2004 年 6 月 21 日 星期一 【清涼】

一年一度龍舟節。雖然媽包左好多好多傻仔，但出奇地阿媽今日無煮傻仔。

自買左「第8號當鋪」之後，凡有假期，我地 (包括風信子) 都會開碟睇。本以為只有我一個人睇的 vcd，現在竟連風信子都迷上了這電視劇，哈！「第8號當鋪」真的有它的魔力！！今日，又斷斷續續的又睇左差不多一盒 (全套劇集有四盒，共三十八集)。

今晚，因為約左永安班團友出來打球，所以今晚提早食飯。食完一餐勁豐富的晚餐之後，就開始出發到沙田體育館。

我都有好多年無去過果頭，記得初中時，曾有一次陸運會在沙田運動場舉行。又記得做暑期工時，常常搭舊路的巴士都會經過那兒。依家搭巴士，多數都係行「高速」，好少經過果度，所以，我都有 d 擔心，驚搭錯車之餘，仲擔心落錯站。

去到巴士站，睇下 d 巴士路線站，記實有邊幾架車可以去到。等左好耐，終於等到架70。唔知點解，我覺得今次坐70的感覺好特別。架巴士行完晒吐露港，我估都差唔多落車。其實我都唔係好記得沙田體育館的位置，我只係記得在泳池附近。

我在沙田運動場附近落車，跟住就打電話比 jk，再問實佢位置。哈！原來我落早左足足一個站！唔緊要啦~ 行下消化下，拉下 d 手手腳腳，若果唔係就有排我受。

去到運動場，佢地已經打緊，我再做小小熱身，就開始打球了。可能係因為太耐無郁，打左一陣隻右手就開始發熱......佢地 book 左兩個鐘，我斷斷續續都打左接近一個鐘，也許是因為我做了熱身，所以都唔覺太累。打完波，我本來諗住返屋企，但佢地話去飲野，well ，都好喎~ 就係咁，我地就行去新城巿某食巿，有的叫野飲，我，jk，郭仔 & 森 就叫左個涼粉 share 食，食完之後就各有各番屋企。

>>July 10, 2004 at 6:24:10 AM GMT+8

2004 年 6 月 20 日 星期日 【晴】

今早約十時起床，梳洗和食過早餐不久，接到ac 的電話，他說公司的人事有很大的變動，高層大移位...................check 過 e-mail，發覺人事變動的確很大！ SM 調走了，換來 RC 當我的阿 HEAD~ 噢！天呀！怎麼會這樣的！往後的日子一定不太好受了！AC 比我更擔心。說實說，失去了一個好老闆，換來一個勁 A 字肩的上司，往後的日子，無論是誰，都一定會不好受。

回到了公司，看到了 AC，他情緒真的很低，平時無論他怎樣累，也會撐著，可是今天，他無心情工作......他說是因為太累，我反覺得是因為 SM 的調職，讓他身心疲憊。說實話，我也捨不得 SM 調職。SM 一向都很體諒我們，而且吩咐我們工作時，也會說得很清楚，從不會含含糊糊的。跟他一起工作，感覺非常的舒服。

相反 RC，他吩咐下來的工作總是含含糊糊的，他今天說用 A 方式做，明天便說要用 B 戶式來做才對，再過幾天，他又說應該用 A 來做......我的天呀~ 我最怕就是含含糊糊的指示，那叫我應樣去做呢？另外，我覺得他好像不太想做一些他該做的工作，他總會推的，不是推給別人，就是把負責推到AC 的身上......這不是不太公平嗎？若 AC 能做好你位份的工作，那你就不用坐這位了！常常都說自己的記憶力有多強，誰不知他說的話每每總是前後茅盾的！

也許是因為我跟 AC 是同一個星座，所以我也蠻了解他的心情的，可借我不懂得怎樣去安慰他，願他能早點回復過來，要面對的，始終也要去面對，只希望明天會更好吧！

>>June 22, 2004 at 5:10:02 PM GMT+8

2004 年 6 月 12 日 星期六 【晴】

好興奮耶！！今天走進大眾書局裡，竟然比我發現了 <<第8號當鋪>>的全套 vcd!!!之前在網路上知道他出了 vcd ,已經想馬上飛到台灣去買回來，怎知道今天竟然可以讓我在香港看到！！想了很久，買還是不買，最後也是買了下來。

