2003 年 2 月 14 日 星期五 【晴】

真係唔怪得知新域會做 "對倒" 啦~ 簡直襯晒佢個劇團的風格呀~~~

劉以鬯 寫 d 野真係幾得意~ 好似我地寫 d 野咁，無乜特別修飾 d 字，每篇都好短，好唔似小說的小說。

今日，雖然係星期六，但向公司都無乜停過，因為，要出 d Attendance 。一返到去就 "手羅" d 點名簿，計呀計......攪掂 d Attendance，就預備定 d 考試座位表呀，Seating Plan 呀咁，不停的 copy & paste，真係有 d 驚整漏。

今晚，公司春茗。正當我開始出發，爸爸就打電話比我~~ Woo~~~好開心呀~~ 爸爸佢打電話比我呀~~~~ 原來佢剛公幹返黎，傾下傾下，佢想約我今晚飲野，可惜，我今晚要春茗，再加上我媽又向到，所以走唔到。可惜，佢明天又有約，所以......下次吧！其實，佢打電話比我，我都已經好開心了~~ 唏~~ 好想見到佢添~~~

(某人：寺言，你真係易 "乙水" 呀！一個電話就可以咁開心！！
寺言：係呀~~ 我係好易 "乙水" 架！唔得咩？)

[唔開心野，唔提！]

>>February 17, 2003 at 1:57:19 AM GMT+8

2003 年 2 月 11 日 星期二 【晴】

好累呀~~~~

唔知係咪因為 d 一兩日對穿高跟鞋返工，所以對腳勁累，再加上追更 (明日返夜，今日返早)，就更累~~~

昨日下午終於收到 LB 的電話通知，張票 OK 左，不過，"手羅" 票時間勁唔夾我。佢地要星期一至六，下午四時至七時才可取票，仲要親身，我出信受權一個人幫我 "手羅" 都唔得，真煩！不過，煩都要 "手羅"，大佬，錢喎！！唔 "手羅" 咪益晒佢地！

今晚，約晒胡關班舊同事出來，主要為 Belinda 補祝生日。佢揀那間餐廳，我估我自己未必會入，因為，見個 Menu ，都覺得幾貴。
入到那餐廳，嘩！都幾多外國人喎！而且，好 Bar feel~

那餐廳 d 野食都 ok，不太差，也不太好。食完飯之後，就各散東西了~~~

呀~~ 差點漏了！新域劇團將在復活節上演 劉以鬯 的 "對倒" 話劇，因為咁，所以我食完 Lunch，就立即趕到圖書館借本書睇睇，睇下佢講乜。

去到圖書館，嘩！原來 "對倒" 真係好勁喎！曾翻譯過 日文，英文等，仲有好多好多有關 "對倒" 的資料，如研究分析報告等！最後，我借了一本劉氏的小說自選集，而且仲要係簡體字添~~ 哈！那是我第一次借簡體書睇架！因為我唔係好識簡體的~~~~

>>February 13, 2003 at 5:45:25 AM GMT+8

2003 年 2 月 9 日 星期日 【晴】

春天，真的來臨了！昨晚睡覺時，都發覺那被單好像有點濕濕的。今早，發覺空氣中的濕到也高了。原來，每一個季節都有它獨特的味道：春天濕漉漉的，夏天熱騰騰的，秋天怪怪的，冬天冷冷的。

今日，開工了~~ 返到公司，剛巧遇到阿儀，估唔到佢主動的給我紅封包！！YEAH~~ 其實，我公司 d 同事唔會點派利是架！若你唔到佢講恭賀說話，佢就唔會比，就算你講左，佢都未必會比那種。哈~ 那有什麼意思？好似去乞咁！所以我都無諗過要在公司 "手豆" 幾多利是，而且，有 d 同事一早講明，佢地唔會派........

返到自己位，嘩！都有不少文件要處理！！把公文袋續一開始，把有關文件續一分類，其中一個公文袋內的，竟然是一位剛結婚不久的同事的紅封包！！嘩~~ 好感動呀~~~~ 跟住，Santes 又主動的給我兩封，Anthony, Ken, William, Candy, 貞姐，阿容，連好少接觸的會計部同事 Ivy 都給我紅封包~~，當然唔可以少左 陳 Sir 那封啦！嘩~~ 就係咁，今日向公司就 "手豆" 到十三封利是了~~~ 返到屋企，點算點算。加埋三封未開的利是，都有 HK$250.00。明天去銀行入左佢先~ ^_^

在公司，除了剛返工時輕鬆 d 外，其餘的時間都無停過 (雖然不至於忙到死)，由其是夜晚，電話不停，幫教師不停..........唏~~ 算啦~ 都預左。明天 Anthony 放假，我估會更忙~~

