2003 年 6 月 7 日 星期六 【陰】

好忙呀~~~~~~~~

d 個星期勁忙，趕頭趕命的趕起 d LA 分給 RC，又勁多野未做，真係唔知做邊樣先好！！！之前 mark 左 d 未做的工作，貼在桌頭，星期一望到星期五，都只係可以刪去 "入分" 一項，而且，在星期五仲加多幾樣添！唏~~~

唔知係咪之前比爸爸話得多，現每逢遇到工作勁忙，我都會記起爸爸講過，有 d 人仲慘過自己。那倒是，起碼，我不用給上司及顧客臭罵；起碼，我的工作穩定......

星期六，本打算在公司清咁一 d 工作，點知.......
星期六 = 無心機工作，所以...... 忙東忙西，郤不知忙出什麼來！哈！留待星期一吧~

今日，返完教會，跟團友女食完午餐，就趕出去灣仔睇話劇........
出到去，都三時多了！！我從未試過睇話劇遲到的，今次都算是第一次！
套劇................真係幾好睇，而且，我覺得好感人。
劇完後，有座談會。橫豎無地方去，留下聽聽也無妨。
之後，買了兩本小說。
之後，獨個兒到銅鑼灣，買了一只唱片。
之後，獨個兒走到灣仔，乘坐小輪，返回尖沙咀。
之後，獨個兒逛海港城...........獨個兒進晚餐..........獨個兒乘巴士回家。

不知是否習慣了一個人，所以，我多數的「活動」，都是獨個兒進行。

到了我這個年幾，獨個兒活動究竟是好，還是壞呢？
到了我這個年幾，是否應找一個伴呢？

今日，行經集成時，見到一個很可愛的布丁公仔咕"唇"，可惜，要百多元......頓時想到，若我有一個伴，就可以威逼他買給我......

「伴」的用途，就只得那麼嗎？！

之前，常常聽到爸爸說，他沒有朋友，沒有人喜歡他，愛他。
哈！
沒有朋友的，是我；
沒有人喜歡的，是我；
沒有人愛的，也是我！
更正確的是......
當我想找會朋友來陪陪，總是找不著；
我喜歡的人，不喜歡我；
我愛的人，他不愛我..........................

前陣子逛書局，見到有部份 yoshow 的書大特買，$100 for 4，所以，挑了數本之前一直很想買，但沒有買的 yoshow 出品的小說。現正讀到一本名叫「十天後十九歲」的小說。不讀到內容，真的想不到是與同性戀有關的！不過，我確實覺得作者寫得很好。我不是同性戀者，但，他所描寫的故事主人翁，不多不少也會令我想到我某個朋友，不多不少也令我想去了解那位朋友更多......

>>June 8, 2003 at 4:54:26 PM GMT+8

2003 年 5 月 31 日 星期六 【晴】

哈！很久沒寫了~~~

轉地方寫日記......若這裡一直可以用下去，我當然不會換啦~~ hehe

前陣子，勁忙 (當然又是為了公事啦！)，幸好現在好像舒緩了些，要不然就真是不知點算好了！

正所謂：姣婆守不到寡。本來打算今年不參與話劇演出，專心一意讀書。點知........我又接了一個短劇做 (七月中演出)，所以，由星期五開始，我就要去排劇了！幸好今次個劇不是太深 (我覺得)，所以，要捉角色不難。另外，因為那教會希望我們能在劇中加入一些詩歌，所以，我特地找阿樂幫忙。朋友即是朋友，一口應承！夠爽快！而且，d 歌都差唔多諗晒！專業人士即是專業人士！！！

至於返學......今學期我報讀了兩科，最快七月尾開始上課，另一科則在八月尾開課。

哈！六至七月排劇，七月中演出，七月尾返學，時間剛剛好！

今日，一早起了，跟著與 suki 結伴到南丫島一遊。入到南丫島，剛好正午！我們由榕樹灣出發，沿途經過一些精品店，店內的裝修及貨品.......不太特別，之後，經過沙灘，就開始「行山」了！

