2003 年 9 月 6 日 星期六 【雨】

唏~~~ 九月了！但我還未搬到新屋。我真的不想拖了，希望在中秋後，十月前搬過去啦~~

今日，到新屋收信。一打開信箱，內裡全是舊業主的信，其中，有兩封是政府公函，一封有署名，一封無。我拆開了無署名的那一封。

原來是水務處曾搵人 check 過d 食水喉，發覺銹蝕得很緊要，需要立即更換，否則可能會截水錶！！咁嚴重，我當然是通知業主啦~ send 左 e-mail 給她，唔知佢幾時覆呢？

唏~~~ 咁攪法，你叫我點安心到那邊住呢！希望唔好攪到十月都搬唔到過去啦~

>>September 8, 2003 at 2:27:14 AM GMT+8

2003 年 9 月 5 日 星期五 【雨】

今日，節目豐富。一早起來扮靚靚上班去，午後到浸會上課，接著到尖咀婚姻註冊處觀禮。

早上起來，看到天氣灰灰的，心想，唏~~ 我今天會穿米白色的長裙子的，拜託別下雨。當天，天灰了，就代表會下雨，只是時間的問題。穿上裙子，化了一個淡妝，穿了一雙珍珠色的高跟鞋，提了手提包就上班去。

因為現在每逢星期六下午也要上課，所以，我由原先星期六隔週上班，則改為每星期六上午上班四小時。下午一時半下班就立即到公司附近的食巿食東西，然後就乘巴士上課去。

回到學校，第一件事就是跟老師說我今天要早走。老師的面口頓時不太好看。打了兩篇功課就走了。

趕到尖咀，主角還未到。我、JK & JW 先到附近的涼茶店喝東西，不久，SW 就到了。我們走到尖沙咀文化中心附近，主角還不到。不知是不是就像我同事所說：「貴人出門招風雨」。BC到了不久，就開始下雨了，雨勢時大時細，幸好 BC 的裙子不是長，否則就麻煩了~

她的丈夫，樣子很像小黑。

拍了一會兒照，就到尖沙咀的婚姻註冊處了。我是第一次到那裡，她們的 Hall 好美！很中式。
正式開始了~~ 因為我一直也未取 BC 的請柬，所以，我一直也不知道 BC 的丈夫的名字。當註冊處職員讀出她丈夫的名字，我才知道她倆的名字都只有兩個字，她丈夫單是一個龍，連名帶姓的叫，都幾攪野。當他們宣讀誓詞時，我有著一刻的感動，幻想著自己，和我深愛的男人，站在她們的位置，宣讀著誓詞，試問誰不會被這情景感動。禮成了！由這一刻起，BC 就有了歸宿，她的婚姻，滿有我們的祝福。

之後，我們到尖沙咀某酒店內，一起食自助餐。接著，就唱 k。

我想，BC 一定很愛那男的。單單今天看到他倆，就可以完全 feel 到她有多愛他。

媽常說，要找一個愛自已多過自己愛他的男人做丈夫，好讓自己永遠活在被愛的裡面。真正的幸福，就是這樣的嗎？若是真的話，那豈不是對男性很不公平嗎？在現今社會裡，找一個互愛的人真的不容易。試問有誰不願活在被愛之中？當日子一天一天的過，仍未有男朋友的我，也不要求那麼多了！但求今年可以順利的洗禮。姻緣嘛~ 天父必有安排的。前年踫過一次釘，我深知無論我有多愛一個人，天父一句 say NO，就沒有了，不理我因為這事哭過多少個晚上......

BC 由明年起就移居到北京去，往後的日子見面就更少，祝福她！

>>September 12, 2003 at 2:48:37 PM GMT+8

2003 年 9 月 3 日 星期三 【晴】

勁排，公司勁忙，全人類都就夜中學忙到團團轉，但，他們卻兼顧不到自己本身的職業！
專業課程就開課了，但，乜都未得，學生手冊未有，final 時間表未有，好似乜都未掂咁。以前yee 會一早提定我地要做乜，又會乜都安排好晒，依家，樣樣都要自己理，最慘就係有 d 野真係唔到你理，因為你想理都理唔到。
雖然今年收生唔係咁理想，但我都開始擔心緊，好怕今年會勁混亂！

今日 Lunch 前，SM 叫我幫阿白手執書。無問題，你叫我做乜咪做乜囉~ 點知，一執就執到兩點幾。我見執到差唔多，我就叮飯。之後三扒二bun食完，就做番自己的工作。

CAS 真係 CAS，開一個多科課程要入幾百樣野先 ok，若果漏入了其中一項，就會報唔到名，真煩！入了兩個 cef 課程，就幫 kp 入分，很忙.....很忙............

