦~~

因為今日遲左半個鐘返工，所以，今晚遲番半個鐘先走。

到了大概晚上七時多，Anthony 問我：依~ Sandy 你仲唔走？
我話：今日遲左番黎，咪遲 d 先走囉~~ 唏~~ 好唔開心呀~ 都費是咁早走，返到屋企又要扮個笑樣............

老實，我真係唔想咁早返屋企，因為，返到去，又唔可以放縱一下自己，例如......把音樂放得大聲一點，睇一套舊片等。所以，我下班後，到了公司附近的唯一超巿，買了兩個公仔麵 及一包 "發洩"薯片，之後，就坐巴士回家。

返到屋企，好明顯剛食完飯。我在廚房取了一個湯碗，盛了三大碗湯喝，好飽。之後，就拿著那包"發洩"薯片，走到沙發，拆開食。食完，雖然心情未好轉過來，但，有得發洩一下，總算是一件好事。

見電視無人睇，我播了千華演唱會，遇到熟悉的歌，就跟著唱.........差不多播完之前，我去了洗澡。洗完澡，媽已關掉那 dvd，並坐在沙發上，觀看電視節目；爸坐在飯廳，玩遊戲機；妹在房中上網，而我，無地可容似的，唯有，早點上床就寢。

>>March 2, 2003 at 1:56:05 PM GMT+8

2003 年 2 月 26 日 星期三 【晴】

好唔開心呀~~~ 無他的，又是為了工作。

有部份課程，將於三月頭一星期開課，因為要預備開課的物資，而又避免浪費時間去預備一些不會開課的班別的物資，故這數天我都不停的問 Anthony，有關開課及夾班情況。唏~~~ 真係比佢激死，我都知，課程主任一日無話 cut ，都唔可以 cut 班，但，有 d 課程三月四日開課，收生人數依然是 零 的時候，是否應一早 cut 左佢，一了百了呢！

唏~~ 好黑人憎呀！一日唔決定，我都唔知預唔預備定 d 野，預備了，到時唔開，就浪費時間 & 精神；若唔預備定，到時開得成，又做唔切！唏~~~ 真係好唔開心~~~~~

所以，放工之前 call 哥哥，睇下佢今晚得唔得閒食飯。近排真係搵多左哥哥呀~ 無他的，因為，佢多數都得，若搵 suki 的話，佢多數唔肯出來旺角，而且，唔知係咪因為佢爸的事，阿鼻好似緊左 suki 好多咁，好多時約 suki 出黎食野，阿鼻一係電話到，一係個人到，攪到我覺得我同 suki 應該是保持距離咁，好無癮，至於爸爸......唏~~ 又唔知佢在香港定大陸，點搵佢呀~ 儘管搵佢，佢肯唔肯出黎，係一個問題，佢要不要見客，又係另一個問題，所以，唯一一個比較容易搵，又成數大的人，就只有哥哥一個。

哥哥要七時多才到旺角，那倒時一件好事，因為，我可以決定去 k，邊唱邊等。去到 k，第一時間點歌，未必要唱，純聽也不錯 (當然，都曾經有人話過我，倒不如買只唱碟回家聽，更經濟)。點著，聽著，唱著，哥哥就到。老實，他都算唔話得，肯陪細妹--我。

在 k 中，我唱了 "最佳位置" 兩次，無他的，我覺得 d 歌詞好正，另外，我硬要把這歌跟爸爸連上聯絡，沒有好過不好過。

九時多，算數，走人。唔知係咪因為心情都未太好，所以唔想咁快返屋企 (雖然很累)，跟哥哥分手後，獨個兒在街上走著，本打算坐巴士回家，但人龍實太長，所以，改乘火車。走到旺角火車站，先到附近的零售店，買了一只洗髮水，然後才回家。