>>February 11, 2003 at 3:36:44 AM GMT+8

2003 年 2 月 7 日 星期五 【陰】

初八了，星期一，就要返工了~~ 死啦~~ 我已經無晒返工 mood，點算？

今日，再來約左 HV 班筆者出來聚聚，點知......唏~~ 一個二個因為無 double firm 就唔到！！唏~~ 若果唔係我八八掛掛咁去問下，佢都就以為今日係 cancel！唏~~ 乜佢地咁架！話左係，就係啦~ 仲要 confirm？而且，成兩個月前約定架嘛，等我仲推晒 d friend~~~~ 唏~~ 好唔開心呀~~

今日又打電話去 LB，打左成朝，都無人聽。到我完左團契打去的時候，又話會計部收左工，叫我星期一致再打過！！激死我！！佢地都唔知係咪有心玩野！！開張票之嘛，有幾煩，要幾耐！洗唔洗成兩個多星期都開唔到呀？每次打親去都話未有，唔知！！！我頂！！！

今晚團契團拜，玩對對，勁攪笑~~ d 人真係對到喎！！

>>February 8, 2003 at 2:15:03 PM GMT+8

2003 年 2 月 4 日 星期二 【晴】

話咁快又到年初五！再過多幾日就要返工了~~

哈！勁攪笑！真係做到估唔到今年 d 利是錢會多得咁緊要！截至昨日就止，唔計父母那封，只係得.........百二！！！無錯！係得 hk$120.00 ！唏~~~真係跌破新低呀！

可能係因為昨夜早訓，所以今天一早起身，跟住去左東大茶餐廳食早餐，之後入錢。返到屋企，都係十點多！真早~~ 但，有件很奇怪的事情發生了................

今早大概十時多，我的手提響.........
「喂，早晨！」 <--看我多禮貌
「喂，Sandy Wong 呀？」 <--勁細聲，唔係聽得好真
「係！我係」
「...... 」<--靜左一刻 -->「唔好意思，我打錯電話。」<--好怪！明明打我手提，又能道出我的名字，卻偏說 "打錯"！！
「喂喂，咪住！你打得我電話，又能說出我的名字，點會打錯呀！」
「......」 <--又靜左一刻 --> 「......其實我係搵保險的」
「但，你有我的手機號碼，你是誰呀？」
「...... ??????」 <-- 又靜左一刻，之後我唔記得佢講乜
「你係邊個呀？」不停問
「??????????」<-- 又講左 d 野，我又唔係好記得
「喂，你係邊個呀？」
「你唔好理我係邊個啦。」 <--哈！佢竟然咁講！！
「哈！唔好理你！喂！你有我手機號碼喎！我好驚架喎！！」
「其實我識你架。」 <--哈！真係？！
「咁你係邊個呀？」
「?????朋友」 <--佢好係話係 ec 的朋友，但因為太細聲，唔係好肯定
「咁你係邊個？」
「喂喂喂，唔用你講了，我唔得閒，係咁」
就係咁，佢就收左線，仲要係一隻手持話筒，用另一隻手按一下話機上的制！！
哈！ 佢究竟係邊個呢？

收線後，我諗左好耐，把聲又唔似 ec d friend 喎！究竟係邊個呢？會唔會係 lb d 人打電話黎玩我呢？

今日下午，跟媽到富善飲茶，就因為咁，我又 "手豆" 多幾封利是，唔知有幾多呢？

>>February 5, 2003 at 3:14:59 PM GMT+8

2003 年 2 月 2 日 星期日 【晴】

今年新年，可算無乜新年氣氛............

臨放假前，向公司無乜野做，勁悶，每日返工都好似等收工咁......唏~~~ 放假前咁得閒，放假後一定有大件事！
勁攪笑，一月三十日那日，日校在學校天井攪左個卡拉 ok，比 d 日校的學生 & 老師唱下 k。佢地有 d 真係唱得唔錯架！有 d 就唔音不全！！不過，無乜所謂啦~ 佢地咁唱唱下，都無咁悶呀嘛！我都有口"um um" 跟住唱架~~ 好彩有 d 都識。
三十日那天，全間公司勁靜，就好似星期六咁，勁 free~ 唯一唔同，就係唔可以著牛仔褲 T shirt。

今年，無去拜年，日日都向屋企，勁悶。悶唔緊要，至緊要係少左收入嘛！唏~~~ 今年真係唔知有無三百呀~~

>>February 3, 2003 at 1:23:53 PM GMT+8

2003 年 1 月 26 日 星期日 【晴】

今日，終於報左浸會的 short course，到了三月，再報番 Cert course ，咁 d 一科就可以 "手羅" exmp. 啦~

唔知係咪我唔係好知自己有乜做，所以， d 幾牌都好似我得閒咁，要特登去搵野做~~ 唏~~ 真係驚會有一日，突然發現有好多好多野未做，仲要向短時間內完成，咁我就大件事了！！

