2004 年 4 月 17 日 星期六 【晴】

因為雲柱唔夠人，所以，本打算今年唔接劇的我，都要出黎幫手。
今次又再做番"復活在我"。幸好之前演過，略略都記得點做，不過， d 對白就唔係好記得了！
Apple 約左我地 三點半向旺角地鐵站等，之後就行去佢教會排戲 (即 9/5 演出的地方)
佢教會唔係好大，大概只得我教會副堂的面積，不，副堂的比佢教會仲要大少少呢！
排完戲，就各有各散

>>May 27, 2004 at 5:44:27 AM GMT+8

2004 年 4 月 11 日 星期日 【晴】

好悶~~ 唔知係咪由四月一日開始，不停的出 trip，所以，當十一日起開始停下來，有 d 唔慣，並覺得勁悶。本來諗住今日出街走走，點知 der 下 der 下，最終都無出到。

下午，突然收到一個稀客--比達的來電，心諗，佢搵我，一係通知我佢結婚，一係就搵我做戲。哈！佢通知我佢結婚 (27/4, 1545, 大會堂)。在整個電話傾談當中，我絕對 feel 到佢開心都爆，佢 d sweet sweet 簡直洶湧而至，連電話另一端的我，也覺得甜得有點過份。佢有問我，會唔會去飲......其實同佢都唔算太熟，所以，我打算只去觀禮。cool~~ 我明天一定要出街先得！

>>April 27, 2004 at 1:01:18 PM GMT+8

2004 年 4 月 5 日 星期一 【晴】

去完五 day 既旅行，真係忘記了「今日係星期幾」！
去旅行前，我都望過月曆，知道自己去完旅行之後第二日先要番學，
點知自己今日蒙下蒙下就出左尖咀，仲要去到學校樓下先醒起今日係星期二！！
唏~~~ 好采未上樓，未則瘀爆！

>>May 26, 2004 at 3:23:40 PM GMT+8

2004 年 3 月 18 日 星期四 【微冷】

今日係學校的退修營，一早起身，梳洗後就坐巴士番公司集合。

早一個鐘出門口，真係人多 d & 阻車 d，好彩無遲到兼可以食埋早餐。

今次退修營地點在西頁戶外訓練營，環境勁靚，勁舒服。今次的活動都 ok，唔係太激烈，又唔係太悶。唔錯。

完左退修營，都成六點幾。弊！今日番學番六時九，遲硬到！！

結果，我七點半先番到學校。睇番 d Notes ，好彩阿 Sir 都係岩岩開始，所以好快跟到。

>>March 20, 2004 at 4:04:01 PM GMT+8

2004 年 3 月 17 日 星期三 【陰】

今日，公司安排左去黃克兢上EQ堂。(其實個課程係我自己揀的。)

去到黃克兢，感覺，就好似番返去中學時代咁。原來，今次個 COURSE，再培訓部的同事都有參加。不過，除左布麗梅之外，我其他都唔識。

個 Miss，不算好有料，若你問我，上完個 course 之後學到 d 乜，我可以話乜都學唔到。不過，有時間上下堂，鬆下，都算是一件好事。

>>April 12, 2004 at 10:24:48 AM GMT+8

2004 年 3 月 13 日 星期六 【陰】

前陣子，人事部 send 左個 e-mail 比福利組的成員，話中旅有個考察團，名額只有兩個，問我地有無與趣去。睇過 d 行程，其實都幾吸引，而且，我都未試過坐船番大陸.....

就係咁，我就 join 左兩日一夜的團啦~

13/3 七點幾出到中港碼頭，落車後，就去中港城的麥記食個早餐，之後會合，跟住就坐船去蓮花山了。隻船，好似好骯髒的，三個多鐘頭的船程完畢，上岸後就轉乘旅遊巴，開始觀光了。

最初我都諗「考察團」？之後慢慢後覺，這只是口立明目，只不過是中旅請班客顧去玩姐！又可能係因為咁，所以一切都食好住好。每餐都有鮮蝦，而且 d 團餐都好好食。

13/3晚，我地住鳳凰城碧桂園酒店。間酒店真係好正架！大堂的天花好靚！！！間房都唔差架！不過，一樣野勁攪笑，廁所的衣櫃同廳的衣櫃係互通的！！！

>>April 12, 2004 at 10:16:32 AM GMT+8

2004 年 3 月 4 日 星期四 【晴】

今日上 PowerPoint。



我從未試過，上電腦科的堂，係純文字的 Notes 架！仲要係上 powerpoint 喎！！最攪笑係，份 Notes 連 “press Enter” 都寫埋，真係勁攪笑！！


