2004 年 1 月 11 日 星期日 【晴】

唔，今日忙到死呀．．．朝早就出去見僱主，不過搭車既時間仲多過同僱主傾既時間，真係好costing呀！跟住下午就趕住做伴你．．．唉！好攰呀個人，好辛苦．．．到左夜晚，好在好少少，可以約老公去食飯，哈，我地去左食buffet呀！真係幾貴，本來都唔想食既，想同老公慳下，但係老公最後都話去食．．．

跟住去左個朋友屋企留下既club house度打波，嘩，真係好正，又有壁球打，乒乓球打，好似遲d仲有桌球同桑拿添，好鬼死正

>>January 12, 2004 at 3:46:55 PM GMT+8

2004 年 1 月 10 日 星期六 【晴】

哈，今日瘋狂左，同vivian一齊出左去旺角shopping，買左d新年既新衫咁，因為今年新年可以放到初七嘛，所以咪買多幾件衫咁啦，唔似上年咁，仲未有大假囉，要局住返工咁慘！

今晚係屋企食完晚飯之後，就走左去老公度訓．．．老公佢好累呀，因為去camp冇覺好訓，訓左得果三幾粒鐘咋．．．唔，要好好比佢休息先！

唔，聽日要早上出去見僱主，不過都好，唔洗咁早起身出門口，可以成九點先起都未遲，真係開心，不過聽日開始就係一連一個星期既伴你高飛．．．唉！好似好痛苦咁呀，好多野未準備，好似有好都野都未ready好咁，包括我既心理呀．．．又係衝既一星期喇，就連星期日都要去retreat camp，好慘，攪到我連屋企既團年飯都食唔到，唉，好攪唔攪，攪正係d咁既日子，咁近新年，仲要係星期日．．．唉，冇計啦．．．

>>January 12, 2004 at 1:23:56 AM GMT+8

2004 年 1 月 9 日 星期五 【晴】

嘩，今日好鬼死忙，忙黎忙去都係圍繞住攪伴你高飛既野．．．呀！好煩呀，好頭痛．．．而家最煩既係．．．老細話仲有成十萬蚊未洗，要我係兩個月內計劃下點洗左佢．．．講真，平時慳錢我就話得o者，而家要我洗錢，真係好頭痛架．．．唔係要晒命多錢，而係真係好煩，好頭痛呀！

今日天使社群入左營，唔，本來我都好想去，不過冇法要返工．．．唔，好掛住老公添，如果日日可以見到老公，可以係佢身邊陪住佢，咁就好喇．．．唔知幾時先有呢一日喇．．．唉！

>>January 10, 2004 at 4:20:40 PM GMT+8

2004 年 1 月 8 日 星期四 【晴】

唔，今日一朝早同老公一齊返工，跟住我就返屋企訓多一陣，等到夠鐘先至再返工．．．今日好忙呀，成日冇停過，出出入入咁，成日不停咁聽電話，見人咁，真係好累．．．放工之後仲去左老公度幫佢手攪佢既工作，唉，好辛苦，好累呀！足知而家成十二點幾先返到屋企．．．好在聽日返下夜O者．．．不過今日可以見到老公都好開心架．．

天使社群聽日入營喇，我就因為要返工就去唔到，真係可惜．．．希望佢地順順利利啦．．．願主眷顧佢地啦．．．阿們！

>>January 9, 2004 at 5:05:17 PM GMT+8

2004 年 1 月 7 日 星期三 【晴】

哈，今日淨係返夜晚一節，返去淨係看counter，真係好，可以free d 嘛！今日上午起身時，老公打電話比我，話佢都下午拎左OTL，淨係返夜晚，下午可以同我食飯．．．哈，我梗係開心啦，即刻飛去同老公食飯，行街，幾開心呀！不過歡樂既時光總行走得好快，話咁快就返工喇，老公就梗係照樣揸佢架BMX，載住我返工啦，哈！放工之後，老公又係照樣係門口等我載我返佢屋企．．．哈，好好FEEL架！

今日真係好開心，可以同老公一齊．．．不過今日老公突然問左我一個問題，我真係又驚又喜，唔識答佢呀！佢話：呀，你話我地幾時結婚好呢，睇黎都要計劃一下，睇下幾時要做D咩好丫嘛．．．嘩，我果時只係笑左一笑，跟住講笑咁講話：不如拎本通勝睇下有邊日好日囉！哈，點知佢竟然話已經買左今年新既通勝，仲拎埋出黎去研究添．．．我真係冇諗到一下子好似好快咁．．．講真，以前拍拖時，真係好恨嫁架，成日好想快D結婚！但係，而家好似又唔係咁恨，仲想玩落去，好似覺得好快咁．．．死啦，唔通我對結婚有恐懼感？好驚呀！不過，講真一句，我都係想嫁比老公架，因為我係好愛佢架囉！