今日返公司 call Suki，一來係想睇下佢爸爸身體咁，二來係想問下佢報唔報 course。傾下傾下，原來佢已經開檔了！所以，我話我放工後會去佢年宵檔口搵佢。

今日大概七時多，黃伯打我直線。依~ 乜佢有我直線架咩？
因為我當時勁忙，d 老師又話要影印，又話無這樣，無那樣的，所以，我無乜點理佢，又加上在 Office 唔係咁方便傾電話，所以，我放工後 call 佢，睇下佢搵我乜事。
起初以為佢係問 Belinda 牛一的事，原來佢係睇到我的網上日記，知道香薰事件，所以問問進展的。哈！真唔話得！同佢又旺角，傾到入大埔。因為佢後來用分機電話，所以，我都唔係好知佢講乜~~ hehe

入到大埔，同 suki 去適雅飲野，過左一陣，佢男朋友又到！唏~~ 點解次次都係咁架！！算啦~~~ Suki 依家屋企發生 d 咁 o既 事，佢都係好需要有一個人向身邊的~~

返到屋企，check mail。原來 Wallace 已經過左數比我，他真好！！雖然只係千幾蚊，但都已經幫我好多了！！我覺得佢已經番黎了，但，佢番黎，無理由唔搵我架？Well，算啦~~ 我估，佢遲 d 一定會搵我的。 ^_^

>>January 28, 2003 at 2:19:26 AM GMT+8

2003 年 1 月 25 日 星期六 【晴】

Woo~~ 成個星期都無寫過了~~~ 不過都唔夠爸爸耐，佢成個月都無寫過！

香薰的事，可算告一段落。上星期五晚，特地出銅鑼灣，走到那公司辦理退回 & 退錢手續。雖然退唔返五千，但都退到二千多，都算係咁啦~~~ "手羅" 得返 d 錢就得啦~~ 依家，等 "手羅"票，不過，我都會在放假前再比打話那公司，問張票得未。

星期六日都可算是節目豐富！
星期六 (25/1)，放工後，到灣仔藝術中心，睇香港話劇團的 www.com。有龔小玲 & 靚仔王維 做架！！本來我無得睇架，係因為愛媚那晚突然唔得閒，所以我先有得去~~ 我係第一次在壽臣劇場睇話劇架~~~~ 個場同演藝學院的 "細場" 差唔多。
可能因為個位太前，所以睇得比較辛苦。
套劇的內容，好似我之前做的 "I dot 愛情"。唔知係咪 d 演員講得太快，我收唔切，再加上係夫婦關係，所以我唔係好 get 到佢地講乜，真係好想再去睇多次~~~
睇完套劇，同 Jannae Tsang & Brenice 去飲野。返到屋企都差唔多十二點多一點了！迅速地沖涼，就上床 "目訓" 覺了，因為星期日都八點出到太子！

星期日 (26/1)，公司攪去米埔睇雀，仲要八點出到太子地鐵站集合！勁早呀~~~ 所以，我臨 "目訓" 前，較定 call 機 及手提 的響鬧裝置。它們準時地，在它們六時三十分響鬧，無論怎不願，都要起床，因為，我要做領隊/接頭人。我大概六時四十五分出門口，到火車站的美心快餐吃了一個得難吃的早餐，然後就坐火車出太子了。
今日計埋我，都係得十四個人，唔算多。原來太子入米埔好快！我地大概八時十五分上車，九時多就入到去！勁快。我地參觀時間是九時半至十二時半，所以，我地唯有等。唔知係咪因為我地那團太多小朋友的關係 (其實係我老世果兩個小朋友勁吵)，所以，都唔係可以睇到太多雀仔。勁大隻，勁醜樣的鷺鷥就睇到好多，一隻二隻企晒向 d 樹到，就好似非洲森林裡，有一群"禿鷹"(總之係會食人果 d 啦)站在樹上一樣！ ^ ~~ ^ 好得人驚~~
回程了，除了 Anthony 同佢老婆中途落車 (因為佢地要去元朗)外，其他人全部在太子，即我地上車的地方下車。
原本同 d 同事一齊食野架，不過，因為我要去 Indy 婚禮，無同同事食野。又因我著左一件好厚的絲絨衫，勁熱，所以去葵興之前，我去左買衫。入到 "侏儒村"，揀左兩件背心，就入左 changing room 試衫了~ 既然佢 changing room 內有鏡，就梗係唔好浪費，化埋個粧先出去啦~
試過 d 衫，化埋個粧，就出去比錢。當然，比錢係就向那公司的 changing room 換埋衫，再補粧啦！地鐵唔同火車，無 toilet，想去執執個樣都難！所以，在那裡攪掂就最好不過！
去到葵興，唏~~ 佢地又例牌遲到，真係激死！等我仲約埋愛媚添~~ 你知啦~ 要佢等真係唔係咁好意思......去到 church ，嘩~~ 好大呀~~~樓底好高呀~~~~ 死人愛媚話，你問下 dicky book 幾多錢.....唏~~ 拖都未拍，問黎都無用啦~
開始啦開始啦~ 個花仔勁 cute 呀~~ 伴娘都好靚，新娘就.......well ，情人眼裡出西施的~~
我好耐未試過，去觀禮會有觸動的感覺了，今日見到新娘一步一步咁行入教堂，好感動呀~~~~
程序表其中有首歌，向上星期崇拜唱過，好好聽架~ 估唔到佢地會揀 d 首喎！
觀完禮，本來要去灣仔，"手羅" 份劇本比 Joannae，但佢話比愛媚比佢，咁okay 啦~ 橫豎都無乜錢，"限" d 好 d。不過，同Nico 佢地去飲野，都要 $22。