記得第一次去南丫島，是跟爸爸結伴去的，今日舊地重遊...........覺得人多了！也許是非典的關係吧！行過山，吹過風，就到達「索古灣」了。也可能是因為非典的關係，小販多了！ suki 買了一些海味，而我，什麼也沒買。我們坐四點鐘船，返回中環。

本來，打算與 suki 一起去食日本料理的，但......
1. 爸爸打電話給我，約我去 k
2. suki 家要做節
所以......
返回中環，送 suki 坐船 (往尖沙咀) 後，我便乘地鐵往灣仔，與爸爸匯合。

上星期的某一個晚上，曾夢見過爸爸。不過，夢中的爸爸...........不像現實的爸爸，夢中的.....很瘦，很深膚色，就連樣子也不同！雖然如此，但我感覺到，夢中的那人，就要爸爸。

到了灣仔，在預約的地點見不到爸爸，所以 call 他。原來，他早在對面馬路等我。他，剪了一頭短髮，是我自認識他以來，最短的一次！我倆結伴到附近的卡拉 ok，歡唱一番。

很久沒唱過 k 了~~~ 去到 卡拉 ok，發覺......有很多新歌也不懂的~~

爸爸唱歌依舊那麼好聽，而我，差了！自己知自己事啦~~~
大概九時多，便結帳。之後，爸爸建議去附近的 bar 飲野，我當然無問題啦~

到了某一樣 bar，我叫了一杯味似益力多的 snow ball，爸爸叫了一杯酒精飲品，之後，我們便開始傾計了。我們談到近況，談到一些趣事，訴訴苦...... 大概到十一時多，便結帳離去。

爸爸......不知從何事開始，我覺得他好像生存在另一個時空裡，每當接到他的來電，就好像頓時把我與他的時空連接上，每當掛線，就好像把我與他的時空中斷......今日見到他，感覺......感覺......很不實在......但，他仍能讓我歡喜讓我憂......

>>June 2, 2003 at 3:03:59 AM GMT+8

2003 年 5 月 14 日 星期三 【晴】

太耐無寫了！！！

無他的，因為這裡實施新操施， vip 人仕才何自由出入，而我這些「無料」人就只可以在朝五晚七的時間登入......唏~~~~

不過，昨晚在別處申請了一個三合一的地方，提供留言畫版，mail box & 日記，我估，當我把所有的日記轉載到那邊之後，就會全面停用這裡。

雖然，唔係太捨得 d 到，但要我比我幾倍的價錢用 d 度，我又唔捨得......

唏~~ 無法了~~~

>>May 15, 2003 at 5:46:29 AM GMT+8

2003 年 4 月 24 日 星期四 【晴】

今日，約左舊同事去銅鑼灣行街。(主要都係為了掃"大陸正版碟")

去到銅鑼灣，第一件事--醫肚。我地去左一間裝修唔差的餐廳--九x半食年飯。哈！唔怪得 d 間野在 lunch time 都坐唔爆啦！ d 野食好食到呀.........獅子頭，唔知似乜！得一舊小籠飽"涵"的肉丸，小棠菜勁多！！！津白炒牛肉變左洋蔥炒牛肉！哈！ 好采，每人都係夾番 $30.00！唔算太貴！不過，下次一定唔會再去。

之後，我地就去左掃碟。唔知係咪未番貨， d 平碟少左好多，學友呀，周杰杰呀都無晒。不過，比我見到 "愛情蒲公英" 的 cd，廿蚊咋！！！咁平，必買呀！！！我個舊同事就買左兩隻音樂碟，當然都係 大陸正版貨啦~

夜晚，約左哥哥食飯。我地又去左尖咀的和民。可能係我早去到，所以取了 A3，取了飛，就當然周圍行，同哥哥匯合後，行到和民，就輪到！哈！真好！！因為哥哥就牛一，所以，我開終名義，話我請客。我地起初點得唔多野食，一兩樣，一兩樣咁叫。大家都唔趕時間，就係咁，坐下，食下，傾下，大概九時多才走。

和民真係勁抵架！我同哥哥都係食左 二百多，真係勁抵！！

% % % % % % %
哈！我估唔到會有咁多人"純"睇我本日記，今日同個舊同事傾開計，佢話我其中一篇日記勁攪笑......係咪？我唔覺得那篇日記好笑喎！相反，我覺得勁恐怖！
哈！ D 人淨睇我本日記，又唔留言比我....
食巿有 "淨食雙計"，咁我可唔可以......

