2003 年 12 月 18 日 星期四 【晴】

開開心心
公司同 team 百樂小聚餐

>>December 26, 2003 at 3:35:59 PM GMT+8

2003 年 11 月 30 日 星期日 【晴】

心情仍舊低落。今日下午，收到 suki call，知道他爸爸在上個月尾唔向度......其實自從佢爸爸有事，佢地屋企都預左有今日......在電話裡，他的聲線異常平伏......我問左佢幾次佢有無事......亦都有問佢媽有無事.....佢全部都答無事......希望佢真係無事啦！遇到這種事，之後就表現得異常平伏.....老實，我真係驚佢有事！

>>December 18, 2003 at 9:24:47 AM GMT+8

2003 年 11 月 29 日 星期六 【晴】

今日仍然情緒低落，可以用 “~O也不笑” 來形容。很累，很累......上班洗禮班，預備上禮堂時，被黎老師截住，話下星期六肥仔 & 鼻負責......我心諗：關我鬼事咩！同我講都無用架啦！點解你唔直接搵佢地喎！！佢的意思，好明顯就係想我攪掂佢啦！！之後我同佢講：得啦，我搵佢地。之後就上 hall。勁累。完左崇拜，阿樂因為要同人傾野，所以，完左崇拜之後，我就自己攪掂之後就番屋企啦。勁累，勁情緖低落。

>>December 18, 2003 at 8:40:14 AM GMT+8

2003 年 11 月 28 日 星期五 【晴】

今次，接左雲柱的劇，壓力很大！也許，我只是一個後補，頂替之前一明演員吧！另外，因為個個都排得很熟，只有我一個新加入，在排戲時，常常出錯！同一段戲，不繼 repeat 又 repeat，導演又唔滿意......

排戲時，我當然盡量控制自己，盡量投入角色內。當一排完之後，老實，今晚係我咁多晚排戲以來，最唔開心的一晚。我諗，我咁辛苦，究竟為乜？一星期七日，差不多每日唔係番工番學，就係排戲，一星期做足七日，真係好辛苦！

為左 d 套戲，我每個星期六放棄了番團契，去灣仔排戲，每次都排到成十點幾十一點，星期日又要一早起身番洗禮班......我真係好「支力」呀......

今晚坐307番屋企時，有幾次好想喊......巴士經過維園附近時，見到一棟建築物的外牆上寫著：我要向高山舉目，我的幫助從何而來，我的幫助從造天地的耶和華而來。(詩121:1-2)。我睇到之後，我更想喊。我深知我的幫助是從天父以來，但，我唔明點解佢比我玩福音劇的機會成本係放棄番團契 & 番學。我真係好唔明。我唔敢話，天父唔理我，但......我真係好唔開心呀~~~

間中都會諗下，若我好似其他未信的人咁，咁我會點呢？係咪會開心好多呢？但，我只諗到，無錯，可能會開心好多，但，我睇唔到將來......

信左主，唔係一定天色常藍。我是知道的，但......

唏~~ 希望是因為生理影響心理啦！

一句到尾，好唔開心！

>>December 12, 2003 at 2:07:40 AM GMT+8

2003 年 11 月 20 日 星期四 【晴】

今晚，本來放工後要太和開會。係呀~~ 我又接左套話劇做呀~~ 今次幫 阿 kit 那劇團做，仲係做幕前添~~~~ hehe，個場仲係我第一次公開演出的地方--麥高利小劇場！！正！！

點知，五點多就接到電話，話取消。算啦~~ 咁今晚咪去行下街囉~~

因為明天不用上班，而 mt 又趨，問 d 工科課程可以用 cas 報名未，咁我咪留夜 d，入晒機先走囉~幾經辛苦，終於在晚上八時半入晒！本來唔諗位 claim ot 的，若諗下諗下，橫豎 sm 都見到我做到咁夜，一於寫左 ot 先，批唔批就另一件事。

放工後，唯一頭痛的，就是去那裡食晚飯。行到新世紀，第一時間行下大眾。大眾已成為我必到的地方。本來只諗住行下，就向我睇下 cd 時，比我發現了一張，我以為只係台灣先有得賣的 cd！勁開心呀~~~ 因為我真係無諗過香港會有得賣呀！！ d 張就是 Alex 在台灣演出的電視劇--八號當鋪 的電視原聲大碟啦！！ Alex 唱的主題曲："原來我還 love u so much" 勁好聽架！！之前在滾石的網頁裡睇 d 個 mv，都已經覺得勁正！！ Alex 唱國語 & 英文歌實在太好聽啦~~~~
比完錢之後，就去左 food court 食野。

