2004 年 2 月 6 日 星期五 【乍雨乍晴】

哈！因為今日週會係「讀書分享會」，所以，今日 lunch 時特地到圖書館借書睇。

之前行開書局，都有衝動想買 wasabi 的書睇，但又怕唔好睇喎！所以，今日去到圖書館，就搵下有無佢既書。

哈~ 依家圖書館真係幾新既書都有。check 左電腦，之後就向我既目標進發。搵左一陣，終於比我搵到。原來佢都幾長情架喎！而且，寫 d 野都幾似我平時寫的。

放工返到大埔堂，嘩！！阿樂竟然在天寒地凍的日子裡剪短頭髮！！！

睇時間尚早，就睇下邊個領詩......噢！原來係我喎！好彩我早返姐，即刻搵歌先。



週會開始了，感覺良好。各人都覺得今次個讀書分享會唔錯，更有人提議下季再攪。這個當然好啦~ 可以諗少個週會嘛。

>>February 17, 2004 at 3:00:44 AM GMT+8

2004 年 2 月 4 日 星期三 【乍雨乍晴】

好深呀~~ 今日返完學之後，又再一次無信心了！因為，完全聽唔明阿 sir 講乜，我亂！！唏~~~ 點算好呢？月尾就考試了~~~ 唏~~~~

>>February 16, 2004 at 1:33:29 PM GMT+8

2004 年 2 月 3 日 星期二 【雨】

之前到"憶蓮溫古知新"，知道港樂會加多一場，並在星期二 (3/2) 開始公開發售，就真係好有衝動一早去買。



不過，都好釆，今日放工去買，都仲買到。$400 d 位無上次咁靚，無所謂啦~ 今場睇 $200 啦！個位正 d。

>>February 8, 2004 at 1:53:59 PM GMT+8

2004 年 1 月 9 日 星期五 【暴雨】

今日 lunch 時，阿七 call我，話今晚打波改約八時，仲要我通知全世界添！唏～～　點解又係我？之後，我就通知左 d ，我認為會出席的人就收工，專心食飯。

因為星期六收五點半，見時間尚早，番入大埔又無乜野做，又咁耐無睇過戲，所以就走入戲院，睇番場戲。

去到旺角 gv，地下鐵最快都要七時幾八時先有場，算啦！就睇 d 場啦！
買左飛，就行下，搵下食。我其實都唔係好知自己想食乜，行左好耐，最終都係去左大快活食。食完飯，匆匆的走去戲院等入場。

千樺真係無大笑喎！而且，做得洽到好處。至於偉仔，又扮盲佬，哈！令我諗起佢同憶蓮曾做過一個故仔，又係講佢盲左，憶蓮修女照顧佢......套戲都幾 ok！都算好睇，雖然同原著差好遠。

睇完戲，嘩！成九點幾！我依家入去都無用啦，所以打番時間比佢地，話我唔去打波了，之後就行左一陣，向我好耐無幫襯的 "粉紅盒子" 買了一隻天使貓貓介子後，就坐火車番屋企。

番到入大埔，等等下 k 巴，突然收到 yam 的電話，依，佢搵我乜事呢？

佢問我出唔出黎飲野，我問佢有乜人，佢話有佢同肥仔 (咁都好 d，若果淨係得我同佢，我一定唔出)。

過到去，佢地食緊野，我坐低無野，就有個啤酒女娘走埋黎，之後，我地就叫左一個 round，佢地當然係飲 黑鑽石啦，而我，最怕就是黑鑽石，味道苦苦的，我試了金鑽石，因為有桃。