放工後，本來約了 suki 食飯 (其實係 suki 話約我食飯)，點知我放工打電話比佢時，佢一下尖叫，我就心知不妙，左攪右攪，最終都係好似以前咁--取消，擇日再食過。唏~~ 我都估到架啦~之後，我call 爸爸。

太耐無見過爸爸啦~~ 橫豎咁耐無見，而且我又唔趕返屋企，若果爸爸向香港，約出黎聚聚都好。點知............無人聽。算啦~!!可能佢向大陸呢！點知，過左一陣我手機就響了。原來是他打來，問我乜事。問他有沒有空出來飲野，閒聊了一陣，就掛線了。

獨個兒走到旺角，走呀走，轉呀轉。等到 JK 覆了 BC 的最終結婚禮物，就出動買了！行了好幾間金鋪，終於買了一修個款幾新，又唔係太貴的金手鍊，之後就到 Chi 之堡買 Moment 公仔。之後，就可以安心去食野。

在海皇粥店食完野，就坐 72x 番屋企。

>>September 4, 2003 at 3:26:16 PM GMT+8

2003 年 9 月 1 日 星期一 【驟雨】

今日打大風，颱風訊號由今日中午起，由三號轉為八號，再由八號轉為現在的九號，就這樣，我就得到一天假。

放假，閒在家中，什麼也做不出。想溫習功課，卻又提不起勁。
不過，我終於可以睇到一套我想睇的電影 -- 芝加哥
勁正！！導演的技巧很捧！若芝加哥舞台劇再來香港上演的話
我必定不會錯過！

>>September 2, 2003 at 1:35:08 PM GMT+8

2003 年 8 月 15 日 星期五 【晴】

woo~~~
今晚聖樂晚會好正呀！
我好肯定，係我參與咁多年之中，最正的一年！！

我覺得正，並唔係因為我地約瑟團有份表演......
我覺得正，唔係因為我地的演出贏得很多弟兄姐妹的掌聲......
我覺得正，唔係因為演出完之後有人叫"安哥".......
我覺得正，係因為..........
我今晚，被詩歌包圍；
我今晚，能聽到很多新的詩歌；
我今晚，很享受.........

約瑟團雖然人少，但，我們有力量！yeah~~~~!!

謝謝今天晚上有出席的團友 (不論台上台下的)
謝謝各位肯站出來，為天父歌唱
謝謝三位導師：David，阿聲，啟康。
謝謝我的三位好拍擋：泳恩，凱恩，阿 B。妳們很棒！那麼多的舞步，跳一兩次就學會，而且跳得不錯啊！
謝謝泳恩(依~~ 不是謝過了嗎？為什麼又謝謝？)，這個秀，妳負出的比我多，大部份的東西，都是由妳想的，辛苦了~~
當然，還有一位不能不謝的，那就是天父了！
謝謝天父的保守，
謝謝天父給了我們一個那麼愉快的晚上，
謝謝天父給了我一班好團友，
謝謝天父給了我們三位能保護我們的導師，
謝謝天父給了我一所很美的教會
(因為有很多教會也沒有禮堂，而且地方小小的)..........................

約瑟團，好野！！

>>August 16, 2003 at 5:34:46 PM GMT+8

2003 年 8 月 7 日 星期四 【晴】

前陣子，造了一個夢..............

夢中，我終於鼓起了勇氣，打電話給爸爸。為怕打他手機無人聽，所以，我打他家的電話......接電話的，是他媽媽.......

媽：喂！
我：喂，唔該你 xxx (<--爸爸的名字)
媽：xx (<--他家人對他的稱呼)唔係到喎！
我：係呀！佢係咪返左大陸做野呀？
媽：佢唔係到啦喎！
我：?????
媽：佢唔係到好耐啦....
(這時，我才驚覺她話的含意)
我：啊！.........係幾時的事？幾時.........(這段內容，相信唔洗我講都估到)
媽：...............(雖然我唔係好記得佢真正的字眼，但，大概內容是說一切的事情已辦妥，而且，她給我的態度就好像，我與他，甚至是他們也沒有關係.......)

醒了，心裡總是怪怪的。很想打電話給爸爸，好讓我來證實，他仍在世上，那夢，是假的，但，我真的鼓不起勇氣，而且，當電話真的接通了以後，該說些什麼好呢？唏~~~



又有一個晚上，我夢見..............

哥哥又.......阿嫂忙著就哥哥的事打點，在她的表情/反應裡，一點也感覺不到哀傷，就如上一個夢中，媽的反應一樣........很冷漠，就像已平服了一樣.........