d 兩日，真充實。

>>January 28, 2003 at 1:53:58 AM GMT+8

2003 年 1 月 19 日 星期日 【晴】

自從上過那公司，我個心一直都好唔舒服，不能一覺睡天亮！

今早，我仔細閱讀有關退貨的資料，亦打過電話到那公司，詢問有關退貨的事。由於訂貨單不在我手上及送貨地點並不是我的通訊地址，所以，就算我真係要退貨，都要經 Emily confirm 左 d 貨真係收到先至可以行動！

唏~~ 又因為那公司規定，若在落單後十四後才退貨，需要書面通知。天呀~~~ 我真係唔想為左要退那些貨，而作封信呀~ 你知啦~~ 我寫信去，佢地唔接納，就唔可以退貨架啦嘛，到時我點算呀！！

我真係勁驚，真係仲驚過玩機動遊戲呀！！

本來，Emily 約我今晚放工後見面，傾這事，但，我無去到。老實，佢乜都會 report 番比佢地 d 人知，我點知佢地會唔會教定 Emily 點做架！係咪先？而且，我覺得佢地好避重就輕，只係講自己賺幾多錢，對自己不利的，或可能對自己不利的，則避而不談！ 唏~~ 我真係勁驚 d 咁既公司！我覺得，真係好似"斜"教呀~~~~~~ >_<！

>>January 22, 2003 at 5:53:44 AM GMT+8

2003 年 1 月 18 日 星期六 【晴】

唏~~~~ 昨晚，成晚都睡唔著~~

今日，九時多起床，十時返到教會。返主日學，返埋崇拜.......
今日，其實心理常常忐忑不安，返主日學時，天父就好似重新一次話比我知，佢係存在的，到返崇拜，梁姑娘今日講的道，詩班員所領的歌，就更加好以重新一次提醒我，乜野先至係最緊要，今早，我多次有落淚的衝動，直到我見到黃生，同佢講返 Suki 的事，我才缺堤！

黃生就是黃生，他洞悉一切似的，他見我邊講 suki 的事，邊好似想喊咁，佢就話：「你做乜咁感觸呀？」之後，他邀請我傾一陣計，我見有 d 時間，就同佢傾下。我講無兩句，就喊了，當然，我唔敢話比佢知昨晚的事......最後，他作一個結束祈禱，那一刻，我真係想放聲的哭！

之後，我就要收拾心情，因為，我將會見到 Emily，我要同佢講清楚......

我本來諗住我同佢私底下講，點知，佢在火車上不停問我，有冇試過 d 香薰，又問我覺得點.......唏~~ 我真係唔想 "手另" 佢，所以，我將我的感受全部話比佢知，並表示我打算退回我所訂的東西...............他一路表示無所謂，又唔會免強我，並會幫我安排退貨的事。

今日，那公司在會展攪了一個法律講座，所以，我跟 Emily 到了會展，本來打算聽下佢地係 d 乜，話晒係法律講座，我做會中肯 d ，點知........................

連個主講律師都偏坦那公司！仲搵 d 法律去 support 那公司！！天呀！！點解會咁架！！！個 talk 去到一半，就有個阿頭走黎我到，猛咁同我講 d "見證"..............Oh God~~~~ 你地 d 班人比我去聽下個律師講乜先啦！你地猛咁 hard sell 我都無用，都實，我真係唔係好受 d 一套！之後仲圍住我，我似唔比我走咁！幾經辛苦，先走得到！！

我真係好想退 d 貨，我知，有部份我開過封，一定退唔到，但我真係好想退返 d 未開封的！起碼，我都可以羅返二千幾蚊呀！

唏~~~ 點算？！我真係好想 "手羅" 返 d 錢呀~~~~ 今日，整個人都好似迷迷糊糊的，救命呀~~~~

>>January 22, 2003 at 5:37:43 AM GMT+8