>>April 29, 2003 at 3:01:32 AM GMT+8

2003 年 4 月 22 日 星期二 【晴】

因學校於本星期補課，所以，今日要番工 (14-22)。

老實，番到公司，真係無乜心機/心情 做野。番到去，忙東忙西，唔知做過 d 乜！

唔知係咪 d 份工 d 假期比一般公司多假，而且又番 shif，我覺得，攪到個人懶左。
唔係好想返工，唔係好想起身返工........

>>April 29, 2003 at 2:18:08 AM GMT+8

2003 年 4 月 20 日 星期日 【晴】

哈！今日係四月廿一日，再過多五個月之後，就係我牛一，哈哈！！！

昨晚開 e-mail，收到一位舊同事的電郵，問我為什麼那麼久也不寫日記........

哈！很久嗎？只是一個星期吧！不太久喔！我有很多朋友，有個多月沒寫也都這樣啦~

不過，既然他這麼提出，我就寫寫啦~

過去一個星期，都沒什麼特別，沒什麼值得記下。唯一的，是跟天氣有關。自非典型爆發後，天空就沒藍過，儘管陽光普照，但天空總有一層灰，久久不散。在前幾天，大概是十八號吧！當我出外時，抬頭一望，很久不見的藍天與白雲再出現於我的面前，我立時覺得，天父好似話比我地知，佢-番-黎-啦！相信非典型肺炎就快消失了！！！ yeah~~~

* * * * * * * *

今日下午給左 hv 班朋友出黎，無他的，因為小晶出左書，攪 gethering 之餘，攪埋小型簽名會。勁開心呀！！我今日除了小晶的新作，仲有阿惜的 "小王子"。本"小王子"好靚架！係 hard cover，仲有插圖添~~~

之後，我地去左海濱公園，行下，影下相，之後就各散。

>>April 29, 2003 at 2:12:10 AM GMT+8

2003 年 4 月 12 日 星期六 【晴】

哈！日記變週記！

可能是因為學校停課，而且，積壓的工作清得七七八八，所以，跟這星期在公司都幾清閒。星期一開課了！相信又開始忙.........

上星期三，放了一天假，沒什麼特別野做過，本打算到 bu 交相，最後，也沒有去。

星期六，短週，跟妹到三舅父處，他那處都幾好風.......之後，就行銅鑼灣，仲買了 d 禮物給 小 Ethan........

天氣開始熱了！帶口罩真係勁辛苦，所以，返到教會後，我就把口罩脫下........今日 lunch 除了同黎老師及魚旦之外，仲有方生方太。哈！離遠見到方太，佢真係 "有左" 同 "無" 都無乜分別，只係個肚大 左。食完飯，就各散。

>>April 13, 2003 at 12:44:06 PM GMT+8

2003 年 4 月 5 日 星期六 【雨】

Wuu~~ 今日一打開門，嘩~~ 凍左好多呀~~~~~~

昨天，去了公公處。雖然非典型肺炎肆虐，但拜山的人都不少！
拜山後，就跟家人到沙田新開的日本料理食飯，
之後，就回家了。

前天，訂講的口罩有了，通知親戚們貨到了。晚上，約了三舅母取口罩和一齊食晚飯。
面對著她，真的不知說什麼好。
相信，她一定也未能忘卻，去年十一月的事.....
當她提起的時候，從她的眼神中，就可以感覺到她的傷感........

今日，本來，約了舊同事到銅鑼灣掃平碟，點知，佢昨晚致電給我，希望廷期。
崇拜後回家，感到自己病了！很累，相信是感冒吧！

>>April 6, 2003 at 8:01:55 AM GMT+8

2003 年 4 月 2 日 星期三 【陰】

唏~~ 近排真係發生乜事？
唔典型肺炎肆虐.........
學校停課..........
假新聞.......
張國榮自殺亡..........