至於個阿 sir, 咪依書直說囉，而且很慢，有很多同學都向到玩 icq, online game, check mail 等，勁攪鬼！希望阿 sir 教書可以教快 d 啦。

>>March 29, 2004 at 4:38:38 PM GMT+8

2004 年 3 月 3 日 星期三 【炎熱】

死啦~~ 唔知係咪昨晚穿得太薄，今日都似病病地添~~~~

今日放工後，先到尖咀的薯嘜通出電話。
其實我都想換電話架啦~ 難得依家有得平成千蚊，
仲唔成機換過部咩！
最終，我用我部舊機，換左部新力愛立信t630
扣一千蚊，再扣多五十蚊，我總共平左一千零五十蚊，就出左部新機了。
出完部新機，睇下鐘，嘩！！成七點幾啦！！要拿拿林食野先得了！！

我前後用左唔夠十分鐘，就攪掂我個晚餐，之後，就火速步向紅館。

今日係 Sandy x Anthony x HK 管弦樂團音樂會的頭場。

之前聽有管弦樂/交響樂加歌手的音樂會，我總替那些樂團不值，因為某些歌手太 "Hill"，浪費了他們。但今次，奇怪地，我無d 個感覺，也許是 Sandy 大於一切吧！

入場前，先去買了本特刊，入到場，安頓好後，我拆開那特刊，小心翼翼的看了一遍。嘩！！單單是為這音樂會作編曲的，也有十多位！！

都正式 開 show ，就更加覺得，那十多位編曲者的厲害！每首曲都編得好好！！！

之前向 Sandy 的網頁裡知道，Sandy 今次會唱好多好冷既的歌，果然。不過，估唔到會唱「日與夜」，當我聽到前奏時，真想立時大叫出來！！

個 show 十一鐘完，但，一 d 都無悶場，而且，仲覺得過得很快呢！

>>March 29, 2004 at 4:38:00 PM GMT+8

2004 年 3 月 2 日 星期二 【乍雨乍晴】

呵呵呵~~

今日又開始番學了！
今次分別係上 law & powerpoint。

今日要去赫德道上堂，死啦~ 我都唔知赫德道響邊......番學次前，不時搵街書，及上網，睇下附近有無 d 我熟少少的 Building ，可惜，加連威老道一帶我一向唔熟，所以，最終我都係影左張地圖......

好釆！那上堂地點都唔算太難搵。而且，原來由我公司去，都只係要廿分鐘巴士車程姐~~

上堂了，個阿 sir.....睇佢都 look 都似向 law firm 做，break 時他透露了少少，果然不出我所料。佢教書......都 ok，幾風趣，不過，係咪真係咁又料呢？就要睇落先知！

>>March 4, 2004 at 4:38:28 PM GMT+8

2004 年 2 月 9 日 星期一 【晴】

原定 2/2 同 kp fellwell ，點知 d 呀頭一個二個都話唔得，話要改期。改~~ 呀頭叫到唔通唔改咩！之後一改就改左今日。係京華國際酒店食自助餐。

我好早就去到，應該未夠十二點就到。坐低，見佢地都唔會咁快黎 (因為公司 lunch time 是一點)，我就睇下書，睇左一陣就出去攞 d 野食，食完又睇下書咁。到左差唔多搭九，博士就到，之後就係主角 kp，跟住 d 人就陸陸續續咁到。

很多時食自助餐因為食主菜食得太飽，所以會食唔到 d 好好味的甜品，所以，今次我就第一時間攞件 cheese cake 食...... yummy~~ 好好味呀！之後就食下 d 熱野，又食下 d 沙律咁。到左尾聲了，本打算食多件 cheeses cake，可惜無晒。但 mt 勁攪笑，佢同個服務員講，話佢黎 d 度都係為左件芝士餅，叫個服務員添 d！！哈！過左一陣，個服務員真係攞左一個芝士餅出黎，佢仲叫我地行動快 d，否則無得食！！唔夠十分鐘，個芝士餅就無晒！之後個服務員經過我身邊收吉碟時，我同佢講，佢講得無錯，真係一陣就無晒，佢話，係呀！

我地叫左餐飲無耐，個服務員就拎左一碟有六七件的芝士餅過黎，佢放低果一刻，我地梗係勁興奮啦！因為佢實在太好啦！！佢示意我地唔好咁張揚之後，佢就繼續工作了。之後我地就一人分 d，之後就番公司做野了。

又因為今個 lunch buffet 食得太飽，所以晚飯都無食到。個飯盒唯有留番聽日食啦~

>>February 24, 2004 at 3:43:59 PM GMT+8