2004 年 3 月 8 日 星期一 【晴】

今日返工只係返下午一節咋，不過早上就去左睇醫生．．．唉！咪又係氣喘囉，仲有乜野丫，我星期六同日要去行山同埋入camp呀，唔睇唔得啦．．．我真係好驚行行下山突然又唔妥．．．唉！所以死人都要睇一睇醫生啦，我又唔想請病假喎，因為我知六月要做appraisl喇，果時就會知道我會否被續約．．．我而家係外展方面真係冇乜表現咁，但係其他地方我就真係做左好多野，好忙．．．不過都冇計，外展方面都一定要努力，如果仲唔搵到一班group番黎，我都唔知點喇．．．一定要努力！我好驚呀，越諗越擔心．．．唉！好大壓力呀！另一方面知道而家自己有個project跟緊既將會係出年既重點出擊．．．我好大壓力，好怕做得唔好呀！！

>>March 10, 2004 at 3:39:24 AM GMT+8

2004 年 3 月 7 日 星期日 【晴】

唉！今早一朝出左去城大，幫個同事做宣傳，都冇問題既，最死係要一早起身o者，係眼訓左少少，真係好累呀！不過下午都好少少，唔係太忙．．．點知．．．就咁出事，係我六點打算放工走人時，突然有突發事發生，我要去警署幫四個女去報案．．．唉！後來足足攪左成三粒幾鐘先至可以走，我成九點幾先放工呀最後．．．好辛苦，好慘，好肚餓．．．唉！返到屋企拿拿林食完個飯之後，又要即刻寫個enquiry比老闆，唉！好辛苦

>>March 8, 2004 at 3:31:39 PM GMT+8

2004 年 3 月 6 日 星期六 【颳風】

哈，今日天使社群開會，真係有少少覺悶，因為我真係好累，兩晚都唔係好訓得到，而且都好遲先訓，又好大壓力，所以今日真係好累呀！後來開完會之後，同老公去左樂富行左陣街，哈，老公同我去左間文具店度抽蛋呀，好開心，抽貓貓呀！仲抽到一SET添，好開心呀！！跟住夜晚去左屯門市中心，同屋企人食飯，雖然係我請，都幾貴，不過都開心既，因為好耐冇試過一家人咁開心食飯喇．．．

>>March 8, 2004 at 3:20:34 PM GMT+8

2004 年 3 月 5 日 星期五 【颳風】

hehe~ 今日個講座好順利呀，我今朝番到中心即刻整番好個powerpoint，真係比我整到，好叻呀！我都係琴晚聽過老公講一次點樣將一個蟒片放入個powrpoint度咋，所以我今次好叻叻呀！講完個講座之後，個主任同埋個SGT都話好，尤其係個短片呀！真好彩，如果冇左個短片，真係好失色不少喇．．．好在最後都整番好．．．

跟住放工之後同左老公食飯，跟住去左約個好姊妹去左青衣城食TEA行左陣街．．．我地傾左好多野呀，好開心呀！唔，希望好姊妹既煩惱可以快D過去，仲有，希望佢真係可以想清楚自己想點同埋點做啦．．．

今晚又係老公度訓，因為聽日要天使社群開會呀！唔，都係早D訓啦，聽日又一日架喇．．．

>>March 8, 2004 at 3:12:09 PM GMT+8

2004 年 3 月 4 日 星期四 【微冷】

哈，今日去左老公度訓，因為聽一朝早要入學校講talk呀！不過好唔開心，頭先未放工前，仲係中心好努力咁整緊聽日要用既教材，好多野整理呀，不過好在後來都整好．．．本來諗住燒左伎碟拎番屋企，可以準備一下，點知返到屋企發現個powerpoint裡邊既蟒片開唔到喎，好慘呀，整唔到之餘仲好擔心聽日會用唔到呀！唉，點好呢，唯有聽日早少少番去整下，睇下整唔整到啦．．．希望可以順利啦