唔知係咁我仲未放得低去年十一月的事，
所以，知道張國榮自殺，不禁又想起...................
唏~~ 點解要咁？！

公司有很多同事都討論
他自殺前的行為很茅盾................
唏~~~
人
若一時想不開
就一定會做出傻事
只要那一刻對自己說
"我要活下去"
一次唔得，就講多幾次
直到
"活下去" 的聲音比 "輕生" 大
之後
一切就會容易過
也就更加珍惜生命

我真係好怕
我身邊的朋友
得了唔典型肺炎

我真係好怕
我身邊的朋友
會有輕生的念頭

我真係好怕
好怕...............

終於....我哭了！

>>April 3, 2003 at 1:32:54 PM GMT+8

2003 年 3 月 28 日 星期五 【晴】

本打算由 23/3 起，每日寫番晒，但，有很多印象已模糊了！所以，唯有寫寫大意。

23/3 那天，我又無返教會，訓到十時多十一時才起床，食過午飯後，就到沙田公共圖書館。本想借一些參考書回家，但，館內並沒有，所以，我就到了附近的書局，看看有沒有了。在書局中，發現了幾本 阿 sir 所點名的 reference book，但，看過內容，幫助並不大，所以，我快速地閱過裡面內容，若遇到合用的，就記起了。

在沙田逛了兩間大型書局，之後就坐巴士返屋企。返到大埔，我並沒有在村口下車，直到到達大埔中心。到了大埔中心，我就先到大眾，看看有沒有我要的參考書，點知，都係唔多！原來，香港真係唔係好多有關 Customer Service 的書，相反，流行小說就很多。逛完書局，我就到了書局附近的快餐店食了一個茶餐。之後，在快餐店裡做了一點功課，之後，就返屋企了。

24-25/3 我的 office hours 長達接近十二小時，因為，那兩天都有課程開課，而開課的重要物件，如學生證，點名紙等，都要在當天才可製作，所以，唯免做不切，就提早返公司。一番到公司，就未停過，直到收工。又因為要趕及在星期四前做妥 那佔 70% 的功課，所以，放工番到屋企後，就邊聽收音機，邊做功課，直到零晨一時多，其中一晚更做到二點多呢！

26/3 返到公司都係未停過！放工返到屋企，食過飯，洗過澡，就開始做功課了。無論如何，我也要在當晚做畢，因為 27/3 (四) 就要交了，當晚，又是邊聽收音機，邊做。進度雖然慢，但到零晨一時多就收工了！雖尚欠總結未寫。

27/3 返到公司都係未停過！間中都會偷小小時間，寫埋個總結，並覆核幾次，睇過無題，就後就 print 出來。返到培正，見時間尚早，所以，就再 "羅" 份功課出來看看，點知，發覺自己寫了個白字！唏~ 真失察！另外，又有一句句子忘了 delete！！唏~~ 都怪自己太忙，無乜時間去做好佢~ 算啦~ 我都係但求合格姐~ ^_^

28/3 因近日香港的非典型肺炎厲害，昨日政府宣佈了全港中小學停課後，今日有很多間大專院校相繼宣佈停課，而我公司卻遲遲唔講.....唏~~ 所有行政人士，頻頻開會。最終，因有很多間夜校停課，所以，我們都決定停。停課，特別是全校停課，真係唔係咁簡單，因為，要打晒電話比全校學生！只係我部門的課程的學生，相信都超過五百人！試想像，要在星期一之前，電話通知晒所有學生，真係談何容易！ 昨日，真係無乜點做過野，因為，我都不停的比人叫左去開會，當然，又係有關於非典型肺炎啦！

今日，返到公司，第一時間就係打電話比 d 學生，通知他們停課的事。打了整個上午，都只係打等得幾班，好釆今日搵左個 part-time 返黎，幫手打，否則，真係在公司札營都唔得掂！

好啦~ 依家返緊工，要繼續做野先啦~~

>>March 29, 2003 at 7:33:24 AM GMT+8