今日，心情不太好~~ 唏~~~

>>March 1, 2003 at 5:52:43 AM GMT+8

2003 年 2 月 25 日 星期二 【晴】

不知怎地，近排好似蠻很閒的，死啦~ 這不正常的現象，反映著之後會很忙，很亂。

因知媽今日從澳門回來，所以，放工時打電話給她，問她身處何方，以便決定晚飯去向。電話中她說她剛才香港，並不介意親自下廚，意即，我要返屋企食飯。返到屋企樓下大堂，巧遇爸回來，他說今晚餐飯自己攪掂......哈！早知如此，我就食埋先返啦~~~ 返到屋企，煮了一個公仔麵食，洗過澡，就開始做餘下的佈幕。

在我洗澡的期間，我媽回來。

洗過澡，就要開始做最艱巨的工作，把各人的相片剪「大頭」。老實，在剪之前，真係有 d 陰影，但，相，始終要剪的，唯有硬著頭皮去做。把一張張相剪成「大頭」，剪好的，倒轉擺放。剪好了，就開始排位，要把十三個人的「大頭」，鋪滿在特定的位置上，真的有點困難，幾經辛苦，鋪好，貼好。完工時，看看鐘，原來已差不多深夜兩點，收捨後，便上床睡。

>>March 1, 2003 at 4:57:55 AM GMT+8

2003 年 2 月 24 日 星期一 【晴】

媽於今明兩天，跟三姨到澳門玩，而為了放便可以跟她聯絡，所以，我就把我的電話咭給她 (因為我有漫遊服務)，又因為咁，所以，我今明兩日都無電話用。無所謂啦~ 橫豎我都通知了一些 "應該會找我" 的朋友，叫他們有事call 我機。

劉以鬯本自選集，還了。老實，唔知係咪因為無乜 mood，所以，無乜心機睇落去，不如早 d 還左佢好過~~

有關佈幕， d 相收到了，唔知係咪因為受到去年細舅父過身的陰影，所以，遲遲都未能把各人的相片剪個「大頭」來！昨日在公司，print 了些造佈幕的彩色字，今早起床，就首先把有關的字貼上。屋企的地板實在太多塵了，所以，我在造作佈幕之先，就掃掃地，然後再做。

放工回家，時間已很晚了，所以，洗過澡，就上床睡



>>March 1, 2003 at 4:40:57 AM GMT+8

2003 年 2 月 22 日 星期六 【晴】

成個星期無寫了...... 無他的，一來無時間，二來都唔知寫乜好，我的生活平凡了~~

自見過爸爸後，有某些時候，都會想起佢，都有諗過打電話比佢，但，又唔知同佢講乜好，最終，沒打。

劉以鬯的小說就快睇完了~，最後一個故事~ 看了頭兩三章，沒心情看下去~ 明天，去圖書館還了它~

三月廿一日，公司退修營，每組需在二月廿八日前，製作一張 50" x 30" 的佈幕，供退修營時用。今次，一早分定組，沒像去年般，去到才分組。今年，專業 加 海外。二月廿一日，我組就這佈幕，開了一個約一個小時的會議。最終，定了佈幕的設計，由我負責做。幸好己設計好，我只需按他們的意思去作就成，若要我自己設計的話，我一定叫苦！

那佈幕，到今日已製作一大半了，現尚欠各人的相片，後期加工等工作，相信，廿八日前必可起貨。

星期五，約了哥哥睇戲。
因為我們是即時買票，所以，我放工後，立即到旺角百老匯，幾經辛苦，在時間表上找到我想看的電影 <>。幸運的，那電影還有在這戲院上映；幸運的，那只得一場的 "Catch" 在晚上七時卅五分上播放，那我與哥就可以食過晚飯後才看。
購完買，哥還未到。我走到 <> 的廣告燈箱前，原來 <> 片長超過 140 分鐘，意即有兩個小時之多！
哥到後，離開場時間，尚有約一個小時，我倆到附近的餐廳食晚飯。飯局中，哥提起阿欽，問我與他有否聯絡，從哥哥口中得知，阿欽又故態復萌，幸好，那妙齡少女沒上當！哈！原來人真的會自找煩惱的！飯後，我倆就起進戲院了~~