醒了，借機致電給哥哥，以謝他幫忙為名，證實我的夢是假為實。幸好，一通電話便能證實夢是夢，永不會是事實。當然，我並不會把我夢到的告訴他啦~~ ^_^

在一星期內，分別夢到兩個，對我蠻重要的男人的離去，老實，不論是真是假，都讓我很難接受。


>>August 15, 2003 at 5:41:08 AM GMT+8

2003 年 8 月 6 日 星期三 【晴】

銅鑼灣真係勁多人！！我夠膽講，銅鑼灣多人過旺角好多好多！！難怪爸爸唔鍾意去銅鑼灣啦~~~~(也許，多人並不是爸爸不願去銅鑼灣的主要原因.....)

離開公司，乘巴士到銅鑼灣。在賽馬會下了車，穿過時代廣場，一步一步的行向目的地--和民居食屋。自 EC 帶我到尖沙咀的和民後，我便愛上了那裡！那居食屋有別於一般的日本料理，環境舒服，食物一流，價值公道，相約三五知己到那裡食食飯，聚聚舊，談談天，說說地，真是一個不錯的選擇！

當我去到和民大概七點鐘.....COOL~~~ 已經有很多人等位了！！而且，還暫停登記至七時半！！無所謂，橫豎靚姨要大概七時半才到等等又何妨，說不定較早前已登記的人見世色不對，早就換過別的地方食飯呢！

七時半........登記後，就不出五個號碼就到，所以，我沒走開。很快，就叫到我的號碼了！哈！竟然還比靚姨快！我先到裡面坐，邊看 MEUN，邊等著她。不久，她也到了。

哈！真的給我猜中，真的跟 媽 和 我搬 有關。我就是這樣，若你問我的話，我一定會講，靚姨今次約我出來，無非是想知道我搬的原因，想知道我的想法吧了！說不定，今晚我跟她的對話，遲早會傳到媽的耳朵裡。

我們食著，談著，不經不覺就十一時多了！結了賬就走了。

本打算 AA，但靚姨說要請客，就由她請吧！不過

我一定會請她大吃一頓的。


>>August 14, 2003 at 4:15:31 PM GMT+8

2003 年 8 月 4 日 星期一 【晴】

今日做做下野，突然間收到靚姨的電話，問我幾時得閒出黎食飯.........

古語有云：無事不登三寶殿。靚姨突然間約我食飯，有定有 d 野....不是同媽有關，就是同我搬有關....哈！若是要我講，無所謂！若佢問到，我一定講！有乜野唔講得，right?

因我星明晚及星期五晚要返學，所以，我地約左星期四食飯。至於食乜.......well，到時先算！

>>August 14, 2003 at 3:39:45 PM GMT+8

2003 年 8 月 2 日 星期六 【晴】

昨天，阿 b 無黎排舞，本身約 d 團友番黎，又無乜邊個番，所以，下午練完一陣，晚上又練到八點就散了！

今日，詩班好早就練完詩，同阿樂、黎老師和阿 b 去食完野，就番大埔堂練舞。哈！我地個個都天資聰敏，跳幾次就完全上手！唔洗四點就可以走人！

我見咁早，就建議去睇"Nemo"。

去到沙田，4:15 那場剩番螢幕前第一行，所以，我地揀左下一場。

因為仲有成個鐘，所以，我地就行下.......

"Nemo"....好好睇！！！好感人.......又係一個講溝通的故事.......

睇完，成六點幾七點，阿樂趕出去灣仔食飯，我同黎老師就乘火車回家。



>>August 11, 2003 at 1:34:58 PM GMT+8

2003 年 7 月 31 日 星期四 【晴】

自 AC 教了我入 cas 之後，我 d 幾日一有時間就入 cas。哈！唔怪得 AC 入的時候咁嘈啦~~ cas 真係一個 Cheap and Stuip 的 system！開一個班，要重復又重復咁入 Data，而且，有 d data 入左，原來係無作用的，都唔知入黎做乜！

今日，收到阿樂的 Call，話佢有書展免費飛，問我去唔去？哈！唔洗錢喎！梗係去啦~~ 橫豎唔係好想上 Account，走一堂都 ok~

過到灣仔，哈！估唔到有飛都要排隊！！仲要排到去鷹君中心添~~~ 排緊隊時，感覺就好以小時候跟父母番大陸玩，排隊過關一樣........入到場，都差唔多八點。

嘩！！ d 國產書真係好平！二三十蚊就可以買到一本幾十蚊的書！抵！！不過，我無買。

場館內實在太多人了！我地都係行呀行，都無乜點慢慢睇。

我，買了兩本張小嫻的新書及一套幾米的公仔。阿樂則買了一只 cd。

書展，真係一個可以消磨成日的地方！我地行完一個場館的時候，都成九點幾了！我地匆匆的行多半個館就離開了~~

行完，很累，很餓。本來打算去喜記食野，點知太多人，所以，我地就去左另一間就粉麵的鋪頭食野。d 野食都唔錯！米線彈口，雞翼入味唔老。食完，就坐車返屋企了。

>>August 11, 2003 at 1:26:08 PM GMT+8