2003 年 7 月 26 日 星期六 【晴】

被同事屈的事，我一直都好唔 "份" 氣，雖然，訓醒一覺後就好左好多，但係，一提起都會好 "炆"。

今日，因為要騰出多 d 空間存放文件，所以，我地成 team 人，包括 sm, ac, mt & i 就返到公司 pack 野，睇下有邊 d 舊 file 留底，邊 d 入倉，邊 d 掉。

為了要做夠八個鐘，所以，我地由上午十時做到下午六時。之後，我就坐170入沙田行街。

其實，都唔算咁行街，因為，我要去商務買一本教科書，所以，才到那裡。到了沙田，就行到大眾睇下有無先......入到去，唔見，問 d sale，佢地講剛買晒，問我訂唔訂。我梗係唔訂啦~~ 之後，就行左去睇 cds。終於比我見到 leslie 隻新碟！而且仲唔洗一百蚊添~~ 即買！ 之後，就行到商務買書。

買完書，就順到到沙田 ua，睇下有無戲睇....... o衣~~~ 戀上你的床就開喎！就睇戀上你的床啦！

套戲........我覺得不太三級，幾現實，sammi 做戲越來越好！有某 d 位，我覺得 sammi 幾可憐，又不禁令我想起了.................................

睇完戲之後，當然係返屋企啦~~

>>August 9, 2003 at 4:34:18 AM GMT+8

2003 年 7 月 24 日 星期四 【晴】

好唔開心呀~~~
出黎社會做咁耐野，從未試過咁架！

之前好心，幫 Department Head 手 send 個 files 比另同事，
事隔一個月後，發覺資料有誤，
就屈我，話我比錯料人！

我頂！！！
明知係人地唔著
個死人 Department Head 仲去 "燦" 人地
講到好似係我唔岩咁！！！
我頂！！！

那位 "好" 同事仲要 send 晒 e-mail 比 d 大粒老，
指名道姓話我唔著！！！
我頂你呀！！！

好 "炆"！！！我覺得我完全比人擺左上檯！！！
好無 mood！ 個個為求自保，茅頭直指向我..........

小葉成日話：世事豈能盡如人意，但求無愧於心。

對於這事，我實無愧於心，但
我覺得好唔抵，無端端比 d 衰人屈，擺上檯！！！
明明唔係我錯，講到我似我錯晒咁！！

唔怪得 d 人做野越耐，就越冷膜！



>>August 9, 2003 at 4:31:49 AM GMT+8

2003 年 7 月 23 日 星期三 【晴】

正所謂：日有所思，夜有所夢。

自我知道我校將開辦一個"中國市場營銷學專業證書"，我就好想第一時間通知爸爸，話比佢知，我校有個課程好 fit 佢......我都有諗過，佢成日都要中港兩地走，要佢一個星期返幾晚學，真係幾困難，所以，我都有諗過，我自己報，讀完之後，起碼可以知多少少佢的工作，可惜，入學要求對我來說頗高，而且，有某幾科的上課時間跟我的上班時間踫到正，就算要報，都要等下一期......

想，就是這樣想，但一直也鼓不起勇氣，打電話給他。

哈！真的不知道是否想很太多，所以，在夢裡就夢到他的聲音......

夢中，我正在辦公室裡忙著什麼，突然電話響起，前線同事交代了後，我就 pick 了那課程查詢電話。

一接到這電話，一聽到對方的聲音，就知道是他！心裡暗喜，他竟然會打電話到我公司！他，好像一般人一樣的查詢課程，我也好像一般解答課程一樣解答他，最後，我們不知談些什麼，我只記得，他想約我出來聚聚！ 哈！真的日有所思，夜有所夢！左度右度，我只得星期四有空 (現實也是)，最後，我也不記得我們有否真的約很成，但，在夢中夢到他，我已很開心了！！

哈！我係咪有 d 白痴呢？夢到都開心！ hehe

>>July 31, 2003 at 12:55:20 PM GMT+8

2003 年 7 月 22 日 星期二 【雨】

今日，因不知是否打得成風，所以，由中午開始，就不停收到學生的電話，查詢係咪停課......其實，我都好想知今晚洗唔洗返學！不過，一日未掛八號風，一日都要返。

幸好，我今晚返學就係自己返工的地點，所以唔洗迎著強風返學。

我在自己公司，報讀左一個職英課程，今晚上第一堂。本來都勁擔心會開唔成班，因為收生人數不到十人！

最後，我班總人數得六中，今晚計埋我返得三人！哈~~~ 都有一半！！

個 miss 都幾好人，而且，我覺得佢幾有 heart~

因為 miss 都怕上上下堂打風，所以提早左半個鐘落堂。

>>July 28, 2003 at 11:50:17 AM GMT+8

2003 年 7 月 19 日 星期六 【晴】

這星期，沒什麼特別。

不知是否睇得 "愛情白皮書" 多，有一晚發夢，竟然夢見自己同劇中的掛居拍拖，感覺很甜......就像當年初戀一樣......夢中，我倆說盡甜言，其間他曾突然暈倒，我緊張得不得了，生怕他就這樣離我而去..............