<> 的 opening 好美~~ 真難怪 <> 可上映那麼上的時間，因為，它實在很好看！簡單而言，一個追與逐的故事。一個二十未出頭的青年，已當過空中少爺，醫生與律師，最後，還在 FBI 中工作，充滿著傳奇。人一生，只要你肯去闖，必會有一番成就，偶爾也會有踫釘的時候，但，一日不去闖，一日也不知道，原來世界是這麼大的！

今日，沒上教會。起床後，又開始做那佈幕。若爸爸知道的話，必又話我自找虧吃！ ^_^
下午，媽提議上酒樓食午餐......等位，都等了大概一個多小時！迎喜的東西還可以，算數時合共二百多元。
飯後，跟媽，妹逛了一會，我就先走。回到家，又開始做佈幕......

今日，無乜 mood~~~

>>March 1, 2003 at 4:41:24 AM GMT+8

2003 年 2 月 15 日 星期六 【晴】

好累~~ 唔知點解， d 幾排都唔係好 "目訓" 到，"目訓" 極都"目訓" 唔 "林"

今早，"目訓" 到九點多，之後就返主日學 & 崇拜。唔知點解，近排返教會，好似聽極都聽唔腦，究竟發生乜事呢？

崇拜就完時，收到爸爸個 call，唔知佢搵我做乜呢？完左崇拜之後，打比佢。哈！佢本來約左佢同事，但佢同事臨時有事，唔得，所以，爸爸就諗住約我今晚聚聚 ( Yeah~~ 心想事成！！)。我當然無問題啦~ 而且，咁耐無見，我都想約出黎見見面。

Lunch 同阿樂，黎老師 & 東東一齊食。東東十一月二日結婚了！！唏~~ 又要儲定錢做人情了！
食完 Lunch，就各散，阿樂 & 黎老師返大埔堂練歌，我 & 東東就出旺角。我出旺角，係因為約左 Angel 等人去唱 k，東東出旺角，係因為佢約左未來 東嫂。在途中傾開，原來佢想去我公司 in 份工，仲問我一 d 有關我學校的資料。我見橫豎出開旺角，而旺角分校今日又有開，所以就帶佢去去旺角分校， "手羅" 定 d 料。

我與他 "分手" 之後，我就過對面華潤等 Angel 等人。

好采我帶左本書姐，若果唔係，真係 "on on 車車" 呀~~
睇下睇下，一個很久不見的中學同學，阿慧，就到。
原來，佢都幾好傾，而且，仲講左 d 近況我聽添~
等埋 Angel ，先知今日可能只得我地幾個。都無所謂啦~

Angel 都無乜點唱，阿慧就......佢唱歌都.......ok 啦~ 當然，我始終覺得我唱得好聽 d 啦~ hehe
因為我唔記得約左爸爸六點定六點半，所以，差不多五點半，我就 Call 佢 confirm。
哈！之後，爸爸都黎埋唱歌！
我地四個人，其中三個，仲要由四點唱到十一點幾！ Wuu~~ 仲厲害過 開 Concert 呀！
爸爸 d 國語真係標準左好多呀~ 唱黎明 d 歌依然咁好聽。

唱完之後，Angel 同阿慧一齊走，就係咁，我同爸爸就有 d 獨處的時間了~~ 因為在卡拉 ok 無乜 點食過野，所以，我地就去左食野。
爸爸真係好肚餓呀~ 佢食得勁快！
食完野，坐左一陣，爸爸就送我搭車。

爸爸應該會星期二上廣州，跟住又上上海，唔知幾時先可以再見到佢了~~
唔得，下次真係要同爸爸去食日本野先得！食日本野，仲平過去 k 呀！

>>February 17, 2003 at 2:25:29 AM GMT+8