當然，我急不及待的拆開 cd 的包裝紙，打開 cd 盒，把盒中的書仔取出，一打開......
Alex 很帥呵~~~~~ 真係太酷啦~~~~ 好開心呀！！！

>>November 30, 2003 at 12:44:58 PM GMT+8

2003 年 11 月 17 日 星期一 【晴】

滾石十周年演唱會
今晚特地請了半天假，
放工後到了紅館睇演唱會。

勁攪笑，臨放工前，at鬼祟地問我，今晚係咪要考試，所以放假。
當我話比佢知，我今晚去睇演唱會時，佢就「車」我啦~~

乜我唔可以為左睇演唱會以放假咩！

本以為可以睇到憶蓮 & Alex 的演出，點知......失望！

>>November 30, 2003 at 1:18:54 PM GMT+8

2003 年 11 月 14 日 星期五 【晴】

今日考wp。

好慘呀！我 wp ，即係 set 位呀！打靚靚篇野當然無問題啦！但......我自己雖然 speed 夠，但 erro 太多，所以次次 speed test 都 fail。所以今次考試我都慢慢打，希望可以錯少 d，點知........鳴~~~~ 差一兩個字就 pass 啦！！

Miss 講過，若 speed test fail 的話，就乜都無......

鳴~~~ 估唔到，就咁就衰左！鳴~~~

>>November 26, 2003 at 3:33:06 PM GMT+8

2003 年 11 月 12 日 星期三 【晴】

今日第一日上"math & Stat" (<--類似啦！)。勁深，我都唔係好知個阿 sir 講乜！唏~~ 又衰多一科！！

跟進個兩個禮拜都番唔到，點知好呢？

>>November 26, 2003 at 3:52:18 PM GMT+8

2003 年 11 月 7 日 星期五 【晴】

太累了~~~ 星期四番工番足十三小時，雖然中間都有一個鐘食飯，但長時間對住部電腦，又要用腦，勁累！

星期五放工後就趕去凱恩屋企，唔知點解，我覺得佢好唔......我唔敢講佢唔想學，但......我估唔到佢有 d 勁淺的野都唔係好知......
算啦！有餐飯食咪算囉！當然，我都會幫佢解答 d 運用上的疑難啦！其實我講咁多野，都唔知佢吸唔吸收到。

本來今日要番工架，不過實在太累了！橫豎 mt 今日 on duty ，請一日假，訓晏 d 都好！
今日，起身之後，就......去圖書館還書、剪頭髮、入錢。番屋企之後，坐無一陣又要出門口，番大埔堂開會。我真係比七叔激死，老實，我真係對多佢一陣都會頂唔順！經佢一講，我就做左團長啦！！本來我諗住屈佩珊做架嘛！！互選完，就開始傾周會。

開完會，阿樂好好人咁為我播放"聖樂晚會"優先場。勁攪笑！我睇第一次的時候真係睇到有 d 毛管棟呀！不過，我地g4又真係跳得幾齊！睇完優先場，同黎老師照完相，就趕出去灣仔排戲了。

今次，但導演又係英國。因為佢都全部都做過 d 套戲，只係得我一個係全新加入，所以，有好多野佢地都勁清楚，我只知道我要講好 d 對白，其他的，我就一頭霧水。排左一兩次之後，就度期。鳴~~~ 佢地又要多一個星期六夜晚呀~~ 鳴~~~~ 咁我咪有排都番唔到團契囉~~ 鳴~~~~

>>November 10, 2003 at 3:31:41 AM GMT+8

2003 年 10 月 28 日 星期二 【晴】

唔租了！決定唔租了！

間屋，我一直都未入去住過，之前滿有熱心的，打掃，洗抹。之後，不斷有阻滯，最嚴重的，可算是造了兩個，很可怕，恐怖，有關這屋的夢......

不租，算了吧！
把那租金儲起，假以時日，再搵過別的地方吧！

等我 send 電郵比業主先

>>November 2, 2003 at 12:09:11 PM GMT+8