哈！最初都唔覺得余文樂靚仔，睇過 "愛" 之後.....，哈！他就好似江口洋介一樣，把我迷著。

>>July 28, 2003 at 11:48:56 AM GMT+8

2003 年 7 月 12 日 星期六 【晴】

今日 Onshow 了！！！

昨晚排完戲回家後，在留言板上睇到小葉的留言！老實，我真的不敢相信自己的眼睛！感覺......很虛，不太實在.......我有想過，那是不是阿惜的惡作劇！哈！但在演出前收到小葉的留言，無影中也為我打打氣。

今日，好熱！！！

去到那教會......又是上樓的。有時真的要為自己的教會感恩，有一個自己的禮拜堂，雖然不至於安素堂那般大，但，總算有自己的門口。

入到去，個 Hall 都幾大喎！(其實，那裡的面積大概只很我教會副堂那般大。)弊！要由台上叫到個 Hall 的最後地方.......真的怕唔夠聲！

在天父的保守下，我們竟可在那裡有 Tech test 及 round though 一次！！實難得！到正或演出......都實，我唔係太收貨。不過，我在第二幕等出場時，緊張的感覺突生，很怕會忘了歌詞，到時就弊了！順利地，無忘歌詞 (雖然有 d 走音，不過走音程度都唔夠對手厲害，hehe)，也無忘舞步。

陳恩明牧師講道之後，例排地呼召.........原來，要人信主，不需要一個精彩的話劇演出，也不用牧師講一堂精彩的道，有聖靈在，事就成了！

我估唔到有咁多人會決志架！！決志的青年人，一個一個的，走到台上，我數數.....嘩！！！有十二三人呀！！！！感謝主！場面太感人啦~~~~~

演出完畢後，我們一班台前幕後的人們就去必勝客慶功了。

食完後，我和阿樂就到荃灣坐巴士回家了。

>>July 18, 2003 at 2:43:59 AM GMT+8

2003 年 7 月 10 日 星期四 【晴】

今日返工前，我同 AC 都好似向到等放工咁~

當我起行時，佢又一齊行動。哈！好明顯佢有野想話我知啦~~
果然比我估中！

原來佢話之前有 D 野 "CLICK" 住佢，係個食物牌！咁又真係幾煩既，若唔係 D 件事 "CLICK" 住佢，我估佢一早就表明立場啦~~~

佢話，向 D 到睇唔到前景。是嗎？雖然我都唔係好睇到，但我諗住讀完書先算，所以，我起碼會做多一兩年。前途？ Well~~ 我真係無乜諗過。可能 d 個就係 男仔同女仔的分別啦~~ 其實聽到 AC 話諗住開鋪頭，我就第一時間諗起爸爸了！唔知爸爸依家點呢？

我問 AC ，D 件事有邊個知，佢話 KP。咁都好 D！我仲以為佢同 MT 講左~ 不過，若同 MT 講，一定揚晒啦~~ HEHE

AC 肯同我講，咁都證明佢幾信我。可能見我白白痴痴，無乜機心掛~

AC 個人都唔差，又錫老婆，又玩得~~

哈~~~

>>July 13, 2003 at 3:09:03 AM GMT+8

2003 年 7 月 9 日 星期三 【晴】

今日放工時，收到媽的電話，叫我今晚自己攪掂。

哈~~ 食乜好呢？打電話比哥哥，約佢食飯先...........OH~~~ 佢屋企煮左飯！！！OH~~~~~

算啦~~ 去大埔中心睇下有乜食~~

最後，我行左好耐，向 KFC 買了芝士爆谷雞，在 PK買了公仔麵，就返屋企了。

返到屋企，都成八時多~~~

死啦~~ 到時我真係搬左出黎住，咁我咪唔洗食野！！！

>>July 13, 2003 at 2:54:53 AM GMT+8

2003 年 7 月 8 日 星期二 【晴】

哈~~ 今晚返最後一晚學~~ 有HK$100.00 羅返！哈哈！！

雖然一直都好期待 D 一日，不過，星期日就 ONSHOW 了，我寧願去排戲，好過返學，不過，若果唔係我之前 MISS 過一堂，我今堂一定唔返~~~ MISS 多過一堂無錢羅架~~~ ::>_<::

因為今堂要派錢及做問卷，所以，好早就散。咁都好~ 可以早 D 返屋企。

>>July 13, 2003 at 2:47:42 AM GMT+8

2003 年 7 月 6 日 星期日 【晴】

今日，中電師父來較電。

未到九時，就收到中電師父 call！嘩！！今次又咁早既！
未到十點，佢地就到，唔洗五分鐘，間新屋就有電了！！！真快~~

有了電，我當然第一時間試下 d 電制、燈制啦~~
廳的兩之光管，只有一支 work，因為另一支唔先左個 "是撻"......
我的兩間房的燈都無問題，唯獨業主的房的光管到期......
洗手間 及廚房的燈都無問題，電熱水爐，冰箱等電器都 ok~~

check 完之後，就走人了~~

跟媽食過午飯，就返工。
原以為今日都監考，點知係下星期一才是真的！
哈~ 都好，可以做下野~

>>July 13, 2003 at 2:39:47 AM GMT+8