2003 年 1 月 17 日 星期五 【晴】

今日，訓到十點多，起身後，就開始研究我的「進修大計」。
我打算報讀浸會的課程，雖然無得 cam CEF，但算啦~ 我都係諗住讀，有得 CEF 就好啦~ 無都無所謂。

下午，同 Joyce 去唱 k，唱到 五時多，勁開心，因為好耐無去唱過了~~

之後，call 左好多次 Emily ，佢都無接，本來都諗住算數，但他又 call 我，我問極佢咩事，佢都好似唔係咁想話我知......我都心知不妙，但白白痴痴的我，又付約...............

上到去，勁多人，全部都西裝骨骨，而且大多數都係知識份子，大學生呀~ CEO 呀~~ 乜高薪的人都有，有部份高薪人都放棄原有的高薪厚職，為那 公司 做 全職！！

那是一間聲稱自己的環保公司，攪空氣淨化....
又講到自己幾勁幾勁，擺晒專利咁...................
講完一大輪之後，就主動幫我填 FORM........

嘩！大佬！唔係化~~ 咁都得！但我又白白痴痴咁，填左，比埋五千多~~~唏~~~ 我究竟做緊乜呀？那公司做乜都未攪清楚，就比成五千多出來，仲要係刷咭添~~~ 呀~~~~!!!!!!! 佢地不停的介紹 D 人比我識，個個都勁 NICE，個個都好似勁好人，攪下攪下，就兩時多才回家！唏~~~~ 我究竟做野乜！

>>January 19, 2003 at 2:19:58 PM GMT+8

2003 年 1 月 16 日 星期四 【晴】

哈！原來 Anthony 唔玩得架！佢話我串！！哼！咁我咪只談工事囉！哼！
明天，約了 Joyce 唱 k！ yeah~~ 好耐無唱過了~~~~

今晚，收到 Emily 的電話，神神秘秘的約我明天出來，唔知咩事呢？

>>January 19, 2003 at 1:15:31 PM GMT+8

2003 年 1 月 11 日 星期六 【晴】

嘩！今日超早起身，因為，要趕返早堂 (8:30 開始)。我八時多就返到教會，早堂的模式真係同午堂好同，唔會傳奉獻袋，完全自由奉獻。

今日個講員好掂，佢......真係一個好好的演講者，因為佢完全可以帶動人的情緒，好厲害！

完左崇拜，返埋主日學，都未到十一點，實在太好了！可以有多 d 時間用~~

食完野，就搭車出旺角。

出到去，Vince 間鋪頭都仲未開，不過，一望就知道無一樣野岩阿媽。見時間仲早，又經過百老匯，又見到英雄，咁就買張飛入場睇~~

英雄，真係唔錯！若 "無間道"，"英雄" & "金雞" 比較，真係英雄好睇 d！唔好問我點解， d 個只係我的感覺。完場之後，我睇埋 d 字幕先走。嘩！原來英雄的幕後人員名單都唔小野！淨係李連杰，就有成四個助理啦~ 真係厲害！

之後，就去 Vince 間鋪。平時，都有經過他那間鋪頭，不過，我永遠都唔會入去，因為，他間鋪賣的全是名牌。睇左好多，好多， d 款太年青了~~~ 最後，我都無買袋，只係買左個銀包。原價好貴架！要成三百多四百，但 vince 好好人，佢半價賣比我，不過要我下次再幫襯佢。無問題~~ 下次一定會搵返你！

>>January 16, 2003 at 6:02:22 AM GMT+8

2003 年 1 月 10 日 星期五 【晴】

雪雪本書好好睇呀~~
特別是有關德蘭修女那篇，好感動~~

今日返完工，就第一時間趕入大埔，鬼叫今晚分組咩！
趕到入去，六點半多 d，之後，我地一行四人 加一人 就到了長城食晚飯。

長城 d 野......都 ok lar~ 每人夾六十多磈，都算係咁。

那飯局，因為加埋怪人，所以，有時對住佢真係唔知講乜好！佢......成日問埋 d 超尷尬的問題，去到長城酒樓，佢又問 & 講埋 d 超尷尬的東西，攪到個服務員之後都唔係點理我地長桌！
食完飯，我地第一時間送佢上車，送走左佢，我地就行多一陣先返屋企。