yam & 肥仔真的癲癲地，明知我唔係好試飲，唔係好識玩 "sick" 仔，都叫我玩。唏~~ 不過今次出得黎，就預左要飲，所以，都無所謂啦！

唔知係咁飲得太急，磈面好 "慶"，個人好 wing，個心跳得超快。 yam 建議飲 d 水，會好d。老實，我覺得飲完水之後，都無乜幫助。

去完洗手間之後，佢地猛咁叫我番屋企......老實，我依家咁的情況，番屋企仲危險，我寧願抖多陣好過。

之後，大概坐到一點多，就算數走人。

肥仔番屋企，yam 送我。

佢問我洗唔洗坐的士。老實，我都無乜野，行番去都唔係問題，而且，我都未必要佢送，所以我都同佢講：「我 ok 架，可以唔洗送我。」

在佢送我歸家的途中，佢都正經了，知道佢依家已選定行車線，都感到有點安慰。

>>January 23, 2004 at 4:24:14 PM GMT+8

2004 年 1 月 8 日 星期四 【晴】

忘了在一月的那一天，再次收到他的消息；忘了在一月的那一天，他再次的寫日記，是真真正正的日記。

他那本日記，很新，很美。在他的日記中，感覺到他有了一點點的變化，一點點的不同。雖然，覺得他仍是單身，但，他好像正在戀愛中......莫明的，越看越酸，很想他的他就是我。

今晚，又看到了他一篇的日記，心裡暗叫：「哈！你終於知道了我的苦吧！你愛的人不愛你，活該！」很黑心吧！但，內心又開始茅盾起來......

面對著他，我希望他仍把我看成好朋友。

想了很久，給他留言後就睡了。

我的好朋友，我知道我的機會微乎其微，若你真的跟他一起的話，別隱瞞，對我說，別怕我傷心，可以嗎？

>>January 23, 2004 at 3:22:33 PM GMT+8

2003 年 12 月 31 日 星期三 【晴】

31/12
哈！我今日又記錯時間了！幸好錯有錯著，早左成個鐘到上環，否則，就趕唔切去麥膠了！
今次過澳門兩日一夜，主力係睇話劇--地下鐵，順便玩玩。
好彩 Apple 間教會 在澳門，所以，我地住宿就無問題了！因為住向佢教會嘛~~ hehhe
又因為兩日一夜，所以都無乜行李。

到步後，我都就先去賽車館及酒館，之後就到 Apple 間教會放低行李。 Apple 間教會真勁！係人都識！！

放低行李之後，我都就去左大山巴附近的餃餃鎮食餃子，之後就同 JT & BC 會合，到九如坊食飯。食完野，就起程到澳門的大會堂，睇地下鐵兼倒數。

套劇，一般啦~ 唔知係咪因為是講國語 及 音響無香港咁好的關係，我唔係好知佢講乜，不過，陳綺貞一開聲......嘩！真係不得了呀！佢把聲都係好好聽呀！係佢，我先知 d 個詞講乜！！真係好正！套劇，可以話無乜內容，不過，視覺效果做得不錯，簡直可以話係勁正！因為佢多數是把一些七彩的影像，投射在天幕，所以，好正。之後，我地就在戲院裡倒數。

1/1
9.....8.....7.....6.....5.....4.....3....2....1....0
就係咁，又活多一年了！

散場後，我們一大班人在戲院門外，等了很久，終於比 DL 等到幾米，羅左簽名 & 拍照後，又唔知佢地向到等乜，就係咁，我地就等埋陳綺貞了！跟他拍過照後，我地就到附近的食巿食小小野，之後就番教會訓。

番到教會，洗過澡，夾埋 $$ 都成三點多了！訓覺！

起身後，剛刷完牙，我手機就響啦.......嘩！邊鬼個咁晨早呀！十點幾就 call 我！就係 d 個電話，就吵醒晒 d 人。 dl 問我聽唔聽，老實，打得黎，我一定會聽的，不過，一定會同佢講我身在麥膠，希望佢會識做，匆匆收線。一聽，原來係黎老師，佢講無兩句就喊......唏~~~雖然我勁想快 d 收線 (因為 idd 實在唔平)，但，佢咁樣，我點收呢？而且，我同佢講完話我向麥膠後，佢都無乜反應，咁我仲可以點？同佢講左好耐(都差唔多半個鐘！)，好又唔可以即刻番香港，咁我可以點？好彩佢自己主動提出，話搵導師傾！如果唔係，我就真係擔心多幾錢重。收線之後，第一個感覺係：唏~~~~ 今年職員真係唔易做。