>>January 9, 2004 at 4:46:10 PM GMT+8

2004 年 1 月 5 日 星期一 【晴】

今日成日都幾忙，朝早要上工作坊，下午又要出去學校做野，之後仲要見case．．．都係忙個不停！放工前，突然發生左d事，睇黎好似都幾嚴重咁．．．老細無段段叫我將工作交比另一個同事做，要求我聽日下午時間一定係中心，但係老細完全冇講過點解，跟住老細又叫我閂埋道門，同我講記住青見展翅既case每個月至少contact一次，咁我又唔知咩事，所以都應左佢一聲就算喇．．．跟住，又收到同事send比我地同事既msg，話聽日五點前要交晒青見既claim form．．．唔，我估可能真係出左事喇．．．聽同事講，聽日原來會下午時開一個urgent mtg，係關於青見展翅既．．．唔通，同老公上次提過既投訴有關？好似話有個女仔投訴個青見個案經理，話個個案經理第一日見佢時已經鬧到佢喊，好唔尊重佢，仲從來冇搵過佢添．．．嘩，唔係我有同事奶野卦？真係好驚，老細好似好勞氣咁，又好似好著緊咁（雖然佢無論咩事都係咁．．．不過今次件事好似非同小可，聽到風聲話好似真係有同事衰左，不過唔知係咪關呢件事事喇！）

真係好驚，雖然我估我d仔女都唔會咁整我，不過都好驚架，因為我d claim form一d都未簽過名，聽日仲唔攪下就一定比人鬧死喇．．．好驚！

>>January 6, 2004 at 3:46:06 PM GMT+8

2004 年 1 月 4 日 星期日 【晴】

今日同個朋友仔傾電話，聽到一個唔多好既消息．．．其實一方面好驚，另一方面都好擔心．．．寅係唔知件事幾時先可以有一個真相大白出來，好令人匪夷所思既事情．．．其實，我相信比人欺騙既感覺係完全唔好受架，我好明白比人欺騙既感受，因為我亦曾比人欺騙，仲係好透徹果隻．．．所以，希望神可以襲我地早日對件事有個明白，等我個好朋友唔洗比人呃得咁透徹同咁耐啦，因為真係好痛苦架！

今日放假，特登去整左個靚髮，我電左個靚頭呀，好開心，雖然有d肉痛呀，因為都幾貴，不過最緊要靚靚靚．．．因為我唔可以再比人話我個樣成日都好累，好冇精神咁喇，我要決心整靚自己個樣，yeah~

>>January 6, 2004 at 3:08:01 PM GMT+8

2004 年 1 月 3 日 星期六 【晴】

嘩哈哈，而家係零晨四點幾喇．．．今晚返深宵，好慘呀，又要捱夜喇．．．今晚一返到中心，見到老細坐左係間房度，都已經心知不少，知道佢好似有心留到咁夜咁．．．後來問番同事，先知道原來佢係本來走左，後來再返番黎中心．．．唔知佢有咩用心喇．．．唔通佢想睇住我地班野，唔好比我地作反？哈，可能見到我地四個出深宵，知道我地一定玩餐死喇．．．哈！

今晚出深宵真係好攪笑，因為成日不斷有好多令人啼笑皆非既事講，尤其係講同事既是非啦．．．哈哈！不過真係好累呀，尤其今晚無段段又要entertain兩個女仔，唉！真係煩，而家佢地仲未可以返屋企，我地要等到幾多點先可以走人呀．．．好眼訓呀！

>>January 3, 2004 at 8:23:13 PM GMT+8

2004 年 1 月 1 日 星期四 【晴】

哈，今日終於叫做放左一輪假後返工既日子．．．真係好唔想返工，好想繼續放假呢！不過返到黎都好多野做，又要見case，又要當值咁！

食晚飯時好開心呀，老公佢特登過黎搵我食飯，佢揸左架私家車黎．．．雖然係bmx，但係都幾好feel架，佢車住我去食飯，又車番我番去中心，其實都幾有天若有情feel架．．．haha~ 達到我以前細個時對天若有情既暇想！

>>January 3, 2004 at 8:19:19 PM GMT+8

2003 年 12 月 31 日 星期三 【晴】

今日訓醒時已經係下午喇．．．鬼咩，琴晚都訓得唔多好，加上老公佢病左，要訓多d，點知我就跟埋佢訓，哈，訓到成兩點呀！

後來，老公真係病得太勁，都係要同佢去睇醫生，所以都帶左佢去．．．嘩，傻架，去到診所勁多人，唔通個個都一樣係正放假時病？哈！醫生話老公佢超級傷風呀，所以d藥會落重d．．．好在老公佢聽日同後日都放假，咁可以有多少少時間休息一下嘛！

唔，老公佢原來今日睇左我琴日既日記．．．佢知道我好唔開心呀！所以特登推左同朋友既約會，陪番我．．．我好開心，雖然老公病左其實都唔多開心，係好擔心佢，但係我都好恩惠老公佢錫我．．．．

>>January 2, 2004 at 4:00:43 AM GMT+8