唏~~~ 全世界人都感覺到怪人有 d 問題，其實，我地都唔係唔想唔理佢，但......我地真係唔係好識點去處理，就連導師都唔係好知點攪 (我覺得)，唏~~~

>>January 15, 2003 at 5:08:42 AM GMT+8

2003 年 1 月 9 日 星期四 【晴】

yeah~~~~ hv 筆者見面大日子！！

惜君，與他在網路上相識了都有..........超過一年的時間，還記得起初睇他的作品，很有同感，還一道以為他是他添！

今日見到佢，無乜太大的驚起，可能係因為我無乜點諗過佢地個樣係點啦~。阿雪真係講得無錯，阿惜把聲真係勁斯文，個人都係~~ 不過，睇佢個樣真係估唔到佢會寫到咁好既野！至於阿晴........好靚女，仲好叻果種人添 (我覺得)，佢好有理想，好識諗~~~

小晶晶可能出書呀！！！勁開心呀~~ 雖然未成事，但 yoshow 問得佢，成數都好高啦~~

我地約就約七時，等到齊人，都八時多，一齊食過快餐，就傾計，交換禮物，又後又傾計，傾下傾下，嘩！成十一點多！！大家都意猶未盡，立即約定下次見面日期！真係正！下次見面仲可以 "手豆" 利是添~~~ yeah~~~~~

>>January 13, 2003 at 10:12:37 AM GMT+8

2003 年 1 月 8 日 星期三 【晴】

雖然今日勁早訓，但也不是太累，返到公司都仲有精神，不過，明知之前一定唔夠訓，所以今晚一定早 d 上床！

放工後，趕到旺角地鐵站，因為，以前 ymca 的安東尼同學幫我羅左本浸大的進修課程章程。接過章程後，閒聊一陣。佢好好人咁話比我知 d couse code 點解，邊 part 係上課地點，邊 part 係上課時間等，佢真在太好人了！！

之後，我到了大眾買書，因為，明天就係 HV 筆者見面的大日子！！而且，阿惜仲肯出來見面添~~ 勁開心！！！唔知阿惜同埋阿晴係乜樣架呢？我地各人都要買一本自己心愛的書作交換禮物之用。我本來想買劇本架，不過，去到大眾，搵來搵去都搵唔到，問 d 服務員，才知道原來全線大眾都無劇本的！！氣死人了！！無辦法啦~~ 唯有番入大埔商務買啦~~

番到入大埔，都成八時多，都真係有 d 肚餓！去到商務，搵到我想要本書，但，只剩番一本，跟住又見到有拾香........就買拾香啦~~~

之後，就搭的士返屋企，太累了，番到去，煮個麵食，飲碗湯，跟住就洗澡睡覺了！唔係係咪因為平時無咁早訓的關係，所以，訓極都訓唔到，矇朦朧矓之間，聽到我爸說：.......蒲天光個 d 都唔會係好人啦..........妖！勁黑人憎呀！！我聽到之後，真係勁唔開心！真係好想第一時間搬出去住！！唔怪得爸爸咁想自己一個人住啦~ 真係自由好多！我聽到我爸咁講之後，我心想：你地又好好咩！唔通你 d 女日日留向屋企，就唔會學壞咩？成日就好想 d 女快 d 拍拖，快 d 嫁人，又唔想 d 女出夜街！！！ 依~~~~~ 黑人憎呀！！

>>January 11, 2003 at 4:49:22 AM GMT+8

2003 年 1 月 7 日 星期二 【晴】

今晚，約了 Emily 食晚飯，我們約了在尖咀一間新開的日本料理。那餐廳的裝修很特別，氣氛和情調也不錯，若約三五知已邊食邊談心的話，約在那兒的確是一個不錯的選擇，而且，價錢也不算太貴。我與她每人都不用付多過九十元，就可以滿滿的走，實在不錯！

當我們打算叫甜品的時候，突然有一位男士走來，起初，我與 Emily 都以為是那餐廳的服務員，後來才知道是 Emily 個朋友 (因為Emily 之後約了她 call 台的舊同事聚舊)。那男子勁攪笑，佢話佢只食煙，唔飲酒，唔係呀化！唔好騙我小妹妹啦~ 唔飲酒？不過，佢係咁講我係咁信囉~

之後，我們一行三人到佐敦，跟 Emily d friend 匯合之後，就到了附近一開 bar。我當然無飲酒啦~ 我叫了一杯凍檬茶。本來打算十一時多就走，點知佢地有一個朋友識玩塔羅牌，八八卦卦的我，留下留下就留到二時多才走。