>>March 8, 2004 at 3:04:31 PM GMT+8

2004 年 3 月 3 日 星期三 【颳風】

今日好勁呀！直踩三節呀！一朝早入學校開組，跟住下午就開會同當值，真係好忙．．．夜晚今日要去上堂呀！真係好充實，學到好多野，而且同埋兩個同事一齊去上堂，真係好開心呀！因為一邊玩一邊學野，不斷問問題，又係度攪氣氛，好好玩呀！希望下堂都係咁好玩就好囉！
唔，聽日去老公度訓，真係好，因為好耐冇見過老公喇．．．足足成五日喇，真係好掛住佢呢，希望快D到聽日啦．．．

>>March 4, 2004 at 4:21:37 PM GMT+8

2004 年 3 月 1 日 星期一 【乍雨乍晴】

唔，今日放假呀！不過都好早起左身，因為要去陪媽咪做d野呀，所以要一早起身喇，好死累呢．．．不過後來都有同媽咪去行街，都開心既，而且都有少少收獲咁啦，哈！

唔，老公今日又返工返三節喇，見佢真係辛苦，好擔心佢呀！成日都為左工作而冇時間食飯，又冇得休息喎，真係慘！希望佢既工作可以快d 完成，可以快d有時間休息下啦

>>March 3, 2004 at 3:12:43 AM GMT+8

2004 年 2 月 29 日 星期日 【暴雨】

今日要返三節呀，因為夜晚果節係去職員聚餐囉！不過唔制呀，又抽唔到獎呀，好唔開心．．．不過今次我地中心真係好好收獲喎，我地總共有成十幾份抽到既禮物，仲有唔少係大獎添，好似有pda啦，手提啦，dvd連音響設備啦，等等．．．數之不盡呀，我地今次都算幾旺場架喇．．．雖然我抽唔到，不過都唔係唔開心既，同班同事一齊玩遊戲，都好開心架．．．加上飲左少少紅酒，都有少少high high地架，哈！d野食都唔錯既，同上次一樣食自助餐，都幾好！

另外，知道老公今日做野做到好夜呀，已經返三節啦，仲要成十二點先至走人．．．做工做到咁都幾辛苦．．．點解我地呢行咁慘架．．．唉！希望老公佢可以多d休息啦．．．

>>March 1, 2004 at 4:27:31 PM GMT+8

2004 年 2 月 28 日 星期六 【晴】

唔，今個月係潤月，所以有二十九日，真係一日好特別既日子．．．不過對於我黎講都唔係咁特別，因為要返工嘛，哈．．．今日返工冇乜心機做野呀，因為真係唔多想做野．．放左工之後，就心癢癢想行下街，所以就叫左妹妹出黎陪我行街．．．哈，其實就係買生日禮物比佢，佢梗係死人都要出黎啦．．．不過冇所謂，最緊要佢開心o者，係咪？跟住就行左一陣街，都冇乜收獲呀！

>>March 1, 2004 at 4:20:25 PM GMT+8

2004 年 2 月 27 日 星期五 【晴】

哈，真係開心，終於等到28號喇．．．因為終於出糧喇，真好，等左咁耐終於到呢一日．．．因為上個月新年早左成半個月出糧，所以今個月真係捱得好辛苦呀！加埋上個月開始減人工嘛，所以真係捱得好辛苦，不過而家終於有$用喇！哈！

今日淨係返夜，所以感覺上好似放假咁，今日起身果時已經係十二點幾喇，跟住就同老公一齊過市中心，因為琴日約左媽咪同妹妹去飲茶．．．本來諗住去稻香飲既，不過實在太多人喇，所以都冇等到（哈，真係妙，乜唔係經濟低迷架咩，點解都咁多人有$去飲茶架呢？)後來都係去左美心飲，我請呀，好貴呀，成二百幾蚊．．．有少少肉痛！不過冇計，一個月總有一次架啦，係咪？跟住飲完茶行左一陣街就要返工喇，真係唔多想，哈！

返工果時都冇乜特別野做過，不過最重要係又要傾年度計劃囉，好死，一講起就頭痛．．．唉，聽日又要返工喇，真係唔開心．．．星期一都要呀，仲係要踩三節呀（夜晚去食職員聚餐，哈！）．．．

老公今日同左d仔去行山，要聽日下午先返．．．唔，好掛住佢呀！而且見到d天氣又好似唔多好咁，都有少少擔心佢，而且知佢今次行條路都唔係咁易行架，所以．．．希望佢地順順利利啦！

>>February 28, 2004 at 4:22:54 PM GMT+8