斷斷續續的看了五集。Alex 真的好帥喔~~~~可惜他講話的部份是佩音的，否則必定更好看呢~

>>June 22, 2004 at 5:03:41 PM GMT+8

2004 年 6 月 11 日 星期五 【晴】

很久沒見的前約瑟團導師--銘源，今天結婚了。

為了出席他的婚禮，我特地請了半天假。

下午一時半下班，先到九龍公共圖書館還書，再到附近的 ywca 食午餐，之後就走到合一堂，參加他的婚禮。

在他的婚禮上，見到了很多很久沒見的舊教友，剎那間就好像會到了初中時代一樣。

完了婚禮，拍過照，道賀過以後，就跟團友們到莉莎食東西。

最後，各有各散。

>>June 14, 2004 at 4:12:19 PM GMT+8

2004 年 5 月 31 日 星期一 【晴】

今日起身之後，就開部腦寫埋 hv 未完成的稿。今次 hv 重開，要自己 post 自己的稿，彈性較之前大，而且，每月一題，都好過之前漫無目的咁寫。

今次，我以電影<<同居密友>>的女主角--少棠的身份，寫了一卦苦戀的信，再在信中加插了電影主題曲：醫生與我的歌詞。可惜新聞台不能支援 html，否則歌詞的部份便可突顯出來。

寫了稿，當然要第一時間 ul 上去啦~ 哈！我係第一個交功課的！yeah~

之後，當然係攪我部 mp3啦！setup 左個 programme,駁上 usb，按幾個簡單的制，就係咁就把電腦裡的 mp3 dl 到我部 mp3 到，真係又快又方便呀！yeah~~~~

>>June 14, 2004 at 4:08:03 PM GMT+8

2004 年 5 月 30 日 星期日 【晴】

之前在網上行以優惠價訂了一部 mp3，今日終於到手。

本身，個 sale 話要成兩點先到。點知，我一點鬆 d 就收到貨了。因為要趕番工，所以，拆起望了望，就拎本說明書走。

在番工的車程裡，我把說明書由頭到尾睇左一次，應該唔會咁難用掛！

好心急呀~~~ 好想快 d dl d 歌入部 mp3到，咁我番工就可以聽下歌了！yeah~

>>June 14, 2004 at 4:05:23 PM GMT+8

2004 年 5 月 12 日 星期三 【晴】

哈！今日睇 Alex 的遊戲書，知道佢都好鍾意香檳色玫瑰的！！

yeah~~~~~

>>May 14, 2004 at 3:42:37 PM GMT+8

2004 年 4 月 28 日 星期三 【陰】

今早起床梳洗後，到了大家樂食早餐，海皇堡早餐果然唔錯！食飽之後，望下個 call 機，嘩！！差唔多九點啦~ 要行快 d 先得。好彩今日唔塞車，可以準時番到公司。

番到公司後，如常的工作。

羅份學生手冊原稿去影印房加印，與貞姐閒聊時，貞姐話佢八月之後就要退休......下！退休？貞姐都唔係好大年幾姐，咁快退休！！講下講下先知，原來學校一早同佢講左，叫佢退休的.......唏~~~ 咁都得！

番到自己 office ，好想第一時間同同事講，但，明講又好似太揚，而且，貞姐都好似無乜異樣咁，若穿左出黎又好似唔係咁好，所以，我 send 左個 msg 出 counter，同 ww 講......ww好攪笑，佢好似比我更無奈......咁又係，學校口口聲聲話要有 "歸屬感"，但....... 哈！我都越來越心淡了。

臨收工時，收到靚仔 sir 的電郵，話佢已經把 "蕃薯"的網頁，改為 html......yeah~~ 終於可以睇到我的作品了！！......依~~ 好似有 d 出入喎......點樣先改到呢？......弊，唔曉添......我諗我都要花一段時間先可以改好了......

執好野之後，就落樓下小食部買野食......嘩~~ 多左好多野食喎....最後，我買左三蚊腸粉，四蚊魚旦......番到 office 食完野就過南座上 "蕃薯"堂。

"蕃薯"都係幾好玩，有好多好特別的效果都可以做到，唔得，我真係要睇下邊到可以搵到"蕃薯"的軟件先得！

>>May 31, 2004 at 3:19:44 AM GMT+8

2004 年 4 月 25 日 星期日 【晴】

公司有免費"蕃薯"學，當然唔可以執輸啦~

>>May 31, 2004 at 3:15:07 AM GMT+8

2004 年 4 月 24 日 星期六 【晴】

今日可算是節目豐富。


番完教會，就去牛池灣睇話劇 (數間中學的學生演出)。估唔到，d 學生可以咁勁，除左其中一間 d 水準低左少少之外，其他的都可算是超水準！由其是最後的一隊，佢地利用燈光效果，影像投射等，來帶出一對 Lover 到結婚到懷胎十月的過程，真係好正！


本來，今日要去 casting ，但因為下午我去左睇話劇，所以去唔到。其實我都諗住今年唔接戲架啦~ 不過若果又推 Eric，好似唔係咁好意思，點好呢~~ 不如先用 Bonnie 講，做幕後都無所謂啦~

>>May 27, 2004 at 5:45:38 AM GMT+8