我當然都有玩塔羅牌啦~ 仲問姻緣添~~ 有 d 都幾準架！不過我可能唔係太信黎 d 野，所以都係半信半疑。

返到屋企，都成三時多了，我迅速地洗過澡，就第一時間上床睡覺了。

>>January 11, 2003 at 4:11:33 AM GMT+8

2003 年 1 月 5 日 星期日 【雨】

唏~~~ 最唔想的事終於出現..........今日起.......又要.......返工了！
唔知點解，唔洗返工，訓少少都夠；要返工，訓多多都唔夠！哈！

放左咁多日假，都估到我張桌一定勁多野，勁亂，所以，我今日提早了返工。十一時到何文田，食過午飯，再返公司。返到公司，張桌無我想象中咁亂，不過，因為公司在聖誕假期，全公司地板打蠟，所以.......我除了要拆閱往來文件外，仲要重新擺過我桌面的文具。

唔知係我手腳快，還是太少野，所以，我用了大概.......不到一小時的時間就攪掂晒，並開始我的工作！

今日工作都算順利~~~

好凍呀~~~ 本來打算今日放工後洗頭，不過，天氣實在太凍了，所以.......
洗澡及洗頭，留到明早再做吧！ hehe

>>January 7, 2003 at 2:48:42 AM GMT+8

2003 年 1 月 4 日 星期六 【晴】

份會議記錄，終於在星期五寫起，唏~ 總算了了一件事！ 因為星期四晚，收到公司一個同事的電話，所以打算星期六返工司做野，但最後都無返到！唏~~ 算啦~ 最多星期一早 d 返去做囉！橫豎都遲左，都唔爭在果幾日啦！

我屋企部 printer 唔係做乜，短短地，所以，星期六中午同我細妹，帶同部 printer，走到九龍灣的豐擇換機。哈！部 printer 出到去，連著都唔著下，就係咁，我地就有部新 printer 用了！yeah~~

今年，教會有早堂 (8:30開始)，我本來打算返架！不過.......唔知醒，一睜開眼，就已經係9:00，所以，返午堂 (11:00 開始)。

哈！團契黎左個 "怪人"，今日先發覺，原來有好多人都好怕佢架！因為佢，有好多原用/做開的東西，都要改，哈！

>>January 5, 2003 at 9:48:26 AM GMT+8

2003 年 1 月 1 日 星期三 【晴】

今日，同媽到了黃大仙的騰龍墟。話就話係跳蚤巿場，其實同年宵巿場差不多，不過，感覺......熱鬧好多！騰龍墟的攤位所賣的，跟一般商場的所賣的東西差不多，價錢也不比商場平，但總算開開眼界。

之後，我就過了灣仔睇話劇。約左阿 kit 18:30在 de frence 裡面等，睇仲有差不多一個鐘的時間，我就到左三聯睇書，漫無目的的，隨便逛逛，其中，發覺有 d 書應該好睇的，好想買，但回心一想，之前在書展買落 d 書都未睇，仲買！不如 "的" 起心肝，睇晒先啦~
所以，就無買了。睇到大概 18:20 我就離開三聯，行到 de frence，途中，又不幸地被 ing 的 sale 捉住，其實，我都唔無買架啦~ 見走來走去都走不掉，所以，被迫上車，聽佢地 "up" 完之後，猛話自己無錢買，之後就例牌地叫佢留個電話比我，我有需要時再找他們。

去到 de frence，叫左個新飽，白汁咖哩雞包，都唔算的！加埋餐湯 及餐茶，都係22蚊，都算抵。食完之後，就同 kit & 佢個朋友，一齊行去 Art Centre。

今晚睇 演戲家族 的 戀愛輕飄飄 。若我正拍拖，或正失戀，又或去年睇的話，感覺一定深好多！不過，他們的處理手法唔錯，佈景設計都好好，雖然簡單，但原全可以帶出想要表達的信息，可能係因為佢地全部都係向 apa 畢業有關。

在最後，佢地列出十條問題，話若果有超過五條答案係同一個人的時候，你就係鍾意那人......
我以為，我會把他的名字，填在各問題的答案上，怎料，我一條填不上......
我發覺，我一條都答唔到............

我應該遺憾嗎？還是應該高興呢？該感到失落嗎？還是......

我也攪不清楚！

近日不見他，不知他現在在那裡呢？

算吧！可能......我永遠也不會成為他最愛.......

哈！我 d 悲觀思想又黎啦~

>>January 3, 2003 at 9:37:47 AM GMT+8