之後，我地一大班人就出發去 "乙水" 仔，本來佢地想食豬扒包，但可惜時間唔岩，所以，佢地唯有食豬扒麵，而我，叫了一碗麵和一柸奶茶。食包後，我們就去了麥膠有關屋的博物館。那裡好靚，好外國 feel。之後就買 d 手信，再去食餐莆國餐就坐番車去澳門。

過去澳門，我地去左回歸塔。oc 本來想上塔上面行個圈架，但無人陪佢，所以，我地向塔附近行左一陣就坐車番教會羅行李。

羅完行李，我地就去番議事亭附近食野，之後就去碼頭，坐船番黎香港。

>>January 23, 2004 at 3:02:18 PM GMT+8

2003 年 12 月 24 日 星期三 【晴】

今日，可算是我人生的大日子。

bc 因為我今天的大日子，特地壓後了他去北京的時間。又因為咁，佢為左黎觀禮，唔理只訓得一兩個鐘，都頂住！真係夠晒朋友！！可惜，jw因為要返工，所以黎唔到。如果唔係，我地 wkll 五個女仔就可以一齊影張大合照了！

一早起床，梳洗後，就到太和火車站，接 jk & sw。若果唔係晚上要演話劇，我一定會著裙 & 高跟鞋。

在太和接了他倆，就到我每星期日都去的三多，食早餐。食到半路，bc 終於到左大埔，我當然要去接佢啦！之後，等到我，jk & sw 食完早餐，都差唔多十一點！(唏~~ 比我預計遲左咁多添！)匆匆的回到教會後，知道正堂已經 full 晒，要佢地坐副堂睇電視，真係有 d 唔好意思。
上到 hall，匆匆的歸位，聖誕崇拜正式開始。

在整個洗禮過程中，感受不太深。也許是因為我已當我自己兩年前洗左掛~ 不過，感動的事是有的。受洗的信徒，總會收到朋友/教友的禮物，我當然不例外！當我一上到 hall，就位後，就收到鍚安團的賀卡，其中一位受洗者的禮物 (仁愛水晶擺件)，當就洗後，收到由某幾個團友女送的一束靚靚黃玫瑰，真係好靚架！(雖然，我幾怕當日收花。你知啦~ 我之後要出觀塘個話劇，拿住束花周圍走，真係有 d 麻煩。不過，束花真係勁靚！！！)整個崇拜結束後，再收到另一位受洗者送的禮物 (卡片夾)，阿樂送的cd & card，佩珊姨姨送的頸巾.........

之後，等左好耐，終於等到影相啦！影完相之後，就同 wkll 同事食飯，之後，就各又各走啦~

與他們分手後，我就坐巴士出觀塘。

去到觀塘浸信會，安頓後，就開始排劇。食過飯，就開始預備演出。
演出過程都算順利。

之後，我地就去左間餐廳飲野，之後就各散。

>>January 18, 2004 at 4:31:37 PM GMT+8

2003 年 12 月 23 日 星期二 【晴】

呀！！！
我竟然記錯排戲時間！！！！

明明 Call 機都顯示 17:45，為何我會誤以為是 7:45pm！！！

當我諗住出門口時，再看看 Call 機的時間，才驚覺原來我把時間睇錯！當然，我第一時間 Call 番佢地，話我記錯時間，會遲 d 到啦！

出到觀塘，就 call 佢地。因為我無帶手提，所以，導演就搵人黎地鐵站接我，帶我到那教會 (演出的地方)。

間教會幾靚架，排完戲，就走。明天洗禮 & 演出，希望一切順利。

>>January 10, 2004 at 3:37:51 AM GMT+8

2003 年 12 月 22 日 星期一 【晴】

與 sy 長洲之旅
wkll 韓國燒，交換禮物，聖誕狂歡

>>December 26, 2003 at 3:39:10 PM GMT+8

2003 年 12 月 19 日 星期五 【乍雨乍晴】

一早起身
去到赤柱
進到監獄
做了兩場福音話劇
分別遇到兩個
尚有四年時間
才出獄的人

晚上去了靚姨家食飯

>>December 26, 2003 at 3:53:26 PM GMT+8